影片
听咗M先生极力推介呢间，阿妈行楼梯都要嚟食㖞。跟住佢介绍嘅嚟叫。粟米斑块，热辣辣，皮唔够松，浸落啲浓稠适中嘅汤芡都几好味。原本担心2岁嘅姪女唔食炸鱼，点知佢食完呢样唔肯食饭😂烧鹅，唔够热，但啲皮好脆仲冇乜肥膏。瑶柱蛋白炒饭，就姪女口味走葱，点知佢挂住食鱼唔多食。啲饭炒得够干身，饭底有落汤。姜葱蚝，烫口，蚝味重。蛋黄虾，都几大只，虾肉唔够弹，但个蛋黄起沙，咸味刚好，$78有十几只。杂菜煲，味道几清，好多材料。果皮蒸鲍鱼，大过只匙羹，软嫩鲜，$68半打，正！整体味道偏淡口，因我食完连轻微味精反应都冇，脷都冇变嚡。下次我要嚟食龙虾！
继续阅读
本人第一次写食评，系因为太过激气 事因系叫咗两罐可乐，个侍应拎咗两罐完全冇雪过既可乐，我地话唔冻，佢就话加冰饮，我地话咁你个经理来(因哩间系火锅店)跟住个部长就走来话(唔冻咪加冰饮啰。。(仲要好劳气))仲话使唔使咁麻烦呀 之后同个店长理论，店长就叫部长道歉，个部长仲好寸咁话，(讲咗唔好意思啦，系咪太细声听唔到呀)我朋友话(系)，因为佢跟本冇讲！！！而咁啱隔离枱叫咗龙虾，点知来到D龙虾灰黑色(似唔新鲜)叫店长理论，店长话一定系新鲜，之后走咗去…等咗成十分钟都冇人理，佢地再嘈，要求取消单，后尾先处理。。。 哩间D质素太过份。。服务态度极差。。连收银员都系，因要自行去埋单，我要求要收据，而个收银员揾咗五分钟先揾到单簿，写完之后黑面比我 咁嘅公司迟早折
继续阅读
今日lunch 自己一个，又唔想再食快餐，于是去饮唐茶，等咗一阵就有位。 谂咗好耐终于谂到食一碟叉烧饭，点知原来碟叉烧真系好好味。 叉烧唔肥，又好林，又够热，食落又有口感。总之就系喜出望外拉 加埋加一茶芥45元坐一个钟，very good
继续阅读