厚興瑜記手撕雞 (已搬遷) 新店位置

每次衝衝忙冇乜時間食飯就會幫襯厚興，而好像不知不覺間雞飯成了我的comfort food。一個簡單的雞飯有例湯仲可以揀青瓜海蜇和雞腎等配菜，其實真係幾好旺角的厚興除了雞飯，還有麻醬麵選擇！！

從團購網得知有間厚興瑜記賣手撕雞，好像甚出名、老字號和多分店，見半價三十幾元便有3款材料，價廉物美，於是便落了單。此店只做外賣，所以裝潢是沒有了，店內職員亦只得2位亞姐，但眼見舖面算甚整潔，一整盒內含手撕雞、雞腎和鷄腳 (二人份量)。手撕雞即叫即撕，去骨雞肉肉質冇預期中滑溜，但好在雞味十足，可以配上黑醬油和薑蓉來提味 。腎很入味爽口，比主角還要出色、口感豐富。 鷄腳偏硬又不太惹味和軟腍 (是店員推介的 ) 。如果要以正價肯定不會買 (即使送左$3現金券 )，因沒有大太驚喜，合格而已。

今日陳生送外賣，嚟咗我屋企痴餐，好在佢識做，識得斬埋料上嚟！ 主角就係好多地方都有嘅「厚興瑜記手撕雞」，本小姐一盡地主之誼，陳生出手撕雞，我就出豉油，白飯&炒蛋。由於個人對手撕雞無乜興趣，所以即使「厚興瑜記手撕雞」開到周街都係，我仍然未試過。手撕雞由半隻雞之不同部份組成，亦有雞碎，肉質有鞋有滑，還可以啦。略嫌麻油味不夠香，一試就知唔係選用小磨麻油，芝麻粒可以多番少少。至於雞腎搭雞腳，薄切雞腎爽口得嚟又野味，全場至好食，雞腳食落有怪味，好似醙醙地，可能洗得唔夠乾淨掛！食咗兩隻就停止了，團購價全部夾埋$38，尚算抵食！喜歡手撕雞的朋友，我高度推介比你！

平安掃街夜第2站來到也是位於街市之內的厚興瑜記手撕雞，買盒手撕雞回家當宵夜！下單後店員就為我們拿出半份雞肉，開始拌入數種調味粉令雞肉味道更佳！手撕雞(半隻$38)手撕雞份量很多，足有半隻，雞肉撕得比較大片，可以啖啖肉！雞肉很嫩很滑，肉味很濃！雞皮爽滑！伴入芝麻蒜鹽等調味料同吃，相當好吃！如果也有芫茜就更佳了！

最近聽聞中山有家手撕雞超有人氣的, 一下子的在香港不斷開了廿多家分店! 雖然店鋪多是在九龍新界地區, 但天天都大排長龍的做外賣, 人人都說平,靚,正!這晚在廟街吃完煲仔飯, 發現了附近居然開了一家! 不過就沒有所如報導一般的長龍, 反而門口只有小貓三,四隻. 不用排隊, 當然是抓緊機會買盒來試試了!這家來自中山石岐的手撕雞店原來當地也巳經開了廿多家分店, 受歡迎的主要原因是因為這家店自設農場, 全部用的是新鮮走地雞, 每天都會把雞急凍運來香港, 有ORDER便即撕, 聽起來幾吸引.來到旺角這家, 看到裝修頗為簡陋, 門面有著非常濃厚的神州味道. 開始有點擔心衛生問題. 還好內裡只坐著2,3個阿姐在切雞撕雞, 眼看不算太污糟, 幾企理. 一位操有石岐鄉音的男子在收銀. 店子賣的東西就是單一的雞. 但除了雞肉之外, 也有其他部份如雞腎, 雞腳等單買. 看看價值HKD$76有一整隻雞又不算很貴. 不過第一次試, 不想中大伏, 唯有先買半隻試試.不用排隊之下一盒手撕雞不到3分鐘便到手了. 半隻雞其實份量不算很多, 因他們的雞隻比較小一點. 面層洒滿了芝麻, 雞件也混了自家製的調味醬, 入口非常

記得有一晚媽媽打黎話我知 , o係百佳買左 pack 手撕雞 ,佢o係評語 , 搵笨o既 , 下面全部都係骨 , 得好少肉食 ~o個時我己經話佢知 , 我食過一間好好味o既手撕雞 , 搵日買比佢試今日我地食完 lunch , 就出發去厚興瑜記o既呢間分店 , 買左半隻手撕雞同一盒雞腎 , 用黎夜晚做送 ~今次所見 , 無左即場拆肉o既阿姐 , 變成o係雪櫃放好一個個盒 , 要半隻o既 , 佢就開一盒半隻份量己撕好o既捯出黎撈醬汁 , 一路撈一路聞到香 , 沙薑 , 芝麻碎 , 麻油 , 濃郁撲鼻 !!晚飯時間 , 有份分享手撕雞之美味o既仲包括細佬女朋友 ,佢一試 d 雞肉就話好好味喇 , 細佬就覺得咸左 d ,我覺得仍然保持高水準 , 正宗石岐佬土雞 , 幼滑細緻 , 連淨皮都係爽嫩味美o家 ~ 骨o既部份因為沾左咸香o既醬汁 明明見到無乜肉都忍唔住放入口咬下 , 感受其麻香 ~雞腎味道大致一樣 , 細細片唔會韌 , 味道無咁濃 , 好味 !!## 同屋企人分享自己鍾意食o既野 , 見到佢地都讚好味 , 真係好開心o家 =)分店繼續有增無減 , 同大家一樣 , 都開始擔心會加價喇 ,

同事話手撕雞好正, 今天決定加餸我叫左半隻，剛好有半隻撕好左，就即場加入麻油，沙薑汁，秘裝醬料，再加上芝麻，$38 大大盒滿晒雞肉好嫩滑 , 咸香味美 , 仲好夠凍

晚上家人買左兩盒手撕雞黎加料家人話呢一檔黎經有人係度排隊既今次難得佢就收工所以唔洗排隊於是就買返兩盒黎試下雞係買哥陣即刻有撕既但賣相真係好一般，的確無斬既咁靚食落雞係夠滑，夠鹹香稍嫌鹹左少少，相信如果餸飯既鹹剛好，講緊$38半隻雞都幾大盒，都幾抵食

早想一試這間近期爆紅，連續開了多間分店的「厚興瑜記手撕雞」，可惜它的分店不是在天水圍、屯門便是在粉嶺、沙田，再不是便是在荃灣、藍田等地區，即使最近自己的一間，也要去到長沙灣，實在十分不就腳，所以始終緣慳一吃。幸好最近它終於在旺角廣東道街市中開了第四十四間分店，我也因此可以一償心願，一快朵頤。沒錯！這間旺角分店是「厚興瑜記」的第四十四間分店。自從「厚瑜興記」這間來自中山石岐的手撕雞專賣店進軍香港市場，在天水圍開了全國第三十一間分店後，便大獲好評，口碑載道，以廉宜的價錢和優良的食物質素打出名堂，實在難得。這一天，特地來到這一間「厚興瑜記」的旺角分店買雞和雞腎，也許因為是新開業的關係，前來買雞的人不是太多，雖然仍然要排隊，但很快便輪到我了。叫來半隻「招牌手撕雞」，再加「雞腎」，加餸外賣回家。店舖地方不大，店內只得一位男店員負責收錢，並把客人叫的手撕雞與調味料撈勻後交予客人，一旁的兩位女店員則負責把原隻雞肉逐塊撕開。手撕雞份量頗多，調味亦佳，雞件皮光肉滑，黃澄澄的雞皮泛著油光，雞肉嫩滑入味，這店子以麻油、沙薑粉等為主的調味果真有一手，吃來味道適中，惹味而不會過鹹，加上撒在雞件上的芝麻，更加香濃