印尼美食館

营业中

休息中

依日出銅鑼灣聽講座，由於朝早食咗幾飽肚嘅早餐，所以聽完講座先食late lunch 😁 心血來潮想食印尼嘢，但又食當地人開嘅餐廳，最後揀咗依間先下～🍛 印尼雜錦黃薑飯 😋😋😋😋依碟雜錦飯嘅配菜比想像中辣，彩色蝦片細細片，有花生🥜、豆卜、豆角、半隻蛋🥚等…… 黃薑飯係粒粒分明，黃薑味濃，整體係好惹味！🍹 珍多冰 😋😋😋😋珍多冰內一條條綠色嘅「珍多」有斑蘭香、口感爽，椰漿同糖漿撈勻香甜，亦唔會甜到溜 😊午餐 💵💵 約港幣$100/人💁🏻‍♀️ 依間印尼餐館裝飾簡單，有好幾張長形大枱，而門口位置專賣印尼乾貨、小食同雜貨～ 落單店員係🇮🇩印尼人，都識講廣東話，menu亦有中文翻譯 👍🏻 而店內都有唔少印尼華僑幫襯🙆🏻‍♀️ 最後，喜歡嘅話，歡迎follow @foodirectory.hk！

正宗印尼餐廳，老板與服務員皆懂印尼語，雜綿黃薑飯Nasi kunning campur是我的最愛，黃薑飯是印尼新年食品，配上印尼配菜，肉，魚干，蛋，蝦片，一碟已經能品嚐各類印尼食品。

之前經過呢度已經好想試吓佢嘅小食糕點，糕點選擇十分多，而每一款糕點都係我好少見嘅印尼糕點，點知一食就上癮！完全值得消耗卡路里！——————斑斕椰糖糕點 HKD10呢個斑斕椰糖糕點真係冇得輸！以呢個價錢食到呢個質素，仲要喺銅鑼灣呢個地段！真係開心到飛起！斑斕味香，完全食得出新鮮斑斕嘅味道，椰糖亦都十分正宗，完全係驚喜之作！糯米雞 HKD10冇錯，佢的確係叫糯米雞！但係好食過香港嘅糯米雞好多！糯米軟糯，口感非常開心，唔會過硬！超欣賞！而且內餡係印尼香料醃製嘅雞絲肉，成個配搭真係10分完美！完全想像唔到係咁好食！佢算係一種鹹點，所以如果午餐食兩個真係會飽！——————評價：誠意之作銅鑼灣印尼出色小店性價比極高推介指數：❤️❤️❤️❤️❤️（五個心心為滿分）

因家裏親戚有印尼華僑，所以自少都會有機會食印尼菜。一直感覺印尼菜比較 “水椰椰”，比較稀同埋淡口。但呢間餐廳早兩年經過已經想試，一直 save 低 在 Openrice 裏面。今日在附近找地方 lunch，想起禮拜六應該不會太滿座，兩個人12:15 左右去到，不太滿。餐牌有中文的，所以大家叫菜不難。今次選之前未試過也未聼過的：Mie Ayam Special (鷄肉牛丸撈麵) - 牛丸好嫩，口感好似牛仔肉一樣，放在表面的印尼炸雲吞是無餡的，但都好香。鷄肉都好香，麵的口感都好有彈性。Nasi Kuning Campur (印尼雜錦黃薑飯) - 好香，味道好濃 (可能大家會覺得咸，但我覺得  OK)，有牛肉同鷄肉在裏面，食完感覺好飽滿。另外就是在其他 Openrice 食評有其他網友推介的鷄肉沙爹，真係好有肉汁好嫩。飲品就在可預期之内，叫了個奶茶 (Teh Su Su)，都不錯。午飯時間好快就坐滿，樓面只有一個員工一脚踢點餐、送餐同埋門口小食、甜品的外賣，大家要俾d耐性。有位老人家 (可能是老闆娘? 操粵語、客家話同印尼話的) 都好友善，好喜歡同客人傾計的。今日來食飯，感覺好良好，以後如果

喺op 見得兩個好評都膽粗粗黎試下 一試有驚喜😆✨沙嗲雞肉串六串 $72個醬汁教得幾好味 好香濃花生味 😋 雞都燒得唔錯 幾嫩 推介👍✨巴東牛肉飯 $72有超多料 除左牛肉之外仲有辣炸薯仔 辣嘅蛋 花生魚仔 醃瓜 每樣餸都超惹味 撈埋一齊食啖啖都咁好味 🤤✨加多加多沙律 $65聽個名都唔知係咩黎🤣🤣原來入面有黃芽白 薯仔 豆 豆卜豆腐 係暖嘅沙律 撈埋啲沙嗲醬幾好食😋 總括黎講啲食物味道都好好 好惹味😋😋 CP 值高 環境方面係間小店 得十零廿個位 不過都好乾淨企理嘅 而且夜晚冇乜人 坐得都好鬆動味道❤️❤️❤️❤️抵食❤️❤️❤️❤️💔服務❤️❤️❤️環境❤️❤️❤️💰晚餐人均～$100✅再幫襯

4-5點有點餓又未到飯點 所以去試下呢間小店對上一次試過旁邊排隊既ban ban 今次試埋旁邊呢間標榜印尼傳統糕店小店 我一共買左5件野分別係：斑蘭黃金糕 2件 斑蘭椰汁糕 木薯椰絲糕 牛肉薯波 返到公司整熱少少同同事一齊開心share 估唔到有驚喜先講甜野 ：斑蘭椰汁糕 以為佢一糕綠色煙煙韌韌既糕 點知佢裡面有餡 斑蘭糯米外皮包有椰蓉做餡 頂再加椰汁糕 成個富士山甘 真係好有驚喜！同事話食到係咸 但我食到係甜 斑蘭黃金糕 用左膠紙包住 得返最後兩件 我買左 之後研究過點整黃金糕 原本係好難整得好 不過我呢件又發得好好 鬆軟有彈性 木薯椰絲糕 呢個我係新加坡食過 佢個味就係似好淡既糯米糍外包有椰絲甘 味道正宗 唔太突出最後係咸野：牛肉薯波 呢個放焗爐焗熱之後好正 佢好多餡 餡係細個時食咖哩包既味 食到少少一粒粒薯仔 香脆好味 我諗中午果時食2件都飽左

#throwback 放假最啱就係寫食評😎 今次想推薦一間我經常去食嘅印尼餐廳💁🏻‍♀️ 我本人耐唔耐就會去食印尼嘢，食過唔少印尼餐廳，而呢間我係由佢舊址搬到去新舖都仲食緊😂 只可以話呢間嘅味道最夾我口味😝呢間餐廳劃分咗幾個區域，除咗用餐區，近門口位置係賣印尼雜貨、小食同糕點🧆 店舖右手邊係找換店，供在港外傭兑換貨幣及購買機票🛫 我發覺唔少印尼餐廳都會用盡店內所有空間，經常都見到佢哋會劃分區域去賣印尼小食糕點及零食，不過店內有找換店真係第一次見👀食客大多數都係印尼人，人多起上嚟，坐得都比較逼。店員都係印尼姐姐，態度友善，都識講流利廣東話🤭 ❤️ 大辣醬炸雞飯 配通菜 $80呢間價錢喺印尼菜嚟講都算中等價。可以揀雞胸或雞髀，我就當然揀雞髀啦！炸雞髀大件，炸到金黃酥脆，唔會炸得太乾🍗 淋上香辣嘅Penyet Sauce，真係好惹味，一邊食一邊辣到口水不停分泌，係過癮嘅😆 另外，次次叫炸雞飯都一定要跟呢個通菜，好正！個通菜好有鑊氣，落咗蝦醬同蒜粒去炒，鹹鮮美味😙 炒得通透，唔會好油亦唔會炒到出太多水浸腍咗💦❤️ 沙嗲串(3串牛+3串雞) $70串燒肉質好腍唔乾，有焦香，醃得入味，超多醬！佢嘅秘製吵

一入到去就有一種熟悉嘅氣味飄來係煮印尼嘢專有嘅香料氣味就知道呢間嘢夠曬地道不斷有印尼歸僑同印尼人幫襯門口亦放咗多種嘅印尼點心賣事實上呢啲嘢喺印尼唔值錢但係嚟咗香港有奇貨可居嘅感覺價錢起碼貴印尼五倍但係當然燈油火蠟人工喺返到老闆娘係印尼歸僑亦都有唔少印尼人喺度幫手老闆娘個口罩淨係遮住個口入面個廚師亦冇戴口罩感覺上危危乎買外賣都有少少膽戰心驚嘅感覺佢嘅巴東牛肉好咸沙嗲就唔錯印尼炒麵唔係地道嗰隻印尼麵唔會再叫乳鴿炸得好燶黃薑飯好味道十五夜飯糰非常好不過的飯團就細粒咗啲整體上不過不失會再返去