影片
食家推介
我同我女朋友已经帮衬咗呢间铺头好耐。以前佢既鸡扒嘅质素非常之好，令我回头不少次。 但系依家鸡排嘅质素真系低到惨不忍睹｡ 鸡排真系薄到成张纸咁，毫无质感，体验极差。虽然佢冇加到价，仍然都系35蚊一块，但系质素奇差。 身为一位熟客我真系对佢失望顶透，每帮衬一次就失望一次。事实系我好想揾翻当初既质素，所以一次又一次比机会佢，然而佢只系越来越无料，恐怕系转左来货商，鸡排既质素, size等等都唔再值呢个价钱。我已经决定放弃。。想食鸡排既，千祈唔好帮衬佢。😡😡
继续阅读
经过依间只卖沙嗲～铺仔细细间谂住支持下～感觉应该开咗好耐～就试吓个沙嗲好唔好食先～可能唔系食饭时间冇咩人排队叫咗两个饭外卖返屋企慢慢叹巴东牛肉饭分两个份量有两块或者三块～我叫咗中份量有两片牛肉～不过块圆形牛肉细得过分～汁又唔系好多～味道还好唔系特别好食沙嗲猪扒饭汁比另外个饭多～不过卖相认真麻麻～见到都冇咩胃口～猪扒又细块不过叫试吓啰～应该冇下次～疫情期间依个价钱认真唔抵食～外卖自取其实仲有好多选择
继续阅读
留意左呢间小店好耐，平时行过都闻到阵香味，但因为无堂食关系，之前一直无试。最近疫情严峻，尽量选择外卖，减少在外逗留时间，所以终于有机会试下！沙爹鸡脾饭打开饭盒闻到好香沙爹味，卖相望落好似黑黑地，但食落无焦㶶味，鸡脾肉仲好嫩滑。沙爹汁系偏向花生味，完全唔辣，捞饭好食！（如果用黎捞面应该仲正！）饭盒边仲有花生，银鱼仔同菜。同事搭单柯打鸡肉串烧，佢地都话好好食！Openrice个外卖自取新用户优惠买满$40减$20，虽然个价钱贵左$1-3，但都抵食！
继续阅读
一直都想试下呢间印尼小店，今日终于的起心肝走过去。呢间位于红磡既印尼小店主打外卖，舖面只有一张小圆枱。我今次见左个外卖: 巴东牛肉饭，百香果奶昔沙冰。虽然主打既应该系沙嗲串烧，不过今次食唔到咁多，留番下次。巴东牛肉饭有分大/细，就系在于3旧牛肉同两旧既分别。而我就拣左大。一打开盒饭，三旧巴东牛肉同埋啲汁好香，配埋黄饭，花生，鱼干同条菜，色，香已经有，巴东牛肉佢地拣既系厚身牛，啖啖肉好正，汁同黄饭都好夹，味道好好，唔知算唔算系太迟黎呢最后系连餐加钱换既百香果奶昔沙冰，佢系偏向流质，唔会话饮到最尾重有成旧冰系冰，佢地连百香果既籽都有，可见诚意满分，而唔系就咁用糖浆去开。下次要试埋串烧先得!
继续阅读
之前经过筲箕湾东大街的印尼沙嗲屋，被串烧香味吸引， 好想食，但原来在红磡开了分店。 老板很友善好客热情，特意搬小枱在店舖外面，空气流通方便我二人进食， 他我们等得太耐，跟我们聊天，因鸡扒芝士流心太厚，鸡即叫即炸，制作需时要耐心等候。
沙嗲羊肉 $15沙爹猪肉 $14
沙嗲牛舌 $17印尼串烧的精髓是沙爹酱， 不辣味道少甜，夹杂著粒粒的花生碎，串烧即叫即烧，羊肉带点肥膏，带油香，十分香口，无带点膻味。手掌芝心鸡扒$35鸡扒皮脆卜卜肉质嫩滑，很多肉汁，一点都不干柴，芝士一涌而出， 淡淡的芝士味， 食落不会觉得太油腻，外皮炸得很脆，味粉调味适中不会太咸， 鸡扒的确是一只手掌的size。
继续阅读