盧鬚記 (已搬遷) 新店位置

以前去南丫島多數係去榕樹灣BBQ, 索罟灣比較少去，印象中係多海鮮餐廳🙈 今次係索罟灣既廬鬚望住海食lunch，令我諗起克羅地亞Lopud，遠離市區既繁喧，吹吹海風 好chill💙餐廳壁畫係老闆娘女兒畫，好有小島風情，好有渡假feel😊招牌牛腩飯好正，牛腩炆得軟腍入味，汁有微微鮮茄味，好開胃。最吸精係飯上既荷包蛋，煎得好完美，仲要係我鐘意既橙色蛋黃😍呢到仲有好多手工啤，等天氣暖啲，一定會再同朋友入黎啤一啤😉

由榕樹灣行到索罟灣，第一間就是Lo So Kitchen。一間酒吧式裝修的餐廳。老闆娘很Nice的介紹有下午茶。本來我們已經路過了去到碼頭，不過原來還有一些時間才有船，於是便走回來嘆支啤酒。兩個人只點了一個下午茶，跟餐有汽水。而浪子我則選了一支頗有特色的啤酒。終於食到薯條了，友人是無薯條不歡的。在榕樹灣土耳其餐廳沒追加的薯條現在終於有得食了。德國腸是類似牛仔腸一類，腸衣脆口，烤得恰到好處。薯條是即炸的，少許椒鹽，也不算老色。這支啤酒是在云云幾十款啤酒中揀的。想不到他們入口的啤酒款式有這麼多。喝第一口有點像雞尾酒的香味，不算多泡。這兒的服務是家庭式，個個都面帶笑容，很開心的。而且附近亦有一些熟客，感覺上很親切很有小島風情，就連我們這些外來人也可以感覺得到。海景雖然沒有拍下，但坐在那邊真的很舒服，藍天碧海，聽海濤聲，加上一支冰凍啤酒，簡單就是一件賞心樂事，亦為我們這個南丫島之旅作個完美句號。埋單$144，最值得的不是食物，而是人情和風景。

由索罟灣上岸一直行到尾，最後一間餐廳就係loso kitchen當日去到正好午飯時間，每一款lunch set包$18飲品咖哩牛腩非常足料牛腩煮到好淋，超入味~加上半熟煎蛋！！！大愛豬扒+炸蝦入面加埋香料，醬汁我十分喜歡，推薦

日日做到無停手，難得有假期，當然要遠離煩囂，入離島親近吓大自然。南丫島索罟灣比榕樹灣少一分熱鬧，多一分簡樸，而係云云海鮮酒家裡面，呢間LoSo Kitchen簡直係特別既休憩勝地。經tablemap早一日訂位，去到居然坐正「窗口位」－－其實鋪頭冇窗既～坐鋪頭最出既位，隔離就已經係海！可以望住日落食野，非常爽！經老闆娘介紹，叫咗fish & chips同埋一個下午茶餐。fish & chips($88)炸得非常香脆，食得出唔係平價魚柳，薯條份量亦足夠～炸魷魚圈($68)本身配薯格，但賣晒，改為配洋蔥圈。亦係炸到熱辣辣，魷魚圈煙un，洋蔥圈炸得好香，正！跟餐可以揀普通港式飲品，食飽後我地另外再叫咗支香蕉啤酒支酒幾特別，係香港第一次見，初飲係淡淡既麥味，之後會有種特別既香蕉味發出黎索罟灣算係香港幾個僅存既真正渡假勝地，希望唔會被破壞啦。兩位好人老闆娘，要加油！

趁住還有假日再去離島散散心, 今次選擇了南丫島。平日的南丫島果然很不同, 人不多連店舖亦開得不多, 很失望......。本身打算去食串燒, 去到12:00多亦未開; 打算吃仁記的茶果和糯米糍, 結果......平日沒有整, 唉! 去到索罟灣碼頭竟然還有一個鐘才有船, 只好坐下吃個下午茶。環境對住整個海, 享受美食時, 一邊吹住海風, 一邊欣賞靚海景, 真是很好的享受。店舖的設計和傢俱都很配合這個環境, 座位又坐得很舒服。服務由於無乜遊客, 當時只有我們和另一枱客人, 故餐廳只見一個服務員, 她亦可能是店主。她非常親切有禮, 不停向我們推介各種食物, 又派咭片和船期表, 服務周到。食物下午茶餐：德國腸拼炸薯角+檸檬西洋菜蜜 ($38)由於我和朋友晚上打邊爐, 所以要留肚才一個餐share, 但原來這裏每個人都有最低消費, 故朋友再叫多杯柚子蜜($15)。服務員很有心機將食物擺靚, 上枱後她自己都拍一張照片, 可能upload上facebook做推廣。她話本應只有一條香腸, 但見我們兩人便送多一條, 雖然很感謝, 但若這份茶餐本應只得一條腸, 份量實在有點不足夠.......食物即叫即製,

細個聽軟硬話索罟灣喺長洲隔離，原來呃人，呢個山卡啦地方其實係喺南丫島。前兩日同朋友一女六男入索罟灣，頂！搭錯船去咗榕樹灣，條教育徑真係行到發牢騷，又高又低行到腳仔軟，咁攰，炒蝦擦蟹真係連拎隻蟹蚶都冇力，點食海鮮吖？終於入到索罟灣，見到一間叫Loso嘅泰國餐廳，睇嚟冇咁heavy，一於試試。係肚餓，但冇乜胃口，大家都明我哋心情，咪叫啲蝴蝶蝦，香酥餅等，串燒等小食，再叫多支Paulander啤啤佢扮陳茂波，話時話，開胃喎！蝴蝶蝦真係蝦有蝦味，唔會食到成口漿。香酥餅水準不俗，質感夠，唔會膩。唔經唔覺，枱上小食隨美味度愈增，殘羹剩菜就愈小，我哋問靚女老闆娘仲有乜撚手嘢，佢話秘製咖哩牛腩，唔肚餓都畀佢熱情招呼冧到暈（六條仔一致裁定），點都會叫一set試試，唔試由自可，一試念念不忘，金黃咖哩汁如人間美饌，值得一試再試。食得正酣，我發覺自己唔係陳茂波，美食當前，索罟灣夜色漁火閃閃，做廿幾萬月薪嘅局長有我咁風流嗎？我哋六條仔酒不醉人人自醉，連條女平日一本正經，都戙起雙腳更勝鬚眉，忘記你我雄與雌，我哋圍桌夜話，適才廿萬五千里長征發嘅牢騷一掃而空，或許啱嘅地方，遇到啱嘅食物再遇到啱嘅人，就係最簡單嘅幸福。

農曆假期的尾聲剛好緊接著情人節，入南丫島的遊人很多！到達索罟灣，先經過一大堆賣海鮮菜式的酒家，正煩惱應該吃些甚麼的時候，最後行到LoSo Kitchen前，發現賣的除了是西餐外，還有泰菜，就入內試試了。LoSo Kitchen有一幅大型壁畫，滿有朝氣的！店內播著些輕鬆音樂，伴隨一點點海風，絕對有渡假應有的情調。西餐和泰菜的選擇不少，當中泰菜款式頗豐富。就別了個Fish and Chips set、蝴蝶餅(即蝴蝶蝦吧)和意粉set。Fish and Chips的份量頗大，由於是即叫即整，哪有不好吃之理？值得一提是魚柳已去除雪味，內質依然能保持嫩身，炸粉漿也簿簿的，的確是很好的水準。蝴蝶餅(即蝴蝶蝦？)也是新鮮熱辣，雖然已沒有蝦味，但真的炸得剛好，香口之餘不乾身，點上泰式辣醬就真的忍不住口。香煎雞扒配德國腸意粉(伴黑椒汁)，雖然可以自由配搭其他醬汁，但這個比較港式的配搭始終較為普通，首先醬汁黑椒味不太香，意粉也不夠彈牙。所幸是雞扒和德國腸算不錯，也是煎得剛好。總括來說，LoSo Kitchen食物質數不俗，環境一流，可作為行山前加油站或落山後歇腳處！