影片
三文治配上黑牛，绝放假屋企人上山顶行吓，山顶餐厅不嬲收费唔平，周围行吓去到凌霄阁，揾到呢张绝世三文治，再加上呢间餐厅有黑牛，香港真系买少见少！！！！！！！！即刻入去试吓，三文治会烘底，蛋会即炒仲要唔系超熟感觉劲正，热辣辣再配上个黑牛，正😄呢个价钱真系性价比高，唔系太肚饿可以食返个三文治顶下肚，佢哋最出名系彩虹食芝士三文治，不过我哋太饱所以无试到！最后老婆叫我search下边度有分店，竟然只此一间，下次一定要再试👍👍👍👍👍
继续阅读
有去过🇰🇷韩国嘅朋友仔一定有食过Issac/ Egg drop/ Eggcellect三文治，喺山顶竟然都有得食，仲要有七彩芝士多士，见到真系好惊喜❗️虽然价钱有少少贵味道一定冇韩国咁正宗，但系❗️喺香港算称得上好味🌟🌟🌟我哋叫咗西班牙辣肠蛋立方🥪香肠超足料本身以为得个面有点知个底仲有，外皮香脆少少辣惹味好正✨炒蛋份量多超滑超Juicy，个包新鲜外脆松软有牛油香❗️除咗三文治我哋仲试咗菠萝椰子同芒果沙冰，个人钟意菠萝椰子多啲🥰
继续阅读
衬未开始忙之前去下郊游先 今次去山顶打个卡 属牛🐮属鼠🐭嘅朋友仔可以以优惠价来回坐山顶缆车由于上年系韩国食唔到egg drop 今次经过类似egg drop嘅egg square就嚟试下啦 餐厅位于凌霄阁 只有一名店员收钱同处理食材 所以都需要等15-20分钟左右 店员态度都不错 蛋立方有六种口味 价钱分别$42-$62 我地就拣咗韩式牛肉蛋立方🍞 另外可以加$5有芝士 不过我地就无加啦 因为egg square价钱其实都颇贵💸等嘅过程一直都闻到好香 等咗二十分钟左右 就有得食啦 见到外型都几惊喜 有啲金箔系上面 个包烘得好香脆 蛋炒得好滑 牛又唔老 不过size有点少 可以嘅话可以自己试下整 因为准备材料唔太难
继续阅读
抗疫做运动🏃♀️🏃，今日就由薄扶林水塘道行上山顶，加强心肺功能😆。消耗体力之后想坐底休息同食少少嘢！呢间舖头以彩虹七色做装修，耀眼夺目，好吸晴又醒神。专门食吐司及多士，即口即做，新鲜又热腾腾，好啱天气冻食。黑豚肉蛋立方$56吐司有2吋厚，面层涂上香甜蜜糖，然后再烤烘，咬落口系外脆内软。黑豚肉有4块，肉质鲜嫩软熟，好香烤肉味。炒蛋好厚身，系半熟炒蛋，香滑又juicy。 即叫即做，大约等8分钟就有热腾腾嘅厚吐司食，好值得！
继续阅读
经过门口，隔住个口罩都闻到劲香所以就入去买左一份芝士蛋立方个包用牛油煎过，所以劲香口可能因为要夹系包内面，个蛋唔系半熟会流晒嘅蛋黄个种但都炒得好滑，正呀而且芝士都流到丝，仲要有奶香🤤虽然一个三文治要成42蚊系贵贵地，但都有返咁上下quality嘅，仲要系山顶㖞，系贵少少架啦
继续阅读