博多拉麵別天神 (已結業)

由拍拖開始話要食，到而家結埋婚生埋女已經成N年，今日下午茶有幸終於同老公食到啦😋😋今次在自助點餐機點了白玉和蝦味噌2款拉麵。由麵的軟硬度、配料的多少都可以隨喜好自由配搭。食拉麵當然要先嚐一口湯底，豬骨湯味濃而不膩，麵硬度夠而彈牙、份量亦剛好❤️食完再飲了半碗湯都唔口渴，無添加味精，食得放心🤪另外不得不讚檯上的配料辣芽菜，首先好食嘅嘢可以任食已經加分，辣度適中，加進拉麵不會搶了湯底的味道！Oishi

RAKURAKU RAMEN 今日同朋友去咗行街🥰見到呢間日本拉麵就好想入去食😋入到去好有日本嘅感覺👍🏻價錢亦都合理👍🏻1. 白貓（豚骨叉燒拉麵）🍜 $82 我就揀咗較肥嘅豚腩😋麵要適中，有蔥🥰🥰🥰味道兩隻流心蛋超好味！！好入味！ 不會過熟特別係嗰豚骨湯底，濃郁得來同拉麵好夾！豚腩仲要肉質鮮嫩，出面肥膏果Part好有口感如果你想食瘦啲就可以叫豚肩😋2.鯛魚湯油揚拉麵 🍜 $75 味道同樣都係兩隻流心蛋超好味！！好入味！ 🥰😋😋😋咁呢個個湯底就比較清淡👍🏻注重健康嘅朋友仔就可以食呢個😌配料有好多菇同埋魚腐👍🏻好好咁樣呢兩個午市套餐都會包汽水🥤或者你可以揀沙律🥗大家經過就入嚟食呀❤️❤️❤️

呢間拉麵鋪要先係門口買咗飛先 然後再入去交個飛比店員 好似返左日本咁🥺。蝦味噌套餐 $115套餐包括：蝦味噌豚骨拉麵，龍蝦蟹子沙律同餃子4隻首先試左個湯先 一入口已經係濃濃嘅豬骨湯味同埋有少少櫻花蝦嘅味道🦐麵條方面都係軟硬適中 糖心蛋煮得啱啱好 拉麵整體調味啱啱好又唔會好油。龍蝦蟹子沙律比到驚喜我🔥沙律隔離有幾塊紫菜可以一齊食 個沙律每一啖都有滿滿嘅龍蝦同蟹子 雖然份量好細但係都好足料 好好食。餃子方面就正常發揮 煎得啱啱好成個套餐都好抵食🤤🤤

銅鑼灣拉麵選擇都有幾多 之前試過呢間幾次都覺得佢地CP值幾高 所以諗都冇諗就再尼番呢間 呢度環境唔大 同其他拉麵店一樣都係bar枱形式 需要先係門口自助機落單先入去 有日本拉麵店既感覺 拉麵款式湯底選擇唔多 只有豚骨/蝦味憎豚骨～▫️豚骨拉麵套餐(配餃子🥟) $105呢度既麵條偏幼身 軟硬度啱啱好 完全係我鍾意既拉麵麵條🤤雖然呢款冇蝦味 但湯底味道依然濃郁 口感滑溜 我反而比較鍾意豚骨湯底多d 好飲到差唔多見底😆 我係一個溏心蛋愛好者 我覺得如果冇溏心蛋成碗拉麵就會唔完整 佢呢款麵要另加先有 本身冇包埋的😢 溏心蛋都好好食 冇令我失望🥰▫️🦐蝦味憎豚骨拉麵 $85湯底十分濃郁 蝦味調得剛剛好 唔會過份突出/蓋過其他味 略嫌咸左d 飲得多會幾頸渴叉燒肥瘦分佈得啱啱好 肉質都幾嫩唔會柴 不過size就比較細😣

食完就終於明白點解咁多人排隊！係食完會再想食嘅拉麵店下次會試下其他湯底蝦味增豚滑湯麵 • HKD$85個湯底真係好濃郁同順滑，而且飲完都唔會口乾我呢個麵仲加左d櫻花蝦，食落種淡淡嘅櫻花蝦味好香口～麵嘅硬度我揀左普通，出到黎個麵彈牙得黎又軟硬適中份量黎講就啱啱好，但如果大食d應該要加個餃子先夠最中意佢地配左好多粟米粒，好甜之餘，覺得有d蔬菜健康d同冇咁膩叉燒就比較瘦少少，但廚師用火槍燒過之放上麵度，所以食落都幾香

好有日本拉麵店嘅感覺💛門口有部點餐機自己俾錢落order主打拉面有蝦味精同豚骨兩種我揀左豚骨拉麵 湯底好濃 麵質都唔錯😋加埋佢個辣芽菜就更加正👍🏻 👍🏻🌟豚骨拉麵$75

對於食拉麵🍜🍜🍜您哋會唔會有鋪癮？其實真係唔平都差唔多一百蚊碗呢個價可以兩個人食lunch lu不過又真係忍唔到😝😝😝好似打邊爐咁，間唔中又會想食成日坐巴士途經呢間鋪真正入去試都係第一次咋首先要喺門口買飛先同日本某啲鋪頭好似好有feel呀❤❤❤事不宜遲即刻食麵啦🍜🍜🍜🍜我朋友果個係蝦味噌拉麵數量有限，有快手有慢無我覺得佢果碗正過我果碗（偷偷飲咗佢個湯幾啖）拉麵湯底真係超級重要佢飲落好特別，有少少海味味好濃但卻唔會咸一碗已經有曬粟米呀木耳溫泉蛋等等嘅配料🌽🌽🌽🌽食完會好飽飽我果碗係regular豬骨濃湯拉麵唔包配料🌽🌽🌽🌽我當然都要加粟米啦香甜啲🥰🥰🥰佢呢度啲麵強調唔加味精，豬骨粉同牛奶，保證原汁原味好！我就唔落調味料試下已經好rich,夠曬味啦但就發生咗啲「小插曲」食麵果陣唔見有粟米🌽我問店員哥哥啦佢一粒聲都唔出一個字都無應過我就即刻擺返碟粟米喺我面前咁cool嘅🌽🌽🌽🧊🧊🧊🧊cool過cool魔我發覺呢度拉麵麵質比其他麵店軟，正合曬我口味😋😋😋如果想要唔同硬度記住同店員哥哥講睇下佢應唔應你😆除咗拉麵之外仲有小食架煎餃子就正正常常囉為飽肚都ok嘅🤭

在香港的拉麵店其實滿多選擇，不過每間的湯底都有自己的特別之處。而且有些店更是只有一至兩款湯底~ 博多拉麵別天神​ 便是其中一間!位於銅鑼灣分店的座位並不多，入座前先在門口的自助點餐機落單有單點的，亦有套餐～但就只有豚骨 / 蝦味噌豚骨湯底囉最後和朋友都是選了 - 蝦味噌豚骨湯麵 ($85)單點的日本半熟蛋 ($10)，我覺得相對很多拉麵店來說幾抵吃！因為通常這價錢可能只有半隻。口感滑嫩，蛋黃味很濃郁。濃厚的湯底中帶有鹹鮮味道，而且有少許黏口感同時可以用提供的調味料來變成"激辛"或"特濃"口味配料亦相當豐富～有粟米、櫻花蝦、葱，還可以自行加辣芽菜。半肥瘦的叉燒算是厚身，吃落一點也不柴的喔！麵條則是幼身那種。另外還多點一份 - 餃子 ($35/6隻) 外層香脆，內餡肉汁豐富！！

很久沒吃日本拉麵，特意來一嚐近日被很多同路人用金錢懲罰的「博多拉麵別天神」。我當日中午來到也相當多人呢，先介紹一下背景。「博多拉麵別天神」的創辦人是專程到日本拜師學麵，及後把「天神拉麵」帶到香港，在 2013年創立了「別天神」這個拉麵品牌。「別」在日文中是「另一個」的意思，而「天神」則是該創辦人為了紀念遠赴日本拜師學麵的「天神拉麵」：由當初在銅鑼灣開設第一間拉麵店，到現時已發展至有11間分店，遍佈香港及遠至美國西雅圖，法國巴黎分店亦快將開幕，可說是香港人的驕傲。店內有不少連儂牆，創辦人心繫香港的那份訴求，顏色分明，也沒有忘本，窩心：此店另一我欣賞之處，是豚骨湯只用大量豬骨和水熬成，不含任何味精、防腐劑，屬全天然鮮味，吃後也不會抓狂口渴。在自動售賣機點選自己想要的食物，付錢，將飛遞給店員就可以坐低等食物。「蝦味噌湯麵」$85 (配醣心蛋 +$10)湯底是一碗拉麵的靈魂，先呷一口湯，湯底是豚骨湯底再加味噌及櫻花蝦，濃鮮之餘也更有豐富層次，值得細嚐：附傳統日本拉麵叉燒兩片：麵條是幼的款式，屬爽口類型。個人覺得略硬，下次可以請師傅煮腍多兩分：若喜歡重口味，可以加一些免費的蒜蓉吊一吊香，我當日也

有機會一個人出城，琴晚已經諗定午餐要食拉麵🤤終於搵到有辣芽菜嘅拉麵店🤤一個人出去食最鍾意嘅就係坐吧枱，靜靜地欣賞我嘅美味午餐🤤揀咗一Basic嘅「豚骨湯麵」，湯底濃郁，濃郁到面頭會起一塊薄衣，但係食完唔會口渴，讚！最開心嘅就係有辣芽菜食，伴住辣芽菜食，湯都飲埋🤤味付玉子有驚喜，蛋黃都有味道🤤蔥粒同木耳絲夾埋濃湯好好味，最簡單嘅伴菜係最好味。#LunchOfTheDay #Raman #銅鑼灣 #博多拉麵別天神 #豚骨湯麵 #味付玉子 #辣芽菜

疫情好轉 未能去日本所以就食下日本野 呢日係中午時間去到 呢2款拉麵 老實講 我明白過江龍同當地食係會有唔同 但呢間既無誠意實在不能接受 豚骨拉麵 首先賣相 本身有一隻玉子 我加左隻 加埋木耳 個擺位散收收咁 見到都減分 （無郁過 黎到就係咁）湯底求其 唔多覺豚骨味 好似平時日本超市自己買返去整既味道😂 麵質無特別要求軟或硬 普通到又係可以話無特色 又係感覺係超市自己去整咁 無拉麵既彈牙感 第一次會食淨拉麵 豚肉 好抱歉 從未食過咁唔好食既豚肉 ‘鞋’ 無咩豬肉味 玉子...欠缺蛋味 亦有部份熟左蝦味噌拉麵 呢款湯底唔係周圍都有做 叫做做到佢所講既湯底 麵質同玉子同上面所講一樣就唔再多講 餃子 一見佢咁比我地已經勁減分 做唔到日本個底會有連住既都算 做唔到日本香薄脆都算 但歪東歪西咁上比客人真係好唔順眼 都係一黎無郁過即影相的 好心見到都執返個面向上先上啦 再食個餃子 真係....又令人諗起平時超市買返去自己整既餃子 仲要係唔好食既款 皮唔薄 餡唔多 煎唔香唔油咁 無特色亦唔合格小龍蝦蟹子沙律 呢款係最正常一款 無咩要求 只要唔腥就得 好彩都算正常返 呢款係呢4樣裡面最好個款 無諗過會

太耐無食過拉麵，端午節當日心血來潮想食，見到呢間拉麵店幾多好評又係黃店就約朋友仔去刺激黃色經濟圈啦💪🏻 呢間拉麵店座位同大部分拉麵店一樣都係bar檯形式，店內座位只有12個🪑 值得留意⚠️既係拉麵店有中場休息時間，晚市6點先開🕕 當日我地等開門時見到亦有其他顧客係門口等緊，所以如果唔想等太耐既話建議提前少少到🙋🏻‍♀️ 主打湯底只有兩款，豚骨/蝦味噌豚骨，對於有選擇困難症既朋友仔黎講絕對係省卻左唔少煩惱🤣 落單只需係門口部機器按你想要既湯底選擇返要單碗湯麵/組合套餐/加配小食/飲品，然後以八達通/信用卡💳付款就可以啦~ 第2樣要注意⚠️既係，如果你對麵條軟硬度有偏好選擇/要求走蔥，記得提前同店員講返聲呀💁🏻‍♀️******************************🥢蝦味噌套餐 ($115)✨蝦味噌豚骨湯麵🍜 (單點$85)由出餐位拎碗拉麵落黎時見到上面既櫻花蝦同埋橙色湯底已經覺得好有食慾，試左幾啖湯底後覺得味道非常濃郁但無口渴既感覺，蝦味唔會過份突出，以致最後食完碗麵差不多見底😂呢度既拉麵有齊所有拉麵基本配料: 粟米、黑木耳同溏心蛋，不幸既係我呢碗既溏心蛋略為過熟失去溏心口感😕至於叉燒

#💛 #灰到銅鑼灣 #灰到食日本菜🔻別天神套餐配餃子 $105豚骨湯麵湯底濃郁天然，味道跟媽媽煲的骨湯有點相似😂叉燒稔身入味；溏心蛋生熟剛好，蛋白口感滑嫩；拉麵亦能掛湯🤤餃子內餡非常多汁😍唯表面比較油膩。-👅食後感：味道真的相當不錯，強烈推介👍🏻👍🏻-👀個人喜愛度：8/10-🚩博多拉麵別天神銅鑼灣告士打道277號地下3A號舖-#美食 #香港美食 #hkfood #food #hk #hkfoodie #foodie #ramen #拉麵

在銅鑼灣肚餓，又想食拉麵，便走進了這間有很多分店的別天神拉麵。與友人分別叫了兩個套餐，別天神套餐和蝦味增套餐。上菜上得很快應該是別天神的特色。剛坐下不久，店員就已經準備好餃子和小龍蝦蟹子沙律。餃子很趣脆，熱辣辣。小龍蝦蟹子沙律很清新，用紫菜包住食，很開胃。隨後便到主角拉麵上枱。豚骨湯拉麵，湯底濃郁無變，濃而不咸，正！面底口感適中，不會過淋。 叉燒夠厚夠淋！好正。蝦味增套餐的蝦湯可以保持蝦的鮮味，加些櫻花蝦碎，正！ 當拉麵來到，重口味的我每次都加芝麻和蒜，令湯味更突出。每次吃別天神的水準都一樣，十分出色。所以，我每次都會帶朋友來食的。

小龍蝦蟹子沙律用紫菜夾住一啖放落口，特別既食法，又好食又口感又獨特，食到有有龍蝦嘅鮮味，而且食到一粒粒嘅蟹子！煎餃子煎到好香，點啲汁食更加好味，份量同比例都岩岩好！豚肉拉麵🍜湯底濃郁不會油膩，非常出色！食食下發現原來有隱藏版既食法-加拉麵汁、蒜蓉同辣芽菜😍食落更加開胃！蝦味噌拉麵🍜湯底有強烈既蝦味，又有我最仲意食既栗米配料，配料方面叉燒肥瘦適中，仲有最出色既溏心蛋👍🏼拉麵軟硬亦適中!雖然食物款式不多，但質素非常好👍🏼而且呢度嘅裝潢設計風格都好似日本嘅街頭拉麵小店，整體黎講好滿意！