南대門

营业中

休息中

今日去咗尖沙咀一間叫「南대門BBQ 」嘅餐廳食晚餐，餐廳嘅職員大多數係講英文或韓文嘅姨姨，佢哋都會好熱情親切咁介紹有乜好食。餐廳環境寬敞，有好多張卡位同圓枱，適合一大班人聚餐。每張枱上面都有一個烏龜形狀嘅燒烤板，傳熱速度好快，放上去嘅肉類好快就燒得好香，而且店員得閒就會行過嚟幫手燒，非常好客。餐廳亦都會提供無限添加嘅韓式餐前小菜，包括辣泡菜、麻油芽菜、醃蘿蔔絲、涼拌生菜等等，鍾意食辣嘅朋友就唔好錯過啦！🍊牛肉拼盤食韓國燒肉一定要嗌韓牛，牛肉拼盤有肉眼、牛肋骨肉、肩胛肉同板腱肉，既有薄切，又有厚切，可以食到唔同嘅口感。而且全部都無預先醃過，食得出牛肉嘅原味，另外可以配合韓式辣醬、燒汁、蒜頭或餐前小菜一齊食，有另一番風味。拼盤配有一個用石碢上嘅韓式湯，可以揀泡菜湯或大醬湯，我哋揀咗唔辣嘅大醬湯，唱菜嘅時候熱辣辣，有濃郁嘅麵豉味道，配料有大蔥、洋蔥、豆腐同蜆肉。🍊豬五花肉一碟有三塊五花肉，每一塊1嘅豬肉、脂肪層同豬皮都層次分明，豬皮口感煙靭，豬肉質地結實。燒熟之後再用鉸剪切件，然後配上韓式辣醬、蒜頭、青椒同生菜一齊食，蔬菜中和咗豬肉嘅油膩感，韓式醬汁同配料令豬肉更惹味。📍尖沙咀金巴利道65-

位於尖沙咀的南대門有兩家分店，由正宗韓國人打理，食物味道正宗，份量也相當足夠；環境舒適，空間寬敞，讓人感到輕鬆；裝潢充滿傳統的韓國風格，讓人感受到濃厚的韓式氛圍看到有抵食的晚市套餐，立即點了$388的牛肉套餐，套餐包含一款牛肉、兩個主食和兩杯飲品：板腱肉板腱肉質地非常好，肉質鮮嫩，烤到外焦內嫩，肥瘦比例恰到好處，吃起來不油膩，讓人回味無窮辣海鮮豆腐湯辣度適中，湯底濃郁，海鮮的鮮味與豆腐的滑嫩相互融合，加上新鮮的蔬菜，不但溫暖身體，更增添了口感與營養，適合秋冬這個天氣享用泡菜炒飯米飯粒粒分明，泡菜的酸辣味道恰到好處，使整碗炒飯充滿風味，搭配燒肉，讓口感更加豐富飲品點了韓式罐裝梨汁和可樂。梨汁清爽可口，帶有自然的甜味，正好解膩；而可樂則是經典搭配，讓整餐更加愉快總體評分環境：8/10食物：7.5/10服務：7.5/10抵食：8/10-南대門韓國料理 📍尖沙咀金巴利道75號東南大樓地舖

一向我都追星一族，所以對韓國野都有興趣，韓國菜都係會必食菜式之一，所以今日專誠嚟到尖沙咀韓國街，試吓唔同嘅韓國菜。呢間餐廳既小菜就總共有6款，而我最欣賞既係泡菜魷魚，因為好多間餐廳都會有泡菜而泡菜魷魚就少之有少，因為本人都幾鍾意食魷魚。今日就同朋友食咗個晚市套餐，有一款牛肉、一款主食、兩罐飲品。牛肉就揀左肩胛肉，肥瘦適中再點上醬汁一齊食仲好食😊而主食就叫左紫菜飯卷，就係傳統餡料，口感非常豐富。最後就係韓國品牌嘅飲品，分別有提子汁同雪梨汁，飲品入邊都會有果肉㗎🤗

之前同朋友食過幾次呢間都覺得唔錯今日行開TST 見餓餓地又想食韓國野 所以又去多次🤣原來佢出左個燒肉套餐1x 牛類+1x 主食+飲品都係$318我地2個女仔都唔食得咁多所以叫呢個SET再叫多個小食就剛剛好了▪️牛小排油花分佈幾均勻 入口好重牛味套餐黎講算唔錯👍🏻▪️韓式大醬湯飯大醬湯飯係我的最愛最鐘意大醬嘅味道濃郁好有風味裡面有豆腐、蔬菜同埋肉類，口感層次豐富再加埋碗白飯吸收埋D湯汁一齊食而家天氣凍凍地食就啱晒好暖胃又滿足韓式海鮮煎餅煎餅外脆內嫩，個粉漿再薄D就仲perfect適量既海鮮雜粒加埋好多既蔥 好香口 配埋佢地既自家制醬汁，味道更加提升👍🏻

尖沙咀韓國街繼續打卡韓燒！🇰🇷呢間南大門有晚市BBQ套餐，非常抵食，牛肉set可以388一款牛肉兩個主食另加兩杯野飲🧃如果318亦可以選擇一款牛肉燒肉一個主食加兩杯野飲。🐂我地嗌左318既套餐選左板腱肉，另外單獨嗌左一個豬五花。板腱肉好靚！肥瘦適中，入口軟嫩，搭配店家提供的小菜（超豐富小菜，大概有8碟）非常美味，豬五花也是超大一整塊，搭配生菜和沾醬💯主食我地嗌左韓式拌飯，野飲嗌左韓式梨汁同提子汁

行街經過見到個餐真係超級抵食，三百幾蚊有肉燒，仲有兩個主菜包埋，所以就拉埋朋友一齊嚟試吓。最後有啲後悔自己眼大肚細，其實一個主菜都好夠食，因為餐廳嘅份量都真係唔惹少。餐廳主要都係由韓國人打理，所以真係好似去咗韓國咁樣。嗌完餐冇耐就有好多配菜，我自己最鍾意魚糕同埋泡菜，調味好出色。‣ BBQ 晚市套餐 $388· 醬醃板腱肉韓燒嚟講，自己傾向嗌一啲醬醃嘅肉，鍾意本身帶啲調味，唔使掂好多豉油。板腱肉比較重牛味，而且有啲咬口，而本身醬料入邊嘅甜味都唔會太過搶戲，推薦大家嗌。· 石鍋拌飯個石鍋放一上枱嘅時候，我就心諗一定食唔晒，結果都真係食唔晒。石鍋拌飯識食一定係食飯焦，攤到最後不斷食飯焦覺得好過癮。而佢嘅韓式辣醬都啱啱好，唔會太過辣，令到兜飯又好香。· 韓式牛肋骨湯驚啲嘢太重口味，所以嗌一個牛肋骨湯中和一下，清淡得來但係味道啱啱好，飲落去嘅時候覺得好舒服。底部仲有少量嘅粉絲令到碗湯嘅用料豐富啲，食燒烤嘅時候飲湯都可以幫手解膩。湯其實本身都有跟一碗飯，但係真係投降。· 韓式罐裝提子汁好多時食韓國菜，我都會鍾意嗌呢一款提子汁，最鍾意係食到佢有啲提子嘅果肉，夠晒韓風。

想食燒肉就去尖沙咀搵食，裝修有傳統韓國餐廳feel，位置都幾闊落，仲有韓國姨姨招呼，好親切BBQ套餐 （豬 / 牛 ＋主食 ＋飲品） $288 - $388牛板腱肉，睇相都見到牛肉質素幾好，唔使落油就燒得，燒完肉味濃郁，唔使燒到全熟，肉質結實且有咬口，仲有小小油脂香，加埋生菜同泡菜等配菜口感勁豐富韓式牛肋骨湯熱辣辣出晒煙，湯入面有牛肉，蛋絲，粉絲等，相信經過長時間燉煮牛肉，湯頭清甜，口入面滲出牛肉香味，加埋飯整泡飯幾舒服水冷麵清爽湯頭加埋麵，梨絲，青瓜好refreshing，麵條Q彈，加小小辣醬可以增加風味紫菜包飯 （$65）餡料豐富，個人喜歡米粒分明小小總結係CP值高嘅一餐，其他燒肉都係百零蚊一碟，仲食得好飽，可回訪

尖沙咀出名會有一條韓國街，裏面大部分餐廳都主打係地道韓國嘢！識食嘅我，自然會搵一間又地道又抵食又好食㗎啦😆一份燒肉+兩份主菜，仲要包埋飲品，都係$388，真係抵到爛！仲要環境坐得舒服，抽風系統良好，唔會成身油煙味！食韓國嘢，當然會有好多唔同嘅前菜，每一樣都有佢嘅特色，我最鍾意都係泡菜🤣牛方面，我選擇咗細細件方便share嘅牛板腱，同時貪佢唔會太肥，而且冇醃製過，可以食到牛嘅原汁原味😬油脂分佈均勻，見到都流曬口水。總共有三款醬汁可以選擇，每件牛都可以唔同口味，增添新鮮感當然唔少得用生菜去包住食，可以去除油膩感，夾埋前菜去食，另有一番風味😋由於主食會有白飯，變咗又多咗個食法🤣主菜方面叫咗：韓式牛肋骨湯~湯底非常濃郁，帶有牛嘅香味，牛肋骨已經淋曬，加埋吸曬湯底嘅粉絲，整件事真係非常開心！韓式拌麵~拌麵非常惹味！絕對係鍾意食辣嘅首選！麵條嘅口感嫩滑彈牙！

#20241110 📝📍 #南대門 @namdaemooncuisine 尖沙咀金巴利道75號東南大樓地舖➖➖➖➖➖➖➖➖➖➖➖➖➖➖➖➖➖ 🥢 #前菜 💭 兩個人尼有6碟小菜會唔會太豐富🤩有辣有唔辣，蔬菜類都係常見既泡菜、麻油拌菜之類，海鮮類就有啲特別，平時食開可能都係比啲魚乾仔，呢度有八爪魚幾高級，咩都未食淨係食啲小菜都花多眼亂🐙.#BBQ晚市套餐 $388 🥢 #烤牛皺胃 💭 牛有4個胃人人都知，平時食果啲牛栢葉同金錢肚都屬於牛既胃，而今次食呢個牛皺胃無論外形同口感都同豬肚好似，第一次燒唔係好識拿捏時間，之後發現左燒果陣其實可以燒耐少少，反而仲爽口彈牙🐮燒烤會跟兜生菜，包住食有菜有肉真健康🥬. 🥢 #石鍋拌飯 💭 上枱熱辣辣，勁驚比個石鍋辣親手，要撈得快手，唔係啲肉會比個石鍋㷫到韌晒，撈既時候突然搵到粒生蛋黃隱藏左係啲紫菜入面，其餘啲餸同正常石頭飯差唔多，只要夠熱其實都好好食🤤. 🥢 #牛胸肉大醬湯 💭 呢個啲牛肉比想像中要多，比想像中要淋，比想像中重牛味，真係好有驚喜👍🏼除左牛個湯入面仲有好多豆腐同翠肉瓜，用尼送飯一流，唔覺唔覺就食晒碗飯🍚. 🥢 #韓國梨汁 #韓國提子汁 💭

今日收工就約左朋友去尖沙咀食飯，大家都話好耐冇去韓國街行，諗住睇岩邊間就入去食。係門口就已經見到有個好正宗既韓國人面帶笑容😊好熱情咁招呼我地，所以決定入去試下。一坐低員工已經好快手放低左6碟小菜比我地，款式算多，而我個人就最鍾意涼拌薯仔絲，夠味之餘口感又爽口。🤪🤪我地就叫左個晚市套餐，包括一款牛肉、一款主食、兩款飲品。牛肉我地揀左肩胛肉，肉味濃郁，配搭埋生菜一齊食就冇咁油膩啦🤗而主食就叫左紫菜包飯，飯卷入邊都有好多材料，口感相當豐富。仲有兩罐充滿韓國特色嘅飲品，分別係雪梨同提子味，飲品入邊仲有果粒👍🏻另外，我哋再單點左半份蜜糖牛油蒜蓉炸雞，相當足料，係足半隻雞既份量，又有雞全翼又有雞髀。總括而言，韓國街呢間多年老店值得一試。

新出左個燒肉套餐好抵😍牛肉set $318(牛肉x1 主菜x1 飲品x2) $388 (牛肉x1 主菜x2 飲品x2)我地叫左$318個set要牛小排同韓式拌麵😍牛小排有5塊肉質好淋👍🏻好有牛味👍🏻而且油脂好豐富正💕拌麵好好食！！！！！！！第一次食韓式拌麵，完來係凍嘅😍好易入口，食落辣辣地❤️重點入面係放左梨，好特別😍而且出奇地非常之夾😍我地重叫左原味嘅韓式炸雞🍗肉好嫩👍🏻6件2個人食都好夠💕重有好大份薯條！正Total: 500推介指數：8/10———————————————南대門 (尖沙咀)尖沙咀金巴利道75號東南大樓地舖-----------------------

今日朋友話好想食韓國野，同佢去咗尖沙咀韓國街南대門3號，已經屹立咗韓國街30年，又試下佢先！餐廳以簡潔明亮的裝潢，滿滿韓國料理小店味道，店員姐姐非常熱情好客韓式牛肋骨試咗佢地招牌菜韓式牛肋骨。每一根牛肋骨都經過仔細的醃製和慢煮，肉質軟嫩多汁，帶有濃郁的韓式香料風味。餐廳還貼心地附上各式小菜，最鐘意脆肉瓜滿滿蒜香，食哂可以叫店員再添～ 雜錦海鮮大醬湯湯中更加入了各種新鮮海鮮如大蜆，蝦肉，魷魚等等，每一種食材都散發著自身的鮮美風味,與大醬湯底和諧共生店員姐姐非常熱情❤️友善！食完感受到滿滿小店獨有人情味，下次再嚟試佢地人氣海鮮煎餅南대門3號尖沙咀金巴利道65-67號太平洋大廈地下3號舖

見到OpenRice 有百幾個好味就入來試試，點知中曬伏。點了lunch menu 的海鮮豆腐煲（$75）和韓式炒粉絲（$78）。首先上了四碟小菜，很普通，味道麻麻，kimchi不好吃，比其他韓式餐廳差。海鮮煲賣相不錯，但味道只是一般，沒有風味。最差是韓式炒粉絲，上枱時個心即刻沉左一沉，不但份量少，而且炒到一pat pat, 味道又奇怪，唔好食，失敗之作。全餐最好食的應該是冰水，可惜杯有黑點，餐廳也有陣up味，衛生情況麻麻。服務態度更麻麻，埋單時老闆娘竟然收返起張收據，想要返將收據俾老闆娘黑面。簡直係中伏之選。要食好吃的韓國料理還是去返土瓜灣好了。

今日做嘢早咗過去食飯六點幾餐廳一個客人都仲未有之後有個白色衫女人過嚟招呼🫡態度好差不停喺度發脾氣🫥好似覺得我哋太早過嚟又要佢做嘢咁🫡之後揀咗食物佢就開爐俾我哋點知燒着咗個爐之後成浸燶味🫠原來佢開咗個燶咗嘅爐俾我 同佢講返佢就脾氣唔好態度好差就話換咗佢囉😓咁我再要求要換位佢即刻好大反應咁話唔使啦 🫣當場嘅感覺真係幾難受好似受咗佢好多氣咁😰😰大佬你搞到成浸臭嘅味仲叫我坐喺嗰度？問題係你不停喺度發脾氣態度又差😓我本身真係想走但係我又叫咗好多嘢食同埋想講食物嘅質素都麻麻地啲山菜好梅又唔新鮮人蔘雞湯又冇味嘅 完全都冇人蔘嘅味🫣簡直係貼士買難受好後悔入咗嚟食飯😤

今次已經係我第二次encore 食依間韓燒覺得性價比高又坐得舒服佢啲set都算抵食，我最鍾意佢既五花肉，個人認為五花肉係韓燒必叫既肉類，油花滿溢，配埋生菜、泡菜、辣醬，包埋一齊食，超滿足，再叫個鍋飯熱辣辣，好正店員同老細全部都好似係韓國人，好nice 同埋講韓文，好有去咗韓國食嘢既感覺，好地道，I like it下次要三五成群咁同啲朋友黎食，可以叫多啲野食，例如炸雞等等，仲可以一齊飲燒酒，可以傾計大聲啲都唔怕嘈親人