南대門

营业中

休息中

是次進餐的韓燒店在金巴利道有多間分店，每間主打的食物都有點分別，這次跟友人選擇的分店設有BBQ晚市套餐，價錢抵食有大份味道正宗質素仲要有水準👍🏻。 一進店裝修已比人好有韓劇韓國燒肉店的感覺，尤其是抽油煙的煙囪和可以打開蓋放袋的櫈相當經典。以下是跟友人點算的食物：這間韓國餐廳跟大部分韓國餐廳一菜都設有前菜，這店的前菜都好多樣化共有五碟，以蔬菜為主味道由濃味至淡味都有。份量仲好充足。🥩醬醃上肩肉一碟兩大片的上肩肉再配上少量菇菌蔬菜，豬的味道好濃郁完全冇豬羶味，肉質厚實肉汁唔算多，豚肉沾上辣醬後味道相當惹味香口包住生菜一齊食的話味道仲好清新亦有解膩的作用。🦐辣海鮮豆腐湯天氣涼涼地飲幾啖辣辣地的海鮮湯令人霎時間令整個人暖笠笠。味道偏辣食落好開胃配白飯一齊食味道相當夾，仲可以減輕辣度。海鮮湯睇落去雖然細細碗但材料相當足，有蝦有蜆又有豆腐仲有蛋和少量翠玉瓜粒。🧊水冷麵食完一輪油膩的燒肉後一於叫番碗冷麵中和下解油膩感之餘又可以令個肚皮冇甘漲。 冷麵味道可自行調配加醋，其味道酸酸的又夠凍是經典的韓國菜色之一。🍥紫菜包飯食韓國餐點少得點選紫菜包飯😏這餐廳的紫菜包飯份量都幾足，味道較甜仲好香麻油味。

韓國街的南大門燒烤已開到五號店，以實力留住客人餐廳由韓國人主理，於門口已經受到老闆熱情招待店內設有多個卡位，私隱度高，而且坐得舒適韓式木系設計，簡約乾淨！主打多款傳統韓國料理及韓燒烤肉點菜後店家分別給了五款前菜及生菜籃慢慢等主菜LA排骨牛肉柔軟卻又不失彈性，搭配甘甜的醬油調味水冷麵伴有青瓜及雞蛋，酸酸甜甜，清新開胃又解膩韓式牛肋骨湯熱辣辣，濃郁湯底，肉質軟嫩，湯汁醇厚紫菜包飯餡料配搭得宜，紫菜新鮮，口感豐富

食韓國野真係會令人上癮，上次食完韓牛，忍唔住想再食，不過今次就揀食豬。係尖沙咀「韓國街」見呢間餐廳的BBQ晚市套餐都幾抵，$368就可以選一款豬肉(另有牛肉套餐)、主菜x2及飲品x2，決定入去嘗嘗。同樣地甫入座就奉上5款韓式前菜小食，酸酸辣辣的泡菜絕對係我至愛，辣生菜及椰菜花都幾好味。燒烤的肉食我們選了醬醃上肩肉，兩大塊，肉質結實，吃起來不油膩，烤至微焦後，外皮香脆，內裡依然保有肉汁，用生菜、泡菜及辣醬包埋一齊食超滿足。兩款主食則叫了辣海鮮豆腐湯及石鍋拌飯，海鮮湯有有蝦、蜆做配料都幾有鮮味，有大量滑嫩豆腐，辣度適中，湯底濃郁；石鍋拌飯色彩繽紛配菜好多，紫菜、雞蛋、牛肉、芽菜及紅蘿蔔絲等，拌勻一齊食，滋味有層次，最下面仲有少量飯焦，夠香口。套餐飲品則可選汽水或韓式罐裝飲品，梨汁清爽可口，提子汁微甜芳香。另外單點的蜜糖牛油蒜蓉炸雞$130真心好食，雞件炸到外皮超級脆，好乾身所以可沾滿蜜糖牛油粉，雞肉肉質嫩滑入口有蒜蓉香，仲有大量粗切大條薯條作配菜。

呢間餐廳叫做南大門5號，因為其實都好多分店，代表一定好食啦！今日就同朋友一齊來到尖沙咀食dinner。呢到除左好食，其實都超級高cp值！係呢邊必點就係個BBQ晚市套餐，有豬or牛選擇，價錢差$20-30到，主要分別就係要1個定兩個主菜，另外包兩個飲品。我地呢次要左牛肉set ，$388 包烤牛肉，兩個主菜同兩杯飲品。烤牛肉我哋要咗我最鍾意嘅LA galbi，而主菜就要咗韓式牛肋骨湯同埋石鍋拌飯。烤牛肉個肉質厚度剛剛好，絕對唔會鞋，口感一流，自己烤可以控制自己想要嘅熟度，同埋佢本身都醃製好，所以味道都好好食。加埋任添加嘅拌菜，真係好有地嘅感覺。最重要就係呢度烤爐嘅抽煙做得好好，食完之後唔會覺得成身好臭。呢度嘅拌菜竟然有茄子，係我好鍾意，但係喺香港亦都比較少見嘅一種。而且呢度嘅泡菜都係比較酸，超好味。石鍋拌飯超大份！真係食到有飯焦，加埋麻油味好香，因為朋友叫咗辛辣餃子麵，我將啲辣汁跟埋個石鍋拌飯食真係勁開胃。

講起燒肉，個人最鍾意食韓式燒肉，大部份都醃得夠入味，再簡單加幾個小品料理同店家嘅泡菜，就已經好豐富！餐廳喺韓國街嗰頭，主要以卡位同韓式大排檔嘅圓枱為主，環境幾闊落，🌟今次衝住佢嘅晚市BBQ套餐，牛肉同雞肉都有，$278起就可以食到，超抵食！——————————🥓◖牛肉晚市BBQ ◗ $318呢個牛肉晚市BBQ套餐包咗一款牛肉、一款主食同兩杯飲品，牛肉部位選擇唔少而且幾高質，而且份量都唔少，性價比極高！/醬醃板腱肉🐂板腱肉帶適量脂肪，而且係醬醃，燒完乜都唔使點已經好香好甜，牛肉味極濃！/水冷麵🍜麵質爽身有少少韌勁，酸酸地凍凍地好開胃，加少少黃芥末，少少嗆鼻食落更爽！/梨汁🍐/Zero🥤🍗◖蜜糖牛油蒜蓉炸雞◗ $130半份嘅份量有六大件，配上粗切大條薯條。炸雞幾乾身夠脆口，但可能係乾身嘅緣故，灑上蜜糖牛油粉，略嫌食落個味唔夠出；薯條就不過不失，未算太香脆～🌟Encore指數：8.8/10

天氣冷冰冰又係食韓燒嘅時候。今次嚟到尖沙咀金巴利道韓國街呢間南大門cuisine。而家做緊個優惠燒肉套餐，$318有一份燒牛肉加一份主食同2杯飲品。我地叫咗set再加份炸雞。order完食物，侍應就遞上多款韓式前菜。燒肉套餐牛肉方面，我哋選了牛小排，已去骨，啖啖肉，色澤鮮紅，幾有牛味。有3款醬汁蘸，用生菜包住吃，好爽口。主食我哋選了韓式拌飯，八款配料有大豆芽菜，翠玉瓜絲，紅蘿蔔絲，菠菜，白蘿蔔絲，牛肉，煎蛋同埋紫菜，再按自己喜好加入韓式辣醬，將所有材料拌勻，每啖飯都充滿口感，熱辣辣又惹味。蜜糖牛油蒜蓉炸雞（六件） $130 我哋叫咗半份炸雞，炸雞有齊雞髀雞翼雞胸，每件都炸得非常香脆，入面嘅雞肉好嫩滑，個蜜糖牛油蒜蓉汁真係好惹味，甜甜的，炸雞仲配埋炸薯條，非常邪惡，但真係好好味。個燒肉套餐包咗兩杯飲品，我哋兩個都揀咗韓國梨汁，個梨汁入邊有啲果蓉，非常清甜，食韓燒配梨汁就最啱啦，好清潤。

依家天氣一轉凍就好想食熱辣辣既燒肉或火鍋，今日收工係尖沙咀同同事念緊食咩好，咁岩比我見到呢間燒肉好似好多人食，d牛肉好正🥩就入去試下先，員工同我地講話佢地新推出左新既優惠套餐，好多選擇同抵食。一上去比佢地d配菜嚇親，成5碟，有芽菜，泡菜，青瓜，辣生菜，西芹，全部都係勁惹味，仲有生菜可以包咪烤肉食，一d都唔油膩🌟A7板腱肉 $388D牛肉望落去紋理超靚，比較瘦既牛肉🥩完全無加任何既配料去醃製，就咁燒完食落去個牛肉香味係勁重，d牛肉係勁嫩，成個口都係牛香味，食完一舊再接一舊🌟辣牛肉飯個牛肉係煮到好唸，我地叫左小辣，熱辣辣既辣湯令到個牛肉變得好入味，入面仲有d配料，送咪翻真係好正🌟辣海鮮豆腐飯入面有好多種唔同既海鮮種類，有蝦🦐青口，蜆，仲有好多煮到好入味既金針菇，食落去唔會好辣，我撈咪d飯食真係超惹味，食完個人真係好暖粒粒🌟可樂

對韓國菜嘅喜愛有增無減，每個月都要嚟一次韓國街，呢間嘅BBQ晚市套餐都幾抵食，$388可以揀一款燒肉加兩個主食，仲有埋嘢飲~首先上前菜五小碟，比較特別嘅係涼拌茄子，口感同香港嘅茄子有啲唔同，好似爽口啲~🔘板腱肉份量比想像中多，有啲厚度，肉味香濃，屬於比較有咬口嘅牛肉，配搭爽口嘅生菜一齊食，唔會感覺太油膩~🔘石鍋拌飯枱面有韓式辣醬任加，有翠玉瓜絲幾特別同爽口，食到最尾都幾多飯焦~🔘韓式牛肋骨湯 湯頭濃郁鮮甜，冬天食熱辣辣，拌飯一流，牛肋骨已經起咗骨，變成柔軟嘅肉片，方便食用~最後仲加點咗一條紫菜包飯，傳統餡料，幾香麻油味~

[ 尖沙咀南대門· 正宗韓式燒肉 ]#尖沙咀 #南대門🔸BBQ晚市套餐 $318（牛肉x1 主菜x1 飲品×2）🔸前菜六大碟種類豐富，仲可以任添食，真係好唔錯！重麻油香嘅大豆芽同泡菜都好好食，配搭生菜包肉勁惹味✨🔸牛板腱 （跟餐 肉類）厚度啱啱好，簡單兩邊燒一陣已經可以食；肉質鮮嫩油花平均，望落已經好靚🤭食落除左牛味重外，仲好有嚼勁，味道同份量都足夠，好高質🤩🔸石鍋拌飯（跟餐 主菜）配菜好多，有紫菜、雞蛋、牛肉、翠玉瓜等等，拌勻一齊食，口感豐富滋味有層次，仲有滿滿嘅飯焦，大滿足👍🔸護心肉 （跟餐 加配+ $140）即係橫膈膜同肝之間嘅肌肉肌腱部分，每隻豬都只有好少分量，唔係周圍都有！肉汁豐滿，咬落好爽口，好正啊！————————♡♡♡♡♡♡————————🔸總結韓國人親自主理，一條街已經有幾間分店，真係好誇張😳每一間分店都有唔同嘅主題，試左嘅呢間就係主打韓式燒烤嘅，通風同座位都做得幾好，肉類勁高質，份量都唔錯，值得推薦💯👍📍南대門 cuisine 🏠尖沙咀金巴利道75號東南大樓地舖#jmhkfoodie #hkfoodie #hkeat #hkeats #hkfood #hkig #h

長期飯堂韓燒好地方莫過於尖沙咀的南大門晚市有超值套餐$368就包一份肉類、兩個主食和兩杯飲品,實在好抵食我們選的肉類是護心肉比較乾身，烤出來的時候好香將它夾在新鮮生菜裡，加上泡菜和特製醬料咬下去滿嘴都是肉香和蔬菜的清新超級好味除了燒肉，我們還點了牛胸大醬湯同泡菜炒飯大醬湯味道濃郁，湯底非常入味，冬天喝一口暖到入心而泡菜炒飯更有驚喜，炒得剛剛好，粒粒分明，泡菜的酸辣味讓整碗飯都活了過來，正如果你和朋友一齊來，建議可以叫埋燒酒，搭配韓燒非常合適, 我們去的時候大約六點多，已經有很多人了，氣氛熱鬧，所以建議提前預訂位置

原來呢個韓國菜有二間分店我地今次食唔係路口個間重點無限時可以慢慢食我地叫左個二人餐跟牛阪建 另外再加牛肋骨同蝦感覺牛唔算特別好味二種都比較韌韓國拌飯正常發揮鍾意飯蕉朋友一定好愛配菜有成6-7款我好鍾意

【前菜小吃】作為開場，多款小吃清新爽口。茄子吸收了韓式調味醬的鹹甜，柔嫩多汁，翠肉瓜則帶有自然的鮮甜與脆爽口感，簡單惹味。 韓式燒烤套餐可選一款牛或豬再配主食和飲品。【牛舌】切片薄而均勻，經燒烤後帶有微微焦香，肉質彈牙，口感細膩，簡單蘸少許鹽即可突顯其鮮美。【板腱肉】肉質鮮嫩且略帶油香，燒烤後香氣四溢，外層微焦，內裡多汁，入口豐富而充滿肉香。【醬烤牛肉】則以韓式醬料醃製入味，味道偏甜，烤製後醬香濃郁，但愈來愈韌。【醬烤豬肉】肉質軟嫩，韓式醬料略帶甜味，經燒烤後更加香濃，搭配生菜包裹，清爽又不膩口。【海鮮煎薄餅】薄餅外層煎得金黃酥脆，餡料內含大量韮菜和香蔥，又有魷魚，帶來鮮甜的口感，搭配韓式醬油蘸料更添風味。【蜜糖牛油蒜蓉炸雞】炸雞外皮酥脆，蜜糖與牛油的甜香完美包裹每一塊雞肉，蒜蓉的香氣則提升了層次感，內裡雞肉鮮嫩多汁，甜而不膩。

尖沙咀韓國街眾多韓式餐廳，每次來都有驚喜，這天首次幫襯南대門 ，想不到有性價比這麼高的燒肉套餐，兩百多元一份包高質燒肉及主食，吃完真的滿載而歸！肉食我們選了五花肉和肩胛肉！五花肉肉質肥瘦相間，具有豐富的油脂，烤至微焦後，外皮香脆，內裡依然多汁。而肩胛肉肉質結實，纖維感明顯，烤出來的香味濃郁，口感層次豐富。這部分的肉稍微帶點咸味，適合喜歡嚼勁的食客。 至於主食，韓式牛肋骨湯實在不用錯過！這道湯品以牛肋骨為主料，熬煮出濃郁湯底，肉質軟嫩，湯汁醇厚，散發著誘人香氣。 辣牛肉湯則以牛肉為主，加入各種香料和辣椒，湯底清爽，湯汁鮮香撲鼻，與牛肉的鮮味結合，辣味十足，適合喜歡重口味的食客，帶來獨特韓式風味體驗。南대門的抵食韓燒套餐不僅提供多樣燒肉選擇，還有美味主食，無論是聚會還是家庭聚餐，都非常合適。鮮嫩的五花肉和肩胛肉，加上濃郁湯品，每一口都充滿韓國的地道風味。南대門 (尖沙咀)地址：尖沙咀金巴利道65-67號太平洋大廈地下2號舖

行至尖沙咀韓國街，那有不品嚐韓國菜的道理，韓國菜商店種類繁多，令人目不暇給，選擇困難呢，看見這間飯店有烤肉，便要進內一試晚市套餐（牛肉SET） 388元晚市有套餐選擇，可選燒牛肉或豬肉，每種也有幾款肉選擇，這個貴一點的套餐包括一款燒肉，2款主菜及2罐飲品，我們點了牛板腱肉，牛板腱肉油脂分佈均勻，燒烤後肉味四散，而且肉質嫰滑，主菜共有10多款選擇，我們選了拌冷麵，冷麵爽口彈牙，份量足夠，加點芥辣及醋能提味，令味道更出眾，牛腩大醬湯味道濃烈入味，解膩一流，配上白飯更有滿足感甜辣炸雞（半份） 130元炸雞半份份量多及大件，甜辣味令人百吃不厭，雞件香脆，炸份不會過厚，而且有薯條伴著，惹味非常南대門金巴利道75號東南大樓地舖

尖沙咀有好幾間南大門，比較接近街頭嘅係南大門2號同3號，行遠少少，就係呢一間南大門cuisine🍽️ 天氣涼咗就最啱嚟😆呢度主打食燒肉set，有牛肉同豬肉揀，$318包一款肉、一款主菜同埋兩款飲品，兩個人食都夠晒豐富😋𝟙韓式前菜呢度有4款前菜，泡菜爽脆酸酸辣辣、梛菜花爽口唔會太淋、大豆芽爽口帶微辣、脆肉瓜食落好fresh😋𝟚牛肉套餐｜牛板腱肉呢度有大概10款肉揀，我哋就揀咗牛板腱，油花幾靚，肉質結實，肥瘦適中，有返咁上下厚度，食落牛味濃有肉汁，咬落去有少少嫩口，用生菜包埋泡菜、大豆芽等前菜一齊食，食落好match感覺好滿足🤤𝟛泡菜炒飯炒飯有泡菜、五花腩豬肉條、紫菜碎同煎蛋，煎蛋食落香脆，炒飯既泡菜偏辣同濃味，鍾意食辣嘅朋友可以試吓🤣成個炒飯好惹味，飯粒比較軟糯𝟜海鮮煎薄餅海鮮煎薄餅大大份，煎得金黃香脆，餡料有大量海鮮，有爽口彈牙嘅魷魚、蜆仔同韭菜，香口唔油膩，煎餅唔厚粉，值得推介😆😆