南대門

营业中

休息中

睇rm見到光洙系甘話雪濃湯好味所以一直想試點知個日系韓國街搵食見到餐牌上面有雪濃湯即刻決定入去試因為我同朋友都系食肉獸，所以叫左個牛肋骨牛肉量一般但夠大塊牛肉味好濃，食落口好正既牛油味全部肉系5肥既，5會咬落口成舊肉，亦都5需要切走肥膏，因為0肥膏甘濟，成舊都可以食落肚呢份$138左右，價錢系有d貴，勝在肉質好。之後就系我地最期待既雪濃湯湯味道好濃，仲有好濃肉味，幾好飲，我諗似系牛肉湯甘。配料有超多肉！食到底都勁多塊，肉既味道都不錯，好足料阿仲有d細細既麵線好得意既配搭不過飲到底個陣個湯好重味精，有d敗筆但大家都可以試試，大概$78，有埋個飯

今日係尖沙咀工作，午餐走了黎依間南大門食午飯。三人各自點了一個餐，分別係有牛肉的飯，辣辣年糕同辣海鮮麵。牛肉配飯好味但太多菜了，辣海鮮麵麵條剛剛好但虾未除腸，但整体滿意。最後就係辣辣年糕麵⋯⋯完美，年糕有口感又辣辣地配麵條一流⋯⋯

尖沙咀韓國街這餐廳我經常來到中午都好，不過我今次食晚市，由於金錢所限只order一碟豚肉雜錦拼盤 嘩………黎到果時同相片完全不苻，睇落好似要再order其他食品，個拼盤有咩我都唔清楚食這些肉會夾好多香料，醬，泡菜圖中四小碟之類，所以味道已很足，員工有時幫我地燒埋，服務一流，另提一提果四小碟應該可以添食，因為我都添食了一轉，這拼盤原來都好飽，兩人都夠食

心血來潮想食韓國嘢又唔知食邊類 通常我都走去呢條街睇吓 總有間啱心水嘅。今次就俾呢間門口非常熱情老闆招待咗我入去。主要呢度是食燒肉，而隔離果間係食炸雞煮物為主，都同一個老闆。所以你2樣都想食的話建議在燒肉呢間食。而我好大膽地今次叫左個超級芝士豬排骨。佢有2個分量。我同朋友2個緊係食個比較細d㗎啦。留意，佢可以加辣同埋加碗飯，經驗話俾我知個飯係成個食物嘅精華。其實食咗呢2 round，正常已經食唔落其他嘢。所以下次都係叫多幾個人嚟食啦…食果時d芝士卷住d豬排骨食時有d麻煩，不過睇吓你點食啫，本人鍾意分開食…個飯真係好好食，佢會加蛋，紫菜等材料幫你煮，服務當然有，放心慢慢嘆

在一個雷電交加的晚上，我同朋友毫不畏懼地走在尖沙咀的街上尋找好吃的東西，二人甚飢餓，不知不覺間走到韓國街，認為大杯酒大塊肉吃個韓燒不失為一個好晚餐。成條街出奇地少人，第一次進到南大門這家似乎甚具規模的韓國食店(一連幾間都係佢)，只有寥寥幾枱。正好，可以在安靜中吃個熱烘烘的韓燒。叫了豆腐鍋，色彩鮮艷已叫人食慾大增，吃下去叫人最驚喜的是，這個豆腐鍋不但很可口，而且有別於一般的味道。雖然顏色很鮮，但吃下去其實是不辣的，加入了不少海鮮，吃下去覺得很鮮又很開胃，湯的質地是比較稠的，其中有一點點甜味我覺得比較和風。當然豆腐又足料又很滑，其中的翠肉瓜煮得很透，兩者有入口即溶的效果啊！啖啖肉系列方面我地點了牛肉雜錦，可以一次過試到幾個部位的牛。肉是食得出很新鮮，而且煎起來香到不得了，本來還想試下豬肉的，但真的吃不下了。服務方面很好，有一個來自Nepal的女服務員一直侍候在側，吃燒肉時仲送上一小碟有少少酸好似泡菜又好似沙律的菜，說伴着牛肉食更可口，她很細心，很sweet，其他韓國男人雖然冇咁sweet 但又週到，我地叫了一碟肉，幫我地換了爐兩次(沒有開聲request 的)

青口仔 非常小型 3，5粒好吃雖小尤榮夠鮮口雖少 但自己也絕不會買那麼多材料來弄一午飯 在家蜆仔 也異曲同工超小型 但味佳魷魚片好多所以是抵的大蔥 特別是本人出奇地濃味將幾乎3碟泡菜掃平雞蛋一隻旦也是永遠鍾愛大量豆腐 洋蔥 翠肉瓜這位午餐55元不加一令自己多吃了素菜南大門在金巴利道以不加一吸引我入去白飯不過不失送4 小碟醃菜茄子頂好吃條條好看味道別致，不油膩吃清晒2碟必須說是吃得飽足非常細小的海鮮如上照卻好好吃懶做飯下次一定再吃南大門海鮮豆腐辣湯鍋值得一提裝置入時空間充足很舒服怡人一店

同同事食晏，同事話想食部隊喎。我哋就去咗韓國街，搵咗一間未食過嘅韓國餐廳入去試吓啦。個部隊鍋平平無奇，感覺上就好似將所有食物擺埋落一個煲度煮熟哂佢。湯底冇乜味，唔夠辣，太酸。啲腩肉煮得唔夠入味。配菜方面，豆腐太乾，蔬菜種類亦較少，瓜切得太薄，一夾起就爛。腸仔午餐肉不過不失啦，但正常都唔會將呢兩樣野煮得難食嘅。總括來講，呢個部隊鍋唔難食，但就好似係屋企將所有野擺落個煲度打邊爐咁，完全唔覺得自己去咗韓國餐廳。

Happy Friday想和朋友聚聚. 本來打算食上海菜, 但友人想食飯, 又想喝點酒. 所以選擇了這間南大門韓國料理韓燒一番. 幸好時間算早, 店內仍未坐滿, 立即便安排坐下了. 友人發板點單, 選了豬護心肉, 豬五花肉, 和牛肩肉.下單後, 侍應便好快送下配菜和各款泡菜, 如茄子, 芽菜, 大白菜, 菠菜, 白蘿蔔絲等. 因為各人都餓了, 所以立即起筷, 先食配菜.各款泡菜味道與坊間相若, 都很好食, 我由其喜歡茄子, 茄子好腍, 帶點淡淡的辣味, 開胃滋味! 友人則喜歡蘿蔔絲, 夠爽口!這裡的侍應都很友善, 經常主動過來幫手烤肉, 又會不停換烤爐, 所以完全不用擔心會烤焦!首先試了豬護心肉, 微焦的外層刺激食慾, 肉質嫩滑彈牙, 仲好juice. 烤肉的過程中, 大部份油脂都逼了出來, 所以完全不會感覺油膩. 拿上一塊新鮮生菜, 再放上烤得金黃的護心肉, 再放上一塊泡菜, 滿滿送入口中, 爽脆的生菜配著香口的烤肉, 再加上泡菜的酸辣, 滋味非常. 一口接一口停不了.五花肉挺厚, 烤完後仍能咬到啖啖肉, 而且外脆內軟, 夾塊酸辣泡菜食, 消油解膩, 又可多食幾件了! 我由其喜歡五花

金巴利街和金巴利道兩條街, 基本上就是韓國人的街, 九成食肆都是韓國菜, 開完一間又一間. 這間店就與隔離的”浦村”都是同一個老闆的. 之前食過”浦村”, 感覺良好, 於是試埋這間”燒烤”.門口放置一列的座位, 好讓要等位的客人慢慢等… 真係用心良苦…哈哈這間的配菜比教少, 只有三碟很一般的貸色, 當然, 泡菜, 在韓國人開的店, 仍然有水準的.是日我們四人行, 眼闊肚窄, 落單超出了期望的份量, 在落單的時候, 那位老闆仔(這店的老闆好似有兩個兒子, 一大一細…我意思係指佢地個身型呀…哈哈), 老闆仔都打咗個突, 好怪異的眼神望著我們, 佢心裡應該諗緊: “嘩… 你四條友..食得晒至出奇呀…” 哈哈…我們沒有選擇那些散叫肉類, 而是選擇了雜錦式的餐: 一客韓式牛肉雜錦燒烤(380g) $380, 一客豬肉雜錦(380g) $300, 然後想再加多一個韓式豬骨薯仔湯(大)$350, …哈哈.. 當叫這個的時候, 老闆仔就好很驚訝地”Big Size??”… 跟隨我唯有話: “ok, ok, small size … ok, ok..”哈哈.. 我估真係叫太多了…啤酒, 韓國hite,

終於搵到你～血腸炒年糕😋😋😋我碟血腸炒年糕餐牌上其實係冇㗎，係喺隔離韓國餐館叫過嚟食嘅，因為呢邊先有烤肉如果又想食烤肉又想食血腸炒年糕就要係隔離叫咗過嚟先，因為佢哋係同一個老闆嘅所以絕對冇問題血腸係將豬腸或者腸衣讓入豬血丶糯米造成。好食嘅血腸唔係周圍都食到一係就血多得滯糯米太少，一係就只有血就沒有糯米，其實血腸係韓國嘅地道小吃，喺韓國一啲地道嘅鋪頭小店先至會到血腸加𠹺年糕一齊炒，其他地方多數都係分開買，如果係香港更加唔使講好多韓國料理就算係韓國人開嘅都未必會有說血腸炒年糕叫，唔怕食內臟拖同豬紅朋友不妨試一試，正!!!!!!!至於烤肉方面都會有唔同嘅種類俾你地揀不過大家要有心理準備嚟呢度食嘢淨係排隊都等唔少時間冇耐性嘅人勸你放棄，嚟到呢度食嘢每次都要等餐飽不過有樣嘢好窩心嘅就係你一入到去坐低老闆有時會好窩心咁送碟小吃俾我哋食，雖然唔係一啲咩貴嘢但已足夠緩解一下我哋久等嘅心情～

 一到午餐時間大家都頭痛唔知食什麼好, 行過間韓國餐廳, 見到是新開便入去, 裝修舒服及坐位寬敞 同事各自點餐, 我點了牛骨湯+飯,很快便上餐, 個湯賣相不錯而且有4大件牛筋骨咁多(其他餐廳通常只有2件)肉好嫩滑, 湯味道清甜. 大家還share了份炸雞, 原本心裡不贊成叫的, 因為同街的X家炸雞是出了名, 但不外如是而且還帶有好勁雪味, 但為免掃了同事興而沒反對. 結果出乎意料, 外皮鬆脆, 一點都不油膩, 肉質嫩滑, 更重要的是完全沒有雪味連伴碟的薯條也不錯, 結果很怏便一掃而空. 個個同事都讚不絕口地離開.

同事叫去新開的韓國餐廳午餐，入內就是傳統的韓國燒烤餐廳，本來以為又是那幾樣，但是餐牌的內容十分有驚喜，有韓式、中式，竟然連pasta都有，正！正！可以有多種選擇。同事發板點了餐，先上來泡菜炒豬肉，旁邊放有豆腐愧，老闆話餸放在豆腐上一齊食可以減少辣度，所以一向不吃豆腐的我，唯有照做，嘩嘩不得了，好好味，而且豆腐完全沒有石膏粉的味道，嘻嘻結果連續食了二塊豆腐加泡菜豬肉。再來是冷麵，先試帶辣的，味道不錯，酸酸辣辣，但因不能食辣，只食了少少，然後試不辣的，味道十分醒胃，麵條QQ的很彈牙，酸味很純，是炎熱夏天的最佳美食，結果我一個人便搶食了大半碗，然後pasta亦有西餐廳的水準唯一美中不足是白飯有點硬，但是總體是很不錯，又有一個新的落腳點了！

今曰打風提早收工太好了😆😆，三條友突然想食韓燒，所以就入左呢間好新淨既南大門啦，聽職員話開張左半個月咋，要讚下既就係呢到招呼好好呀，有個識講少少廣東話同英文好好既韓國男仔由門外就開始招呼我地啦，韓國人入面都算幾靚仔哈哈！ 一來就有六個小碟， 有辣有唔辣，仲可以refill 我地個個都係牛魔王，咁多款牛樣樣都想試下，所以就叫左個牛肉雜錦，同埋辣醬三花腩 ，仲有冷麵同白飯，分量超足，好鬼飽！😍😍 全程有個成個金鐘國咁多肌肉既靚仔韓男oppa幫我地燒肉💪💪，又冇油煙，乾乾淨淨，完全唔洗旭就有野食，佢仲會用簡單英文同廣東話介紹幾句，仲用身體言語教我地點樣食先係最正宗既韓式方法，招呼簡直一流！仲冇生菜青瓜紅蘿蔔都係可以refill 既，幾大方！😙😙😊😊😊Oppa話牛肉燒完要即刻食，先唔乾同硬曬，整體泥講都幾新鮮同牛味好濃，嘩個五花腩好好好好味呀！😍😍😍😍😍👏👏👏👏👏醃得好入味，豬皮好煙韌呀！！超正，同係韓國食既差唔多，果然係韓國人開既☝️☝️個拌冷麵好煙靱，酸酸地 少少辣，凍食既， 岩曬夏天食👏👍另外值得一提既就係佢地好得意，除左韓式菜之外，仲有西餐食，有意粉漢堡扒，唔中意韓式既朋友可以食西餐，唔洗