南대門韓國料理 (恆港中心)

营业中

休息中

今天在尖沙咀跟客戶見客.一下樓便在韓國街附近.開飯啦🥢🍚被門口餐牌吸引.店內都7-8成滿的客人.便進去一試😋一行四人只有四個前菜..有點少😥前菜都比較無味..薯仔的冰仍未溶...薯仔中心有冰的😥🥢燉牛肉鍋 💰68比較清淡而無味...牛肉量少😥失望這價錢來說...有點失望.🥢牛肉飯 💰58份量很大很足.有炒過.有味的👍🏻滿意的 🥢清燉牛排骨湯 💰72很失望的說...牛很少..煮得很老...咬不開....湯只有鹽味..沒有牛味..極度失望.😥🥢牛肉什錦拌飯 💰58🥢豬肉泡菜餅 💰72這二個不過不失.沒有甚麼特別...總結..開在韓國街的韓國店也只是這種質素...不會再來😥店員是中國人.全程吃飯一直在看我跟同事討論食物..感覺很差😥

碰巧這幾天在尖沙咀有工程，於是被迫到了這條韓國街看看有什麼韓國食品新知。🤷🏾‍♀️前菜有四個，但是一個是茄子🍆、一個是南瓜🎃，我們都把他們退回了。我點了個平時在「美談」也吃開的蓋飯，因為感覺蓋飯雖然有泡菜，但其實泡菜配飯，比起空口吃泡菜好味得多，因為辣辣的，又可以配襯大大粒的米飯。平時的就有豬腩肉配墨魚仔，這次就只點了個豬腩肉，腩肉好像譚仔的腩肉一般，肥瘦均勻，肉也不算太過肥膩，泡菜份量也不少，因此配起大大碟飯，感覺也挺大快朵頤的。泡菜比起平日的沒那麽辣，但配合腩肉炒過都挺有鑊氣。還配有煎蛋乙隻，但是中間蛋黃比較熟，配飯當然也不錯。友人的大大碟蜆肉烏冬，好像也不錯，麵條偏向滑，湯底也挺鮮甜的。店子有各式啤酒汽水，但也有免費贈送茶飲。

這天晚上在尖沙咀韓國街逛了很久，決定入來這間看似十分地道的韓國餐廳。餐牌的食物種類甚多而且價錢相宜。首先點了一個石頭牛肉窩飯，牛肉味道一流，蔬菜鮮味，飯焦香脆，再加埋帶甜味的辣椒醬，簡直人間美味！另外還點了雜菜牛肉炒粉絲，味道甜中帶鹹，份量大碟，還是不錯的選擇！最後點了海鮮煎蔥餅，這是我吃過最好吃的韓式蔥餅。它的口感十分鬆脆，即使涼了還是保持着它鬆脆的口感。老闆娘是韓國人十分友善還會說一點廣東話很可愛！總而言之，食物性價比高，值得推介！

今日出去尖沙咀開會，午飯就去咗韓國街覓食。由街頭行到街尾，見到呢間入面唔少人就揀咗佢。座位唔多但乾淨簡潔。餐廳是傳統韓式食店，有炸醬麵、牛肉湯。我和同事分別揀咗牛肉什錦飯和海鮮辣豆腐鍋。落order後，好快就上前菜，共四款。我哋幾肚餓，好快清咗碟泡菜，仲免費添加，前菜味道不過不失。兩款午餐都真材實料，大大份之餘，味道也不錯。同事的豆腐鍋，上菜的時候熱辣辣，食極都仲有蜆，而我的什錦飯，不是用蠱惑的碗盛裝，差d食唔晒，唔加辣醬亦都好夠味。侍應姐姐自動加茶，唔洗叫先郁，服務唔錯。午市唔加一，真係低食夾大件，鬧市中快靚正的首選!

晏晝黎到尖沙咀既韓國街，呢到有好多韓國野食，行過見到呢間鋪頭既餐牌，發現有既款式都幾多，價錢又唔錯，就入左去。叫完野食之後waiter即刻上左d配菜，成5碟咁多，我覺得最好食既係茄子同芽菜，甜甜地咁好惹味，茄子咬落去唔太淋又好多汁，正今日好想食麵，但又唔想食水冷麵個d凍野，就揀左食個炸醬麵。韓式炸醬麵同中式既好唔同，個醬係黑色既，冇肉（唔知係呢個冇肉定點），入面仲有d瓜同薯仔，甜甜地好好味。麵既份量都好多，真係食唔哂。

今日又落金巴利街食飯，因為係公司附近所以成日夜晚都會黎，呢度咁多間韓國餐廳，我覺得呢間最抵食。今晚同同事一齊食，黎到都唔洗等位，一坐低就有4款前菜， 有泡菜，芽菜，炒雜菜同蘿蔔，係可以添食的， 前菜正正常常， 味道ok 我同事叫左個海鮮豆腐湯， 有蝦同蜆， 仲有泡菜，湯有鮮味加辣味， 豆腐又滑，好食我就叫左泡菜豆腐湯飯， 唔算辣， 豆腐真係非常滑，D 半肥瘦豬肉都好正，夠腍，份糧都好足夠， 我同同事都食哂d 野， 食到好飽埋單$72一個人既晚餐，食到咁飽，抵啦。

無韓國人做店員的韓國菜小店! 公司小妹立志要試盡尖沙咀韓國街既韓式餐廳, 終於嚟到最後一家了! 而這家亦係唯少有一個韓國人店員都無的韓國菜餐廳! 自己寫紙仔落單, 2個人有4小碟前菜, 小妹食炸醬麵 $58, 我食烤豬肉蓋飯 $58! 先講炸醬麵, 麵身彈牙! 醬就有點太差, 水汪汪好稀, 掛唔到麵之餘太甜, 可能因為洋蔥太多, 所以成個醬都太甜! 反而個豬肉蓋飯比較好少少, 份量多, 肉菜比例平均! 不過菜太多水, 浸到半個飯都濕晒, 如果鍾意撈汁食飯既會好 like! 煎蛋係全熟黃!註 綜合意見, 以後去韓國街只有1家店可選! 

過嚟呢頭睇韓國食材，順便食埋晏。舖頭簡潔明亮，寫完紙仔落單，飲啖茶，望吓街，hea 住等食。麵豉大醬湯，餐牌上用英文寫成 Miso Stew with Crab and Clam。現實版係見唔到有蟹，主要食材係蜆、實豆腐及疑似番薯。湯好熱，滾住上枱，舖頭的強勁冷氣幫手將佢快速降温，入口比較鹹。韓式湯麵即係齋麵，麵身幼滑，口感唔錯，多啲紫菜更好。懷念喺首爾的舖頭仔食麵，成盒紫菜碎放喺枱面任加任食。呢碗麵份量大，好夠飽，清湯底味精算輕手，略嫌鹹咗啲。枱上最好味的，係幾款小食。泡菜有蒜香，夠辣又爽脆，食落新鮮，係最喜歡的韓式原味，由於份量少，要同老友搶食。以為白蘿蔔係酸的，點知係鹹架，好有趣，食到蘿蔔的清香；用青豆做小食唔常見，遇到會特別開心。

友人突想食人參雞，所以即組團去左尖沙咀韓國街度食一食料理，間間餐廳人流差不多，只有新派的韓式餐廳要等位，之後隨便找一間餐牌有人參雞的。食物價錢普通，餐廳不大但坐位仍算鬆動。落單需要自己寫號碼落紙仔比職員，職員都很NICE提醒左我落錯單之後開始我的地獄來回又折返人間之旅啦!其實我初頭對餐廳期望不大，但品嚐到五個小前菜後開始很有期逞，因為前菜味道不俗，特別是泡菜及薯仔，個人十分欣賞。可惜，紫菜飯團將我的期望狠狠破滅可能前菜品味道有點濃，反映個紫菜飯團好像沒有味道一般不過，泡菜餅的味道又令我十分滿足泡菜餅的味道跟我在韓國食的一樣，水準十足!不過其後無論人參雞湯、牛肉湯、水冷麵及炒年糕都令我有點失望。其實牛肉湯、水冷麵本身味道沒問題，但係塊牛肉真的硬到媽媽聲，勁有咬口!但個人參雞真係完完全全不行，除左燸米飯OK，湯只得一點點人參味及隻雞食左一啖都無意欲再落手。不過，最後1個菜泡菜炒豬肉再令我跟友人失望中回來，味道需要略咸，但十分好食，豬肉片很薄及易入口整體而言，對我來說這餐廳的菜色名中帶有泡菜的仍令我有沖動再次品嚐(除芝士泡菜年糕)，其他菜色的吸引力真的不足

I was having lunch by myself and decided to have Korean. Walking along Korean street, I chose Namdaemoon One Korean Restaurant.During lunch time, they have a lunch set menu. Menu is in English, Korean and Chinese.  Just some basic Korean rice and noodle items. There is no 10% service charge during lunch time. You order by writing on the tiny pad of paper found at each table.They provide appetizers: kimchi, minced beef with green beans, daikon. The appetizers lacked  bit of seasoning. The kimchi

天寒地凍想食下又熱又辣嘅野，韓國野都係一個選擇。尖沙咀韓國街嘅食店林林種種，好多選擇。而我因爲唔想食炸雞同芝士，就揀左呢間。前菜有五碟。五碟都幾可口，最喜歡白蘿白。天氣太凍想暖身加補補。呢個人參雞有成隻雞喺入面，加一片片人參，紅棗等等。單單食呢個都好飽。佢雞湯味高過人參味，可能因為人參湯未夠入味，食人參嘅時候仲有幾重嘅甘味。泡菜飯加流心蛋唔錯。辣味中等。有少許腩肉同牛仔骨，都幾香口。泡菜餅其實都唔錯但泡菜飯更香。第2張圖可以睇到佢真係好大塊。2個人食有啲太多。7點幾坐滿哂人。係幾抵食嘅小店。

心血來潮想想食韓國野，諗住放lunch既時候去食幾中意果間韓國餐廳度食（係婚紗街既😊）但當日去到摸門釘，因為佢而家平日係開3點lol但唔緊要，行番去韓國街啦... 友人見到呢間餐廳話想試下，我冇咩所謂⋯⋯因為覺得應該韓國野都整得差唔多味道既心態去食😬而且南大門又咁多分店...4小碟...（茄子幾好食）我地4個人order左1.泡菜煎餅 煎到好香好脆！感覺似脆餅😂😂幾新潮既感覺，中意食脆卜卜野既我覺得幾好食！但係一點都唔正宗，因為佢做到完全失去左韓式煎餅果種煙韌感😂😂而且我真係唔係好食到有泡菜係入面，可能係佢刀法太好，切得太碎/mix埋左？😂2.海鮮辣豆腐湯豆腐是嫩滑的，湯一點也不辣！海鮮也足夠（蜆），但係湯既味道只係咸3.牛肉海帶湯幾鮮，但又係太咸喇救命🤦🏻‍♀️🤦🏻‍♀️🤦🏻‍♀️牛肉幾香 但柴口4. 辣炒年糕拉麵賣相正常，但醬汁太水..年糕掛唔到汁，而且年糕份量好小...10條都唔知有冇但驚喜既係魚糕份量比其他餐廳多👍🏻5.水冷麵湯底太甜，唔酸... 雖然佢有比醋我地自己加..但湯底真係唔合格lol4個人食左$3百幾，係平，但唔好食！

間間南大門味道唔一樣ga, 之前食過金巴利道，今次試下韓國街(金巴利街)入面果間，都係韓國人打點，點菜寫號碼啦，餐牌有圖，韓式餐前5小碟，最好食係薯仔，泡菜有陣魷魚香，但太咸呢叫3樣野已經好飽下1，大醬湯 ~ 有粒粒麵豉，蔬菜都好多，但蜆就少左少少啦，味道唔錯，跟個白飯2，辣魷魚蓋飯 ~ 個蓋即係隻蛋，名呢家野唔洗深究，好食咪得咯，可能迎合香港人口味，唔夠辣咯，香味就夠，好多蔬菜3，炆牛胳骨 ~ 以最最快上，食晒湯同飯先黎，呢樣最似屋企餸，食完唔口乾，無味精2個人$320左右埋單，係坐得迫少少，其他都唔錯

自從厚福街平時食開lunch嘅韓國餐廳唔見左之後，已經好耐冇係尖沙咀食韓國野。心血來潮，係韓國街行左一轉之後，就鎖定左呢間。不過，視乎中伏了。。。首先，入到去見到個餐牌點解同出面果個有d唔同，原來係價錢可能佢有好細隻字要加錢我冇留意，但都冇可能咁，因為入面個餐牌已經直接顯示貴嘅價錢，根本2幅圖。。。不過重點嘅始終係食物，首先係4碟小食，冇驚喜，正常野，係個薯仔比較入味。跟住就係大醬湯，只能講同之前食開果間味道争左d，味道偏淡，要知道大醬湯整到偏淡其實係失敗之作。。。講到淡，點走得甩呢碗海鮮刀削麵。個師傅唔知係趕落場定為我地健康著想，真係好淡，至於其他餸，只能係一般到冇其他形容詞🤦🏻‍♂️PS:愈食愈熱，原來個職員開左門唔關，而且懷疑佢地熄左冷氣

去到尖沙咀韓國街，間間都係韓國野，其實沒甚麼款式可選，只有價錢及門面可選，行到尾，見有間韓國街坊格局的，還有韓國姨姨問阿囡女食紫菜卷，中正下懷，吸引小朋友就入去了。街坊快餐格局，樸實簡約，甫坐下就送來兩杯熱茶和4碟泡菜，好豐富，可能我們兩人有4碟，一人都有三大碟，真的在韓國街，韓國前菜一點不吝嗇。見餐牌除了紫菜卷，還有海鮮刀削麵，有阿女喜愛的蜆蝦，來到真係好豐富，滿滿的材料，麵也有很多。蝦像脫殼蝦，甚至有蝦膏，蜆有6-7隻，食到阿女滿足哂。阿囡很積極咁食，好少見。後來仲玩選麵最長。麵煙韌，有點似烏冬，但又有刀削麵口感，少少甜好滑，好易入口，也可以雪雪聲咁食，但韓國禮儀就唔好食出聲，所以自己雪住食好了。食完佢碗細碗,加多一大堆都都食得哂，不過食完兩碗仔話辣，真係小朋友先知的敏感味覺，阿女辣住都要食，證明都幾好味，湯底是蜆湯，少少蝦味，好清甜。麵都好食，韓國姨姨也好人。不過店面實在簡單，冷氣也因間中開大門而不夠冷，實屬快餐，不是慢慢歎慢慢傾偈的高價餐廳。