南越牛肉粉 (已結業)

放假前後多嘢做到痴晒線，做咗成年都未試過冇時間食午飯，今日做完已經係食下午茶嘅時候。下午茶嘅好處就係少啲人同我爭，所以就揀咗平時排隊等位都等唔到嘅越南粉食下。下午茶嘅價錢平均好似平幾蚊，不過我見過賣相就有啲唔開胃，啲湯好水，顏色望落去都唔似番茄湯底，仲好似要加＄3牛腩我估以為好入味，但食落去就一啲都冇香濃嘅茄汁味, 芽菜爽口增加口感。河粉係我好鍾意食嘅好幼嘅河粉。如果啲湯可以再濃郁啲就好啦！反而凍奶茶就幾好味，茶味好香

紅磡附近真係好多開倉，今日同同事shopping完之後，索性附近食埋晚飯先返屋企！我哋幾個都幾鍾意食呢間嘅越南粉。雖然服務係差咗啲炸雞翼同埋香茅豬扒都做得幾好食，但一定要趁熱食，好快就凍。撈果汁做得正宗好味。濃郁番茄湯底要加幾蚊，都 ok 啦!晚餐飲番杯三色冰，滿足了！

近年很少踏足馬頭圍這區，今天來附近買東西，經過這泰式餐廳，本人最愛光顧小店，便一試吧！但實在令人失望🙄生牛肉河（$34）非常普通，牛肉三兩塊，湯底麻麻。酸辣鳳爪撈檬（$38）不夠酸也不夠辣，搞什麼鬼😐鮮蝦米紙卷（$34），不得了，我還以為自己點了鮮「蝦米」紙卷！那粒鮮蝦跟蝦米一樣大小，亦沒什麼味道可言。我至愛青檸Soda難飲到一個點，用這個牌子的soda water除了省錢還是省錢吧？總括一句：不會再光顧。完。

一連幾日都要落客到開會，午餐繼續周圍搵食，真係又要唱番首歌...出咗半斤力, 想話洛番足八兩, 家陣惡搵食, 邊有半斤八兩咁理想(吹漲).見到呢間越南粉有人等位，應該唔差得去邊啊⋯⋯一邊等一邊睇Menu，OK $60 埋到單叫咗個鴛鴦湯粉，+$3 可以改茄汁湯底，顏色就好紅喇，味道一般。炸雞翼同炸豬扒就有啲瘦同埋乾。餐飲嘅凍奶茶，反而茶味就幾特別，幾好味！

去土瓜灣探朋友，2點鐘未食lunch, 就去行下睇有咩食。盲中中入左間越南野，甘岩下午茶時間，正！香茅豬排撈檬$37本來諗住下午茶平左, size 細份少少都可接受，點知都幾大碗，配料十足，有炸蒜頭，花生。豬排整塊上，外皮略略炸過，非常香口，檬粉爽口，軟硬度岩岩好，沾上魚露酸酸地好岩夏天食。香茅豬肉撈檬$35呢個係朋友點，豬肉分量不少，我偷食左幾舊豬肉，肉質夠滑，如果煎幾下，會更加香口，但整體唔錯。

忽然之間想食越南湯粉，可惜：生牛肉湯檬：牛肉百分百全熟，唔知點解！？湯底好熱，偏甜，但冇鮮味！唔知點解配菜加入豬肉鬆，奇奇怪怪！檬粉份量好少，亦好碎，食完唔飽！唯獨叫左杯青檸梳打比較正常！結論：失望，永別！

The people who runs this "vietnamese" restaurant, took over the business from what was once a very popular wonton noodle restaurant. After taking over the original business, they ran the business for another 6 months or so. It was then converted to the current vietnamese restuarant.As with any Pho noodle, the key is in the broth, the noodle, and the complimenting sriracha hot sauce.Having tried this place a few times to give it a fair chance, I've concluded that this place fails consistently t

加班做到八九點太肚餓在公司附近搵間鋪頭坐低食做到冇晒心機食啲高熱量高卡路里酸酸辣辣嘅嘢提吓神先越南撈濛啱晒今晚心情平日到七八點都幾滿坐我鍾意鴛鴦撈檬香茅豬扒加雞翼食完成個精神爽利香茅豬扒越肥嘅部份越甜咬落去滿口油香鍾意佢有少少蔥油豬扒肉唔夠軟腍有d 嚡口雞翼就外皮脆肉質比較乾唔夠嫩滑撈檬汁做法正宗呀凍奶茶完全唔掂糖水一杯下次都係飲三色冰好d

最近媽子係咁推介呢間越南菜，今日就同佢試試佢啦！其實不嬲都好中意食檬粉，一黎都清清地，二黎我係落勁多魚露，勁開胃啊！其實呢到既檬粉索價四十幾蚊，以街坊店黎講都唔叫平，同出面連鎖店差唔多啊，平時去深水埗食開都三十蚊有找添！叫左呢個札肉檬粉，如圖所見，個碗同餸都係大份既，配料例如青瓜，炸蒜之類都好多，但相對黎講反而係主角扎肉就少左啲啦，感覺上叫豬排果啲會扺啲卦？食落都幾好食，唔係話好突出既味道，但檬粉既量多，都叫可以填到肚啦~媽咪想食健康既菜，所以就叫左呢個素菜米紙卷，$42，都唔叫好平，食落都唔錯，入面既菜同紅蘿蔔絲等配料都足，又一唔重口味既健康小食之選~我呢啲食濃味野既人當然會叫返啲重口味野，一於試試個串燒。叫左呢個豬肉串燒，都有水準，食落唔會話太濃味，最緊要係多肉汁同埋唔會話燒到太un或者有燶，但我個人覺得串燒應該係大大串先岩架嘛呢到一串唔洗幾秒就食哂，有啲唔夠喉囉！用半價加錢叫左呢個三色珍珠冰，原價$20而家$10就有，味道唔係話好特別但勝在夠大杯！！仲有啲珍珠咬下過下口癮嘻嘻埋單百三蚊，其實唔太夠架兩個人，但咩都試左啲咁，都算係咁啦

依間食越南野叫南越既鋪頭，係我又愛又恨既一間食店。愛既當然係佢既食物，佢依度既豬頸肉同豬扒都做得唔錯，個表面脆脆地，又香口但又唔油膩。平時如果可以挨到去食下午茶，其實我覺得更好，因為份量上好似無咩大分別，但係個下午茶價我就覺得抵好多。今日有d趕時間，但又想分享依間野，所以影相影得一般，份量上係足既，次次我都食哂d粉都仲有兩三舊剩，至於個粉呢，就真係正常既一個粉囉，男仔食都夠飽，香料充足，的確越南粉同普通你去茶記或者車仔麵食個粉既分別上，我覺得就係靠面頭依d香料。鐘意可以落埋辣椒，個味會更出，一般我落兩三粒就足夠，有籽始終比較辣。豬頸肉切得幾好，唔太簿唔太厚，舊舊都肥瘦適中既靚豬頸肉連埋杯大大火杯凍檸茶，賣單$51一開始話又愛又恨既恨係依間鋪頭有陣“越南味”，食完件衫會好大陣味

土瓜灣絕對是舊區中表表者,馬頭圍道更被附近是改道令人感到冷清垮區客可謂少之又少,但平民化美食絕對不能沒有(它)。。。星期六之中午天,店子已擠滿是人、一人入場幸免於(排)午餐可算多選擇,喚來一個雞絲撈檬$41.(大大碗)之檬粉、是老區必先有的條件雞絲、碎花生、炸乾葱樣樣齊,加上每店自家調配撈粉碌冧汁味道對板也不錯,只可惜一上枱便給我看上附在碗上的碎花生、從而聯想起廚房部之整潔度這個確要正視 。。。配上之熱奶茶,茶味絕有潛質稱之為(茶味香濃)可惜花奶這個少關鍵,更淋漓盡致地特顯不夠順滑、家中帥哥每每同我講在街上要找到(老師傅),已是難上加難、可謂走一個少一個,深感明白。。。更感明白外出不作大挑剔,心情會更愉快放下錢両, 推門上街、心景平和。

今日同同事決定去試吓呢間新開嘅越南餐廳，一行5人喺1:10已經到達，啱啱好仲有一張近廚房出菜位嘅6人枱，相信食晏時候嚟食行慢半步都冇位。一坐低餐紙上項目都算多，但係冇午餐之類，都冇緊要啦，當我哋想落單時，待應就溫馨提示有午餐同即時攞咗個午餐牌俾我哋。其實午餐會平幾蚊同包一杯熱飲。講講今日食咗啲咩先:-香茅牛肉撈檬 - $41香茅雞翼湯河- $43香茅豬扒飯 - $43雞絲扎肉湯檬 - $43而我就食香茅豬扒湯檬 - $43一眼望落去份量絕不騙場，唔係只有個碗大，湯粉都幾多吓。個湯底好好味，而且色水都好清，加咗一啲切得纖細嘅洋蔥圈、必定有嘅芽菜、炸蔥粒同金不換等。而個香茅豬扒好大塊同好厚吓，食落鬆鬆軟軟，略嫌香茅味唔夠重。我仲食咗同事隻香茅雞翼，唔太大隻，都幾入味不過都係香茅味唔夠重。其他食物同事們都係讚，而且仲話會再幫襯，因為感覺好越南味，仲有份量夠大抵食咁話。小插曲: 雞絲扎肉湯檬嚟嘅時候竟然冇雞絲，通知咗待應姐姐之後，佢好快就攞番一碗俾我哋，而且呢位待應姐姐見我哋影相仲主動幫我哋擺好啲位，真係幾貼心。