南豐餐廳

营业中

休息中

2017.04.07 😊踏入4月又係一眾deadline fighter發揮小宇宙的時間簡直將自己的極限發揮到淋漓盡致交完一份final project😧OMG原來仲有3份等緊我原本想去南山村 搵小妹大愛的豬潤粥食下點知睇落似裝修緊 又唔想食品香樓🙁唯有是但搵間茶記醫肚啦餐廳係2間鋪打通左 都算幾大一入到去就有種懷舊茶室的感覺🤠店員的平均年紀都為大 但都好有禮貌用的是爺爺家綠色的地磚 細個好鐘意夏天冰冰涼涼的每個套餐都跟上2碗湯、2個白飯及飲品我地2個餐 所以有4碗飯 😂不過我地都同佢講左要2個飯就OK啦🍚另外 餐廳亦很慷慨 2個餐就會送炸春卷或炒菜 岩曬啲2口子、小家庭去食椒鹽鮮魷 $62每條鮮魷都俾粉漿包裹著 粉的厚薄度剛好酥脆的外皮炸到金黃色的🦑帶著少少微辣的椒鹽 沾上kup汁令我諗起細個去舊式茶樓的味道西檸軟雞 $57食得啲道菜 就要有隨時中伏的準備多數係大排檔食 一係勁甜 一係太酸今次小妹就好滿意啦 唔太甜唔太酸😆味道拿捏得好準確 可以值得再試雖然春卷及例湯都係跟餐送的但絕對亦是誠意之作春卷是即叫即炸的 不會有油抑翻炸的感覺配上甜甜酸酸的雞醬 挺開胃的🤗而今次的湯亦不是一般常

這日和男神教練一起跑步，做前就在此先醫飽個肚仔此食店老字號，都開了很久，今日晚飯，難得並不多人我們ORDER了西檸軟雞 $57和沙嗲金菇肥牛煲$59西檸軟雞 $57，原來男神教練和我一樣都如此愛吃外脆內軟的雞扒配上酸甜的西檸汁真是好吸引當然不少得這個沙嗲金菇肥牛煲$59份量夠多，牛肉也新鮮軟滑，口感幾好仲要連飲品，而且每個菜都送兩碗白飯，即共有四碗白飯我們只要了兩碗白飯，已足夠食得好飽飽了食完後雨仍未停，我們最後改了去做GYM~

這日來這裡跑步前先在此食個早餐。叫了個早餐B($27)，沙嗲牛肉公仔麵+腸仔粒炒蛋+奶茶沙嗲牛肉公仔麵，水準以上，牛肉軟唸，公仔麵煮得火喉足夠。腸仔粒炒蛋，炒得夠滑，不錯。我Partner叫了五香肉丁米粉，都幾好食。奶茶好香滑，幾高質。我們食完好味的醒神早餐後，便去石硤尾公園開始健康跑步之旅了!

Shek Kip Mei is an interesting neighbourhood. It seems to have a mix of things. Every so often, boyfriend and I would head here to see the art exhibitions found at the nearby JCCAC. As we were here that day, we stopped here for some food before heading onwards.南豐餐廳 (no English name) is a typical cha chan teng. It's located inside a public housing complex. There are actually a lot of other  places to eat but we normally eat at another place called 品香樓中西風味餐廳 (Ban Heung Lau in English) but it wasn'

最鐘意幫襯舊式茶記... 個種味道真係唔係周圍都搵到...今次叫扒餐... 仲慢過小菜... 同上次相反既... 哈... 不過真係好抵食~一睇就知呢個餐係婆仔點架啦... 咁豐盛~~~鐵板美式什扒餐正呀... 雖然等等耐左少少... 呢度包括左有火腿、腸仔、牛扒、雞扒... 樣樣都唔錯... 但最好食係雞扒... 鐵板雞扒餐婆仔食什扒餐... 所以唔洗偷食肥丁個雞扒餐~ 大家都係揀左跟薯菜~ 粗薯仔勁正喎...白湯因紅湯賣晒... 婆仔都焗住要飲白湯... 麻麻地...（婆仔有飲左好幾啖架... 但係唔多鐘意飲白湯既... 因為有蘑菇）蒜蓉汁一講話比多 d 汁... 就另上左一大碗比我地... 個汁超正~熱可力個杯好懷舊喎~ 夠味唔淡~凍奶茶一般般... 婆仔鐘意茶味多番 d 既~

每次有親戚朋友黎探我都一定會去南豐開餐。因為一個字！平！三個字！平靚正！我地一行7個人叫左六個餸仲送多碟肉燥娃娃菜。套餐仲每個小菜跟左兩個白飯及例湯。好多地方都係得一碗白飯，超飽！咕嚕肉吾干，虾醬通菜牛肉好香好野味。梅菜蒸鲩魚算新鮮。枝竹牛腩煲味道幾好，個汁送飯一流係美中不足係牛腩有D渣，牛根夠。食物水準比美酒樓又吾洗加一服務費，食左七個餸十二個白飯有湯有野飲埋單都係三舊幾

南山係經常食宵夜或者晚餐既地方，大部份人第一時間諗到既茶餐廳都係品香，我都係捧場客之一，今晚本身都想去食，但因為太多人結果去左隔離呢間人流少成倍既茶記，都算有意外收穫~係門口見到餐牌既小菜選擇都多，大概有四十幾款，重點係每個餐五十幾蚊但包餐湯一碗，白飯兩碗同埋餐飲，好抵咁！入到去揀野食，因為唔知揀咩就問姐姐，超級友善既姐姐叫我地兩人叫住一個餸先，唔夠先再叫，心諗一個餐五十幾蚊兩個人分咪每人廿幾蚊？！叫住一個餸先，又見姐姐拎左兩碗湯黎，問佢唔係得一個湯咩，佢話您兩個人咪比兩碗您地囉！佢簡直係友誼小姐粟米斑塊：叫左呢個粟米斑塊，無諗過真係可以咁大碟，老老豆豆如果兩個人細食真係可以share一個餐！！粟米汁鮮甜且多，用黎撈飯都夠做至於魚塊就有啲同想像有出入，因為本想預期佢係炸到脆卜卜果種，但係呢到係煎，所以唔會有脆皮既效果，可能岩唔想咁熱氣既人魚肉應該係鯰魚柳低價魚塊而且醃得有點兒過度，爽口既感覺有啲假，但有八九條，份量已經完勝！！收貨西檸雞：黑洞又點可能叫一個餸，再加多個炸物睇下佢點，同樣三分鐘就上菜，超高效率不過就代表係炸定，所以雖然今次真係炸但已經涷左同埋連埋啲汁係一啲都唔脆脆䊢明顯過

上幾篇文去完深水埗食腸粉買糕點, 再去長沙灣新華食蛋撻之王, 今篇就去石峽尾南豐食早餐.石峽尾 --- 細細個就去蕩的其中一個點, 大家通常都知品香樓, 係, 我都有去, 因為鋪大人流快易搵位, 但其實有時都會去南豐, 舊到不得了, 但阿姐好街坊令你有一份熟悉感.  手機中找深水埗的相片時,  發現我新正頭原來初五去食早餐時影了相, 順手寫埋它吧!出石峽尾地鐵行幾分鐘上到南山村平台就會見到一些在現今社區好少見的小書店: 還有售賣幾蚊一支筆、十元八塊的貼紙及有好多古靈精怪飾品小玩意掛門口; 另一邊會見到有賣幾蚊一包仔的零食攤及有掛滿各式玩具的書報攤、朝早魷魚檔未開, 行入少少有改衣檔口, (這一切一切...別怪我大驚小怪, 都屬於買少見少, 去大型屋苑行一轉~ 以上的'一樣都不會有'!!!)  去到在攤檔逛幾分鐘是很自然的事, 之後便去南豐看看有沒有位吃個早餐, 都是很寫意的一個假期早上. 今日去到, 睇睇有咩食先~早餐B, 炒蛋沙爹牛麵熱鴛鴦; Honey未肚餓亦無'茶癮', 平時甜嘢全免慣例帶清水出街, 這裡不是閙市餐店沒最低消費設定亦沒規定要叫餐, 所以淨食一客吞拿魚三文治.  阿

讀大學時，常常來南山邨食飯，這間是其中一間常光顧的食店。這日和朋友路過就進來回味一下，餐牌大致上和當年大同小異。我叫了粟米斑腩飯+凍檸茶，共$43。炸魚斑塊夠酥脆，大件，啖啖肉，配香甜粟米汁，質素不錯。可能來食時正值差不多九點半，人數不多，幾清靜。

在南山村，仍然有不少細鋪/老鋪聳立在這裡。今次來到的南豐餐廳，雖然不是經常來，但每次幫襯，我也會點海南雞飯。這個午飯再加熱飲，$37，論價錢而言不是貴叫我回味的當然是他的品質每次都是啖啖肉，而且都是雞脾雞翼部份肉質嫩而不老，加上皮薄多肉(見圖)，再配上蒜蓉，非常可口除了海南雞的品質好之外，飯亦見重要這個海南雞附上的飯不是用一般的飯而是特別加了雞油，油的份量剛剛好，因此一點也不覺得很油，同時飯也特別香整個組合變得更合拍我的經驗是：點海南雞時候，如果只說「海南雞飯」，附上的飯看起來是白色，吃的時候會聞到飯加了雞油，但不會太油。如果說「海南雞飯，油飯」，那附上的飯是黃色(因為油多)，非常香口雖然這裡坐得不算舒服，尤其LUNCH時很多人來幫襯，很多時會有搭枱情況，但就價錢，食物質素而言，是值得推介的老鋪

平日總會先看看品香樓有甚麼吃，有天想到已連開兩舖品香樓，於是決心試試南豐。干炒豬頸肉烏冬雖然等了近十分鐘，烏冬的鑊氣仍然欠奉，估計只是略略炒過，屬真正「少炒」。豬頸肉只有四五片，乾、偏瘦，以這碟烏冬的大小而言，肉太少了。辣椒油有點起沙狀，吃著吃著還挺嗆的。卡位小型，坐四人應該挺擠迫。下午茶時段一人坐坐，舒適寫意。

暑Sem最後一堂下課後的小午膳，忘了是誰提議走遠一點離開校園。不過都只是兩步之遙的石峽尾南山邨，即是突然間一大堆人去懷舊攝影那邊。說到南山邨就不得不提品香樓，不過並非這回的最後決定。周旋於兩家餐廳之間，反正未嚐過這家，加上店方極力展現的親和力。一餐就一餐，中伏都沒所謂，隨機一試。　　環境你想要有多優雅多華麗？茶餐廳就是茶餐廳。正正因為這是一般的茶餐廳，並非主打「懷舊」裝潢，所以特別。雖然漸露現代化，但還算有點氣氛，仍是有著拿拿臨的特色。　　午市有套餐可選，大部分款式均合心水，要選定一味真有點難度。其實餐牌聚焦點並非餐點選擇，而是午市推介第三項的字跡。友人指出這是毛筆字，不說美觀與否，說可以寫出如此精細的文字已經很厲害。不太懂分辨，對上一次以毛筆寫細字已是小學時期。難得看到現在有人還會用，且是寫餐牌，叫人不禁嘖嘖稱奇。焗葡國雞飯　$35　　大圓焗盤上是盛得滿滿的配料、醬汁及飯底，傳來輕輕香氣。讓我想起八年多前上完游水堂，冷得嘶嗦時在街市熟食檔吃到的熱騰騰碟飯。高級嗎？不。貴氣嗎？不。卻會叫想起以往的不少回憶。　　葡汁厚厚地覆在雞件之上，差點讓人忽略雞件的存在，實則件數約五件還可以吧。看上

雖然相鄰品香樓，但我個人還是較愛到南豐食飯。位置較舒適，沒有品香樓那麼逼，那麼商業化。早上點了個早餐，沙嗲牛肉通、腸仔腿絲炒蛋、熱奶茶，盛惠$26。水準不過不失，沙嗲牛的汁不俗，如果可以多塊方包會更好。典型港式早餐。

人人諗起南山邨就一定係去品香樓食野但其實我自己鐘意隔離的南豐多d, 因為佢比較抵食, 同埋其實野食都唔錯品香樓我都有食過幾次, 過譽了 (佢晚飯小菜係幾好味, 但下午茶呢, 就真係南豐抵d喇)南豐的熱奶茶 - 好飲!! (順帶一提, 佢的凍奶茶都係好好飲的, 而且是碎冰, 我覺得更好飲, 哈哈)火鴨絲炆米好味呀! 好足料的, 有好多火鴨絲啦蛋啦青椒果d勁大兜 @_@都唔係幾食得晒 @_@$33, 抵到爛啦!

平時喺南山村食開既大排檔星期日唔開，咁就諗住試下新野，見附近都有其他餐廳，就同屋企人黎左呢間南豐餐廳，見出面個水牌ｄ扒餐好似唔錯...好後悔我冇影到相因為我唔知竟然差到咁我叫左個鴛鴦扒，要雞扒牛扒，跟意粉點知就黎左豬扒，牛扒同薯菜一黎到，見到兩塊唔係扒囉，係肉！！完全唔係一塊扒應有既size仲衰過大ｘ樂果ｄ好多囉...跟住ｄ著條....啡色既，硬嗗嗗，好似番炸左幾次咁我同個落單姐姐講黎錯野，又冇黎意粉，佢先同我話入去追意粉我話黎錯左豬扒，佢話廚房睇錯左咁就走左去，完全無視我，咩態度咁我都算....照食跟住見到人地個扒，ｄ薯條係分開用碟上，仲要係金黃色好好味咁，當堂真係成60蚊一個扒餐，我去大ｘ樂，美ｘ快餐都仲好食過佢幾廿倍算啦，我話，俾人呃都係一次既姐，冇第二次諗住唔幫襯ｄ大集團，支持下本地製作，但呢度就俾ｄ咁既野客人食，一ｄ誠意都冇...