南豐餐廳

营业中

休息中

路過食個Tea～～第一次惠顧此茶餐廳，進店之後自己選擇座位，店員見我企喺其中一張卡位隔離，立即過來幫忙清理之前食客的碗碟，讓我坐下。然後問我是否食下午茶，幫我打開餐牌下午茶果版。下午茶都好多選擇，樣樣都想試，原本想叫招牌菠蘿包，店員話有火腿蛋响菠蘿包入面，不過菠蘿包啱啱賣晒，唯有轉食炸豬扒沙律，友人就食炸雞脾沙律。雞髀同埋豬扒都頗大件，但係有點炸過龍，現場睇的話顏色比較深，影相就唔覺。豬扒炸得比較乾，雞髀我就冇試到。配嘅沙律有少少誠意，雖然都係罐頭水果，起碼冇薯仔，唔會話用好多薯仔沖撐場面，降低成本，而且沙律裏面有椰纖果，配埋炸嘢嚟食，感覺冇咁熱氣，不過都有一般茶餐廳嘅問題，就係太多沙律醬。我飲嘅係熱鴛鴦少奶，冇咩特別，飲完都冇咩印象。正正常常咁囉。雖然我去嘅時候只係四點幾五點，但見到好多街坊喺度食小菜，我打開餐牌睇吓，發覺佢啲小菜好多選擇，同埋幾抵食咁，走嘅時候行過，仲見到啲小菜幾大碟下，打算有機會再去試吓佢啲小菜。

黎到十二月頭，早晚一陣陣北風，開始有冬天嘅感覺。秋冬進補，當然要揀羊肉煲啦。雖然限聚令只可以有兩個人，但係圍住打邊爐，真係好暖笠笠！羊肉煲得夠曬淋，有小小羊騷味，我埝大多數人都接受到，羊肉夠大舊，份量夠曬。不過個湯底鹹左少少，要waiter另外加水，而且會越煲越鹹。另外送左一份肥牛同生菜，另外再加兩碗白飯，簡直係完美的配搭最後，當然少不了距嘅招牌奶茶啦！食完之後成個人暖笠笠，夜晚訓得好暖好舒服冬日一煲羊腩煲，我感受到幸福的滋味

遠道從新界到九龍開會，唔想幫襯大型連鎖店，想試吓本地小店，於是試試這間茶餐廳。點了我最愛的沙嗲牛肉通，沙嗲醬比一般茶餐廳更有花生味，牛肉份量不少，通粉如果硬身少少會更好。煎蛋火腿正常。一般茶餐廳通常只有麵包或者多士，但這間竟然有菠蘿包，仲唔需要加錢，算少有。菠蘿包咬落去皮依然脆，不會濕粒粒或者乾爭爭，如果整熱佢會更好味😋。奶茶味道OK，沒有苦澀味。早餐時間張張枱坐滿人，每張卡位都有吊到上天花板的膠布覆蓋。店員亦會要求探熱。我要求轉卡位，店員也很樂意有禮！唯一可以改善是他們寫單好似有點亂，見到有幾次阿姐都要搵客收餐。下次經過石硤尾一定會再幫襯。

必須要讚下佢嘅菠蘿包，雖然細細隻但係夠香脆，而且新鮮出爐，中間加多一塊凍牛油，簡直正。醃肉好好味啊，炒蛋今次就一般般，素質一般，麻麻地，我覺得炒得有點過火，唔夠嫩滑。腐竹雞米線，普通雞胸肉咯，平平地冇乜特別，米線都OK嘅不過埋單七十幾蚊，兩個人食得好飽，講真咁嘅價錢真係好抵食！

又到開飯時間，懶得諗食咩，去開平時去嘅茶餐廳，解決溫飽問題。今晚食薑蔥雙腩煲同埋鄉下佬炒雜菜。薑蔥雙腩煲係五花腩同魚腩。五花腩有肥有瘦，但係以瘦肉為多，同埋D瘦肉煎得太乾，有點硬。個人比較中意食肥嘅，所以覺得佢可以整肥肉多D，魚腩就好香脆。鄉下佬炒雜菜就係炒洋蔥，西蘭花，白菜同埋菜心。西蘭花好好味，，夠鑊氣咯，味道幾好。

南豐set餐一向都有水準，今日叫咗餐肉炒飯+雪菜肉絲米好少早餐有菠蘿包做餐包，加分！餐肉煎得乾身，好味！炒蛋唔會食到成口油， 唔錯！奶茶香濃幼滑，好飲！雪菜肉絲就一般水準$32

好耐冇食過沙薑雞。今晚遇著晚餐特選沙薑雞，一於點嚟試下。雞肉分量好足夠，肉汁鮮嫩，配搭佢嘅沙薑汁簡直係一流。另外一味係啫啫通菜牛肉煲。夠火候，味道唔會太鹹，但係啲牛肉嘅肉汁質就差咗少少。總體嚟講，茶餐廳嘅質素，對得住70蚊呢個價錢。最近戒糖，所以點咗個走糖嘅熱奶茶。始終好肯定佢奶茶嘅質素。

好耐冇食乾炒牛河了。人哋話越簡單嘅嘢越難整得好食。試過好多間既乾炒牛河，一唔係太多油，一唔係河粉炒到碎曬，一唔係鹹到死。咁簡單嘅，菜式原來唔係到處都食得多好嘅味道。今次，我推薦大家食南豐餐廳嘅乾炒牛河，再配多杯招牌凍奶茶，簡直perfect

之前慕名去南山邨品香樓西中西風味餐廳，結果一D驚喜都無不止仲令我好失望。後來，因為同朋友去開果頭，晚餐又喺果頭解決。果次食過一次品香樓之後，唔會再做傻仔了，嗰次揀咗食品香樓隔離嘅南豐餐廳。呢間餐廳收費合理，味道一D都唔會俾品香樓差。我諗，南山村附近嘅居民，識食嘅多數都會揀南豐餐廳，而唔會因為淖頭而走去品香樓食咯。寫呢篇食評，係因為我真心推介距嘅凍奶茶。我本人係茶餐廳奶茶迷，但係唔係間間茶餐廳噶奶茶我都飲到。D奶唔靚嘅，飲完奶茶之後又會作嘔作盛好唔舒服。而呢間南豐餐廳嘅奶茶，唔單止茶味夠濃，用奶靚，所以必試佢嘅凍奶茶

第一次寫食評，如非真係有感受，平時都唔會寫今日同班攝影高手一齊入黎影下香港既特色，影相之前諗住醫一醫個肚，點知，平時都食開品香樓既晚飯，今次諗住下午茶就試下佢隔離果間啦，點知一食就中左伏😓唔知入面定出面啦，傳黎好大陣煙味，於是我同朋友一路歎住煙味，一路食住個好孤寒既下午茶🤦🏽‍♂️諗住食個炸魚柳薯條，塊魚柳細到好似得半塊咁，老老實實我真係咁大個都未食過咁細既魚柳🙄本來南山邨應該係屬於香港人既回憶。。有一間品香樓可以話係鎮得住個景，好可惜係佢隔離有間咁既茶記，可以話係美景入面既一個污點我唔會再幫襯呢間。。

呢個係之前食，可能以後都無機會食藍豐啦。南豐餐廳食嘢真係又平又抵，city嘅同學真係好有口福，左有南豐右有品香🧚🏻‍♀️🧚🏻‍♂️晚市嗌每個小菜都有一碗例湯、兩碗飯同一杯🥤，兩個小菜就會送油菜或春卷，真係抵到爛（價錢可以參考圖三💁🏼‍♀️）暫時都未嗌過伏嘅小菜，佢晚市都有特餐，個特餐係50幾蚊但有西湯、三文治、主菜同嘢飲，根本係兩人份量🍚唔怪得食到city人變城大隻佬粟米魚柳($61)係真係魚柳，唔是斑塊做法，應該係落蛋漿再煎，我反而好鐘意呢款，因為平時都鐘意浸到淋唒嘅斑塊🤦🏼‍♀️😂加上怕熱氣，咁樣煎出面微脆，又無咁多油同反式脂肪，科科蜜桃沙拉骨($61) 今次有好多蜜桃粒😻佢呢到唧沙拉骨唔係用豬肋骨整，反而係將很大唷豬扒斬件，廢青連麟骨都懶，啖啖肉仲正啦😏😼豬扒唔會被鬆肉粉整到勁淋，肉質都過得去，應該係炸咗再上沙律醬，但醃得都幾鹹，高血壓人士唔好食😃btw又tag唔到南豐，但就咁search又得，點解wuwu

因為工作去到石硤尾，朋友介紹這間南豐餐廳沒想到真的不錯！叫了莞荽皮蛋米線配炒蛋、 丹麥包湯底完全是我喜歡，差不多全湯底都喝完丹麥包很鬆化😄外脆內軟不是很多餐廳有，真的很推薦😄口感十足！另外，蕃茄湯底都好入味， 好重蕃茄味雖然客人很多 ,可以 店員很有禮貌上菜很快，因為中午時候，大家都很趕吃飯所以等位都不太久店員會幫助拎位置， 以這麼忙，有這樣態度算不錯😄整體：雖然吃得很趕，可以味道很不錯！下次會再吃~

嚟到石硤尾南山邨以前好多人會諗起品香樓今日我就去咗品香樓隔離嗰間南山餐廳主要都係價錢平而且實惠經濟入到去試下佢哋個醒晨早餐其實都幾有水準32元一個早餐我相信唔可以要求啲咩首先值得一讚就係佢哋個菠蘿包外脆內軟腸仔已經唔係美國廚師腸而且腸仔味道偏鹹少少個餐包埋一個火腿通粉, 正常味道蛋忌廉湯就唔夠 農下次試下角沙嗲牛麵其實價錢都係一樣熱奶茶 正常水準 茶的味道 正常 奶茶夠熱餐具都尚算乾淨支持街坊屋邨小店價廉物美值得推介

去到南山邨位於 南山邨平台的茶餐廳呢間南豐餐廳都幫襯咗十幾年由以前讀城大一路間中都有幫襯你話呢間餐廳好高水準又唔係嘅勝在水準穩定 大家樂水準之樓近來都裝修過而且餐具都翻新買新咗今日就試下去地個茶餐啦茶餐三十多元係幾抵嘅 街坊價學生價算係咁啦叫咗個炸豬扒拼炸薯條再加一杯透心涼的凍檸茶 成為38元正街坊屋邨架呢個價錢差唔多冇話特別底有冇話物超所值餐具都算乾淨企理整潔正正常常的服務態度總體感覺呢度算係不過不失 冇話物超所值

南豐裝修完又一番新景象新裝修完有啲新餐牌其實都係同前差唔得遠嘅感覺好似貴咗唔知有冇感覺錯咗啦今日我唔係坐係入面食嘅叫咗個晚餐自取拎走食佢個字甩甩地色我以為係牛扒返到屋企先知原來係牛脷失策呀今次黑椒牛脷司華力腸飯 $58晚餐一個好搞嘢 佢會跟個多士所以食到好飽講真 個賣相都幾樣衰下牛脷比較靭本過我本身都對牛脷麻麻地咁食埋個司華力腸最後總結係其實質素都冇好咗嘅都係好一般嘅街坊茶記裝修完可能為咗乾淨啲掛但我覺得冇乜分別叫做更新咗個餐牌啫