南記粉麵 (青衣城1)

营业中

休息中

今日六點未夠經過呢度，肚仔開始有啲餓，見唔使等位兼舖頭裏唔多人，可以比較舒服咁坐，而南記又一般口碑都唔錯，所以即刻入去。買咗「牛魔王小窩套餐麻辣米線」，坐低等咗5分鐘，就叫我號碼出去廚房攞。碗米線紅卜卜睇落都幾辣，飲一啖湯先，中辣，但係幾乎一啲都唔麻；味道可以。所謂「牛魔王套餐」，其實只有牛腩牛肉牛丸。牛腩炆得幾淰，幾好牛味。牛肉就比較瘦，機器切得非常薄，然後自己捲埋咗好似脆麻花咁😅，雖然係牛肉但係睇落唔似；因為薄，所以儘管瘦但係唔韌。牛丸就味道比較一般。米線煮得硬身，好食。成碗米線味道唔錯，不過份量唔算好多，食完都唔係好飽😅仲有，我只係飲咗一啖湯，口渴咗成晚😅套餐仲包埋一杯豆漿。

招牌春卷的確係出色，耐唔耐食一次，令人讚不絕口👍但我一定不能理解為什麼清湯湯底同其他例如麻辣/酸辣湯底個價錢相差咁多...同樣嘅餸，因為個湯底唔同個價錢竟然可以相差十幾蚊🤔但個湯其實係都幾味精，因為食完都挺口渴的，每次都要飲返好多水去補充番D1餐 自選清湯 $41跟餐有生菜送，份量應該都有半個🥬超值套餐B餐 招牌滋選小窩 $57兩個餐嘅魚片份量都很足夠。同埋小窩餐入面嘅冬菇好大個，煮得好透好淋，唔錯

前排就去咗青衣城嘅香港仔‘南記粉麵買春卷魚片酸辣米線食🍜呢餐真係平靚正🥰因為南記全線做緊下午 5:30 後外賣自取春卷魚片酸辣米線或春卷魚蛋酸辣米線(小辣)🌶只需要 HK$27😍足足起碼慳咗 $11😎個份量對我尼講一餐啱啱好夠飽肚，春卷一向係我喺南記必點嘅餸😹所以就算局限左呢2個餸都好夠👍🏻平時我就唔會叫酸辣湯底，所以今次係第一次試佢嘅酸辣湯底，酸味好夠，但我兼唔夠辣，所以自己加左辣醬，另外入面原本有啲肉碎、酸菜同芽茶😋😋

今晚心血來潮 懷念南記的魚肉春卷 上網找尋一番 原來青衣城開了分店 便到來回味 位置青衣城內最底層的南記 要需要點眼力才找到 因為有另一食肆擋住了視線😅與其他分店一樣 收銀處下單付款 憑單號碼到出餐處取餐《春卷魚腐米線》雙拼河 當然必選最愛的魚肉春卷 腐皮表包著魚肉味濃厚的肉 彈牙的質感 真的一試上癮 另外選了魚腐 皮與肉中有很大的空間存了湯水 肉只佔整個的一半或更少 不是我想像中的啖啖肉 米線比較硬 吃完整碗米線仍覺硬 感覺難以消化以$29來說 真的又飽肚又實惠的一餐 糧尾之選👍🏻

推薦指數:🤩🤩🤩我本身係米線控😊南記的春卷不嬲都出名，今日專登黎食南記試下個酸辣米線先！嗌左個招牌滋味配搭，有齊春卷，豬腩肉，冬菇，魚片頭。配料份量勁豐富，一碗有齊四個餸，真係幾抵食。春卷索左啲辣汁，酸酸辣辣好好食，豬肉燉得腍滑易入口，魚片頭彈牙，冬菇大大粒，估唔到南記啲配料都幾有水準✌🏻😊湯底配辣，今次嗌左中辣但未算好辣，酸度可以再加強多少少😁不過整體湯頭都幾唔錯，係濃厚湯底都幾岩重口味的人🙊

想當年係港返工，南記係我lunchtime首選。今日突然間見到青衣城竟然有南記，就即刻走入去食😁10次食南記，九次都係會食酸辣米線。今次叫咗招牌滋選小窩，入面有辣豬肉春卷魚片及冬菇，正😍😍特別係個冬菇，醃得好好味，而且冬菇本身亦好香菇味💯而我最愛嘅一定係佢嘅招牌春卷，喺香港食過好多種呢類型嘅春卷，但始終冇佢咁好食。所以每次經過南記，都會淨係買春卷返屋企放冰箱，方便平時打邊爐煮烏冬食😋😋雖然佢開咗好多間分店之後，我係覺得冇以前咁好食，但係佢係我一個情意結，所以我一定會繼續食😁

剛在青衣買南記外賣回家，叫左一碗小窩春卷米線加紫菜，一碗小窩春卷魚皮鮫米粉，2份芥蘭。叫到我號碼788號，一見過袋得5碗，我就問職員是否其中一個小窩少左碗湯，(因每次外賣小窩米都會料和湯分開上的)職員回覆，沒有特定分開上的，咁我問他，是否已齊，他回覆他已查過沒有問題。點知一回家開蓋，小窩米粉就只得湯和米粉，春卷和魚皮餃都沒有😡😡如再回青衣南記取回，一來一回車程又要1小時，真的超憤怒的。所以如下次再到這間外賣，記得每碗都要查清楚。

幾年前係銅鑼灣吃過一次南記，印象唔錯，記得春卷好好味，今日來青衣睇戲，見到有分店就去試試啦！門口都有差不多10人排隊等點餐，我點了一份艇仔粉，包一杯雙檸樂，一包魚皮。本來都幾期待，點知原來係一碗有三塊無味嘅叉燒、四快切薄嘅魚片頭、兩條春卷，仲有d西生菜嘅湯河粉，雖然價錢唔算太貴，不過真係無乜特別，真係有點失望😔😔，好彩有包魚皮，都幾脆。完全吃唔到當年的味道了！

#樂食人生 #平民美食 經典之最。南記粉麵❤1.春卷清湯米線 (送豆漿，$26)-依然最經典味道、湯底清得黎帶甜，又唔會過咸，食咗咁多年都冇變過味-魚肉春卷依然足料，有4大條夠曬飽肚，聽講如果拎條春卷再炸仲好食！！！-每次都一定叫多蔥，再加大量特製辣椒醬，有時真係唔洗食高級餐廳，都可以係味蕾嘅享受！特別優惠！！！話說南記最近如果keep返收據，下次再買時可以免費加油菜(價值$8)，所以記得唔好順手就掉呀！！ .今次叫外賣其實真係好唔環保，浪費咗好多即棄餐具，以後都會盡量選擇堂食

南記粉麵 - 小鍋米線}•曾幾何時lunch經常光顧南記的小鍋米線，其招牌春卷、酸辣湯底是最愛，都是每次必點項目。現在青衣都開了分店，唔駛過海就食到啦，方便好多。•左：自選小鍋 - 招牌春卷+竹笙 酸辣湯底 $55 酸菜是當中的靈魂，令整碗粉麵更惹味開胃；招牌春卷果然無令人失望，依舊美味好食！ (評分：4/5)右：牛魔王小鍋 - 肥牛+牛丸+牛腩 香茄湯底 $56 蕃茄湯底都幾香濃，不過始終是酸辣湯底做得最好 (評分：3.5/5)

今日去到青衣城嗰邊行下，竟然見到好耐想食嘅南記，南記之前一定要喺港島區先有得食。 而家越開越多真係好，但係究竟幾時先開到元朗屯門，呢啲大西北嘅地區。因為最近皮膚唔係太好，所以唔可以食麻辣同酸辣，只可以揀番茄，又唔可以食牛同辣豬肉。所以叫左珍寶食。佢個番茄濃湯食唔出有添加味精既感覺。另外，佢個招牌春捲真係好好食，仲有魚皮餃都好食。 整體感覺，我覺得南記雖然比較貴，但係一分錢一分貨，食材用料比譚仔三哥更加好。可惜太肚餓，如果再遲多半個鐘嘅話就可以食下午茶時段。

不經不覺南記粉麵開了好多間，以前只有港島才有的，現在青衣都開了。今晚約了朋友在青衣城逛街，朋友想食清淡點，見眼前有南記粉麵，就毫不猶豫決定在此店醫肚。南記最令人印象深刻就係佢地啲招牌春卷真係好好味，春卷有魚肉味有口感又大條，食注河粉夾條春卷咬一大啖好滿足，所以今次都唔例外春卷必有。今晚八點半店內依然滿座要等位，南記係要搵左位先，才去點餐俾錢然後再取食物，同一般大集團快餐營運模式一樣。店不闊落拎餐埋位都份外要小心免得被人撞。坐位迫到此食可說為食而食快快食，但環境光鮮乾淨夠經濟已勝過一切。今次點了清湯河粉，有招牌春卷、魚腐、竹笙樣樣各兩條，仲有好多木耳絲食落幾爽口，平時最喜歡食竹笙但今晚食了唔覺突出唔爽無口感，魚腐好鬆食不出魚肉味，只是易入口但就不見特別，最後依然是春卷保持水準留住我的心

稱得上香港仔梗係南記啦，這個廣告好有香港味道，這間店我成日都是買外賣，因為這店裏面好多人，外賣返家吃可能會是更好選擇。 今日呢選了豬腩小鍋米線加魚肉春捲， 估唔到，店員將春捲用個膠袋分開包裝，這樣非常細心就是想你的春捲不要給湯汁浸淋，說實有點不環保因用多了個膠袋，但基本上外賣都是不環保的，我最欣賞這店的地方是外賣但也可以保持面質唔會淋，米線還是爽滑，另外腩肉帶有一點點油份好有汁及嫩滑而且份量足夠，春捲就不需說這是必點因為實在太好味，湯底有菜脯加肉碎亦有少少辣辣地非常惹味。味道: 非常好，最適合趕時間人士環境: 一般衛生: 一般服務: 一般抵食: 簡直超值

如果餐餐都食飯，真係單調左d。是日行過南記，入去試試先。喱間舖外觀都唔錯，重有部懷舊單車擺喺門口，唔知係咪以前用嚟送外賣呢。入面d位都幾密，私隐度係零，傾密計就唔啱喇。又冇卡位坐，預你速食速走。門口d膠牌都睇倒入面有乜野食嘅。同兩個老友叫左三碗野，等左一陣就有得攞喇。喱碗小窩米線番茄味都幾濃，一淡入口確係零舍唔同。春卷都幾彈牙，味道都唔錯。魚腐都OK嘅，配埋d幾有咬口嘅米線，都算係幾好食嘅。喱碗都有春卷，南記d招牌野。魚腐係大路野，竹笙白白淨淨，咬落都幾爽嘅。木耳又係大路野，冇乜特别，粉都係一般喇，唔見得好特出。呢碗又係招牌春卷，上面講過唔再講喇。牛丸同魚蛋都係一般貨色。冇乜特別。豆漿畧嫌稍甜，可惜冇少甜揀，想飲得健康d都唔得。間中嚟食吓都ok嘅, 但選擇唔係太多，招牌春卷食得多都會幾厭，而且又唔用八達通，找到成袋銀仔，確係幾唔方便。

是日帶咗阿女和我妹加佢拖友去迪士尼樂園玩，玩完之後搵咗個方便大家轉車的地方晚餐，好一段日子冇幫襯過南記的我發現青衣城有南記，所以決定呢度食~~~可能我地九點左右到，所以比較幸運地搵到大圓枱坐，我點咗清湯麵餐配魚片頭$45，另外加$21要炸春卷脆脆粒~~~原來我跟我個女不約而同咁叫咗呢碟野，搞到有兩碟任食，我個人喜歡佢炸到外脆內軟外，灑在上面調味的孜然粉幾好味炸魚片頭都幾好食~~~不過美中不足係我叫咗魚蛋變咗招牌春卷，礙於我太肚餓，食食吓時阿女跟我講先至醒起，搞到我都唔好意思走去搵店員換~~~其實個清湯真係好清，唔及譚仔咁咸，好在d小食夠咸搭夠~~~魚腐中規中矩，招牌春卷係好食多d~~~阿妹個清湯餐就配菜，配蠔油都ok~~~好在阿妹個拖友湊巧叫咗魚蛋，阿女先至冇追住我問好耐去南記食下午茶係好抵，但晚餐其實都唔係最平，偶爾幫襯係ok的~~~