南記粉麵 (青衣城1)

营业中

休息中

南記黎講青衣分店真係世一Cashier待人態度係世界第一咁差今日我用online order 買，點知等左好耐都仲係製作中status家人係門口等又冇聽到人叫過number咁驚係咪舖頭睇漏張online order 就打去問個阿姐個阿姐就勁唔友善咁話佢唔知，叫我地聽number咪就係聽唔到有囉結果家人去問下，先知原來真係skip 左佢冇叫到個cashier 阿姐唔肯定係咪同一個，但每次去青衣分店cashier 個阿姐都係唔友善，好倒米除非你用佢部自助order 機或者online order，減少同佢接觸咁個顧客體驗會好好多

我同老公都超鍾意食南記，今日十分口痕，決定山長水遠都要食，所以我哋專登由屯門搭車出青衣城！好瘋癲的夫婦！我哋都係叫魚肉春卷加辣豬肉，我就叫中酸麻辣，老公就叫中酸辣。我哋成日都好疑惑點解有時係四條春卷，有時就係兩條春卷，係咪嗌餸嘅先後次序會有影響呢？價錢會唔會有分別？今日我哋都有四對春卷，但辣豬肉嘅份量就比平時少。下次要問吓啲職員先。味道？一如以往的好！麻酸辣真係一個好好嘅選擇，南記嘅麻辣一直都好香，酸辣除咗開胃，啲酸菜又好好味喎，宜家兩辣合併，真係一碗就可以滿足晒兩個需要！湯底無得彈，好惹味，辣得好有層次，啲米線軟硬適中，亦吸收晒啲湯底嘅香味。辣豬肉更加唔晒講，味道鮮甜肉質彈牙，仲有少少爽口嘅口感。魚肉春卷都好香口，軟硬適中。總言之，一個字：。不枉我同老公山長水遠都要到此一食！會繼續幫襯支持

☕️Went for a tea set. Ordered the octopus and beef balls hot and sour soup base and a drink. The set costed $51. 🍜 The beef balls were good and you could still taste the beef flavour. The octopus balls were also not bad. There were bits of octopus inside. With a tea set of like $50, there's nothing to complain about. 🥣 Yet a suggestion would be they work on the soup base coz it tasted nothing hot at all. Even you ordered the hot and sour soup base, it tasted more sweet and sour without any heat i

現在南記早餐款式很多A-L 12款普通原來雙拼粉麵太陽湯麵系列皇牌豬扒特色早餐我選了K款沒有抱太大期望，就是一試當我提取餐時，真的很驚喜，賣相真的很吸引！太陽蛋真的煎得完美半生熟的燶邊太陽蛋不容易邊位香脆，中間蛋黃流心嫩滑午餐肉厚切，又有火腿公仔麵雖然不是出前一丁麵，但湯底有點像出前一丁28元這個真的很高水準可能飲品選擇比較少我都是安全選豆漿早餐時段沒有太多人，但餐廳開9點怪怪的坐位很寬闊可以慢慢舒服吃

一早有野做，出左去青衣城，突然有少少肚餓，咁就入左去✨南記粉麵 @namkeenoodle✨▶️推出咗新早餐系列點餐以自助形式先落單後取餐✅A-D 精選麵餐 單拼麵食及指定飲品, 可選配 魚皮餃生菜湯 或 牛油餐包+滑蛋$30起❤️B餐 $34 ~ 牛沙嗲公仔麵餐 配牛油餐包+炒蛋 及 指定飲品可以轉米粉，米粉唔好好淋，食落好爽，牛油餐包香軟，炒蛋滑溜，嘆埋杯凍咖啡真係醒哂!不過我自己唔記得order 凍咖啡少甜，人大了，唔想飲太甜，咖啡味香濃就足夠了。

青衣 南記粉麵好耐冇食過南記粉麵，以前食呢間時，麵係叫春卷魚蛋河，幾好味😋。今次試其他野，叫左個套餐，加招牌春卷，包一杯可樂或豆漿。我揀左豬扒菜肉餃清湯套餐加春卷（加$9），飲品揀左凍豆漿走冰。圖一：碗麵唔錯，豬扒幾大，有酸菜，但味淡，餃子一般，河粉還可以。但值得留意，杯豆漿非常淡，與朋友一同進食，與朋友一致認為其豆漿味淡😢，近乎清水，有點失望，不值一試，寧可要汽水。😢不是碗麵幾好味。份量一般，還可。湯中的餃子一般，不算特別好味，不過不失。😋

喜歡他們的自助點餐機！ 輕鬆無需排隊！ 但只在外面，如你想在裡面吃，你要自己先在外點，那太奇怪了？！ 萬一里面沒有空位，那麼你要拿著食物等待是不是很麻煩？當然你可以在裡面的收銀台排隊點菜，但不是每個分行的收銀員都很好，大多數都很糟糕，幸好這家分行還不錯, 水吧亞姐也不錯。 有一次我看到他們的管理層正在培訓店員如何工作？ 地方乾淨整潔現代,看起來不錯，這就是為什麼我會在這裡用餐。說便宜不是很便宜，說貴不是很貴。 取決於你的選擇。 不要被他們的香港仔草根形象混淆，認為是非常便宜的價格.我喜歡他們有很多選擇來製作你的一碗麵條。從不同的麵條，湯，配料，面，辣度......你也可以調整它。這次我嚐嚐魚腐粗麵牙菜加一點辣和熱菜蜜飲料我先咬魚腐, 魚腐軟棉，吸收湯汁味道相不錯. 其次，我喝湯，味道不錯，有點辣. 其實，辣不是他們的招牌湯！所以，我不期望太多，但它可以接受。最值得一吃的是牙菜，你也可以選擇直接放入湯裡，或者放在另一盤，也可以選擇加不加蠔油？！ 大量的牙菜如此新鮮可口.吃完辣再喝點菜蜜平衡一下吧！關於菜蜜不夠太少。 到目前為止，他們無任何一家分店能製作甜甜的菜蜜飲料嗎？因此比較hea了點

今日同事帶我去食南記粉麵佢有d套餐，我就叫左$402餸粉面+生菜一碟+飲品真心好抵食，因為本身佢食物質素好高，特別係自家制的春卷，仲有香港仔魚蛋真係好彈牙好有口感！所以清湯已經好好味！仲有碟生菜，分量好多！多到可以2個人分享配上蠔油，好健康!總括來講，價錢算平，而且食物質素很高，座位亦都非常舒適，當唸唔到食咩，最佳嘅選擇！

見新出麻辣擔擔米系列，就試下新口味。麻辣擔擔米新出嘅麻辣擔擔米，轉左米粉。麻辣味較溫和，微微辣好開胃，花生味幾重，仲有花生碎，但加榨菜又好似唔太夾，配招牌春卷好正好彈牙，不過雲吞偏淋，餡料一般。芒果烏龍茶芒果味突出，微甜清新，茶味清爽，夠哂冰凍爽口，仲幾解辣。肥牛貢丸生菜米粉個湯保持咁正，加肥牛味道較重同油香，肥牛份量頗多，貢丸爽彈有菇香，生菜也夠新鮮同多，味道幾正常，同好大碗。風沙脆豚炸豬五花肉，幾油膩，肥高位痴牙，沾辣粉食，都幾辣幾爽，但好難沾滿，感覺做得好hea。

呢間店街知巷聞啦!…d招牌貨幾十年味道都冇點樣變過…由港島區食到黎呢度(青衣)，不過疫情下要讚下佢都算十分守規矩，枱與枱之間都有隔開距離及加上膠板!(令食客可以安心堂食)自助形式自己服務自己…先付款購票再等叫號碼，之後自己拎埋枱食果種服務式囉!話明係"招牌春卷''每次一定必食!下午茶$38個餐係有(招牌春卷+魚片)今次加多個餸冬菇+$8再轉埋個麻辣湯底又+$2，再黎柸凍奶茶再+$5…其實都要成$53蚊(你話低唔低食…就見仁見智啦!)不過呢間d冬菇特別好味，冬菇都算夠厚身，不過並不是次次都係原隻比你，好多時係Cut開得半隻!(尤其特別大隻果d)希望佢老闆睇到會改善一下及關注下啦!以前食過係原隻冬菇會有兩隻嫁!…🙏都係果句: 冇期望就唔會失望的一餐!!!

每次經過青衣城嘅南記都覺得好乾淨。今日終於可以試下，買3碗面外賣回家慢慢吃。A餐自選清湯河粉$28 （可單拼/ 雙拼）送一杯豆漿/ 可樂買咗招牌春卷及魚蛋河粉，湯底唔咸 B餐春卷魚片/ 冬菇酸辣米線$38 買咗春卷魚片酸辣河粉， 轉大辣，店員好細心會問你想唔想湯麵分開裝。E 餐自選單拼/ 雙拼湯麵麻酸/ 酸辣/麻辣/ 蕃茄 $42 我買招牌春卷加 （另外豬腩肉$9 ），相信大家都唔陌生，酸菜食得好滋味。三杯凍豆漿，裝得好滿，豆味香濃。

心血來潮好想食南記招牌春卷，因而上網找尋，發現青衣城底層開左分店，其店舖並不起眼，被另一食肆阻擋視線，要細心落力搵先搵到。感覺上青衣分店佔地比其他分店大，目測坐滿可容納30-40人，裝潢設計滿有懷舊香港🇭🇰風，用上霓虹光管創打卡位，店內光線充足，夠曬光猛。連餐墊都用上飛行棋圖，好特別。麻辣牛魔王小窩米線🍜+ 招牌春卷（HKD 66)，可選麻辣/酸辣/蕃茄/麻酸湯底，附送汽水🥤/豆漿：飲一啖湯頭，麻辣夠曬辣，略嫌不夠麻，吾夠花椒八角香葉風香味，可再重手點。招牌春卷用上特製魚肉料，食落啖啖濃厚魚香，腐皮不是脆身，但包裹著彈牙魚肉，一食上癮。肥牛不是份量多，最少有五片，無咩牛味😅反而牛腩有驚喜，牛腩好焾身，食到一絲絲牛肉，仲有數舊軟糯牛筋🥰總結：用料比譚仔更為上乘唯價錢有點小貴

「南記粉麵」嘅 #招牌米線，幾乎做咗我日常生活嘅一部份，加上而家佢哋嘅分店越開越多，每當諗唔到食咩嘅時候，我都好想幫襯佢。呢日安排咗喺 #青衣城 做 #身體檢查，出嚟嘅時候正好係 #下午茶時間，本來諗住喺樓下食個 #粥麵餐，不過見佢又要 #茶錢、又要加一，計起嚟一啲都唔化算🤪 點知咁啱對面開咗間「南記粉麵」，我又心癢癢走咗過去😅 唔使諗我一定係叫 #招牌米線 加 #牛腩，再配一杯 #凍豆漿，#下午茶特價 承惠 $36，真係經濟到暈🤩 #牛丸 好爽口，#春卷 都唔錯呀😚 不過啲 #牛腩 就真係大舊咗啲，我唔係咁鍾意個口感囉。#米線 配埋 #南記湯底 入口，特別夾味🤤 難怪我成日都忍唔住又返嚟啦😉

每次經過南記，都會好想食，就好似有一種魔力咁。青衣城地下好多野食，但係想平平地快食就一定唸倒食南記！原因唔係湯底定係招牌魚肉春卷，而係冬菇！因為好少有米線舖有冬菇做配料，而南記的招牌套餐B就係我成日哎，因為每次都有2粒好大粒好厚的冬菇，配埋麻辣/麻酸辣的湯底都一樣好好味。呢個套餐B仲有招牌辣腩肉，都幾好食，一D都唔肥。魚片好多，魚肉春卷就keep住咁好食，仲好大條有2條！不過覺得米線相對較少，D 送仲多過D 米線。麻酸辣湯底的酸菜都有D 太咸。

平時食得多譚仔米線，間唔中都會去食下南記。南記好在可以選擇食邊隻粉面，我當然覺得米線係最好食。呢度既春卷更加係必點推介，見到平時啲人打邊爐都會特登黎買。食得辣既話不妨試下佢既麻辣湯底，同譚仔既好唔同，紅卜卜，夠濃又惹味!