南記粉麵 (金馬倫中心)

营业中

休息中

I have been to Nam Kee for more than 15 years, as I lived In Aberdeen when young. Now they increased a lot of branches and one of the latest in Tsim Sha Tsui.I ordered spring roll, beef ball and cuttlefish ball, together with rice noodles. Beef ball and cuttlefish ball had not really strong taste but they were chewy. The noodles cook well as it was not too soft.

是日lunch 口淡淡, 可能之前新年有d 食滯左於是就同同事去食碗南記算~~ 一人一碗, 凍凍地我就揀左麻辣小辣湯底而我同事呢, 就揀左新出的蕃茄湯底我個麻辣湯底ok 架,.. 我叫小辣, 對於我來講係岩岩好,少少辣, 但又唔會辣到食唔到, 好惹味, 越食越過癮而我同事的蕃茄湯底, 佢都話唔錯呀, 如果唔想食辣, 又唔想食清湯咁齋呢個湯底絕對係一個好好的選擇呀~~ 

南記黎講，尖沙咀呢間舖都真係算寬敞，坐得好舒服下午餐時段，招牌河都只係21蚊平到喊出黎個河入面有兩粒魚蛋，兩粒牛丸兩條春卷21蚊黎講，都算重料而我的確係第一次食南記既春卷同魚蛋一樣咁彈牙，果然係招牌貨打破平野無好既定律👍🏻

作為大半個港島人, 當然會成日去食南記啦, 但去到九龍區返工, 仲要係尖沙咀返工, 真係! 真係! 好難搵到一碗好食既湯粉麵!!!!! 好多時都係又貴又唔好食!而近排竟然比我發現尖沙咀開左間南記, 其實我係在街上見到有人拎住南記既外賣, 一上OPENRICE搵, 就知道地址, 好近公司添, HEEHEE, 當然要去食下啦!點了春卷雙丸紫菜~~春卷一定是必點的!!! 超好吃~~ 次次去南記都會吃~本身想叫小鍋米線, 但今日想吃得清一點..魚旦同墨丸都好彈牙, 紫菜份量比以前少左好多喔!!吃一碗再加杯野飲其實都四十幾蚊, 唉, 物價貴了好多呢~~~不過可以在尖沙咀吃到南記春卷都叫做多個選擇啦!PS: 地方都算大, 位置多, LUNCH都易搵位! (可能唔係大街, 所以少人知道~~)

今次係第一篇沒有男友一齊食而食而寫的食評（其實係考驗下佢有冇留意我打的野，睇佢幾時會發現我呢篇野先)😎因為自己一個人行街，所以一個人時對食都冇咩要求，本身想搵譚仔，但竟然比我見到只有港島、九龍先有的南記，作為新界人當然食下啦！雖然譚仔、南記都不是我最愛的米線店，不過以下我會比較下兩間連鎖店的不同！（內容主觀性，不喜勿插）米線方面，南記幼身d,我會鍾意譚仔粗身d湯底，我鐘意南記，因為酸咪重d,譚仔味精 d餸款式上，譚仔勝，因為較多，但南記d春卷魚肉好好食，我反而鐘意南記多題外話，我覺得近年的墨魚丸同以前唔同左，以前爽口彈牙，味道都好味d，近年的墨魚丸我已經食唔到有一間有以前個種味道大碗程度：譚仔勝，我食譚仔係飽到上心口，南記係岩岩好，對男仔可能勉強夠咋價錢：大家差唔多PS.傻豬豬唔好唔開心，下次帶你食

晚上來光顧有好多位，此店比其他分店更為寬敞。先在counter點左墨魚丸魚肉春卷小窩酸辣米線小辣，等一陣就有啦。墨魚丸新鮮彈牙，魚肉春卷就唔駛講都咁好食，酸辣湯底唔係真係好酸和辣，調較恰到好處。另附大量芽菜、九菜和腐竹，好滿足！

周末下晝，諗緊尖咀食乜好，行下行下見到有南記，就試下。今次只係第二次食南記，望住餐牌比八爪魚丸吸引住，然後拼埋個墨丸雙拼河。先講湯底，味道偏咸，但可接受。八爪魚見到有少少紅色，但又唔覺好有八爪魚味，墨丸就爽口彈牙，又有細細粒墨魚肉咁，推介!!呢間舖應該係新開，環境都唔錯，光猛又有乾淨。食物出得更快，效率極高!

我一直係南記嘅長期擁躉，由香港仔老鋪一直幫襯到而家，因為覺得抵食又好食，不過今次幫襯尖沙咀分店就令我非常失望。時間大概下午四點，上完一層樓梯之後，環境都算舒適，一如以往，每次都會點選春卷配牛丸米粉，再另加配料腩肉(另加$8)。春卷同牛丸感覺比其他分店差，春卷比較細同乾，牛丸無味，最離譜係另外添加嘅配料腩肉，其他分店大概有四至五片，但係尖沙咀分店居然得一片！😱無錯！另外加$8原來只係得一片腩肉，我明白現今社會百物騰貴，但係都無咁離譜啩....😨另外，唔知點解响食食吓嘢嘅時候，有個職員無端端閂咗响我嗰邊嗰部冷氣 (可能想節省成本啩)，不過就導致有好幾隻小昆蟲不斷响我面前飛來飛去，令到原本覺得舒適嘅感覺一掃而空。😩

單丁一個搵食,最好就係麵食!見朋友介紹南記,咁今日就試下唔食三哥食南記啦其實本身係重口味之人,但見到叫辣既湯底貴好多,唔係幾蚊而係10幾蚊, 而且重點係試友人強推既角片頭,所以叫左個SET A。清湯湯底,無COMMENT...因為都係普普通通,我自行加辣椒油同魚露先岩我口味。牛腩好入味,又夠淋, 幾好食。 八爪魚丸普通貨色。魚片頭炸得好香口, 加埋D淮鹽好好食。加埋杯豆漿$48食麵黎講有少少貴,如果我要辣既湯就更貴。其實最想都係試下個魚片頭...試完覺得係幾好食既, 不過未好食到為左個餸而放棄重要既湯底。所以我諗我都係會投奔返去三哥既懷抱不過...可能幾岩唔好辣既人士。

🌸香港仔南記進駐到尖沙咀，絕對是米線控的福氣！短短開張了兩個月，我已經光顧了兩次😆😆幾乎是每逢午飯想多走幾步路時或是吃厭了譚記米線想轉轉口味時就會去南記😆😆尖沙咀南記就在漆咸道，位置不是特別近地鐵站，所以即使是午餐高峯的一點鐘，還是毫無難度的入座🤓🤓有很多種選擇呢～除了人人都讚好的小鍋米線，還有酸辣湯、清湯可選～四寶紫菜米粉 $38⭐️⭐️⭐️⭐️⭐️大大碗，份量足，便宜，是糧尾恩物😂😂😂選了清湯，因為很喜歡吃南記的特製辣醬，通常配清湯已很夠味👍🏿👍🏽👍🏼 四寶河包括有墨丸牛丸魚片和招牌春卷～還有一堆紫菜，份量真是無得頂🤓丸類都頗彈牙，最好吃還是春卷！真是每次都是為了那煙韌有勁的春卷而來南記的！😆😆尤其是外層有腐皮包著，有咬口有香味的春卷絕對是我一來回頭的主要原因😌😌😌同事叫的魚腐，炸得金黃金黃，外層灑上少許調味粉，同事說很好吃～另一次點了A 餐，包括一麵一菜（芽菜或生菜）和餐飲😀大家認著這個橙紅辣醬！好香好開胃，稍微酸辣的醬汁有一種泰式風味，有點辣所以第一次試的人可以小試牛刀😆😆我為了爭取吃到最多的春卷，兩餸麵皆要了春卷 足足給了我四條呢🌸🌸🌸🌸開心到暈，另外加了$5有額外的芽菜，滿滿一大把幾

久仰大名後慕名而來，就像傳說中的一樣，結果敗興而歸～麻辣湯即不麻也不辣；清湯也不甘甜～當作普通的街邊檔，還OK；偏偏你叫'南記'，就真係好失望：不過平咯，我還定唔會再幫襯了～