南記粉麵 (金馬倫中心)

营业中

休息中

南記粉麵已經唔再係港島區專利，好好好幾年前每次要食就真係要去香港區，實在太好，一解對春卷既味道今早睇完醫生，就過黎食早餐，原來早餐都有好多款揀，但我都係揀返招牌河，眼見好似有糯米雞， 麥皮之類既選擇招牌河好抵食，24蚊有2粒魚蛋，2粒牛丸，2條春卷，魚旦係潮州魚蛋，感覺上就無咁熱器，重點加埋魚露，湯都忍唔住飲左一大半，早餐附送汽水/細豆漿，加2蚊可以有其他飲品，早餐飽肚之選，今次揀左熱檸水，飲品就正常野

舖頭十分大，想搵位完全無難度，點左個雙拼 (招牌春卷+魚腐) 配河粉，凍豆漿(細)咁開餐啦，平嘢真係亦有好嘢！這裡的湯雖是清湯， 但加了辣椒醬就夠味！河粉滑而不黏身， 招牌春卷食落好似魚腐春卷係南記招牌之一所謂既春卷其實係用腐皮包住魚肉黎炸外型一條條好似春卷咁，所以叫春卷另外魚腐就正正常常，豆漿唔太甜這裡食物定價低，賺了我呢個熟客繼續回來呢！ 其實我仲覺得南記好有港式風情個套餐有埋樣野都只係 $24，價錢都算合理。

我自小喜歡食糯米雞第一可能小孩果陣冇咩嘢機會食倒第二食一隻糯米雞可以當飯吃除笨有精！小時候的糯米雞，記憶中當然有一舊雞啦！還有整隻冬菇、三份一條臘腸、還有肉碎之類.....今天可能將貨就價雞變左雪藏雞中翼！原隻冬菇無了、肉碎亦無臘腸變成片....都冇所謂啦！味道調較得好咪得囉。南記真係唔好食.....食完直情可以用「難食」嚟形容！早兩日去幫趁。睇吓個餐牌糯米雞配咖啡$22咁咪叫隻糯米雞加咖啡嘩！隻糯米雞完全唔掂雞中翼向來都好難會煮得失手！但係果隻雞中翼又鞋又乾，簡值吞都吞唔落肚惟一食得落肚嘅係果片臘腸！糯米又爛又乾....應該係佢地工廠制做平時我可以食哂一隻糯米雞，唉今次連三份一都冇法子吞！唯一值得慶幸仲有杯咖啡地方感覺入了飯堂

尖沙咀南記推出優惠。只要身份證號碼有1/6/8,就減$1/6/8~雖然減咗$8, 但都打動唔到我去試其他餸...招牌河永遠係最抵!$26-8=$18 招牌河本身應該係 2魚蛋2牛丸2春卷但休魚期魚蛋會變魚片 (證明魚片唔係佢廠整?)嚟到遊客區我冇好似譚仔咁加大價但質素真係有參差平時食開筲箕灣(執咗), 尖沙咀湯底淡成截南記比其他粉面舖優勝嘅係辣醬,湯底同春卷湯死咗已經扣晒分份量同料都同其他分店一樣南記辣醬偏麻,幾辣,但必食雖然近日gathering多咗洗費大咗,但如非必要,我應該唔會翻炒tst南記

南記出名抵食，特別係佢既清湯河，廿幾蚊有交易見到facebook佢八月緊宣傳，只要身分證號碼有指定號碼就可以有優惠，最多仲可以減$8知慳識儉既我lunch一定要去食上到去人流唔算多，可能時間尚早但員工效率就偏低叫左一碗米線竟然要等廿幾分鐘先有得拎對於只有一個鐘食飯既打工仔黎講，唔想遲到就要鯨吞但佢抵食就係真既叫左配酸辣米線配招牌春卷同魚皮餃，呢間既湯底味道好似偏淡個人特別鐘意佢既辣椒醬，少少麻辣感覺，加落碗麵度令碗麵更香濃因為用左優惠減左$8，太抵了！如果能夠加快出餐效率會更好

今天用網上外賣平台 叫了外賣，本來很餓了，打開蓋子立刻準備吃，用筷子一夾，發現一隻超級大的蟑螂，當時就想嘔，這間餐廳的衛生情況很是嚴重，應該相關部分進行查封，因為嚴重威脅到客人的健康！可以看到碗裡有隻黑色的蟑螂，很反胃

塔塔子曾經何時喺香港仔工作過，當時南記就好似我嘅小三咁！談不上最愛，但又總是心思思想搵下佢光陰似箭，如今南記唔再係香港島嘅名產，九龍地區都有唔少分店啦！尖沙咀呢d高消費地區，塔塔子嘅日藉男朋友「長期糧尾」要食平dd，見到南記就good fit魚皮餃保持水準，配料酸菜腐皮都足料，可惜湯底失分，好淡，同香港仔老店簡直係兩回事呢個係小辣，但唔夠酸亦冇乜辣味，令成配米線冇左靈魂招牌春卷的確冇死！反而叫清湯仲好食，可能冇乜期望掛！呢樣新品就估唔到幾好食喎！佢係新鮮整起，食得出佢嘅黑椒味～肉質好juicy又入味，$19有3舊都唔錯比個like佢

「南記」在我來說就是香港區的味道！因為一直在記憶中就是去香港仔、銅鑼灣、灣仔才能食到，雖然現在分店已經開到九龍但我還是覺得這是香港的味道！現在比以前多了很多套餐！剛好看到這個人氣套餐，可自選單併或雙拼湯粉麵，所以直接就點了這個套餐！必食的春卷墨魚丸河粉春卷是南記招牌必食之選！春卷的最佳調味料 --- 最右邊的辣醬當然像我這界樣點清湯的也一定要加辣椒油！但蠻辣的所以不要一次加太多喔⋯⋯跟餐的魚片頭味道還算不錯、就是那些類似椒鹽的粉抹不夠均勻，所以有D位置偏咸但蠻彈牙的！凍奶茶需另外加$5$50 這個價錢，其實也算是蠻合理的啦

這間粉麵店是我細細個已經開始食，細路仔時只有於香港仔才可食得到。今時今日，已經開了不少分店，灣仔，銅鑼灣，旺角，尖沙咀等等都可食到。雖然分店開多了，但都沒有影響到食物的味道，童年回憶的味道依然存在我今次就在位於尖沙咀的這間分店開餐這間分店是在1樓的。可以看到對面的尖東廣場喔!  這間店尚算寬落光猛，整漯，坐位亦算多，空間感足夠。今天人流不算多，沒太多人排隊點餐，看看餐牌先 ~~(以前並沒有那麼多款湯底同食材可以選擇，但隨著社會同時代既進步，他們都要與時並進，加入多款不同的湯底和餸菜供客人選擇，才能不被淘汰)左睇右睇之後，都是食返我的心水食物 ~~~ 春卷配豬腸酸辣米線  必食．湯底 ~ 酸辣米線 (酸辣味適中，不會過酸或過辣，開胃啊! 而且仲有酸菜，芽菜，腐皮,韮菜等配菜包含其中)．招牌春卷 ~~ (必食) 以魚肉為餡料製成腐皮卷，好有咬口，而且新鮮足料，食晒都已經好飽．豬腸 ~~ 切到細細條，而且洗得好乾淨，沒有油脂油膏夏日炎炎，食粉麵必配上的TIPS :招牌春卷必定要配上特制辣椒醬來食喔!(雖然這款辣椒醬真的很辣，但點都要沾上一點點來吃啊 ! 必定一試就愛上)

5月底嚟南記食咗個特選米線套餐~有四款餸~招牌辣豬肉, 招牌春卷, 冬菇同埋魚片~湯底就揀咗酸辣湯底要小辣! 可能有個零月冇嚟食, 之前明明冇見過 "招牌辣豬肉"既, 仲要係招牌添~ 呢款豬肉真係幾啱食, 薄薄地一塊都幾好味, 不過辣味就唔多覺啦~ 冬菇有兩大粒, 仲要每粒都好厚身~ 感覺好抵食,勁正!! 招牌春卷就照舊係咁好味啦....水準都幾穩定~正! 但魚片質地就略為唔夠爽, 口感太腍啦......而最遜色就一定係個湯底...我相信主要係因為啲酸菜味道醃到怪怪地...所以搞到成個湯底味道都唔太好...(其實一入到間舖頭已經聞到有陣怪怪地既味..我諗就係呢隻酸菜味)..呢個"全日超值套餐" $56有杯汽水, 價錢都還可以既~

「南記」可以話係港島人嘅集體回憶 尤其是香港仔人經常過對面海覓食嘅朋友應該無人不曉「南記」而家越開越多分店 殺到去九龍區 旺角尖沙咀大角咀等等 絕對不難發現佢嘅蹤影係不久嘅將來 相信大有可能會係新界區發展下 實行港九新界都總有一間在您左近今日豬先生豬小姐去左尖沙咀分店high個tea 店鋪較近尖東站上條樓梯仔即到 到達門口收銀位 我同豬先生二話不說都係叫招牌河招牌河有啲嘜？有春卷 魚蛋 牛丸各二 麵底可揀河粉 米粉 生麵或米線先講講啲配料 春卷絕對係生招牌 腐皮薄薄包住魚肉 煙韌耐嚼 香口美味魚蛋係用潮州白魚蛋 充滿彈性牛丸同樣彈牙味濃 「南記」嘅丸類算是得不錯了用嘅係幼身河粉 口感爽滑軟身及吸湯亦因為索湯嘅關係 食嘅速度要快！否則河粉「發」哂就差好遠啦湯底係清湯 味道雖然清淡 但都有加左味精 無可厚非重點尼啦！秘製辣醬一定要加！一定要加！一定要加！加一少羹 味道即時唔同哂 充滿辣香溫馨提示番大家 尼隻辣醬辣嘅程度頗高 建議每次逐少逐少咁加 否則辣到噴火豬小姐每次都會加半茶匙辣醬同埋少少魚露吊味「南記」算係平民價得尼又有質素保證嘅窮人恩物小鍋米線其實都相當不俗 一直有唔少捧場客 不過價

招牌河粉// $26如無意外我已經有兩年幾冇食過南記😂而且我只係食過一次，但我好記得佢個春卷第一次食嗰陣好好味😮所以見頭先有少少時間，就去左食😚但我發覺個春卷冇以前咁好味，亦都冇果種令人驚艷嘅感覺⋯你明唔明我講咩？係-驚-艷-嘅-感-覺-呀！😂到底係佢變咗定係我啲口味唔同咗？😂😂😂但我發現南記啲辣椒油（中）真係超香超好味呀！！！就連唔食辣嘅我都食左兩匙😛 但左邊辣到我手都震埋😂*👅請俾分：6/10個春卷真係唔同咗呢🤔🤔🤔有冇人有同感？

平時, 對於南記, 我並冇朋友們哥份欣喜... 食 係食過好幾次~惟獨係對佢有間貴小小賣特色菜哥間有好感~平時清湯太淡, 佢個酸辣 style 又唔係我杯菜, 加肉醬我又唔鍾意...所以好少會食... 加上上年年尾响尖東對面呢間店食住碗面比趕住收工嘅店員開聲趕走...所以對佢其實真係無好感!!!今次放學放得早 (唔好話遲丫, 就算準時放學的話, 我地都唔敢再黎... 驚驚), 又真係諗唔到食, 就咩入咗嚟, 見到佢有蕃茄湯底, 覺得幾好同埋會再嚟食!!! 佢個番茄湯底好真下, 唔係一味落啲酸茄膏味落去, 仲有唔少嘅蕃茄肉, 讚喎! 👏🏻👏🏻👏🏻 即時 加分 加分 加分! 早放學嘅話, 會再黎食~ btw, 佢牛丸同春卷其實都滿滿肉香 而且質感係唔錯嘅~我次次都係呢個搭配的~  

我兩次都係經網上外賣平台 叫外賣，唔知點解一係少咗餸，一係就比錯食物，第一次漏咗墨丸冇比，我打電話去同佢講，亞姐係有禮貌話叫我記住外賣單號下次補返比我，到第二次我再叫外賣，墨丸係的確有補返比我，但係我本身叫嘅魚皮餃冇咗，變咗春卷，搞到成日想食嘅嘢都冇得食，唔係甩漏就比錯，我最尾呢次冇再打電話去，因為次次咁打法好煩。希望你地真係請個用心廚師，用心分配客人食物。另外唯一要讚係聽電話亞姐，好有禮貌地道歉，同埋真係有keep住我外賣號碼，守承諾補返墨丸比我！

春卷腩肉小窩米線春卷有酥炸味，肉質彈牙，甜甜地，好味👍🏻👍🏻👍🏻腩肉係秘製嘅，薄薄一片，甜甜地，香口好味👍🏻👍🏻👍🏻不過份量太少了，應該俾多幾片中辣嘅小窩米線有酸菜和腐皮，唔太辣又酸酸地，開胃之餘，麻辣湯底又惹味，唔會太鹹，番屋企無口渴，想信味精唔多。👍🏻米線方面軟硬適中，唔會難消化，我比較喜歡呢樣軟硬度👍🏻👍🏻👍🏻。星期六7點幾都無咩人，想靜靜地食番碗米線，絕對係好地方。