南記粉麵 (興業商業中心)

营业中

休息中

我係無產階級人士 長期荷包乾硬化 因為消費能力有限 所以我從來食極都嗰幾樣嘢 又可以坦白啲咁講 我根本冇乜嘢可以選擇得到家陣咁嘅時勢 就算係快餐店 我都就快食唔起但總係唔可以餐餐捱麵包啫 我工作要體力勞動 所以有時餓起上嚟真係要食多少少嘢如果唔係真係會暈南記粉麵就係唔錯嘅選擇 今日我食咗呢碗米線就真係幾好味 可能由於係天氣熱嘅關係 呢碗湯底夠清 所以食起上嚟特別清新好味 但係落啲辣椒醬就特別好食腐皮魚卷好味就不在話下 我覺得魚皮餃仲好味 魚皮餃好大粒啲餡又鹹鹹地好好味 襯埋杯可樂真係very good 而且好就好在夠經濟

公司附近嘅南記係我其中一個每個月都會幫襯嘅飯堂。每次我都先打電話去叫定我想食嘅米線，然後先自取，如果唔係就有可能等好耐，曾經試過就咁去買，結果差唔多等咗半個鐘，超誇張！南記價錢非常公道，雙拼都唔洗加錢，今日食魚片魚餃米線加紫菜，超多紫菜，魚片好味，魚餃都唔會乾爭爭，次次我都揀清湯，鍾意佢清淡得嚟唔會話完全冇味。碗粉嘅份量都唔少架，每次食完都好飽。基本上我次次都係咁嘅配搭哈哈。不過我就比較少飲佢地嘅豆漿，下次試一試先。

好耐冇食過南記了，南記通常都係港島有分店，好唔方便。叫咗個招牌湯河嚟食，有魚片，招牌春卷，同埋牛丸，仲叫咗杯細豆漿。呢間分店好鬼細，全部都係四人座位，就算得兩個人都係坐四人座位，咁樣好難等位架喎。講返啲嘢食先，魚片我覺得難食左，唔夠彈，又冇乜魚味，得個鹹味。你話魚片冇魚味係正常，唔係囉。牛丸好有牛味，又彈，好好食。春卷都仲係春卷咁好味。每次來都一定唔會叫，好食。招牌湯河又平，份量唔太多唔太少啱晒女仔食。反而我啲friend叫咗小窩米線，個個都食唔晒。要提一提杯豆漿，好似糖水咁，好稀，冇豆味，咁就要＄6 ,完全唔抵。我諗以後都可以唔使嗌南記嘅豆漿。

一個人食午餐，又唔想食茶餐廳，就去左南記食碗粉！每次黎親南記都實點春卷河，春卷真係平靚正又彈牙。今次試埋魚皮餃，都OK啊！又多樣人餸選擇👍🏻平平地清清地食碗河又一餐，係一個人午餐幾好的選擇。

今日中午因為落雨，於是在公司附近的南記吃午餐 南記是我從中學就開始食， 他們的酸辣米線是我印象最深刻的， 無論是午餐和晚餐南記都逼滿叫餐的客人， 有點餐的～也有外賣的～可能位置不夠座，所以大部分人都會外賣回公司吃。炸春卷是南記的招牌食物， 我叫了辣豬肉配炸春卷酸辣米線，叫了中辣， 但我覺得好像不夠刺激，所以在桌上的調味欄 加了辣醬～ 最後埋單46元！

由於上環用膳太貴了, 所以我每星期都會食一次南記, 早15分鐘電話落單, 基本上比錢即取.每次都食 春卷貢丸小煱米線中辣扣底; 每次都有驚喜.....一時小辣, 似不辣;一時中辣, 似不辣;一時中辣, 冇酸;一時中辣, 勁酸, 今次中左無論如何, 我接受每次的驚喜, 因為係上環的米線, 別無他選......

過年要翻工，附近得連鎖店開門，唯有食南記。今次食麻辣米線。南記辣度無標準可言，有時無味有時勁辣，同埋超級多油，好像飲油咁，好伏！d 米線越來越幼，越來越無口感！d 送越來越少，之前成碗腩肉又有咬口，而家薄如紙價錢就越來越高，好失望！而阿姐d 服務態度就更加唔洗有要求。食碗譚仔六粒墨丸先30蚊有找，呢碗偷工減料腩肉米線收人$37蚊，真係多謝曬！記得第一次係銅鑼灣食，覺得自助式粉面店好新奇，個招牌米線都幾抵食。而家對南記印象越來越差，應該都留唔到我公司d 客。

3-4年前食過南記，覺得好夠辣，佢個種酸辣湯底味道特別，同譚x嗰啲唔同。事隔多年，再食返，味道已大不如前，感覺很普通，衛生仲⋯⋯😖食市既衛生一向是眼不見為乾淨，今日食第一啖，已覺得唔太對路，有條頭髮⋯ 可得係碗見到，反應唔會太大，但係個口攞返出來個下，好嘔心😖😖員工態度也有代改善，或者老闆可考慮加個員工休息室！見到爆晒棚，仲一人霸兩個位來睇報紙⋯ 可能係佢休息時時，但可坐埋一邊，張就下吧！

中環下午茶最抵既梗係食麵，南記可以算是窮人的恩物...因為只需廿零蚊就有一杯豆漿，一碗三個菜既麵，好比老麥，卻又更健康......招牌河招牌春卷、牛丸、魚蛋之前起旺角食過一次，但會覺得旺角同中環區的料好似有不同.....招牌春卷的咬嚼度會大一點，即係比較有咬口......魚肉般的外貌，魚丸既口感.....而魚丸、牛丸當然地也很爽口....湯底就幾乎無咩味道，所以餐廳也提供左辣醬辣汁，比客人調返適合自己的口味!!!清清地既一餐.....有杯豆漿解下喝.....

讀書時期，一放學就會同同學去糖街南記食個下午茶，當時既南記只係叫招牌河，仲有豆漿送，尤其係魚肉春卷，睇住佢係即刻炸起，好好味。今日lunch去回味一下，叫咗個辣豬腩肉小窩米線加春卷（$44），湯底夠晒味，豬腩肉大大片，有5-6片到，但有少少豬酥味，春卷2大條，小窩即是酸辣，芽菜、肉碎、酸菜等配夠晒份量，米粉又多，如果一個人KO晒一碗，真係晚飯時間仲覺得飽但食完之後都幾口渴😅，但整體感覺始終都係舊既好，但午餐醫肚都係一個好的選擇

耐不耐都會想食碗南記, 皆因真係價廉物美!LUNCH 時間門口永遠堆滿人, 買個外賣都要等15-20分鐘 ,不過真係好想食, 照等點左碗招牌魚肉春卷拼牛筋小鍋米線 (HK$36)打開香氣撲鼻, 湯少油但都OK好飲春卷同牛筋都好夠味好好食最欣賞係配菜裡的酸菜, 整得特別甜同脆口, 平時唔食既我, 都會食晒! 平靚正之選, 實至名歸!

下午茶食南記最正。$28單/雙拼粉麵 配汽水或者細豆漿。魚肉春卷必吃 出面真是食唔到 皮脆 又夠彈牙。👍🏻👍🏻👍🏻 魚皮餃今日就差左點 三隻有兩隻個皮都爛爛地。加左$5芽菜 份量就夠多 但是好多都爛爛地 個尾啡色 搞到我都唔敢食。不過我一向係南記忠實Fans😎

對於住係新界既朋友食到南記既機會唔多今次去上環換錢 就順便食下南記！佢既麻辣同譚仔既好唔同係更重更濃 不過都好滋味對於鐘意食辣既人黎講 真係好正豬腩肉係薄片個種 都幾肥美下 而且份量好多魚春卷都好正 外層會吸收湯汁 但入而既魚肉就保留到原味！但餐廳既冷氣唔係好得 ，如果可以大少少冷氣就好啦

去左上還做野，收工就去樓下間南記食。從來冇食過南記，但都知南記有好多間分舖。叫左個三牛小鍋，因為本身係麻辣湯底達人，所以加左兩蚊轉麻辣湯底。等左十五分鐘，終於黎啦！原來有三種牛，牛肉片，牛肉，同埋牛丸。牛肉片好明顯業過，味道好濃。牛肉加埋麻辣湯底一齊食，好惹味。成碗野都有少少辣，加埋好熱既湯底，食完成頭汗，好刺激！鐘意佢湯底既惹味。好有特色，米線還好，因為食過仲彈牙既米線。整體黎講，係值得一試既晚餐！

牛筋春卷小窩米線走韮菜中辣大豆漿係道食唔該~呢句說話，一個星期起碼講2次。小窩米線比清湯米線多料，有韮菜、碎肉、腐竹、酸菜。酸菜甜甜地，加埋米線一齊食，非常夾。南記既米線偏硬而且有彈性，湯底比較濃味，雖然真係好好食，但食完會有啲口乾，所以湯要盡量唔好飲。牛筋非常林，我食過有啲鋪頭哦牛筋好似食緊橡筋咁，但呢個唔會，食落口非常“膠質”之餘，仲吸曬啲湯味，非常正，唔知食完對皮膚會唔會好。如果牛筋牛腩就要另外加3蚊，想食既就要比貴小小啦。春卷係佢地既招牌菜，出面一層腐皮，入面應該係魚肉，佢口感好似魚蛋咁，魚味幾重，有2條，都好好味豆漿唔算濃，唔太甜，有時太辣又或者食完有啲熱，飲淡豆漿都會舒服好多，大杯就10蚊，細既就6蚊。早餐下午茶飲品都會有半價優惠，所以大豆漿會變左5蚊大大杯，非常抵即使你唔食得辣，或者唔中意酸，都可以自己調較中意既口味(枱上有調味料)，而且我覺得枱上提供既辣椒油比湯底本身既更加香。雖然呢個無咩特別，但有啲同類型既店舖係唔提供的。夏天食當然會食到自己成身汗啦，但冬天食完暖暖的，非常舒服。總括尼講南記既小窩米線係比較濃味，如果口味比較淡既人就可能食番清湯米線啦