南記粉麵 (興業商業中心)

营业中

休息中

反工反中上環要面對飲食既高消費已經唔係新鮮事, 要相對搵d平平地既餐廳都有d難度, 好彩上環都有間南記幫下我依d貧窮既打工仔, 環境雖小, 但最緊要係員工效率快, 唔駛係狹窄既環境下等食物

今日嚟南記點咗酸辣春卷魚小窩米線，湯底睇上嚟好似好辣，但食落略嫌辣味可更多，酸菜幾好，所以酸辣配搭起你都算唔錯近排南記做緊推廣特價- 春卷魚蛋酸辣米線，只係$27，仲平過清湯米線，真係CP值好高， 絕對值得去外賣叫返碗

呀姐 點解你要禁對我？ 一個月食左2次外賣，2次都係禁！南記麻辣湯底我係俾100分，真係好中意食。 但酸辣湯底，恕本人不懂欣賞。我在電話講得好清楚係要麻辣，但返到公司一開黎食，。。。。。。酸辣湯底。好臭呀！你俾錯湯底都算啦，成大半碗都係酸菜。喂，你叫唔中意食酸野既人點食得落？即時反胃，唯有等下午茶時間再落街食。睇番張單，寫明麻辣。

南記粉麵在香港成立三十多年來無人不知無人不曉，由當初以車仔檔買粉麵，去到今時今日已經有20間分店遍佈港九新界。南記主要賣港式粉麵，為了迎合大眾不同的品味，粉麵推陳出新，大膽求變。提供了多款粉麵配搭，當中最受歡迎的應該是鴛鴦河、招牌河，春卷小窩米線、辣豬腩肉小窩米線等等.。尤其是魚肉春卷是南記粉麵創業至今的招牌食品，獲最多客人正面評價。南記價格大眾化實惠抵食，我也愛。今日去到上環分店，店舖比較細狹窄，座位空間都好逼夾大約可以坐10多人，主力做外賣，一到午餐時段必有多人排隊，好難得可以入內坐下慢慢食。可能疫情關係少了人入內坐下來食。招牌河材料有春卷（煙韌有咬口)、牛丸（鮮甜和爽口）、魚蛋（彈牙）簡簡單單的一碗麵食到暖暖的感覺，很好吃價錢又便宜，味道也很好。豆漿～豆味不算重也不甜。

有時一個諗唔到食咩就會好想食南記一個人咩都唔使煩 一叫坐低5分鐘內食得小窩酸辣湯底 餸： 辣豬肉 招牌春卷 不過酸辣嫌佢唔夠辣 仲落咗兩匙羹仔辣椒油。冬天食米線 食一啖米線 飲一啖酸辣湯底真係人生一大享受

南記深受打工仔喜愛, 皆因佢又平又好食, lunch time去食番個又夠哂飽肚! 最中意既湯底就係酸辣湯, 入面有好多酸菜勁正, 今日食牛丸春卷米線, 牛丸彈牙春卷一如以往好味~ 而且南記既米線又滑又硬身, 係我中意既口味

米線一向都係我既至愛，今日就食南記米線，lunch時間長期爆滿，好彩都仲有位。基本上我次次黎親都係叫腩肉春卷小鍋米線，喜歡個湯底既味道，但米線係偏淋。今日叫左中辣但唔知點解比平時既辣好多，可能落重手左🙄🙄🙄

琴日咁岩係上環睇完醫生，媽媽話肚餓就係附近睇下有咩食，經過見到南記有下午茶都幾surprise，因為應該唔係間間有下午茶真係幾平，最平廿幾蚊就有交易，仲要有野飲，可以配細豆漿或者可樂，真係又平又抵食。因為我唔太肚餓既關係，就淨係叫左一碗share。媽媽order左魚片招牌春卷酸辣米線，冇諗過下午茶既份量同平時一模一樣，d餸同配菜加埋仲多過碗米線 不得不提既係未食過南記既人一定要試佢地既招牌春卷，外脆內軟，一定食過返尋味魚片好彈牙爽口，辣度我叫左小辣，中意食辣但又唔係好食到辣既朋友嗌小辣就最好不過

南記係香港眾多米線鋪嚟講雖然係幾出名，喺唔同地區都有分店，但因為自己本身住緊嗰區冇南記米線，所以其實之前都未食過，一直都想試食一次。咁岩今日經過見到，撞正未食lunch，就入去食返碗米線。環境方面，樓面面積細，枱與枱之間嘅距離細，唔算坐得舒服。至於食物，以價錢嚟講，比起其他地方食米線，南記一碗米線既價錢都幾貴，如果要揀肉類既餸既話，仲要另外再加錢，所以我都係乖乖揀返一d唔洗加錢既餸...貢丸魚腐酸辣米線（$39），米線份量少，餸既份量都唔多，酸菜反而幾多，但整體份量都偏少，四十蚊食碗米線，但作為女仔連湯都飲埋既情況下都仲未見飽，咁就唔算抵食😥至於湯底，酸辣湯底偏甜，唔太食得出辣，一般。成餐最有驚喜既係依個魚腐，外面既豆卜索滿湯汁，咬落去係咇晒啲汁出嚟，但同時都食到魚腐既鮮味，依個魚腐好好食。總括而言，其實未至於難食，不過價錢對比其他米線鋪偏高，但份量唔多，食物味道又未有特別過人之處，所以好難吸引我特登再去食...

南記一直推出優惠自選下午茶餐，憑星期一到五 2:30 開始，26蚊就可以食到雙餸河粉/招牌河，真係扺食到無朋友！首先環境方面，雖然地方細細，但係都整齊清潔，四周沒有太多雜物阻礙客人行走，座位以六人卡位為主，有點狹窄。其次食物方面，小編點左較健康既木耳同魚皮餃，木耳切成一絲，方便進食，而且好爽脆，份量多，好食又健康！另外魚皮餃亦唔錯，餃皮煙韌，彈牙，材料好足，正常size ，份量適中，味道唔錯！最後服務方面，南記可以以電話下單，好方便OL/藍領工作既人，方便又快捷！而且店員有禮貌，細心聽客人下單，送餐又快速！整體來說，南記環境一般，食物優良，服務優良，平靚正之選！

係澳門返嚟上環，落船好肚餓，即刻搵野食醫肚，但都九點，附近無咩舖頭開門，行行下見到南記，二話不說就入去食喇兩個人都好肚餓，一人叫一碗share食見到牛魔王小窩米線呢個名，中意食牛嘅我頓時好想試下唔食得得辣嘅我，揀左清湯，即係走酸走辣。可以見到d肥牛碎浸左係湯度，仲有牛腩，有腩汁個湯底都唔會好寡。牛丸幾彈牙，但肥牛同牛腩都有d韌另一碗清湯滋味，真清湯比起上一碗真係太淡了主要都係想食個春卷同埋魚腐，因為成日聽人推介，而呢兩樣都幾好味

南記超小時候就已經很喜歡，那時候哪裡來那麼多分店，好像只有兩、三間，要吃到它，那有現今那麼方便！但雖然它的方便程度提高了很多，但好像我對它的喜歡度卻不知怎麼地減少了！老實說，它還是它老樣子的味道，永遠只點腩肉酸辣湯小鍋米線小酸，而份量也是沒有改變的多，超級足料好吃，不過它的價格就上升了不少，也很難怪，因為香港就是最會通漲！可能是因為人長大了，然後到外面吃的款式更多了，所以就會有一點點覺得南記的酸辣有點普通，但偶爾一吃還是吃得我津津有味～

而家黎南記要醒目D,因佢做外賣關係,晏晝要遲D去先唔駛等好耐。裝修左之後,環境都冇變,只係牆身多左D裝飾。個位都係好窄,想轉身都唔得。麻辣味唔夠,牛都唔濃。湯好淡,魚片有D凍,酸菜唔夠味,腐皮都冇咩味,米線ok,連至愛的春卷都細條左,好似縮左水咁。

上環依間南記坐位一直比其他分店既迫，前排話裝飾以為會好少少，點知依舊咁迫，坐位已經唔多一眼睇哂20個位，上環鋪租貴明既，但而家仲同d貨差不多貼住咁坐，野食叫完自己拎公公婆婆比d貨整到唔小心趺倒就大件事今日就有個小朋友趺親見佢出左超值套餐，就睇下有幾超值！平時食開春卷配辣豬肉小窩米線$46，而家超值套餐開春卷配辣豬肉+魚片冬菇肉小窩米線$56加多$10多兩樣餸都幾抵，但佢既小窩米線出名大碗，所以唔太吸引我去加大今次食唔知點解比左4條春卷我，朋友食春卷牛腩都係得2條春卷，每次食春卷都覺得超好味，中學食到而家都差不多8年，味道保持水準，只係價錢貴左一半

今日黎上環整野整完時間尚早雖然唔係好肚餓但係想食的野之前個幾晚都約左朋友大吃大喝又作病作病甘所以今日想食清清地既於是就去左呢間南記啦一入去朋友就諗好食咩就係呢碗大腸酸辣米線啦我偷左啖湯同大腸同米線試下又幾好味wor酸辣湯味適中唔會話太過酸or辣大腸好入味又乾淨而最好既係米線好煙un呀而我呢一入去就見到個優惠餐$25就有個清湯河加可樂or豆漿我就要左魚腐冬菇湯河加可樂唔好好味呀魚腐新鮮冬菇好厚身有咬口仲有冬菇香👍🏻而且非常抵食