南翔饅頭店 (已結業)

早前約朋友食飯，諗左好耐都唔知食咩好。友人突然諗起南翔，又見我未試過，便提議一試，我當然舉腳贊成啦。仲難得唔洗等位tim，可能係由於當日係閒日加上已經比較夜既關係啦。友人幫襯過好幾次，著問佢有咩好介紹。指指點點完一輪，最後叫左下列菜餚：鮮肉小籠皮雖厚但軟身。一咬落口就有好多湯汁流出黎，又燙口又鮮味！肉餡味香而鮮，如果肉質可以再鬆化D就更好喇。酸辣湯麵酸辣湯唔覺得辣(其實酸亦唔太覺)，味道較淡。唔食得辣既友人就最arm。湯係比較濃稠，好似芡汁咁既。好在麵質都幾爽滑，整體都唔錯啦。火腿津白火腿津白，我既至愛菜式之一！金華火腿既鹹且香，配以清淡既津白一齊放入口，確係妙極！芡汁有少少鹹鹹地arm晒我。桂花拉糕友人既至愛，佢仲話黎呢度唔食佢就等如冇黎過喎。白雪雪既桂花糕，口感煙韌。桂花味道清香，食味又唔太甜。果然冇介紹錯bor！茶錢盛位八大元，有六款茶可供選擇。我地都唔執輸，一人叫左一款。冇試過老店，更加冇去過上海，唔知o個邊質數如何。但感覺此店絕對冇大家講得咁差，D野都幾好食呀。個個侍應都好似好忙咁，好難先叫得到佢地，唔知請多幾個會唔會好D呢。整體感覺滿意，有機會會再試。

由於肚餓關係，6點就食晚飯，上到去，見到未開門已經有條龍，嚇左一跳。食物不是很出眾，加上有幾樣不夠熱，如蘿蔔絲酥餅和湯圓，湯圓皮又好厚。小籠包﹑津白﹑碎雞都ok，至於個蟹粉蝦球，朋友們打了很多個譬如︰外層如蟹柳質感般淋，普通龍蝦丸都好食過佢……等等有彈無讚既佳句。個人認為最好玩係杯茶，有六種味選擇，每人一個大茶杯，我像小朋友般不停沖水，把茶葉弄來弄去，結果飲到成肚水，哈﹗

食物中等啦, 兩個人叫了肴肉,醉雞,排骨面,果仁酥,細沙酥餅,魚塊,小籠包等,三百幾蚊8樣嘢食,銅鑼灣價都食得過...其實上海嗰d小籠包都係咁厚皮,都唔知點解咁多人排住長龍去食

星期二打算和男友到維園行年宵，於是在cwb食dinner。想試試未食過的餐廳，於是到了這裡。未夠7點都要等位，大概等了15mins。一入去就發現裝修還不錯，可選茶葉，我們點了桂花烏龍。聞時很香，喝下還不錯，不過我覺得桂花茶更好喝，而且$8/位都幾貴。然後order了鮮肉小籠包:皮比較厚，但肉的味道不錯，可惜沒有肉汁。我沒有食過正宗的小籠包，不知道正宗的小籠包的皮是厚還是薄?我就比較喜歡皮薄多汁的^^津白肉絲炒年糕:份量ok，略嫌津白太少，但味道不錯，可惜兩人食完都覺得好飽，原本打算試豆沙鍋餅都沒有試了。服務比較差，特別是其中一位侍應，埋單時遞回張credit card給男友時，眼睛卻不知望向哪裡。

其實一直都想試香港的南翔，因為在上海吃過，覺得非常好味。與媽媽食午餐，點了小籠包、齋粗炒和高力豆沙。小籠包不掂，皮不薄，肉味不夠；以為齋粗炒會少點肥膩，誰知油份不少，味道也是麻麻；唯一可取是高力豆沙，十分鬆軟，又不多油膩感覺，只是豆沙比較少。環境ok，中午並不多人，侍應有禮。

上星期某日,同老闆呢度食lunch.叫...酸辣湯- (免費coupon同事比的)只有酸,沒有一點辣!小籠包- 趁熱騰騰食最好,凍d個包頂會好硬!上海粗炒- 一般般而已,麵身較硬.蒜茸炒時蔬- 唔太油,ok!但這裡並沒有想像中的好,初開店時人頭湧湧,現在就沒有了.

週六下午經過竟然没有人龍, 立即品嚐這間聞名已久的小籠包店菜譜內的選擇都頗多, 醉雞的汁做得不錯, 但很可惜雞煮得太久, 肉都鞋及un了, 而且不夠入味, 完全扣分。拍黃瓜的瓜雖然脆口, 但是不入味, 又要扣分一客六件的小籠包, 招牌貨色果然没有失禮, 皮薄汁多, 肉香雖未算太香, 但汁多香軟的口感己補賞一切了。上海粗炒又是水準之作, 色水十足又不算太油, 粗麵不知是否自製, 但口感彈牙, 用料亦多, 有得多豆乾及肉絲, 味道不錯甜品的高力豆沙又再一次令我失望, 因為本來應該不錯的甜品, 上枱時已經涷了而且縮水了, 令人食慾都大減, 不需多說, 涷了的高力豆沙一定是不好吃的. Service很差, 伙計們的眼睛好像見不到人一樣, 永遠都是直行直過的, 很過份.

聖誕過後才與友人進行廚窗購物，下午三時找午飯吃，找來了這裡，平日夜晚恐怕要等上個幾鐘，但今日啎使等位。揀來揀去，都係下午茶最抵食，所以兩個人點了兩分分享。1)鮮肉小籠包下午茶的版本只有三粒，好夠熱，皮啎算超薄，與翡翠有點高下立見，不過肉質尚鮮嫩而多汁，挽回了一些聲勢，以小籠包聞名的百年老店來說又不見得這款招牌菜突出。2)蔥油拌麵這個拌麵賣相也精緻，蔥層層鋪滿碗面，麵條索了汁又滑嘟嘟的，醬汁得宜，幾好食。3)上海湯年糕以為只有炒年糕才會煙韌，放湯吃的也同埋煙煙韌韌，十分有咬口，湯一飲就飲到落了師傅，但可幸分量不太重，還可接受。4)高力豆沙筆者發現，自重吃過阿拉的高力豆沙後，其他地方吃的高力豆沙恐怕要降降格，主因都是用糖。筆者不清楚正宗的高力豆沙如何，不過以質感，一定是以糖粉比砂糖好；此處都不例外地用砂糖，使人感覺就是在吃砂糖，失去了吃豆沙的樂趣。放下名氣，以一間普通的上海店評價，尚算不錯；不過如果衝著名氣而來，恐怕會叫大部分食客失望。

每次夜晚嚟都等餐死，位又窄，中午就好好多，人少Ｄ，待應的招呼也好Ｄ。個人其實好中意佢地Ｄ茶，好多款好味但有少少貴，特別係我呢Ｄ食飯時唔係點慣飲茶的人。小籠包唔覺得有乜特別，不是太好吃也不是難吃。湯包就真係只係綽頭，個包皮好硬食唔落的，冷盤的份量也是比較的式。總括來說叫點心好過叫餸。

經一番折騰，一輪商討，終於跟媽子及舊街坊，一行三人在這裡坐下。這裡裝修不錯，也是以紅色做主調，外觀上跟樓上的韓雅林有點相似。三個人坐在高椅背的卡位，幾舒適。當大家在研究個下午茶餐牌前，先叫個鮮肉饅頭，沒道理人家的招牌菜也不叫吧。這裡平日有下午茶餐，一個前菜加一碗麵，四十蚊有找，相當便宜，就要了三個下午茶餐。前菜的選擇不少，其實也不盡是前菜，我們就要了素菜包、棗泥酥及烤夫。麵方面，要了酸辣湯麵、嫩雞燴麵及排骨湯麵，三個不同型式湯底的麵。雖說是下午茶，但份量也不算少，一人吃一個套餐都夠飽的。先吃鮮肉饅頭，夾起是薄皮又不易穿，基本上是及格的。但吃落皮略硬，雖然有湯汁，但肉餡實實的，不夠鬆軟，這個招牌菜，不算出色，如我的記憶沒錯的話，比上海那邊是天與地之別；再吃素菜包，這個反而不錯，包很鬆軟，菜肉餡麻油味香，又夠熱辣辣及有口感，相當不錯，值得一吃；烤夫也可口，有木耳及筍，配料足亦夠甜美，是稱職的前菜；三個麵之中，最喜歡是雞燴麵，奶白色的湯底，夠濃，麵亦煮得夠腍，是媽子與我的都覺得好的；酸辣麵只點點酸及點點辣，亦太杰身，不合胃口；排骨麵就最不濟，豬排雖然炸得熱脆，但薄薄的又硬，一點都不鬆軟，不及

由於大部份friend都響Hk side工作,今次又響causeway Bay 開飯,friend 話呢間OK,但食評好似嘛嘛,親身試下,環境幾好,可惜坐唔到卡位,2人叫左:龍井茶($8/位):茶好香,見到有人飲貢品菊花,1人1壺上,下次試下鮮肉小籠包($30/6隻): 皮薄,Ok!四喜烤夫:好味,甜甜的麵根,有筍片,毛豆,冬菇(i like it)酸辣湯($18/位):唔太辣,一般蟹黃白玉卷($38/3件):好味,有蟹黃/肉/,三角形,好脆!鱔糊粗麵:好濃味,幾好!甜點:桂花拉糕($20/4件):唔太甜,好香花味!結帳:$212唔貴!有下次!

在上海非常有名的南翔小籠包在香港開了分店，今日放工路過看到不用排長龍，所以同baby試試...鮮肉小籠包：正常小籠包的味道脆鱔：好味~ 不過都係正常味道上海咸肉蝦仁炒菜飯：完全唔明點解係推介食品，味道仲普通過楊州炒飯總評：等位不長於十分鐘的，可以一試，不過翻叮的意欲好底...

23/11/2006星期四去南翔饅頭店食晚飯,7:30pm已經要等,都等了很耐,兩人點了四款食物:1.鮮肉小籠包,幾好,多汁多湯,一口一個,幾鮮味!2.蟹黃灌湯包,平平,太重胡椒味,可能是去蟹腥味,不過都幾得意,用飲管啜湯,可以try吓!3.鎮江肴肉,味道最好,有口感,唔會有太肥的感覺,下次一定會再叫!4.鱔糊湯麵,ok,鱔糊和湯麵分開上,鱔糊味道都好適中.平均幾好,不過是太細份,而且茶芥略為太貴,要八蚊,可以選茶,我就選擇"貢品杭菊",環境服務ok啦...!可以做得更加好d...!

本人一向對小籠包都不太感冒, 但女朋友跟她的朋友卻趨之若鶩, 因此很多時都會陪女朋友吃吃小籠包!南翔挾上海名店之名來香江, 的確令人期待, 女朋友見到那個湯包的賣相, 就相去試, 因此到銅鑼灣試試!我們在下午茶時間去, 因此只叫了兩個湯包, 一個鮮肉小籠包。湯包的確夠晒GIMMICK, 又有小心燙的提示牌, 又有飲管給你啜湯, 相信遊客就肯定相當受落呢!但對我來說食味都相當重要啊!!試著飲湯, 真的很燙, 第一個感覺是很腥, 有鮮味, 感覺是魚湯, 但因腥味太強, 影響了整體的感覺!而鮮肉小籠包則相當不錯, 肉很有鮮味, 皮的厚薄適中, 整體不錯, SIZE適中, 可以一口一個, 感覺較湯包為佳!店內裝潢很有中國味道, 服務OK, 價錢合理, 愛吃小籠包的不妨一試!

經過見不用等位，甘就入左去試下環境幾好、幾舒服叫左鮮肉小籠包、排骨拉?、炸饅頭、菋莉茶鮮肉小籠包︰皮厚排骨拉?︰排骨鬆化炸饅頭：十分油菋莉茶︰好得、好香總括而言，ok gei,但同預期有出入而個人喜歡翡翠多些~