南海一號

营业中

休息中

很久都沒有去過南海一號，聽朋友講話啲質素不及以前，我都唔係好信，所以咪去下，有訂位，入到門口招呼係幾好，食左三樣嘢，九層塔胡椒鮮鮑魚，我地明明見到個餐牌係6隻，嚟到貨不對辦，全部斬件，肯定無6隻，都算啦👎👎仲有叫左沙茶魚蝦蟹粉絲煲，呢排啲鹽同豉油好似唔使錢，煲嘢好咸，全程飲左幾杯水，我返到屋企仲飲多一公升有多嘅水，全晚都好口乾，太多味精👎👎👎，最好都係肘子菜膽燉花膠👍🏻，本來嚟慶祝生日，失望😞，沒有下次

以前食過，覺得除咗價位比較高之外，食物，環境同態度都幾好，所以對呢間餐廳一向有好感。見到佢做任食套餐，就帶左屋企人一齊去食。其實都預咗食物質素會有啲唔同，但係真係估唔到居然請咗一大堆新嘅侍應。佢哋講嘢好粗魯同埋好冇禮貌。雖然窗外個景都係靚，但係服務就茶餐廳質素。因為侍應問題，成餐飯都食得唔係幾開心/舒服。都明白而家個市好差，個個心情都唔好。但係其實出街食飯，都會希望可以放鬆吓。今次經歷令我大失所望。可能餐廳諗住轉型做年青人生意，走平價路線。但我個人覺得服務態度影響用餐心情，同埋佢勝價比唔高，所以而家已經對間餐廳冇晒好感，以後都應該唔會再幫襯。

農曆新年黎食點心放題 蟹羹一般 冇乜蟹肉 蟹味好淡陳醋雲耳好食 爽口 適合做開胃小食燒賣 咕嚕肉 正常發揮 蘿蔔糕（唔知係咪限定）有一條條蘿蔔絲 中上水平 係個人中意既口感 唔會太削 個茶唔記得咩名 不過幾好飲 順喉適逢農曆新年 已經好多人 一出lift連行都行唔到 檯之間唔算寬闊 再加上好大聲既新年音樂 同朋友傾計都有難度 節日後可能會改善左

晚市開番後可以和朋友再來心情都特別興奮今晚氣氛好熱鬧🤩，無敵靚海景😃今日我地幾個朋友，點咗個超值套餐，剛剛好4位用👍👍呢個餐好特別有半隻烤BB豬，香脆好味，一定要試有BB🐽點可以冇酒，我地呢班冇酒不歡的人，當然一邊嘆酒一邊吹水，望住個香港夜景，周圍D人都開心歡暢，衣家好少見了聽聞呢到出名茶燻雞🐥，入口燻香味道，又滑又香，值得推介👍😋，大廚推介松茸蒸斑球🐟，買相好吸引🤗，第一次食松茸😅，原來好香好夾蒸斑球👏非常欣賞套餐還有好多餸菜💥但突然好想食椒鹽鮮魷送酒🍻，即炸香脆好好味，難得一班朋友一起聚餐，心情特別愉快😁😁總結今晚的菜式，超級扺食款式多元化味道很好待應體貼及衛生環境一流，好享受的晚上。

星期日與友人在早上11:30來食首輪點心放題。食物質素奇差。點心種類不多，同一般酒樓的選擇一樣，有蝦餃燒賣水餃。水餃的質素比灣仔碼頭還要差。點心質素有如普通酒樓一樣，小炒質素惡劣。京蔥牛肉只上三片肥牛，辣炒雞肉猶如麥樂雞樂雞一樣，乾燒伊麵是濕身的。非常貨不對辦。如果你要來食午餐，不要有任何期望。另外環境優美可以望到對面海境。最好吃的食物是話梅石榴和馬拉糕。若果大家希望以$250來食馬拉糕及石榴的話我絕對誠意推介。

朋友book枱食lunch，去到先知有放題。去過幾次，因為有海景，當然可以提高收費。記憶之中，食物質素都不差。不過，今次令人大失所望。無論職員服務態度，以及食物質素，都好「趕客」。先講茶，又凍又冇味。食物冇presentation，又唔熱，當然有九成嘅食物都令人失望。放題限個半小時，一小時後已經話last order，個半小時後直情叫你走。收果$220 （放題、茶錢、加一），基本上食風景。離譜！冇下次！

嘩！接待處職員態度勁差，點可以做招待員？（M小姐）我哋入座前佢呼叫所有出𨋢人做「安心出行」或登記、再用粗野的說話態度叫大家探熱，完全crazy我們一行4人被呼叫到轉右坐啦！我哋見有張圓枱，有服務員斟茶中，我哋順利成章便坐下來，不夠1分鐘，覺得陽光非常猛烈，便對附近的職員提出希望坐後一張圓枱，職員示意okay,我哋就轉枱，職員還替我們換茶我們坐下來，開始聊天約5分鐘，個接待處女人就沖向我們潑婦的問「邊個叫你哋坐呢張枱」，她簡直是人間極品，粗鄙，點解你哋仲用佢呀？最後，我哋食完埋單，我哋原先張枱都無人坐。

疫情後好多食肆都會有減價/有package /套餐etc...今次就試試點心放題...我由上年聽到今年都好hit既南海一號試試...我都係網上扒過文去YouTube睇過好多人介紹...因為南海一號原本主打高質路線...以家可以平日用$188(留意返需要加茶芥加1)黎會一會...我一星期前去打訂檯...我訂左第一輪1130-1300...但訂左之後發現網上原來都好壞參半...話服務唔好...時間好聲吹你走...野都未食完...最慘睇到話食物質數同埋唔夠熱😓...睇完真心驚驚...因為我揀係食堂放寬4人一檯既第一日...因為好奈冇同2老👵🏼👴🏼一起出去同檯聚餐...唔想令佢地失望...當日我地早到...大約1120左右到已經到達...一上到去就覺得周圍既裝飾環境有別一般既場...現場已經有人係度等緊...接待處小姐亦好禮貌同我地講有冇安心app...冇就係旁邊登記...之後就請我地1行4人等候...唔夠幾分鐘就安排各人入座...亦好細心同我地講1130先開始...另外問我地怕唔怕哂，因為靚景位置比較哂...我地ok...之後有另一位亦有禮貌既男待應帶我地入准...我地好好彩安排到窗邊位置既

這算是高質素的下午茶，食物美味，蝦餃皮薄蝦多，個人認為菜苗餃及黑松露素餃更值得一試。茶係烏龍茶，好清純嘅茶味。蜜糖薑汁糕不太甜，好好味。豉油王炒腸粉好耐無食喇，這裡的不太咸，唔會太軟，軟硬度剛剛好😋😋滑蛋蝦仁嘅又好滑，話梅石榴，味道酸甜，係好開胃嘅菜式，還有椰汁紫米露，雖然都好食，但比較甜。蜜糖薑汁糕豉油王炒腸粉菜苗餃咕嚕肉黑松露素餃酒樓環境都很整潔，今天天氣很好，有充足的陽光，能夠對住海景休閑地嘆茶真係賞心樂事。而服務員的工作熱誠，食物夠熱，很快便上枱，能充足利用限時的放題時間可惜今天無小籠包提供

第一次來這間酒樓飲茶，聽朋友講好似唔錯，景觀也很期待。服務質素是不錯的。第一次任食下午茶，但發覺食物質素一般，選擇也不多，以這個價錢來講可以去普通酒樓食就可以了。

見食評唔錯，總要一試。環境及服務當然好，話哂高級食府，但食午市又坐近窗的話就確係熱。在二人限聚令的情況下仍然安排到四人枱加夾板，算係咁。年輕店小二車輪轉般上菜收碟。服務速度可以。但食物款式真係好少，點會飲茶無叉燒包，糯米雞？最貴的應該係蝦餃燒賣，炒麵飯都係廉價食物，星洲炒米，干炒牛河。上碟時賣相有如街邊攤檔夾一兜麵比客一樣，需則食物味道尚可，但在限時的情況下，加上廉價食物，賣相地道，真心唔值得！不推薦。

第一次寫食評，真係差到極點要分享經OpenRice 預訂2月15日13:00 - 14:30午市時段點心任食，大約12:45到達餐廳，排隊等安排入座，等到大約13:00，門口已經人多到行都行唔到，等入去既未入得，食完出黎既又走唔到，當中有老人家小朋友，情況非常混亂，餐廳安排入座亦唔係按到場登記先後次序，在場已經有唔少客人投訴大約迫左半個鐘，終於可以入去安排坐低，以為可以開始食野，但點知原來係想多了一坐低（13:15）寫點心紙點野食，等左大約半個鐘（13:45）都未見有第一碟野食，隔離枱同時坐低都已經開始食緊幾碟，見到有啲唔對路就問問侍應會唔會漏左單或者啲野食送錯枱號，因見到隔離枱話有野食無寫過，然後有位部長就拎住我地寫既點心紙過黎話有入單，咁都明白可能人多咁再等多陣，同時因第一張點心紙有野食未點所以落多一張，等到大約14:00左右竟然到既係第二張點心紙寫既野食，第一張紙既野食仍然未到，午市時段到14:30，都差唔多夠鐘，另外等待期間已經見到隔離枱多次出現唔係佢地點既食物，咁再（好聲好氣）問一問侍應睇下枱號會唔會搞錯左，點知個侍應就好惡咁話「咩枱號呀，搞錯咩呀」然後就行左去一邊同第二個同

年初四訂了位和家人吃午飯，因為只限二人一枱，所以多人數就要分開幾枱食。我們訂了1點中枱理應上到餐廳等5分鐘左右就可以安排入座，但一上到去一大堆人圍在前枱十分混亂，明明大家都已經訂了枱但都要排隊，場面十分混亂。明白前枱兩位帶位同事都很用心安排，都理解到，都希望新年不想傷和氣，所以就算安排上有不便都等一會。後來一位應該是經理的男職員試著解釋這情況，但這位男職員用詞上會態度上都令我和我家人感到不愉快，令我們不想再等候，最後選擇另一間餐廳用膳。對於這情況本人對貴公司的訂位和人流安排上就到失望，特別是該男職員的態度，希望貴公司可跟進。 特別感謝兩位前枱女職員在這情況盡力安排。

話說前幾日食生日飯 卜左南海1號食任食點心下午茶喺OpenRice呢到訂位book mark左想坐近窗口位置來得呢啲食景觀既地方⋯緊系欣賞個景多過啲菜色㗎啦😂😂.點知去到店員帶咗我哋坐中間嘅圓枱好似完全唔知道我既request咁？唔知係窗邊冇位定係openrice同餐廳溝通問題呢？最終都不了了之⋯⋯🥲.講返餐點心下午茶啦 $188/1位 + 10%點心類14款 精美菜式11款麵/飯4款其實選擇都真係唔多因為你唔會每一款都食食過覺得好食而再叫既有⋯⋯小籠包 、咕嚕肉、滑蛋炒蝦仁、酸甜魚塊其他蝦餃、燒賣 、腸粉等等既點心就正正常常 都唔錯既飲茶來講 都系食嚟食去差唔多嘅果幾種款式啦

大年初三，一早book左任食lunch , 準時去到勁多人，等左20mins 先入座，話係任食，結果咩都冇得食，賣晒又唔出聲，我一味等，因為見佢多客都唔想催佢地，點知等到張單比埋我d 野食都冇泥，結果呢餐我只食左2個點心😑 同經理反應佢話唔好意思賣晒，我坐低第一張點既點心只泥左伊麵，午市一開始就話賣晒咁就唔好話任食啦，呃錢！唔會再幫襯 同埋可能呢個優惠吸引太多人，d waiters 做到冇晒表情，唔多願意應人咁，$208加埋1仲要收服務費，食飽就話抵姐，我食完好似食風咁之後仲要搵第間餐廳醫肚，嘥氣