南昌咖啡麵 (已結業)

年初4同阿媽去迫圓玄學院， 1迫就迫左3粒鍾， 3點落山個下個人已經遮晒， 搭小巴出返深水埗就食個下午茶。下午茶餐每1個平均都3x蚊， 算係咁上下啦。 芝士蛋豬扒包（34蚊）：個包係熱辣辣， 外面好多餐廳連個包都唔烘就上枱， lee到算好有心。材料都幾豐富，味道都唔錯， 有埋沙律醬同千島醬係底， 個豬扒唔會被鬆肉粉整到冇晒味， 又淋又有豬肉香味。孜然炸雞翼加薯寶（35蚊）： lee個餐唔太抵食， 得3隻中翼，味道OK, 但薯寶好細粒， 而且中間雖然有粟米粒， 但怪怪地， 唔夾。值得一提係個奶茶， 有奶香茶香， 唔苦，唯一係唔夠滑， 但已經比外面好多茶餐廳好。lee到d侍應姐姐好親切， 會同d熟客吹水講下馬經。

今日第二次去就點了個下午茶餐麻辣雞肉米線再加一個雪山多士。問佢個雪山多士是否即係西多(因為睇枱上相片係炸多士加舊雪糕)佢又話係，佢都有講暫無雪糕我都覺無所謂所以點了一份。來到切開完全無饀，一點花生醬或者煉奶或咖央都沒有。問個侍應有無糖膠，佢話無咩糖膠呀?咁我問糖漿呢？糖漿有，糖膠無。我話我咁要糖漿啦～唔該用來做咩呀？我答個雪山多士無餡所以想要一點。佢竟然跟著問個廚房師父，師父話叫你點沙糖喎……我話我唔想食沙糖佢竟然唔理我咩都唔比其實個侍應係咪有問題呀？我而家唔係問你拎咩特別野。只不過係個糖漿都好似好矜貴咁，你個多士又無餡又無雪糕，點嗰時問你又話即係炸西多其實你識唔識架?跟著再問其他侍應佢都即刻比我。唔係要你比咩優質體貼服務。但小小野都攪到個客好似乞咁就唔係太好囉～

喜歡原因： 深水埗汝州街越來越多茶記，老實講間間食物價錢差不多，味道千篇一律。食得多自然要求食材真材實料（ 長期飯堂）嘛！健康D又得、濃味D又得，對自己要好D，話明茶價錢💰💰，食得輕鬆，$40-$50蚊食到中環高檔茶記食物質素。識食食🉐️出，高手真係在民間😃強烈推介：豬潤嫩滑冇燥味😋😋👍🏻👍🏻👍🏻 芝士鷄亦, 功夫菜 外脆內爆芝士汁，啖啖肉，好食 過連鎖快餐小小提示：深水埗茶記要求食物真味道，好手勢。

2020.09.04第二次幫襯，疫情底下，二人一枱，坐得舒服咗。顧客舒服，食肆難捱。黑椒牛扒飯，份量十足。黑椒汁勁夠味道，牛扒當然係落咗鬆肉粉。但都算係唔錯。有一定好厚度，亦有先用醃料處理。雞翼撈出前一丁配紅豆冰。雞翼值得推薦，三隻雞翼由開餐食到最後，都保持住熱辣辣。味道好外皮仲脆卜卜。另外紅豆冰也要試，紅豆蓉唔太甜又夠林。麻辣牛肚，好似我怕辣嘅就剛剛好。腐乳西生菜，腐乳汁略嫌太稀，掛唔到係啲菜到。

疫情係屋企鬱太耐，決定落街食個靚早餐過到來汝州街一如既往好多選擇再終決定行入哩間，因為之前食過lunch 幾好估唔到遇到個西面趕客阿姐入去前full mood ，食完no mood -→→→→→→→→→→→→→→→→→→一入去個阿姐幫我測體溫，佢西面程度40%測完我諗住坐翻上次個位，被個阿姐話“一個人坐哩邊得啦。。$#%？。。”佢西面程度40%→→→→→→→→→→→→→→→→→→嗌左個早餐A （沙爹牛面+煎蛋+西多）凍檸茶阿姐好瀟灑，慢慢從我身邊經過，無應答，我諗佢聽到掛？仲系度諗緊我系咪太細聲就見佢行入cashier 打單，果然有性格夠孤傲→→→→→→→→→→→→→→→→→→等左2，3分鐘，凍檸茶上枱，再過2，3分鐘牛面上枱，望落吸引嘅一叉叉落去擺入口，dklm，啲牛凍嘅😂好彩個湯面仲熱，即刻撈一撈先，食食下又覺唔妥，原來啲牛好骸其實真系無誇張，食過咁多牛面之中都算骸得最出類拔萃→→→→→→→→→→→→→→→→→→其間有個插曲，有個男人行入來又被個阿姐西面安排坐埋一邊其實一早，好多吉位剩出乎意料嘅系，個男人無同我一樣選擇配合聽到佢話“坐哩度咁逼gip ，咁唔食lu ~”走左😂咁又系，

今日落水絲濕，經過深水埗搵食。見到呢間南昌咖啡都，首先係比佢「咖啡麵」三個字吸引左。但點知最後發現餐廳無一樣東西係叫咖啡麵但唔緊要，最緊要係d野食唔差就得喇。我地就叫左兩個午餐。台式肉燥滷肉飯- 一黎個賣相都幾吸引！有好多滷肉，我好鐘意食肥膏，雖然唔健康，但真係好食！佢地既肥瘦都好平均，食落口感好balance。個滷水汁都好入味，係隻滷蛋老左d,一般般。馬來西亞咖哩豬扒飯- 好食，但係咪正宗馬拉咖哩就唔識分。但鐘意佢唔會好辣，辣度控制得宜。最正係個薯仔，真係煮得好腍，好食估唔到呢間看似平平都幾驚喜！

瞓到晏一晏求其搵間餐廳食嘢，入咗呢間南昌咖啡廳中位價錢，叫咗個特色常餐A，同埋特色下午茶餐G麵身唔會太淋，幾好，不過無落調味包，沙嗲牛肉冇沙嗲味，而且牛肉質感似豬肉比較鞋口，同埋餸既份糧少。煎蛋整得幾好食，點解唔會太燶，不過多士就dry左d,建議俾粒牛油我自己揸好過。個撈出前一丁好睇唔好食，咩都極淡，啲蔥只係做裝飾味道完全唔夾，旁邊碗湯侍應話冇落味精，係就係好健康，但實在淡而無味。。餐牌上面明明寫住係孜然雞翼，但係一d孜然味都冇，同平時喺屋企用鹽孽完嗰啲雞翼攞去煎果隻味一樣，同埋食得出雞翼未解凍就落鑊煎，有雪味仲好油，麻麻地。紅豆冰同凍奶茶都好大杯，奶茶夠滑，不過杯紅豆冰就爭啲，紅豆煮得好淋幾好，但係上面嘅椰汁底就好稀，溝得多水，味道有啲似豆漿，唔知佢係咪真係用豆漿整，定係淡得滯感覺似豆漿，整體來講賣相可以，但味道一般般。

逛街來到深水埗汝州街，經過一間南昌咖啡麵歇下食過下午茶，點了個下午茶餐“升呢鄉村咖央多士$28”，再加$2點杯懷舊薑蜜奶茶，用薑煲過奶茶薑味都好突出濃郁，內有薑絲、帶有蜂蜜香甜，且帶有點薑的微辣，茶味甘醇帶甜香，奶與茶的比較平衡剛好，夠熱又香滑，而咖央多士都好大塊，烤至金黃，塗上豐富咖央醬，在燈光下閃亮著，賣相非常吸引，麵包夠鬆軟，加上香甜咖央醬，真是非常美味，環境地方都不會坐得太迫，下午時段都不會太多人，天花板上掛了吊風扇，街外的氣溫好熱，但入到餐廳，餐廳溫度夠涼快，夠晒舒適餐廳主打生滾豬潤米線、芝士雞翼撈麵等......下次可以一試

俾佢個名吸引左，雪山金磚，其實係炸左的面包配雲呢那雪糕，個面包無涵，就咁食係完全無味，但因為即炸，超熱。同雪糕剛剛相反，凍有甜味，兩樣夾埋就岩岩好，但如果多一球雪糕會更好。

最近係深水埗返工，所以就周圍睇下有咩食，見到間餐廳環境幾靚同埋menu幾吸引就試下，職員好有禮貌，提我拎齊野仲幫我開門，叫左金牌芝士雞翼撈麵，係真係芝士雞翼！雞翼肉包住芝士醬同蘑菇，好juicy好入味，裏面重芝士味但外層少少脆既燒烤味，重點係無骨！原啖肉咬淨雞翼尖，仲有例湯送，但湯鹹左啲，太重味精，撈麵稍嫌撈得唔夠，而且冇乜味。仲有麻辣金錢肚好香，好足香料，有得同職員講辣度，我叫左少辣，對我黎講就啱啱好，金錢肚份量好足，而且夠稔易咬，但個人覺得一定要配飯或麵食，淨食會太鹹。

深水埗惹味撈麵 -- 南昌咖啡麵🌶-------今日同朋友去咗深水埗行街 夜晚見到呢間餐廳裝修唔錯 菜式都啱食 就入咗去坐低😄-------⭐馬來沙嗲王鮮牛肉撈米粉全日餐（$45）*送牛油多士及熱飲呢個米粉超級惹味 有好多馬來沙嗲醬喺面頭 撈勻左之後條條米粉沾滿晒沙嗲醬 啖啖都好滿足 食到停唔到口😂 而且唔會好辣 啱晒我😄另外仲有好多塊鮮牛肉 肉質好諗 無筋👍好快就清晒成碟😂🙊推介！👍跟餐仲有牛油多士 烘得啱啱好好脆👍-------⭐上湯浸白菜（$18）另外仲叫多左一碟菜同朋友食 覺得個上湯鹹左少少🙊-------總括黎講呢間餐廳嘅價錢相宜 食物唔錯 店員都好有禮貌 大家去開深水埗可以食下呀🤗------價錢：$45+$18+$2（凍飲）------評分（10分滿分）賣相：7味道：8性價比：7回頭率：7------餐廳資料名稱：南昌咖啡麵地址：深水埗汝州街190號地鋪前往方法：深水埗站A2出口

沙嗲牛肉撈麵加煎蛋🍳$51佢用嘅牛肉 係新鮮牛肉🥩同出面茶餐廳嘅腌牛肉有好大分別跟餐嘅多士 絕對係必食😎香濃嘅牛油再加上香脆嘅多士🍞•芝士雞翼🍗 $40去骨嘅雞翼釀入芝士及蘑菇外皮煎到好香脆入面仲會爆漿丫•雪山金磚🗻 $25有別於普通茶餐廳嘅西多士加上麵包糠嘅金磚非常香脆再加上雪糕一冷一熱🍨簡直係雙重感受

南昌咖啡麵(深水埗)咁啱係附近行完街，肚仔餓就食嗰下午茶先。一坐低就即刻問伙記有乜招牌多人食嘅，佢就話金牌芝士雞翼撈麵，咁就以為係啲芝士汁淋係麵上面，原來係芝士釀係雞翼入面！好似雞翼餃子咁👍🏻👍🏻金牌芝士雞翼撈麵（$40）兜麵有三隻雞翼，嗰皮金黃色，燶燶地，賣相不錯，咬落去，入面啲芝士爆炸出黎💥💥💥芝士量不多不少，唔會太漏，啱啱好，味道唔會搶左雞翼啲味，真係可以再試！麵上面加左葱花，撈埋啲麵一齊食，相映成趣，啲祕製豉油味有係好特別，唔似一般出面嘅味！大家去食一定要試👍🏻👍🏻👍🏻腐乳唐生菜（$18）啲菜比較淋，但我鍾意食淋菜😂😂所以一個人成碟清曬！加埋啲腐乳醬，回味🤙🏻味道:🤤🤤🤤🤤價錢:💰💰💰環境:👍🏻👍🏻👍🏻👍🏻地點: 南昌咖啡麵 (深水埗)深水埗汝州街190號地舖#hkfood #hkfoodie #深水埗美食 #南昌咖啡麵 # #hkblogger #hkfoodblogger #eatkids123

一直都想試試呢間的麵，每次經過，看到入面裝修和有傳統冰室的風格，看到餐牌也有很多選擇🤩本想試雙拼招牌豬潤牛肉麵，但由於最近都沒有豬肉賣的原因，所有關於豬的都沒有供應。最後決定叫單拼招牌牛肉麵。牛肉的質地很鮮嫩，還有我喜歡食的腐竹，不錯不錯！

我和女友在11點10分左右，想坐底食野，見到枱未拾，我見到叫女友先坐下，等了幾分鐘都沒有人收，我企係到都沒人理，呢個服務真係好到加01到叫野食，叫人都沒怎理，見到新入來可能是熟客都先理他們，之後叫了珍珠帶子火腿粒通粉早餐，加咖央多士，出餐到枱像掉到枱上就走開連說是什麼都沒說，珍珠通粉普通，帶子比較腥，令湯都有腥味，而咖央多，一來以為是好野，見西多士式咖央，點知出到來只有暖，咖央超少，在面薄薄，完全沒有咖央味，又沒有西多士味，真是我食過咁多咖央最垃圾一間，女友說要blacklist呢間不會再來。早餐價格算比其他平少少，但不支持生客來，只是個人見解，去否可自己嘗試