影片
年初4同阿妈去迫圆玄学院， 1迫就迫左3粒钟， 3点落山个下个人已经遮晒， 搭小巴出返深水埗就食个下午茶。下午茶餐每1个平均都3x蚊， 算系咁上下啦。 芝士蛋猪扒包（34蚊）：个包系热辣辣， 外面好多餐厅连个包都唔烘就上枱， lee到算好有心。材料都几丰富，味道都唔错， 有埋沙律酱同千岛酱系底， 个猪扒唔会被松肉粉整到冇晒味， 又淋又有猪肉香味。孜然炸鸡翼加薯宝（35蚊）： lee个餐唔太抵食， 得3只中翼，味道OK, 但薯宝好细粒， 而且中间虽然有粟米粒， 但怪怪地， 唔夹。值得一提系个奶茶， 有奶香茶香， 唔苦，唯一系唔够滑， 但已经比外面好多茶餐厅好。lee到d侍应姐姐好亲切， 会同d熟客吹水讲下马经。
继续阅读
今日第二次去就点了个下午茶餐麻辣鸡肉米线再加一个雪山多士。问佢个雪山多士是否即系西多(因为睇枱上相片系炸多士加旧雪糕)佢又话系，佢都有讲暂无雪糕我都觉无所谓所以点了一份。来到切开完全无饀，一点花生酱或者炼奶或咖央都没有。问个侍应有无糖胶，佢话无咩糖胶呀?咁我问糖浆呢？糖浆有，糖胶无。我话我咁要糖浆啦～唔该用来做咩呀？我答个雪山多士无馅所以想要一点。佢竟然跟著问个厨房师父，师父话叫你点沙糖㖞……我话我唔想食沙糖佢竟然唔理我咩都唔比其实个侍应系咪有问题呀？我而家唔系问你拎咩特别野。只不过系个糖浆都好似好矜贵咁，你个多士又无馅又无雪糕，点𠮶时问你又话即系炸西多其实你识唔识架?跟著再问其他侍应佢都即刻比我。唔系要你比咩优质体贴服务。但小小野都搅到个客好似乞咁就唔系太好啰～
继续阅读
喜欢原因： 深水埗汝州街越来越多茶记，老实讲间间食物价钱差不多，味道千篇一律。食得多自然要求食材真材实料（ 长期饭堂）嘛！健康D又得、浓味D又得，对自己要好D，话明茶价钱💰💰，食得轻松，$40-$50蚊食到中环高档茶记食物质素。识食食🉐️出，高手真系在民间😃强烈推介：猪润嫩滑冇燥味😋😋👍🏻👍🏻👍🏻 芝士鸡亦, 功夫菜 外脆内爆芝士汁，啖啖肉，好食 过连锁快餐小小提示：深水埗茶记要求食物真味道，好手势。
继续阅读
2020.09.04第二次帮衬，疫情底下，二人一枱，坐得舒服咗。顾客舒服，食肆难挨。黑椒牛扒饭，份量十足。黑椒汁劲够味道，牛扒当然系落咗松肉粉。但都算系唔错。有一定好厚度，亦有先用腌料处理。鸡翼捞出前一丁配红豆冰。鸡翼值得推荐，三只鸡翼由开餐食到最后，都保持住热辣辣。味道好外皮仲脆卜卜。另外红豆冰也要试，红豆蓉唔太甜又够林。麻辣牛肚，好似我怕辣嘅就刚刚好。腐乳西生菜，腐乳汁略嫌太稀，挂唔到系啲菜到。
继续阅读
疫情系屋企郁太耐，决定落街食个靓早餐过到来汝州街一如既往好多选择再终决定行入哩间，因为之前食过lunch 几好估唔到遇到个西面赶客阿姐入去前full mood ，食完no mood -→→→→→→→→→→→→→→→→→→一入去个阿姐帮我测体温，佢西面程度40%测完我谂住坐翻上次个位，被个阿姐话“一个人坐哩边得啦。。$#%？。。”佢西面程度40%→→→→→→→→→→→→→→→→→→嗌左个早餐A （沙爹牛面+煎蛋+西多）冻柠茶阿姐好潇洒，慢慢从我身边经过，无应答，我谂佢听到挂？仲系度谂紧我系咪太细声就见佢行入cashier 打单，果然有性格够孤傲→→→→→→→→→→→→→→→→→→等左2，3分钟，冻柠茶上枱，再过2，3分钟牛面上枱，望落吸引嘅一叉叉落去摆入口，dklm，啲牛冻嘅😂好彩个汤面仲热，即刻捞一捞先，食食下又觉唔妥，原来啲牛好骸其实真系无夸张，食过咁多牛面之中都算骸得最出类拔萃→→→→→→→→→→→→→→→→→→其间有个插曲，有个男人行入来又被个阿姐西面安排坐埋一边其实一早，好多吉位剩出乎意料嘅系，个男人无同我一样选择配合听到佢话“坐哩度咁逼gip ，咁唔食lu ~”走左😂咁又系，成条汝州街咁多选择，洗入来受你气？一出门口转左转右都各两间啦又唔见你有几爆，大把吉位剩，都唔识转弯嘅男人一走，个阿姐即刻同另一枱嘅客人呻“？…！~%$#。。。啱吾啱啊？%“+$@。。。啱吾啱啊？”睇来阿姐选择唔应客，留力来呻，佩服啱，你啱晒，客错晒→→→→→→→→→→→→→→→→→→花生食完，牛面都食埋，先发觉我个煎蛋同西多都未上，其实过左十几分钟啦催完等左2，3分钟蛋同西多上枱，20秒ko →→→→→→→→→→→→→→→→→→埋单时阿姐依家西面，西面程度60%可能头先个男人激亲佢挂？成个收钱过程最后各自沉默不语→→→→→→→→→→→→→→→→→→可能阿姐同佢老细过唔去，又或者阿姐系老细，同生意过唔去啦，点解咁强硬安排坐位又西面，不得而知食个早餐一般最耐15分钟就走人啦，又唔见你个场有几爆客人落来堂食都只不过想坐得舒服啲姐我谂唔爆都有原因嘅→→→→→→→→→→→→→→→→→→非专业食评柯打：沙爹牛肉面，西多，煎蛋，冻柠茶美味程度：3/5（沙爹牛冻嘅，比较骸，西多煎蛋同冻柠茶都系正嘅）服务水平：0/5（不予置评）会否复桌：不了→→→→→→→→→→→→→→→→→→多谢阅读🙏🏻
继续阅读