南山冰室 (已結業)

早前係銅鑼灣上完堂後, 便係附近覓食, 最後去了南山冰室食嘢.見附近唔少食客點了馳名海南雞飯, 我也一試.飲品加錢要了熱的黑糖薑母茶.馳名海南雞飯上枱. 賣相幾精緻.附有湯一碗. 雞肉肉質夠嫩滑, 完全唔覺得乾和硬. 但對於唔食生嘢的我, 雞肉較多紅色. 我反而鍾意食個飯, 飯軟硬適中.黑糖薑母茶. 味道夠濃郁, 令人感覺舒服.再點了咖央肉鬆厚多士. 肉鬆份量夠多, 但卻蓋過了咖央的味道, 我寧願咖央多些.多士尚算鬆脆, 但多士再厚身一些更有口感.

熱辣辣，讓我想起陽光與海灘，更想起星馬美食。想不到在銅鑼灣南山冰室，都可以用午餐價錢吃到惹味星馬晚餐，仲有特飲添。先來個馳名咖央厚多士$24，哄得鬆脆，一口咬下有如空氣般鬆綿。肉骨茶$38也蠻推介的啊！這款是馬來西亞福建派肉骨茶，藥材味剛好，湯料十足，喝得舒服，所有單點食物+$20就可以嚐到細碗(一人份量)。招牌海鮮喇沙$55，用料十足，魚片、蝦、豆卜、青口、魷魚等，油麵比米粉份量多，湯底微辣不太濃稠，若加重點椰香味會更完美。食喇沙，加$12配杯特飲- 龍眼冰就最適合不過，甜度恰好，好涼快。星馬咖喱吉列厚切豬扒 (配香蘭飯) $58，咖喱甜而不辣，厚切豬扒鬆化香口不油膩，略嫌香蘭飯有點濕呢～同樣加$12有紅豆冰啊。下次到銅鑼灣，又多個選擇了，不用再去美食廣場自己serve自己，可以去坐得舒服，有美食又有人serve的南山冰室。

初試南山冰室（銅鑼灣）唯唯媽呢啲新界人，除非做野，否則好少過港島區活動！係維尼b大左，開始識話坐船接爸爸，我地先多左係港島區晚飯，但要搵間小朋友坐到，又價錢合理既餐廳，選擇似乎唔多！早前唯唯爸就帶左我地去銅鑼灣新開既「南山冰室」！我地袋左好多野，3個餐，2樣小食，無錯，係3個餐！維尼b自己一個人食晒一入餐！馳名海南雞飯 $68呢份原本諗住同維尼b share食，我試食左幾啖，雞好淋，好滑，唔會太咸，俾小朋友好岩！油飯好香口，但唔會太濃味，最後，食下食下，我得返幾啖飯食，成碟海南雞俾佢食晒！招牌海鮮喇沙 $55黎到東南亞餐廳，一定要試喇沙，個麵底係油麵併米粉雙併，幾有口感，海鮮都多，蝦，青口，墨魚仔，配微辣湯底，幾開胃！肉骨茶（大）$38肉骨茶，味道不太濃，怕藥材味既朋友都可以一試！馳名咖央厚多士 $24好香脆，咖央香甜，維尼b都食左半件！凍咸檸雪碧 $12 （跟餐加錢轉）凍荔枝冰 $6 （跟餐加錢轉）加錢轉左2杯特飲，荔支冰最抵，加$6咋，好消暑！常餐：沙嗲牛肉撈麵，煎蛋，咖央多士呢個常餐係後來加單叫既，連侍應姨姨都好驚訝我地2大1小叫3個餐！沙嗲醬好香花生味，加埋淋滑既牛肉，特色之處

提到冰室，好多時候想到的是西多士、蛋撻、紅豆冰，但原來冰室都可以是吃東南亞菜的。最近朋友就帶了我來南山冰室吃飯，看了看餐牌，很多都是東南亞菜式，例如海南雞飯、喇沙海鮮麵、肉骨茶等等。肉骨茶藥材的味道較為濃郁，相信是馬來西亞的做法，喜愛藥材味的朋友會比較喜歡。馳名海南雞配椰香飯，可以加錢轉雞髀。肉質飽滿有光澤，雞皮很薄，吃一口雞肉，挺嫩滑。配上秘製的海南雞醬，雞味更突出。另外我也很喜歡這個椰香飯，除了雞汁的香味，還有椰汁的香味。招牌海鮮喇沙，海鮮鋪滿碗面，包括鮮蝦、青口、墨魚、帆立貝，用了十足，喇沙湯底濃郁，有些少辣，但辣度還可接受的。龍眼冰和紅豆冰相信是夏日的消暑涼伴，龍眼清甜可口，而紅豆冰則紅豆與奶的比例剛剛好，清涼透心的感覺。餐廳的座位亦算寬敞，而食物價錢亦算親民，食到多款東南亞菜式，就不用擔心荷包。

今日假期前就同董事長來試試新野，但我地都係第一次食餐廳位於銀座廣場，落地牢就見到，呢度面積都幾大，座位甚多，裝潢風格有少少韓式風味，播嘅都係新嘅，仲有一個大的電視直播板。首先叫左個馬來沙嗲牛肉撈麵配咖央多士沙嗲味好出色，牛肉軟腍，麵身彈牙！出便茶記好少常餐係配咖央多士，咖央醬多到溢出來，紅豆冰，好耐無飲紅豆冰，見優惠價再加半價，唔試唔得。個奶水幾香，啲紅豆煲得夠腍，又清甜。味道都唔錯，下次繼續帶朋友來。

今日同老公去銅鑼灣搵地方食lunch, 途經一間粉藍色門口既南山冰室，比佢門口吸引左， 最後決定入去試下~呢間冰室有好多特式星馬菜式選擇，令我最有驚喜係加錢將湯轉做肉骨茶，呢度既肉骨茶好夠味，湯夠濃夠香，必飲推介！今次我叫左海南雞配椰香飯，雞都幾滑，仲有叫左厚切豬扒喇沙，一半麵一半米粉，都幾特別，湯有小小辣，但可接受， 豬扒香脆可口，份量都算大份，所以都幾抵食！飲品order了龍眼冰和雜果賓治，果肉好足料，而且夠晒冰涼消暑，岩晒咁熱既天氣飲用。另外想讚讚店員，佢地好nice, 問佢有乜好介紹，都好詳細介紹。另外因為個餐到了時， 我先話改轉肉骨茶，佢地都肯幫我處理，所以服務態度方面，令我再加分呀~

不吐不快。負責人睇到唔該跟進下！唔好話咩茶餐廳唔好expect有咩服務態度真金白銀俾錢行入嚟食嘢，要咁樣俾你對待？？原本係附近餐廳食，但嗰間餐廳冷氣壞左Walk in入左黎食呢間南記冰室。叫左兩樣野食，嘢食上得快，賣相都唔錯仲覺得呢間野嘅菜式有馬來西亞菜幾得意金不煥肉碎煎蛋配飯 $52馬來沙嗲牛撈麵配咖央多士同煎蛋 $48個肉碎飯食第一啖已經咸到不得了，諗住撈匀少少d汁應該冇事但係撈完都真係好咸好咸！但由於我非常趕時間，所以我都冇投訴亦冇要求換過一碟。最多下次咪唔食囉，可能廚師落重手姐質疑我嘅人自己去試吓食食下，我發現隻手無啦啦有d黑色野因為我隻手有掂過張凳原來有隻死咗嘅烏蠅喺張凳到，勁核突我即刻用紙巾抹返乾淨。呢樣我都算了！ 當我唔好彩！埋單前，我原意係好心想叫個侍應同佢講聲啲飯好鹹，提醒廚房下次唔好咁重手，其實真係咸到唔想食，但我向來都唔想浪費食物。 我一叫個女侍應(我當時係好好禮貌，因為根本我就唔嬲，純粹想講出嚟等廚房留意一下)，佢就已經一臉敷衍的示意佢旁邊男侍應話：「同佢講，有咩同佢講」，呢下我已經有啲唔好受，唔緊要咁我咪同男侍應講，我一開口講左一句： 「個飯好咸呀，叫廚房..

呢間新開嘅南山冰室，個個朋友食過都話正。咁啱過海，真係要帶個女嚟試吓啦！非一般冰室，呢度主打星馬菜，價錢大眾化，就真材實料！ 朋友推薦肉骨茶👍🏻 湯底不油膩，味香濃又唔會太鹹！排骨非常入味。真係正👍🏻馬來西亞咖喱厚切豬扒： 咖喱汁香濃唔辣，豬扒厚切有口感。外層炸到脆卜卜又唔會成口油👍🏻 肉質鮮嫩夠淋。無得彈。招牌海鮮喇沙「必點！」 喇沙湯底非常香濃，小小辣好惹味。海鮮足料夠新鮮，最特別係配上粗麵同米粉各半，多重口感，激讚！印尼炒飯：用蝦片配埋飯一齊食，回味無窮。小食加多個：咖央西多士。特飲：龍眼冰，好滋潤。超級滿足，食到咁都係二百零蚊。認真超值。真係茶餐廳價錢五星級享受。 質素可媲美馬拉菜餐館。 推介

銅鑼灣中午找吃飯的地方，一般都有一點貴，特別是在我上課的附近, 只，餐廳茶餐也要六十多，我發現了這家新開張，$48茶歺，$50-60 lunch set, ok ar! 仲要上菜超快，fit 哂我呢D趕返學嘅人喇沙唔算太spicy, 有油麵同米粉mix, 口感唔錯，如果加蛋就更好厚炸豬排，有小小怪，如果煎會好D～

✿╮❤╭✿ ✿雜感女生   好味日記✿ ˚*•✰。南山冰室．招牌海鮮喇沙。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤銅鑼灣最近開了一家南山冰室 位於舊時喜喜茶餐廳的附近 也方便行街去HEA一HEA荔枝冰 荔枝冰絕對是冰爽甜蜜，荔枝好香好多汁，爽！ 原來點了喇沙後，飲品會計半價由24蚊變12蚊，好抵！肉骨茶 跟餐可以叫一份細的，20蚊，夠1人食 味道是本女姐喜歡的藥材香氣香菇肉骨味道濃郁，甚有滋補的口感招牌海鮮喇沙 名不虛傳，足料海鮮，2隻大蝦，有青口更有魚片 2款麵質夠層次，而且湯底香濃惹味微辣勁有海鮮香，怕辣者都可以一試的！1人前的飯局，呢間可以一試！ 快靚正！

星期一晚到這間前身是喜喜茶餐廳的南山冰室醫肚，價格在銅鑼灣區可算是十分便宜。晚餐點了厚豬扒喇沙加熱奶茶一杯。豬扒不算很厚，但炸得十分鬆化，喇沙湯麵有點像意粉溝米粉，及伴有貢菜，不算正宗喇沙。但以此價格，實屬不錯👍餐廳內籠裝修時尚，侍應們十分有禮貌，略嫌坐著收集吃完的碗碟收集處旁邊，有點不大舒服，但整體而言，對於銅鑼灣區工作的人來說，加班完後可以用一個便宜的價錢飽餐一頓，可以說是不錯啊！下次可以試一下咖喱呢！

其實食好嘢唔一定係靚餐廳， 事實上林太經常食茶記! 原因係快靚正多選擇吖嘛♡ 今日路過銅鑼灣肚餓搵食， 就去咗呢一間南山冰室， 睇餐牌原來都有幾多特色嘢食喎， 又唔係貴咪試下囉。#肉骨茶 $20最驚喜嘅係呢度叫餐可以加錢叫肉骨茶， 大大碗都幾足料㗎， 舊肉骨都好淋， 不過略嫌藥材味唔夠重。#海南雞飯 $68呢個係特別為bb而叫， 佢真係好鍾意食海南雞飯。。。 講返重點， 呢個海南雞飯雞肉嫩滑，而且真係冇骨， 呢個小朋友秒殺。配嘅一碗飯份量都好大仲有一碗湯， 都幾抵食。#四寶飯 $55聽聞呢度最好食嘅係叉燒飯， 但又因為我想食鹹蛋所以叫咗個四寶飯， 叉燒果然肉質鬆化，厚肉入味，真係唔錯，但其他燒味就未見好突出， 下次都係嗌返叉燒飯♡#龍眼冰 $24茶餐廳有龍眼冰梗係叫啦，鍾意佢唔太甜而且都幾足料♡ 另外呢度仲有紅豆冰、荔枝冰，同埋雜果賓治選擇㗎。

試業都冇心做，不如唔好做啦。朋友說路過見到新開，周圍又多人，見這裡新開，試業期間，又有位，決定一試。記住教訓：當周圍的食肆都排晒人龍等位，見到有間仲有位，應該只有兩個可能，1) 好貴、超貴，2) 難食。落單時有叫飲品，偏偏服務員漏單。枱面有上手的殘餘食物未抹清。沒有清水提供。望住餐牌，其實冇乜想揀，最後我揀了咖喱牛展斑蘭飯，朋友揀了咖喱厚切吉列豬扒斑蘭飯。出餐都算快，可惜……恕我不知道甚麼是斑蘭飯，完全沒有斑蘭的香氣或者味道。米不成米，根本只是米糠，還要是堆軟米糠，仲要成pet咁，足以像上一代人用軟飯來作漿糊的狀態。作為一間食肆，主打東南亞款式，一系列飯類供選擇，煮個似樣啲既飯係咪咁難呀。唔識煮飯，就唔好賣飯。咖喱，沒咖喱味，牛展和咖喱，根本就是分開煮，有客order時才將兩者放入同一個碗裡。牛展韌，沒牛味，也沒有咖喱味，阿活咖喱飯好食過呢碟好多。朋友的咖喱厚切吉列豬扒斑蘭飯，飯的狀態一樣的差，豬扒係就係夠厚，但一陣雪味，連僻味也未做好。試業期間都做到咁，係咪有心做ga﹖

之前個排聽舊同事講，銅鑼灣開咗間新冰室幾好食，5月做半價搞到全日爆滿，當然帶著小朋友 #這些機會不是我的，於是等無咁爆人又經過銅鑼灣就去試下~~依家大大小小好多冰室，但多數有小朋友都唔會去，因為大多數員工眼神有意無意間會表達比我知「我不喜歡小朋友」，不過既然朋友大讚佢地的 #招牌海鮮喇沙，一爸又好想食，姑且膽粗粗去試，最多唔ok去其他餐廳食。‼️一入到去，已經安排角落位比我放bb車，雖然無bb櫈，枱面唔算高，一一可以坐到自己食我地叫咗好幾款，當中覺得最好食有呢幾樣：一一推介🍳 #特厚滑蛋三文治呢款本來叫比一一食，不過juicy到我忍唔住同一一爭食，食到爸爸岀聲叫我留返比佢😆一爸推介🦐 #招牌海鮮喇沙一爸「飛佛」，湯底又滑又夠濃郁，麵沾了creamy的湯十分惹味，如果多幾舊豆腐卜就好了！一媽推介🐷 #星馬咖喱吉列豬扒香葉飯我本來想叫咖喱雞，好彩最後叫了豬扒，吉列豬扒炸得好鬆脆，內層肉嫩多汁，未試過喺冰室食到呢個水準，絕對唔係炸到乾爭爭！除左三款推介，我地仲點了 #海南雞飯， #沙嗲牛肉撈麵， #肉骨茶，星馬風味的冰室真係好特別，一爸一邊飲咸檸七一邊食喇沙，大呼好爽！睇到最尾，或者你會問點解

第一次嚟南山冰室，成班朋友嗌咗勁多嘢食，覺得呢度真係銅鑼灣最正冰室（茶餐廳），除咗新淨整潔，座位又闊落，啲嘢食都幾正。最估唔到呢度竟然有肉骨茶，而且味道仲唔錯！不過最驚喜係個慢煮叉燒，就算我唔係特別偏好叉燒，都覺得特別鮮嫩又好食，如果鍾意叉燒嘅話就真係必食。今次嗌四寶飯得幾片叉燒，下次嚟要嗌叉燒飯喇。見朋友個吉列豬扒喇沙幾吸引，問佢拎咗幾啖試吓，喇沙夠香夠辣，好惹味，豬扒都炸得幾香口。見有咖央西多士都幾特別，又點咗一份，唔使落糖漿都好食，茶餐廳類別來講，真係好少見有咁多特色嘢，以後嚟銅鑼灣又多個開餐好地方喇。