南京好食 (已結業)

食左好幾次，真係平靚正。但次次都係個死老野服務我地，佢好煩，落單前就係咁介紹介紹，食完啦，舉手叫佢埋黎就扮睇5到，正一死粉腸!!!!!!!!!!

我和老公時常來此吃飯, 平均一兩個星期一次, 一向都很滿意, 又平又好吃, 今晚再去, 都是叫平時吃的那些, 但越食越覺得唔妥, 同平時差好遠, 味道完全不同, 終於忍不住問侍應, 原來轉了廚師, 以前的廚師已回內地自己做老闆, 唔怪得食物完全不同了.食完埋單走人, 比平時貴了二十幾元, 原來重加埋價!又貴又唔好食, 無下次!

今日同媽咪來吃lunch..吃了醬爆鴨菜飯..不過其實即係老水鵝..個客飯有好大碗湯送..仲有份量好大..三十元真係好扺..仲叫左個素菜餃..好大隻..不過唔係特別好食...

搬左黎海怡都有大半年啦，覺得呢度最大問題就係冇野好食..今晚比我發現左一間不錯的店子...同男朋友叫左.獅子頭客飯--好夠味..但係d獅子頭係一大舊既..不過味道幾好..d飯都好大碗小籠包--d皮太厚..但味不俗價錢都好扺！！仲有好多野想試..下次會再來

最近搬了去鴨利洲，朋友說西村的上海店子很好，再看看食評，決定來此一試，果然不錯，以開在屋村的食肆來說，已算很有水準，我們二人吃了：酸辣湯：很好，濃度剛好，又多料，差不多每檯都有叫蘿蔔絲酥餅：極讚，即叫即做，很新鮮，一咬下去餡料熱到燙口，下次要記得等一陣先至食，餡料除了蘿蔔絲外，還有金華火腿排骨拉麵：排骨很新鮮，味道很好，外脆內軟，拉麵一般埋單$73，扺食！我們一邊吃，一邊留意隔離檯吃的東西，吸引的有炒拉麵、龍炒手、醬鴨，下次一定要試！

呢間最好食有兩樣野<br />1)上海排骨菜飯<br />上海排骨d味非常咁香，外面好脆內裡有質感同肉感！唯一係得一塊豬排咁大把，以街坊食店黎講，一個飯賣32元算有d貴<br />2)蘿蔔絲穌餅<br />好味呀，蘿蔔是鮮刨的，咬下去有金華火腿絲，好香好惹味，又唔會太甜，一個都要幾口先食完架，呢個小食必須熱食(18元3個)<br />

即使鴨洲實在沒有甚麼好食肆可供選擇﹐本人亦很少光顧此店﹔反而父母二人是常客(他們說主要是同區內別無選擇)﹔或者在自己的經驗之外再總結他們的評價﹐可能會較為全面。上星期曾經偕同父母在此吃宵夜﹐覺得還可以。因為他們兩位食量少﹐我們只叫了素雜錦粗炒﹐特色炒飯及酸辣湯。素雜錦粗炒還可以﹐落料頗足種類亦多(冬菇﹐baby corn﹐白菜仔味道頗鮮甜)﹐但嫌實在太油膩﹐碟底的油可能足1 cm厚。特色炒飯之特色在於添加了豬肉崧﹐為炒飯添加了香味﹐但炒飯本身不夠爽身﹐亦淡而無味。酸辣湯則非常佳﹐味道頗正宗﹐酸味與辣味調得非常恰當﹐沒有互相搶去對方的味道﹐用料亦足﹔額外一提的是它的份量屬超級型﹐盛湯的碗大到得人驚﹐食量小的人要小心喝一個湯就已經填飽了肚子﹐所以最好有兩個人一起試。整體來說只能說好壞參半。後來再跟父母談到此店﹐他們的評價卻是毀多於譽。建議可試的菜式除酸辣湯外﹐還有排骨湯麵和醬鴨﹐醉雞亦可以一試。但難吃的菜式亦有不少﹐如銀芽炒鱔糊(鱔肉頗腥﹐糊其實更像湯﹐可能芽菜沒有把鑊燒紅來快炒﹐因而出水而令醬汁變稀)﹐紅燒海參(獻汁裏豆粉下得過多﹐令醬汁像「漿糊」)﹐韭菜花炒鹹肉(他們形容韭菜花為「柴皮

差離我最近那次到"南京好食"差不多一年時間了,<br />以前在那兒返工,間中也會到那裡用午膳。<br />例牌都會點:回鍋肉, 炒鱔糊, 花彫醉雞和酸辣湯。個人覺得相比起什麼北京酒樓..等出名食肆,味道是超水準的,尤其是酸辣湯。或我不懂吃...<br />不過就算我不懂吃, 我都要評分的...<br />記住是一年前的分數, 不好吃不要打我啊~~

前幾晚去左食飯,入到去地方好污糟,一大陣油煙味.叫左上海粗炒,獅子頭,鱔糊.全部都又油,又咸,完全食唔出係咩味.比較好既係小籠飽.四個人食左成2百蚊, 一D都唔抵食.個晚食完之後仲痾添...以後都唔洗旨意我去!

其實鴨利洲真的沒什麼特別的東西可吃，不外乎是快餐店粥麵等，這間算是最特別了，因是吃南京菜。這兒的醉雞味道不錯，很香酒味，肉嫩皮滑。其他菜也不俗，價錢又不貴，但始終是在屋村，光顧的人不算多！