影片
招牌菜
好友生日, 带佢嚟南亚食克戟当蛋糕庆祝马来大餐$138阿参乜系一碗酸酸, 似罗宋汤的物体, 味道不错 前菜唔知叫乜名, 有虾仁, 蕃茄, 青瓜, 加沙爹酱, 暖暖的, 好香花生味, 正~ 主菜系咖喱牛腩饭, 二件牛腩, 一件薯仔, 好好味 鸡胸肉串烧就差d, 好干好鞋, 加上好多沙爹酱一齐食, 才可以入口克戟$55好大件, 又厚身, 味道一般, 冇特别, 都系新鲜感撘够, 每人食左四分一已好饱, 另外半个要打包 送左二大杯红豆冰比我地 寿星好喜欢, 红豆够淋, 唔过甜 结账时, 同南亚职员倾左二句, 因为生意唔好, 呢二日就结业~
继续阅读
这天韩国友人约了我跟她两个best friend食饭.我地一行四人去了南亚. 午饭时份,约坐了三分一,四个女子,食得少,要了2 个set,再加疏菜,刚刚好. 加多加多: 有几种菜椰菜,鸡蛋,芽菜,虾片,青瓜,菜好新鲜,但个花生酱汁实在劲甜... 鲍鱼菇: 加$1,好底好大只. d味道劲似鲍鱼,好有咬口,好好味. 日式鳗鱼炒饭: 炒得几多油,d烧汁入晒d饭,味道不过不失. 铁板日式海鲜炒乌冬: 都系好多油,又系师博入晒乌冬,好入味. 海鲜同鳗鱼,食过无咩印象. set重包咗茄蛋沙律头盘同汤,都系普普通通. 幸好这里的碟头几大,可以share,如果一个人要成百伩,你来试下值唔值.
继续阅读
记得上次写呢间餐厅的食评已经差不多一年前, 一年后再次帮衬, 比多次机会佢, 睇下会唔会有进步!!??平日晚上8时多来到, 餐厅无咩人, 好多座位任君选择, 记得上次食过麻麻地的海南鸡饭同港式炒贵习后劲失望, 今次试下是日晚餐的海鲜喇沙($75), 包柚子蜜一杯, 尚有其他80几蚊的晚餐可供选择, 但最奇怪的系只有海鲜喇沙的晚报餐系唔送餐汤同面包, 我唔系贪心, 只不过唔知点解咁小家同寒酸????????讲番个海鲜喇沙, 色水像咖哩汤底咁黄, 心里已凉了一截, 看来系黄姜粉下多了吧!!?? 佢有浓浓的椰香, 似系新加坡椰味重的派系, 但食落去则无咩味道, 香茅味同辣味亦不足, 仲要唔知点解有好多椰丝, 配上雪藏鱼, 虾等海鲜, 在香港食的喇沙没有蛳蚶亦不奇怪, 因为始终保持新鲜蛳蚶系要好多工夫, 但连平宜的配料豆腐卜都无, 就真系唔知佢地想点?? 完全系水准以下的食品 !! 下次咪搞我啦!!埋单连加一$82.5, 价钱唔平, 只少以咁的价钱会食到好d的喇沙, 不过服务尚算几好, 见佢地晚市做紧推广, 食满$150可以加$1送红烧bb鸰, 食满$200送红豆冰, 而且可以同时享用, 但系佢地的客人依然唔多, 加上食物水准唔高, 睇来离开佢地的结业已不远了, 如果我下再来到愉景新城, 我会乖乖地去food court食, 因为无期望, 所以起码唔会咁失望.......!!
继续阅读
母亲节再来南亚，今次应可试下海南鸡饭可能系因为母亲节，我问个侍应拿个餐牌都话无，得番指定1人、4人同6人set，4人set完全唔吸引，我们4人叫左3个set包括咖哩牛腩、炒贵刁、海南鸡饭同叫多份4色串烧。咖哩牛腩同炒贵刁唔多讲，之前写过，今次写下海南鸡饭同串烧呢到o既海南鸡饭水准唔错，今日真系好鸡揾到有鸡味o既海南鸡了，有点喜出望外，拌鸡的有蒜头辣椒酱同葱油，蒜头辣椒酱唔多够辣偏酸，老豆话少左四季桔，呢碟酱点都唔会好.....顺带一提，南亚由以前开业至今都系无"黑酱油"，黑酱油系新加坡至有(蔡澜先生都有讲过)，阿苏介绍果只黑酱油都系新加坡野，南亚系海南人开，海南同星马食物虽算同宗，但当中系有差异的，有时唔一定改变先系好，所以子弟建议如果单系为黑酱油而叫海南鸡饭的食家请先了解入左边到食野以免失望海南鸡饭O既另一灵魂 -- 油饭，呢到O既油饭同以前都系咁与众不同，正宗油饭做法讲究，一定要用糯米同粘米沟，比例要适当，煲饭之前一定要炒，除左鸡油仲要落蒜头先够香，临煲好仲要加芫茜焗一阵先完成，当中技巧我估依家都无乜人完全掌握，老师父果套做法系好费时费功夫，今日就算识都未必有食店愿意做，虽然老豆话食得出依家系差以前dd野，不过总括油饭质素系绝不差串烧就真系....鸡牛猪虾，首先系烧得过左火，好干好实，猪肉串差d咬唔开，仲有d酱，呢样就真系走哂样，沙爹汁超"杰"﹐好甜花生酱味，一d都唔似沙爹汁，成晚最贵同最差都系呢味餐饮热coffee是咖啡精开的，老豆话依家都唔会好似以前咁用功夫做咖啡，又要沟豆炒豆.....，有d失望无饮过以前杯咖啡
继续阅读
失望的招牌菜-海南鸡饭今日中午路过此地，看见他们的招牌菜是海南鸡饭-一样是我好喜欢的食品，便用了$65(仲要加一)试一试。结果失望而回。鸡没有味，卖相又不好看，饭又硬。如果要食海南鸡饭，不要到这里。埋单想不给贴士，但我都未取完D钱，个待应便马上走人，好以有贴士是应该，结果用使了$73食了个不好食的Lunch。
继续阅读