南亞餐廳1964 (已結業)

南亞今晚同上大人去咗尖沙嘴攞信用卡禮品，攞完後，有啲肚餓去咗亞士厘道搵嘢食。本來我提議食花園，可惜上大人disapprove咗，最後我哋去咗一間叫南亞1964餐廳，同點咗以下食物：US西冷牛扒，本來我叫沙翁牛柳的，可惜餐廳話賣曬，咁我就叫荷蘭牛柳，然後又話賣曬，最後我就同waitress 講，如果冇肉眼扒，我就叫其他食物。最後waitress話有，就幫我落咗單，點知買單時變咗US西冷牛扒，貴了$25蚊，唉⋯⋯講返牛扒質素，5成熟，厚身，牛扒味濃，邊位有牛糕，幾好味。可惜價錢要成$180蚊，太貴不太值得。推介指數：7.5/10咖哩牛腩，咖哩幾香，不辣，味道剛剛好，味汁不濃。牛腩軟中帶韌，入味，幾好食，價錢小小貴。推介指數：8/10生啤，買三送一，細杯$48，大杯$78。叫咗細杯，最後買單變做大杯，啤酒嚟時已經問是否細杯，但waitress冇答就走咗，買單時才知。生啤質素唔錯，1664質素幾高，酒味濃郁。推介指數：8/10總括來說，食物同啤酒質素幾好，但服務員質素差，成日唔記得嘢，如牛扒來時，不給你刀，點食？咖哩飯來時，淨係比叉你，點食飯？餐廳收此價錢，仲要加一，但員工質素咁差，一點也不值

I came for a quick tea and ordered a cheesecake alongside a seafood laksa. I went on a Saturday afternoon, and it was not as busy as I expected. A lot of vacant seats at that time. The service was very nice, and the staff were friendly. They played my favourite French songs the whole time I was there. There was not a specific theme in the restaurant, but there’s a unique style displayed through their furniture choices and interior design. The prices were reasonable for a restaurant in that area.

$82-85 for set lunch.Chicken rice lacked taste with no soup or the usual condiments as one would expect. Beef curry was served cold and had to be sent back to the kitchen. It lacked sauce and the beef were not cooked for enough time to make it tender or tasty. Plenty of better choices.

點了一個黑安格斯肉眼扒餐配田螺薯蓉多士$218. 公道地說，這間餐廳環境不錯，氣氛幾好，音樂有品味，裝修有格調，地點方便。但作為一間餐廳，必須要說回最重要的方面╴食物！羅宋湯老實說不錯，above average.用料充足，味道豐富。但必須說到主菜方面，肉眼扒，完全唔得！肉身極老，連超級市場$20-30的扒也不如，肉質極「鞋」！連基本的黑椒汁和白飯都完全失敗，白飯勁淋，黑椒汁味道極差，最後差不多整個餐都吃不下去，只有羅宋湯和咖啡好飲。最後埋單連加一total $240, 完全唔值！我以後都不會再光顧！

星期五晚同幾個朋友食餐飯，我地一行五個人見係亞士厘道就話不如試下呢間啦。入到去坐低發覺環境都唔錯，其中一位叫左海南雞飯，一個叫海南雞煲，我同另外兩個朋友就諗住食好d叫左個肉眼扒餐。個湯黎到，ok幾好飲，但主菜個扒就出事喇。首先肉質極差、完全無牛味加上又切唔開，其實已經唔係好想食落去。諗住點下汁照啃啦，個黑淑汁得果少少辣味但個底係淡既，咁又試下配菜啦，唉！d配菜乾到好似擺左三日三夜風乾左咁既。大家心情落到落谷底。Btw，呢個扒價值二百二，我會形容係食緊茶餐廳質素既扒。唔信可以自己去試下。

星期五原本Happy Friday 就是因爲進入這間餐廳開始正式告吹了。。我第一次食一間餐廳嬲到要打食評，奉勸各位經過阿士厘道千萬不要吃晚餐海南雞煲$128，食物質素十分惡劣，我以後也不會再來！！雞肉不嫩。。份量又少，收這個價錢真的太不合理了。。我想這一間餐廳應該是東南亞餐廳吃過最難吃的了。。。這個價錢，還要加一，價錢貴得過份！！Dont never ever come to this restaurant again

話說我哋一行六人，星期五放工肚餓到爆，諗住食好西， 於士厘道亞士厘道， 見環境唔錯所以坐低咗。入到去環境好幾舒服，仲有bossa nova版既guns n' roses 做background music， 以為冇揀錯啦。點知......... 我可能犯咗人生之中最大嘅一個錯誤連加一$240， 冇錯! 係240蚊，但係質量仲差過大家樂， 肉質超級硬不左話下， 仲要超級多筋。超級失望。有時真係唔可以睇外表，信我，唔好跟我再犯同一個錯誤。$240黎講， 成條阿士厘道真係大把選擇。

初次嚟呢間餐廳食lunch~~見呢度招牌菜係海南雞 一於試下啦~海車雞喇沙(HK$88) 用米粉做底一見到以經feel到湯底超級濃郁，味道算正宗唔算太辣，唔食辣既朋友都可以試下喔😉呢度仲做緊6送1 lunch set 優惠，叫埋幾個同事一齊食真係抵wor 😍

黎開呢頭攞野，拎左走人，經過見到有喇沙食，味行入去食個下午茶囉，叫左豬頸肉喇沙+凍檸水（個哥仔話冰檸水系蘇打水黎）得茅所謂好快碗喇沙就拎黎洗清走D裝飾品紅辣椒，先試左一啖湯底好香椰子味好甜微微辣「幾好味！」之後就開始打撈碗下既寶物中間系米粉，豬頸肉系曬最底（好爽口夠入味）不過份量唔多算當輕食，一陣去到第二度再食過。個凍檸水：蘇打水唔凍既唔知距唔記得落糖定系檸檬蘇打水系唔落糖飲酸酸地爆爆地埋單走人61蚊。

早早訂了這間有米芝連的星馬餐廳，很久歷史1964年的餐廳。所以我們一家去試一試好食與否。位置在尖沙咀，都要找一找才見到，不過這條小徑有好多餐廳選擇。都算幾大幾舒服，服務都好好。老闆娘好好人，好友善親切，會介紹食物及為客人著想。❤️👍🏻這是香港的待客之道！這個春卷配薯仔角：熱騰騰、香脆脆！我喜歡薯仔角，好入味內軟外脆！😜有咖哩汁同甜酸醬比客人自己選擇哪種醬汁！春卷內有蝦及蔬菜，口感唔錯！🌯😋😋蒜蓉炒椰菜：似普通野，但有驚喜！好入味，好香蒜味，我喜歡軟淋淋的菜，這很合我口胃！正肉骨茶：比較失望，唔夠味道！內有冬菇、肉排，藥材....咖哩雞🐔及薄餅：唔會好辣，雞普通，薯仔也煮待不夠軟；薄餅普通，不脆，但點咖哩食都可以。也有配油飯：都可以，大碟！招牌之一：烤乳豬🐷：皮好脆，肉軟淋淋，幾好食，醬汁微微辣，都幾好，唯一係油了些。最後還有飲品，我們選擇了柚子蜜，普通那裡，無特別

味道差 好…差!! 吾好食 好…難食 尤其係隻海南雞, 一啲海南雞味都冇!!! 似白切雞多啲，好難食! 咁就浪費左半隻雞 ! 仲突登走過去食 點知係咁難食 好失望 black list !

裝修偏黑帶小小金色的光，氣氛上是不錯，桌椅比較大張，空間上坐得比較舒服，地方上都好大，可以容納好多客人。乳豬，外皮整得比較脆身，可見到外皮略有小小黑，但肉身就比較滑，可見廚師想整到外脆內軟既感覺，我個人覺得算整得不錯，至少我食到肉身很滑，個人喜歡這種感覺。乳豬為我覺得這餐廳最為推薦食的食物之一。海南雞比較凍身小小，有ｄ餐廳會加小小湯我覺得會令到肉更軟和味道衝擊更濃。但這個海南雞不錯的地方是肉質感覺很新鮮和比較甜身。喇沙，口感上比較爽口，主因入面好多芽菜， 湯方面我覺得是做得最好，因為比較濃味，個人喜歡濃湯配麵。份量比較多，二人ｓｈａｒｅ會比較好，不然吃完都已經飽了。紅酒比較大杯，唔痴喉，送肉會比較好，例如牛肉串，所以我們格外叫了牛肉串來吃。牛肉串燒得好好，唔會過焦，肉汁有鎖係入面，肉感比較濃味，有小小似肉眼既味道，口感比較軟似安格斯，因為我沒看餐牌所以不知道這是什麼牛，但吃下去就似以上的品種。 整體來說餐廳服務算不錯，店主也比較好客，我們有講有笑，環境氣氛也可以，主要係有點熱，可能冷氣有一部壞了。

呢間餐廳裝修有D似60年代等既風味,餐廳好大,坐得舒服,成間餐廳暗金色為主~一開始會有D餐包同中西湯食,60年代初D餐廳多數都係咁個人覺得白湯好飲,唔會太多水湯味濃, 紅湯個人中意酸多小小!烤乳豬我覺得係最出色既一道菜!肉質鮮甜, 咬落去外皮比較脆,入面好軟同帶小小爽口!串燒係牛黎, 主要係肉汁保存得好好唔會燒得太過火, 份量多好易飽要注意!海南雞,肉質比較新鮮,自從M記雞肉事件開始注意呢件事雞肉新鮮會甜口D 同鬆軟D喇沙就口感算唔錯,不過有D人唔太喜歡太多雜菜!汁既味道唔會太濃岩岩好~ 合適唔同人既口味!整體黎講唔錯, 服務好中意同老闆有傾有講~ 老闆好好人又NICE!

食物款式多，環境特別的舒適，不是food court 的食物可比，與女朋友食好味的肉骨茶，中藥味道濃郁可口，胃口大開，有送菜，野飲，燒春燒又有湯，食物不錯，令外環境特別的座得舒服，美觀。對拍拖的我們尤其重要。

呢間野真心從佈置上裝修到，絕對適合拍拖、慶祝節日、聚會。果日咁岩同個朋友一齊聚會，約左係NAM AH 1964，而且呢間鋪都幾大。先黎第一味係*「海南雞飯」，份量適中，幾好味，而且好滑。配上海南雞雞汁所煮既油飯，味道不錯，如果係去骨海南雞飯咁就好啦。仲附送例湯😎「馬來大餐」，有蝦參巴、豬肉串、咖哩牛腩飯、羅宋湯。蝦參巴，d蝦爽口彈牙，如果分量再多啲就好！豬肉串，口感一般，但勝在個汁好開胃🤤，轉牛/雞串會好好多，本人好鍾意食牛因爲，朋友五食所以就下佢😜嗰汁真係出色🔥咖哩牛腩飯，要熱烈推介🔥咖哩即叫即整之餘，保留傳統用椰汁去整咖哩，值得一讚牛腩彈牙之餘，脂肪同肉既比例岩岩好。羅宋湯，酸酸甜甜，可能本身唔太鐘意食酸既野，飲落會覺得怪怪地，但係想試馬來西亞既野食，不妨試一試呢個湯，話唔定岩你口味「白菌忌廉湯」，香濃白滑，應該似係菠菜，開頭見到綠綠地色幾得意，然後再嚐一嚐個湯，發現有忌廉既味同埋菜既味，個口感都幾特別👍🏻好評。成日食西餐中餐禁厭，尖沙咀食下特別d仲開心！