華記潮州滷水車仔麵

营业中

休息中

間店喺個唔起眼嘅位置，要上樓梯，係閣樓有間華記潮州滷水車仔麵值得推介。餐廳乾淨企理，無一般街坊車仔麵店咁污糟。蝦餅用原隻蝦同蝦肉醬做，底面會有一片雲吞皮。食落係脆卜卜，咬落去啖啖蝦肉 。唔似預炸再翻熱。生腸爽口唔腥，醬汁有啲豆瓣醬味，惹味開胃，但有啲辣。 滷水牛雜河嘅湯底，個味香得黎唔會太鹹。牛雜新鮮無羶味，啖啖滷香，河粉夠滑。豬紅＋金錢肚＋魷魚+ 烏冬。全部配料都好爽又入味，豬紅唔腥好滑，而金錢肚處理得乾淨。魷魚比較淋個人就唔係太鍾意， 但至少唔會韌到咬到牙痛。值得一提係啲伙記非常爽朗隨和，唔係平時茶餐廳預咗 有唔好嘅服務態度。

終於等到華記潮州滷水車仔麵開到尖沙咀！以前喺太子已經成日幫襯，而家位置就腳好多，仲要係樓上舖，坐得舒服過以前🥰今次叫咗個牛雜麵配油麵，滷得夠晒入味，牛肚爽口、牛腸有咬勁、牛膀粉嫩唔會腥，揀咗重口味醬汁，滷水香加埋辣勁，食完成個人都暖笠笠😆朋友叫左三餸車仔麵配幼麵，蘿蔔清甜冇渣、大腸洗得乾淨、巨型魚蛋彈牙有魚味，同樣揀重口味，個湯底真係好惹味😋小食叫咗太陽餅（蝦餅），炸得金黃香脆，蝦肉夠晒彈牙；涼拌生腸好爽脆仲好入味添😍整體水準保持到太子店咁好，而且新店環境更舒服，以後喺尖沙咀想食地道滷水車仔麵，又多個好選擇😊

餐廳位於尖沙咀樂道，午市時間人流很多，主打潮洲車仔麵、牛雜麵和豬雜麵，價錢貼地同時食物質素唔差，性價比不錯。牛雜麵有牛肚、牛肺、牛大腸、牛膀、牛脷等，配菜款式種類繁多，重口味人士推薦揀全部汁，有齊腩汁、咖哩汁和滷水汁，揀左少辣口味，湯底香辣惹味，味道豐富。豬雜麵有豬潤、豬大腸、豬粉腸、豬心、豬紅等，調味剛剛好，不會過濃或淡，麵條揀左油麵，口感爽口彈牙，份量都唔少。太陽餅足足有五大件，食落啖啖蝦肉，蝦肉肉質結實飽滿，附有泰式甜醬沾點食用。新鮮魷魚鬚涼拌方式上碟，底下鋪有生菜，表面鋪滿花生，魷魚鬚口感爽口彈牙，食到有一定鮮味。大和豆漿清涼爽

尖沙咀開左間好出名既車仔麵店叫華記，係華源大廈，個舖唔算好大 但坐得都幾舒服三餸車仔麵牛筋、雞中翼、豬大腸配油麵及腩汁餸既份量好多，牛筋好林好入味，雞翼三隻大大隻，大腸甘香，配油麵一流，湯底出色豬雜麵配出前一丁及咖喱汁豬雜款式勁多，最中意豬脷同豬肚，配埋個特製咖喱汁辣辣地幾特別太陽餅（蝦餅）5件新鮮炸起熱辣辣，好彈牙，蝦肉都好爽口新鮮魷魚鬚呢個好新鮮好有咬口，配埋特製既醬汁好好食加埋罐汽水/雀檸夠哂解渴

天氣咁熱都無乜胃口食飯食粉麵確係唔錯選擇鬧市中嘅尖沙咀．隱藏著呢間主打滷水同車仔麵雖然店舖位置唔顯眼．但全場爆滿味道同服務都好有水準吸引不少遊客同上班族除咗可以自選餸菜湯汁有多款選擇喜歡重口味．可以要哂全部汁✨豬什麵豬耳．豬腸．豬脷．豬膶．豬肺 樣樣都有啲份量充足米線配埋腩汁味道好清甜招牌小食✨新鮮魷魚鬚魷魚鬚夠哂新鮮．口感爽彈有嚼勁配埋花生同醬汁甜甜辣辣．好惹味呀最後加多支✨大和豆漿 今餐滿足好味．下次一定要試下太陽餅

華記潮州粉麵真係車仔麵中的No.1，最正係佢個湯底，濃郁但超鮮甜，飲得出用咗大地魚同豬骨熬，飲完唔會口渴。麵條有河粉，米線，油麵⋯可以揀，幼麵爽口，粗麵煙韌，有幾種辣度選擇，都吸到湯汁。潮州牛丸好彈牙，蘿蔔好入味，仲有即點即炸太陽餅，超好味，餡餅粒粒蝦肉好彈牙！必試佢哋自家製辣椒油，香辣夠勁，加少少已經好惹味。華記d配料多，飽肚又滿足。街坊都話呢啲先係真正潮州味道！去尖沙嘴真係要試下，平靚正又夠地道

點左三寶，魷魚鬚，太陽餅每人一碗麵，老板送左碟青菜蘿蔔，牛筋，牛腩，冬菇勁好食太陽內餡系新鮮蝦仁好有驚喜每人再來一支天然海底椰雪梨凍真系好滿足！6個人600有找最緊要系服務好又坐得舒服仲要系打卡的好地方鬧市中的靜處，系尖沙咀先有的獨特閣樓環境暫時都唔使排隊，會多D再黎😍😍😍食物質素好掂，今時今日有太度有環境價錢實惠免加一，好難得👍，老闆同員工都好Nice華源大廈閣樓可以坐30幾個人環境闊落