影片
招牌菜
朋友介绍呢度嘅沙爹牛面唔错，就去咗试吓，仲叫埋炸猪排、鸡排和鸡翼。沙爹味几浓，牛肉唔靭，配公仔面，整体味道唔错。炸猪排好味，奶茶味道正常发挥。第一次去屋邨旧式茶记，原来呢度都有好多小炒食。
继续阅读
华联系隐身喺华富邨入边多年嘅茶记以前经常经过呢头次次都会食佢嘅猪颈肉河粉 同埋粟米肉粒饭！佢哋嘅粟米肉粒饭系用煎过嘅猪扒酱汁啱啱好唔会太稀冇夸张 暂时系食过最好食嘅粟米肉粒久唔久都会想返华富邨再食💓（可能记忆中嘅情意结都有加分haha）-冻奶茶茶底唔会苦涩 我习惯饮开走甜，更加饮得出茶底好饮呢度嘅姨姨伙记 咁多年都冇点变落单快狠准！-一路食一路可以见到有麻雀飞过应该系呢度嘅独特景色哈哈建议避开平日午膳时间因为附近有三间中学 会好多人
继续阅读
今天下午打电话叫外卖，系［打电话］落Order，点会知你地有咩午餐，问阿婶有甚么午餐，她已经发晒烂咁回覆，再问佢今天例汤是甚么，阿婶居然答 : [ 我地最低消费系$55］，仲劲恶，之后我讲埋我嘅地址比阿婶，佢先收声，跟著收线。
继续阅读
今晚大伴儿庆祝圣诞，椒盐鲜鱿好弹牙，煲仔饭香喷喷，乳鸽皮脆多汁👍椒盐九肚鱼外脆内软，口感一流，小妹周围揾嘢食，呢间推介，食材新鲜味道满分💯，食唔到味精。推介椒盐九肚鱼、椒盐鲜鱿、乳鸽
继续阅读
讲真茶餐厅其实都唔会expect特别好食嘅，但系都唔会谂到咁难食。所谓肉酱煎蛋饭，大佬一pat冇味得个咸字嘅芡汁，冇番茄最低限度都有番茄味啦下嘛，冇嘅，and then 你以为有肉酱啦，不过只系肉粒，成件事难食到一个点。然后所谓泰式船河，更加系垃圾，全味精汤，一d都唔泰式啰。泰式我唔expect有冬阴功，不过泰式就应该最少都有酸辣啰，佢完全得个咸字，重度味精，一d都唔想d粉掂到d汤。$50几蚊一个饭已经系贵，讲紧唔系市区而系华富公屋屋邨入面，租又平食材又垃圾，煮出黎又难食。啊，食个阵仲会有阵阵烟味传过黎。完全系贴钱买难受。
继续阅读