影片
16-9-2023 (Sat)晚,唔太肚饿但又唔想喺餐厅堂食,就同老公落荃湾买外卖,我就想喺呢喥买啲cakes食,就睇吓先,睇见价钱唔系平,细细件嘅半熟芝士蛋糕都要$19.00一件,五件$85.00,十件$160.00,又见到有桂花乌龙蛋糕,老公就见到$23.00嘅半熟鸡蛋焦糖布甸话想食,咁我见到桂花乌龙切饼系$36.00,而怕买太多,就决定要一件榛子味嘅半熟芝士蛋糕,桂花乌龙切饼同半熟鸡蛋焦糖布甸各一,盛惠$78.00.店员就执俾我啦,老公见佢攞个纸盒装桂花乌龙切饼,然后唔知点算好,就同店员讲两件蛋糕摆埋一齐,半熟鸡蛋焦糖布甸另外拎住,点知佢好奇怪地,将桂花乌龙切饼同半熟鸡蛋焦糖布甸放喺纸盒喥,半熟芝士蛋糕就用胶袋装住.半熟芝士蛋糕唔系密封住,而系用一个冇盖胶兜装住,点解佢要咁做?返到屋企,我哋食完天天嘅主食后拎出嚟食时,试吓将两件蛋糕放入盒,够位吖,而且空隙少啲,就算踫撞到,件桂花乌龙切饼都唔会好伤,反而高身嘅半熟鸡蛋焦糖布甸撞埋去,件切饼变形变得更犀利.由于都好饱,我哋先食半熟鸡蛋焦糖布甸,由于焦糖喺底,老公就将佢倒转放喺碟上食,但冇个设计可以俾客人将佢轻易倒出,佢就唯有”撩”佢出嚟,搅到烂晒嚟食.个布甸口感好滑,有淡淡地嘅蛋味亦唔太甜,焦糖亦唔算太甜,ok嘅.味道:4.5分由于都已经饱,所以另外𠮶两件蛋糕都未食,到翌日(17-9-2023 Sun)朝,同老公买完𩠌返嚟食,而因为雪咗一晚,件榛子味半熟芝士蛋糕雪敢咗,于是预先拎出嚟,放喺室温几分钟至食.到回复软腍腍就拎起同切开嚟食,蛋糕好松软,但太甜,虽然下面有啲朱古力蛋糕中和,但只系起到少少作用.味道:4.5分之后食桂花乌龙切饼,佢用透明胶保护冇问题,但掰开佢嘅贴纸时就要大大力,咁就整到件切饼花晒,而我唔觉意揩到啲cream食,已经有桂花味,我切开食喇,cream系好幼滑,蛋糕一样好松软,而桂花同乌龙味系分开咗,前者喺cream喥,后者就系喺蛋糕中间浅啡色,比例唔多嘅糕喥,茶味系清清地唔太甜,但真系太少,而cream就鬼死咁多,睇嚟呢喥蛋糕制品要减啲甜.味道:4分抵食系2.16分
继续阅读