半島漁港/阿翁火鍋館

营业中

休息中

Weekday Dinner $268/位火鍋放題無限時，可以慢慢吃👍🏻首先店員送上了不錯的雞茸燴燕窩，再選擇鍋底，我們選擇了招牌鴛鴦鍋，是清熱的芫荽皮蛋拼沙嗲湯底。放題有數樣定量項目，很豐富，會送上肉質嫩滑又牛味的濃極級牛頸脊、一人一隻的足料至尊水餃皇、刺身（三文魚、帶子、希靈魚及生蝦）及鮮味海鮮盤（青口、蟶子、元貝、魷魚、魚片及蝦子）。之後再加點任食的其他肉類、丸類及海鮮，也可以再到自助吧取數十款的火鍋料、啤酒、汽水及紙包飲品。完美的收結必須的出前一丁公仔麵，滿足了 😌 😌

平時去開火鍋嘅地方都係專門食火鍋今日行過秀茂坪商場發現原來酒家裏便都有做火鍋放題。款式都幾多選擇，女女話想食咁就去啦。酒樓火鍋放題都係第一次都係一個價錢任你食首先揀咗鍋底先之後侍應攞左個雞茸燴燕窩比我哋食，咦，唔錯喎，好有酒樓既味道。其後就會有適當份量嘅刺身上枱，味道唔錯㗎。基本上坐低等食，因為第一輪侍應都會拎晒刺身，海鮮，極級牛頸脊，至尊水餃王。呢啲係定量既！第2round就可以出去攞其他配料。好多款式啊。飲品都一樣，可以去自助吧度隨便攞(啤酒都係任飲㗎)飲品方面有啤酒汽水紙包飲品響鈴，丸，蔬菜，蘿蔔，豬腰，滑牛肉實在太多款式。目的就係要你食到飽飽，滿滿足足的離開。行經見過隔籬枱嘅中式小炒晚餐其實都唔錯。好耐冇圍埋一齊食飯啦嚟緊聖誕節，新年就係一個聚會好時機。一定要去半島酒樓呀。

去咗男朋友屋企附近晚飯，原來秀茂坪商場都有半島漁港，鍾意食海鮮嘅我就提議入去食。職員安排好坐位後就開始逐個餐牌睇吓有咩啱食晚就發現做緊$1優惠，$1可以選擇乳豬仔、文昌雞或者燒鵝皇，最後就揀咗極品BB豬，另外點咗個海鮮雙拼（蟶子皇拼海蝦），再加多兩隻扇貝同埋紅燒豆腐煲。先上咗個海蝦，望落去D蝦都好新鮮，食落好彈牙！紅燒豆腐煲都好大煲，豆腐亦都好嫩滑。蟶子皇果然夠哂大隻，每隻都好鮮甜爽口。蒜蓉粉絲蒸扇貝嘅扇貝好大粒，配合埋蒜蓉粉絲真係無得彈。BB豬上到枱都仲暖暖地，入口香脆嘅皮好似食緊薯片咁。埋單前仲有桂花糕送，真係果然街坊價錢特別抵食。

喺忙碌的工作日中 放工已經好攰唔想煮飯好多時都係外賣或者出街食最近比我發現到半島漁港嘅晚市燒味3選1優惠！👀呢個優惠真係非常吸引，但只限星期一至五~~我揀左$1文昌雞 (另外仲可以揀至尊燒鵝或者極品BB豬中的一款😂😂)雞肉質鮮嫩 🍗 一D都唔鞋 一口接一口🥢而且只需$1 真係超抵！前菜: 醋撈海蜇 $68清爽開胃 出奇地份量多 🥗唔係太酸 微微蒜味 味道岩岩好沙巴龍躉斑仔一斤 $168魚肉滑嫩 鮮味十足🤩蒸到岩岩好蒸魚豉油偏甜 令人食得過癮！🐟蟹肉扒豆苗 $128滿滿嘅蟹肉芡汁 睇落令人好有食慾🥰搭配份量十足嘅脆嫩豆苗 口感一流！其他收費指南:‧茶位 $12/位‧白飯 $14/碗‧花生 $10/碟（免費送嘅杏仁蛋白霜，超好食！）其他收費2人總共$62~~整體價位合理 食物質素高呢個$1優惠真係唔可以錯過 唔食就蝕啦😋

半島漁港🆕晚市新優惠！平時都有來半島飲茶，見到一蚊優惠一個餸約埋朋友來食晚餐👏🏻每枱可以自選🎉至尊燒鵝、極品 BB豬、海南文昌雞：3簡1⭐️至尊燒鵝王⭐️自家設工廠，每天新鮮炸製！燒鵝肉厚皮脆又帶油香🎉禁大份都係一蚊雞👏🏻⭐️龍蝦伊麵⭐️原隻龍蝦炆伊麵！伊麵掛汁、龍蝦鮮味份量足！兩個人食到飽#推薦食品 #酒樓 #中菜 #優惠#酒樓晚市優惠 #半島漁港 #觀塘美食 #香港美食 #香港必食 #香港探店 #香港打卡 #香港旅遊 #香港必喝 #觀塘探店 #香港泰菜 #香港好去處

半島漁港推出新優惠👏🏻👏🏻一蚊可以叫到一款餸👏🏻👏🏻⭐️至尊燒鵝⭐️極品 BB豬⭐️海南文昌雞一式三款任君選擇✅夠抵食約左屋企人來食晚餐🍲 性價比高！又美味店內環境闊落開揚更設有包廂！店員服務殷勤～會主動幫忙換碟我叫左一蚊餸💰極品BB豬🐽皮脆肉嫩配埋甜醬同砂糖食更添口感！酸甜開胃菠蘿咕嚕肉、青炒菜心除咗一蚊優惠之外，仲有晚市孖寶都好抵食㗎⭐️粉絲蒸元貝+紅燒BB乳鴿⭐️粉絲元貝加上蒜蓉非常入味紅燒BB乳鴿外脆內嫩又多汁好香口！#觀塘美食 #香港美食 #香港必食 #香港探店 #香港打卡 #香港旅遊 #香港必喝 #觀塘探店 #香港泰菜 #香港好去處 #推薦食品 #酒樓 #中菜 #優惠#酒樓晚市優惠

新開張不久來過一次，今天再次惠顧。蓮藕餅和牛肉腸是暖的，應該是預先製作，非即製，賣相一般，味道一般，香味沒多少，整體來說差評。薑蔥牛柏葉和黑椒金錢肚是熱的，屬即蒸，色香味俱全，整體來說中上水平。茶水是用茶葉包，比較好，餐具乾淨。服務員主動禮貌，算不錯，至少比開張的時候好。但有一個很嚴重的問題，就是很多大枱，對人少的客人組合不太友好，不足4人的話很大機會需要強制搭枱。而且這區老人很多，有病的老人家也不少。正好與我搭枱的那兩組都是有病的老人家，瘋狂咳嗽，希望不會被傳染😖。綜合來說就變得飲食環境的衛生情況非常惡劣。雖然污染源不是來自這個酒家，但是把污染源與健康正常的客人混合一桌，就是制度上的問題，設計上的問題，安排上的問題。只要你人數少，就會有一種被趕客的感覺，這是服務員主動禮貌也無法彌補的，是整個酒店大環境造成的。

開左咁耐都未食過佢哋既火鍋放題，就諗住去試下。之前飲茶已經見識過佢哋「良好」既服務態度，估唔到今次更加離譜。未入去已經冇服務可言，打電話去問價，接線嗰位都唔清楚自己鋪有乜嘢，問佢有冇汽水，第一次打去話有，第二次打去話冇，結果去到又有。入到去侍應放低啲醬油配料，冇講解過係乜嘢就冇啦啦走左去。到上菜既時候，張檯唔夠位放，我地就問黑衫女經理有冇小茶几可以放，佢話佢哋冇小茶几，點知嗰藍衫經理好好人即刻搬左一張小茶几放係我地隔離。嗰位黑衫花邊恤衫女經理唔做嘢都不單止，仲要一擰轉頭就話：「未食就叫咁多野！」關你事咩，真係俾錢食嘢仲要受佢氣，明明係去食生日飯，但係水未滾嗰人就已經好火滾。跟住問佢地邊碟肉係豬肉定羊肉，居然可以三個人黎睇都答唔出。雖然藍衫經理同部分侍應都幾好人，但係俾錢買難受，加上食物質素普通，款式選擇少，坊間有大把好過佢既選擇，就算係屋企樓下，呢間野都係不可一不可再。唯一可取之處係佢係秀茂坪唯一一間火鍋放題，加上晚市全場大約得四分之一既檯有客，上菜速度算快。

今日特登入去觀塘同親戚食生日飯👍🏻就返親戚地理位置就揀咗半島漁港如果星期六日都最好訂咗枱先我哋一台10幾人叫咗兩壺茶呢度嘅餐點款式同一般酒家都係大同小異裝修都唔算太新 衛生感覺普通 之後就揀咗幾款鍾意食嘅菜式首先係龍蝦伊麵嗌咗兩隻龍蝦 切返出嚟個份量都幾多 龍蝦嘅肉都幾厚實 而且個醬汁都OK！另外叫咗個叉燒 個叉燒都燒得幾香 屋企人都幾鍾意食 最後叫咗兩碟仲有個蒸魚 個豉油汁再加個蔥都幾香 幾啱餸飯之後叫咗幾個餸都不過不失份量都正常 最後大家都食得幾飽 如果係地理位置近 又夾到朋友一齊嘅話都可以試吓嘅👍🏻

訂台果陣無話限時，淨問你訂6/8點12人9個菜 20分鐘上晒台 無位擺格硬黎同經理想了解下限台咁細 啲餸咁快上晒 啲魚唔新鮮老晒咁點？經理話限時 一陣8點要轉場食物唔新鮮服務態度差

咕嚕肉味道十分好，開胃菜🤤….酸中帶甜，吃下去十分脆！令人垂涎欲滴的樣子。新鮮度和色澤都很出眾，給人一種食慾的感覺，肉類的烹調得略帶金黃色，吃起來很美味。👍🏻👍🏻最後還贈送了紅米西米糖水，十分好吃😋！

我平時好少寫食評，今次真係不吐不快...首先，員工態度惡劣，冇禮貌，唔尊重客人；一入去，講明係6大1細，7個人，個員工叫向部長硬係要屈我地係8個人，雖然近清明節，但唔係咁邪...叫佢改，就大聲夾惡話我地講8個人，無言至極...我地其中一個係坐輪椅，果d阿姐同部長唔幫手搬走張櫈都算啦，我地自己搬又被閙，哇，嘜料啊，我係客人，唔係你下屬啊或親朋戚友啊...谷氣到....之后點野食，佢地攞埋茶位張卡去入單，上面寫住173號枱，佢入176號枱，d點心都唔知去邊到轉左一輪，都凍晒...之后係食物質素一般，唔衛生...點鳳爪就送烏蠅🤬，即刻嘜都唔想再食....同部長講都只係取消個鳳爪，道歉都無句...全家食到一肚氣😤，真係貼錢買難受，再無下次😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

半島漁港的火鍋不錯， 特別酒樓先送上的雞煲， 魚生併盤及牛肉 ，當然自助部分有待改善，但以這個價錢也是非常不錯了，另外晚飯款式很多味道亦很好，其中魚及燒鵝，不愧為招牌菜

上一次飲茶攞飛攞咗12人一張大枱，明明只係等一張飛。等咗一個半鐘，最後見到佢張張大枱都拆開咗俾人搭枱。我哋去搵左個部長講，個部長完全唔想幫手，態度極度差，又晦氣！今次黎食晚飯，攞張飛係八人枱，最後佢哋俾張六人枱人。枱與枱之間逼夾，坐得超唔舒服！碗碟污糟，個碟仲有一條蔥！真係好嚇人！食物超級鹹，多味精。冇禮貌，服務態度超差！地下好slippery,廁所又污糟!冇支付寶，支付唔方便！以後都唔會再幫襯！

本人光顧秀茂坪分店，在正常情況下㩒飛排隊等位時，親眼見到有幾位懷疑熟客的茶客，在沒有經正常途徑㩒飛排隊下，在門口支客位置，偷偷地給予金錢「賄賂」支客，然後不出10秒已經有位，而本人經正常途徑下排隊等位已經等了超過1小時仍未能得以安排位置。另外，當等到有位時，發覺正坐在風口位位置，覺得好大風，並請該間酒樓職員可否把冷氣風口調較細些少，當時職員態度已經開始不耐煩，然後本人心有不滿，打電話找分店經理提出意見，當時接聽電話的職員表示「你等陣」，之後有位自稱經理的女職員接電話，我向佢反映關於覺得風大，想麻煩你們可否調較一下風口，誰不知，此位自稱經理的女職員態度極之惡劣地回覆我「係咁㗎喇，你覺得大風，一係你再出去再排過，有問題你打去寫字樓喇」，我都未講完，佢就好冇禮貌地cut我線。然後我再打去搜尋半島漁港寫字樓電話，這個集團根本沒有寫字樓，只有分店。根本是這個所謂自稱經理的女職員求其胡說八道，敷衍客人的做法。這間不知所謂的垃圾酒樓，以後都不會再去光顧。要光顧的客人，請審慎考慮🤔️！