半島冰廳

之前堂食食物質素其實都一般，但係樓下冇乜其他選擇，然後啱啱兩點半打電話去嗌咗個下午茶外賣，電話打咗三次先通，真心唔知有冇忙到咁定係懶得聽電話。。然後接電話個阿姐講嘢有口音都算，語氣態度仲超級差，嗌完多謝都冇句就cut我線。厲害👍🏻…Read More

同事在外賣app搶到優惠券，是日一齊外賣半島冰廳的早餐。早餐分成四大類，有多士三文治、傳統滋味早餐、自選湯麵餐及西式扒餐，每個類別都有足夠選擇。意式蕃茄濃湯牛肉通粉 (外賣app $49)，可配腸仔或火腿，加$4升級轉松露炒蛋，還配有牛油多士。松露炒蛋夠嫩滑，有蛋汁，不會炒得過熟，有淡淡松露香。烘得金黃微焦的多士充滿牛油香，但外賣送到來當然是變稔了一點。通粉的蕃茄湯香甜，牛肉份量夠多，片片夠大塊又夠滑，不會好細碎。通粉不會煮得太稔，又能吸到蕃茄湯。和同事都覺得這碗通粉好味！早餐份量充足，連同外賣app的折扣優惠，更覺抵食！…Read More

同朋友路經，見有位就入去食，大隻女職員落單叫咗兩個扒餐，坐咗25分鐘未有得食，凍飲都未有，一問之下原來無落單，個女仲話"係我落單咩😵‍💫''，人格解離。一個男職員(被稱經理)話幫我哋落單同催厨房快D，(態度..)))再等15分鐘仍無影，再追，回覆因為好多單(外賣)，話仲要等，乜唔係追咗單咩，40分鐘做唔到2個餐，唔知再要等到幾時，我話無時間再等，跟住， 差下多全部職員一齊向住厨房講勾起張單。哈哈，原來佢哋做嘢都可以好齊心同好快。間餐廳真係要多得呢班員工，一錯再錯，…Read More

從來唔寫食評，街坊，但真係太離譜，星期日一家人叫外賣，首先，外賣要等一個鐘有多，如果係好食都算，一黎到真係火都黎鹹蛋肉餅飯送漏左個白飯，係想人空口食左塊肉餅？XO醬雜菜炒烏冬無送黎，變左豆腐火腩飯，廈門炒米，完全無落油無餸咁，難食，豉椒鮮魷炒河，叫炒河但完全無炒，下面係白雪雪嘅河粉，一pat野，上面淋左小小汁，完全唔夠撈晒河粉食，魷魚係梅嘅，叫咕嚕雞球無，轉咕嚕肉質素都麻麻成餐飯成家人都唔enjoy，淨係覺得難食，以前都有食開半島，以前真係好食，而家真係唔會再試，基本野都可以整得咁難食，麻煩真係檢討下，炒河完全無炒，真係離譜到接受唔到…Read More

夜晚去買外賣，叫咗個$84蜜汁薯仔牛柳粒，一個$64清炒時令蔬菜（菜心），等咗25分鐘先至有，返到屋企一打開個菜心，份量極少，蜜汁薯仔牛柳粒水汪汪咁，同佢幅圖差超遠，牛柳粒得五粒😂，真係笑死我，味道方面，完全食得出落重味精。一共$148，完全唔值呢一個價，食完肚氣！👎🏻👎🏻👎🏻🤮🤮🤮絕對唔會再幫襯👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻，食佢隔籬嗰間牛腩仲好，又平又快手。…Read More

今次試咗"半島冰廳"嘅咖喱牛腩煎蛋飯，同下午茶焗鮮茄豬扒飯，整體經驗一般。先講咖喱牛腩煎蛋飯，牛腩雖然焗得幾腍，但咖喱汁偏淡，冇乜香濃嘅咖喱味，煎蛋嘅熟度亦有啲過頭。整體嚟講，味道算係平平無奇，唔算特別出色。至於焗鮮茄豬扒飯，豬扒比較乾硬，冇咗應有嘅嫩滑口感。鮮茄醬汁嘅味道亦都只係一般，冇咩驚喜。下午茶嘅套餐選擇都算多，但整體味道未能超出預期。雖然食物質素唔算頂尖，但價錢尚算合理，對於追求性價比嘅朋友嚟講都算係一個接受嘅選擇。不過，個人就未必會再特地選擇呢度嘅外賣。總括嚟講，"半島冰廳"嘅外賣體驗屬於中規中矩，價錢合理，但味道方面仲有進步空間。如果你對食物質素有較高要求，可能要再考慮下其他選擇。…Read More

呢間野，沙角半島冰廳，令我第一次忍唔住要寫feedback🤬😡😡😡😡😡😡😡😡😡😡呢碟野大家點都唔會諗到係東南亞名菜，海！南！雞！飯！😡😡😡😡😡😡😡呢間野係越來越多唔同款式既菜式，最近仲多埋四川/重慶烤魚同雞煲添，但係咪又係伏就唔知啦，因為唔敢試！叫左佢呢碟所謂”海南雞飯”，望落都唔知邊忽似海南雞，d雞肉酸到似普通白切雞，但難食過白切雞，街市既雙拼$28切雞飯仲好食過佢！而d飯呢？硬到可以咬崩你d牙😡😡😡😡 難食到嘔🤮🤮🤮🤮🤮🤮🤑🤑🤑好心啦，$68一碟咁既垃圾？將心比己啦，佢整果個自問自己食唔食得落呢碟垃圾？有時真係唔想踩低本地飲食業，但大家有眼睇啦？呢d乜野質素啊？如果係大陸唔止好食又服務好之餘，如果你對店家不滿，人地仲會免你呢個餐錢添！但你唔會望香港d無職業道德既餐飲業免你錢係難過登天，你只希望得到唔係差劣既食物質素咁簡單啫！都係咁難！絕對唔會再幫襯呢d垃圾！ 執哂都唔抵可憐🤬😡…Read More

平時冇乜特別都唔會寫食評，但今次真係忍無可忍！日期： 2013年11月23日時間： 23:00 當日一如既往收工搵嘢食，平時食開劉萬利，但當日星期四例休，所以粗粗地去咗半島冰廳食，點知最後真係粗粗地……1）入到去，我見前面坐晒人，冇人坐嗰啲又未執枱，所以去咗後面度坐，點知比店員因後面清潔理由唔開叫返我坐前邊，於是我就坐左一張未清潔嘅枱，我等咗5-10分鐘先有人嚟清潔張枱。2）幫我執枱果位店員，邊執枱邊問我食咩，我照直講，佢完全無抄底，貪快貪方便咁聽完我講就講左一聲「好」，就行左去忙其他嘢。最後出事⋯3）出事：我等左10分鐘野食野飲都未到，遲過我入黎嘅人野食野飲都到左⋯人地仲要係炒粉麵飯⋯而我只不過係一個普通嘅碟頭飯，我無追單繼續等，直至有個店員主動問我叫左野食未，依下我要爆，我同佢講我叫左乜飲乜，之後佢行左去，過左一陣行返返黎問我係未入左邊張邊張枱？！又話唔知將我張單入左邊張枱⋯大佬呀！我唔係系度做嫁，我叉知你邊張枱打邊張枱咩，問都唔係咁問啦！ （問我果個店員就係貪快邊幫我執檯邊無抄底果個，同一個人）之後又隔左一陣先比野食我，又隔左多陣先比野飲我⋯成餐宵夜谷住度氣食！ d飯仲要係硬！總結：我本身都係做飲食業，1） & 2）我係知唔夠人手而完全理解。只係3）處理手法有問題！如果餐廳該老闆睇完以上食評，我呼籲你唔夠人手無錢請人就唔好做宵夜時段。…Read More

無食一段時間，早幾日行過入去試試，點知中伏，野食唔得之餘服務態度超差，點左個咕嚕肉，一大舊諗住係肉來，點知原來係舊炸粉，一碟咕嚕肉佔左一大半係炸粉，湯又超油，碗飯好似隔幾日又凍又硬，比以前差左好大多，不會再幫襯°…Read More

平時好小負評，唔難食就可以。但呢水次不得不表揚吓呢間半島。外賣呢個 $68 嘅海南雞飯，叫咗少飯。 但成盒飯都有2/3係飯，相信如果唔要求少飯會成盒都係飯。啲飯硬到好似雪咗3日咁，說好的油飯真係油飯，冇味的。少少暖，真係好似食淨儲埋一盒俾人咁。啲雞廚餘一樣，得4件，冇味，好似白切雞一樣。海南雞嘅醬係冇嘅。唔知佢係漏咗定真係冇醬跟。真係冇下次。去樓上大快活叫個喱腩好過佢多多聲。真係冇下次。以前都會介紹朋友去食，間鋪話晒裝修唔錯。但今次體驗真係太差...絕對唔會有下次。…Read More

見到轉左新餐牌入嚟食，啲餐具好似冇洗過咁，仲有食物殘渣喺上面茶餐廳都唔係做到咁另外有個企收銀既tb,態度差，我叫佢落單黑口黑面，唔想做生意就唔好做，仲要請埋啲咁嘅人，倒公司米，入嚟簡直係貼錢買難受之後叫咗個海南雞，啲雞勁柴，賣相唔使講，但點都唔值呢個價錢，仲要喺雞中間食到鐵絲，簡直係不知所謂呢間嘢真係睇佢幾時執笠，我真係好少比差評，呢間真係唔會再幫襯，亦聽到好多街坊反映比起以前差咗好多，員工服務態度尤其是門口個…Read More

今晚見落雨，諗住費事煮，叫個晚餐外賣，14分落單，43分先出到嚟，又唔係多客落單，中間追咗三次，次次都話包緊，包包下又去吹水， 攞出嚟時仲要吊吊fing 。我住樓上，返到去飯餸又凍哂湯又凍哂菜又黃哂，凍飲又溶哂雪。等緊期間，有一家6口等位，佢就係咁叫啲2位、4位入去，嗰家人等到無癮走，嗰陣出面落緊大雨，我同嗰家人(4個小朋友)都濕哂。個伙計仲要笑住出嚟話嗰家人終於放棄喇，多人去茶樓吖嘛。以後都唔可以再去。…Read More

喺好熱嘅天氣下，第一次去到沙田圍嘅餐廳兜一個圈，本身想去排晒隊嘅劉萬利同金沙角，但食飯時間有限，唯有退而求其次，去咗呢一間有史以來，食過最難食嘅星洲炒米，佢一定係我劣食餐廳裏面嘅榜首，佢嘅Menu仲話係人氣之選便毫不猶豫落單，一嚟到完全冇料，冇洋蔥，得一條芽菜，一條青椒，一條紅椒，一絲叉燒，賣相差劣，都算啦，米粉仲滑潺潺，搞乜？啲職員態度又懶散，價錢仲要5 5，好多餐廳好過佢好多好多，超級不推薦😡😡…Read More

好耐冇幫襯過,估唔到一次比一次難食！剛開業時日日排隊,嘢食算得上是幾好！近兩年越嚟越差！之前成日去食瑤柱蛋白蝦炒飯,頭幾次都真係幾好,近呢兩年就唔知點解d蝦变咗烚蝦,瑤柱又冇咗！之後就好少幫襯！早兩日諗住試下有冇改進,穩陣d叫咗楊州炒飯。 嘩...！好出色！ 原來楊州炒係咁架！飯係一舊舊,有d仲係白色既,叉燒火腿正常,虾仁3只,重點是冇味既,我唯有自己調🤣$60 跟杯凍啡！真心話就算$30都唔食！堅阿！唔再幫襯是答案！…Read More

今晚點左三個小菜外賣 等足45分鐘先拎到手 等得耐唔緊要 最主要係難食 涼瓜牛肉 （涼瓜得幾片 一堆牛肉而且大大舊）麻婆豆腐（豆腐同麻雀子一樣咁大舊而且已經變左）椒鹽鲜魷拼豆腐（豆腐酸 唔熱唔脆） 白飯硬過鬼又係唔熱 食物質素實在太差 唔會再幫親…Read More