半島冰廳

近年嚟喺乙明博康沙角村一帶難得一間係 適合人類 去食嘅 茶餐廳 舖頭裝飾 舒服 食物價錢合理味道亦都 唔錯 最鍾意佢電視係播viu TV佢個沙田友餐非常之合我心水 蕃茄湯通心粉好好味 精選午餐 好貼地非常適合成日要出外食飯嘅人 有蒸魚蒸排骨或者肉餅口味多樣化常會轉餐牌 中西形式都有 唔會食極都同一味 原本我唔鍾意食蒸魚但係有一次同屋企人去食咗一次都唔錯 早午晚餐 都很大眾化 味道亦都十分好另外仲有超抵食公司三文治 同沙爹牛肉麵都非常之值得食完再食 啲牛肉又淋又滑又香又入味…Read More

街坊茶餐廳，價錢正常，味道同份量不過不失，餐飲加3蚊可以要枝裝維他奶。坐得舒服，侍應態度可以接受，不會特別主動，但又未致於見你唔到。但真的不要叫鐵板餐，之前試過1個鐘都未上菜。…Read More

叫咗碟芥蘭炒臘味，正常味道，出錯機會應該極低。之後豉汁蒸倉魚，完全唔掂！1. 嚟到條魚係未熟！2. 落豆豉少到不得了，又冇樁爆佢，原粒咁，梗係冇味啦！3. 豉油冇味，都唔知係咪溝左水，我已經叫佢嗰個另外一碟豉油嚟，都一樣係咁！4.條魚好腥，一來冇倒走蒸魚的水，二來係未劏乾淨個肚，搞到成碟魚腥到不得了。 最後講埋杯凍奶茶，從未飲過啲咁鞋嘅奶茶，一啲都唔香滑，仲有啲苦澀味。呢個嘢竟然仲喺度咁耐，仲唔執笠真係奇蹟！…Read More

今朝去食早餐，點知佢又同我落錯單，講完又講都唔知自己衰咩🌚🌚，之後又漏單，等到隔離個阿婆新黎嘅都已經有三文治，我都未有，我就知死硬，佢肯定取消個多左嘅三文治，又取消埋原本嘅😮‍💨😮‍💨😮‍💨好嬲，不知所謂，仲要一句對唔住都，食到最後，先記得佢地又唔記得左俾埋杯熱檸水，我已經就走就問佢地有冇得拎走，要收2蚊囉！係唔係痴左線，就係一個外賣杯，仲要本身係佢地嘅錯，懷疑佢哋亂咁收，張電子單仲要冇記錄係外賣收錢🌚總之，服務真係好垃圾，仲要好迫，唔好再食，成肚氣！…Read More

今日收工屋企冇煮飯，所以就近近地屋企附近半島冰廳食飯,坐底睇下餐牌見到有梅菜扣肉好耐冇食,所以就叫你試下,唔知係咪新鮮煮出嚟食落口，入口有即溶感覺,同埋有菜底唔肥,同埋少油,一個人放縱下必備…Read More

經過餐廳諗住買豆豉排骨飯返屋企食, 返到屋企食咗兩啖飯, 一咬舊排骨, 點知係生既, 嚇到立刻吐出黎, 成盒飯,有一半排骨都係生, 蒸都無蒸過,又唔肯退錢,只係換盒新比你,水準超差,服務又差, 唔會有下次,超中伏…Read More

話說個日7:11落完單，等左差唔多20分鐘左右。見遲過自己入來的人都食緊，唸住叫個哥哥仔幫我睇下。點知一入去就聽到廚房鬧我：個個都趕時間㗎啦，咁趕唔好食啦。 洗錢受氣嘅事我係唔會再做😂…Read More

今日行經沙田圍，覺得餓於是入咗去呢間充滿時代感嘅冰廳。一入去坐咗响廚房附近，聽到餐廳啲職員一邊做嘢一邊高唱啲懷舊廣東話好正。講返啲野食，今日我同老公點咗份迷你下午茶乾炒牛河同一份我至愛嘅豉油雞髀+奶油多（半份）。乾炒牛河不油膩够乾爽，豉油雞髀都唔差，但奶油多就乾咗少少。價錢方面算性價比高，兩份埋單$77。…Read More

今日去行山之前要食個豐富嘅早餐所以就去咗呢度食 呢度早餐幾好可以去到1130 真係可以瞓飽先落嚟食 又唔洗趕頭趕命除咗基本嘅早餐set之外 佢仲會有每一日嘅限定早餐 配唔同味嘅出前一丁 都幾抵食呢度嘅環境都幾乾淨企理 難得茶餐廳可以keep到整潔食茶仔最緊要係杯奶茶 呢度嘅奶茶唔錯幾好飲 奶同茶嘅比例剛好…Read More

今日又來到沙角邨搵嘢食，朋友介紹呢一間半島冰廳，佢話佢成日都嚟買外賣返屋企食。今日就嚟試試入到餐廳幾surprise,啲裝修幾得意有花過心思， 估唔到而家喺屋邨嘅茶餐廳都咁有玩味睇一睇個餐牌，淨係下午茶都好多選擇，花多眼亂。不過今日就揀咗普通嘅炸雞脾，半份細多士，熱奶茶。炸雞髀新鮮炸起，味道普通，不過唔會揸到好乾，但略嫌唔係好夠味要加啲鹽，半份西多士亦都係好新鮮，正正常常，呢個價錢算係咁啦！下次要試吓佢哋其他蕃茄通粉餐先…Read More

唔想公公婆婆行咁遠叫佢哋近近地揀一間婆婆話 之前喺另外一間金x食完 要勁飲水我話食清清地 就得ga la最後就選擇左半島冰廳兩位老老都食得唔多就叫咗兩個客飯最後我包底🥲🥲 媽呀 好飽呀～先來碗 例湯～都足料煲 木瓜豬骨湯唔記得影碗飯 佢碗飯好大碗土魷蒸肉餅+豉汁蒸倉魚婆婆都buy呢間野話蒸肉餅整得幾好食 味夠條魚蒸到啱啱好熟平時街市買餸 條倉魚size都要$45以上個客飯$71 都算係咁最後埋單$144三個人來講算抵食…Read More

好耐冇食下午茶，帶個仔去學踢波，有一個鐘空檔，就同太座去Tea吓，咁啱見到呢間門面都唔錯嘅冰室，入去high吓先!見都幾多人食，應該唔錯啦，點知係超級失望，“炸雞髀”冇味，淡到要加鹽，但已經完全唔係嗰樣嘢!“紅豆冰”超甜，簡直好似直接食包砂糖咁！“咖央西多士”食唔到咖央味，如果以西多士100分滿分，只有40分!究竟其他人食嘅味道係咩我唔知，但點解會咁多人食?…Read More

尋日lunch去左呢度食，叫左個$46百搭餐，炸髀火腿炒蛋意粉配黑椒汁，炒蛋炒得都算幾滑溜，仲有啲蛋汁，唔錯！不過主菜隻雞髀就炸過龍，有d鞋口，希望可以改善一下。…Read More

認真地說：我不知自己在吃什麼。內裡掌廚的人絕對會害了餐廳，浪費了老闆的投資，要考慮一下是否換掉廚師團隊。原欲要去沙角邨冬菇亭半百年歷史老店劉萬利，飲一杯絲襪奶茶，懷念以往座在帆布底下，浪蕩不羈的豪邁。怎知它新裝了，外型味道全失，門外長長人龍，不欲等待，便轉往街市旁邊的「半島冰廳」嘗試。先要簡單說一下沙角商場的管理者多年變迭的情況。我相信有什麼樣的業主，便會催生出什麼類型的食肆，業主管理方針是能主宰食肆的經營方向。沙角邨算是一條老人邨，原是房署管理，租金平宜，區內大部分長者，消費能力不高，食肆都是民生小店。香濃絲襪奶茶一杯，報紙一份，座上一個上午，店家也不介懷，你只區區消費十幾塊錢，最重的只為主客情感，讓街坊有個聚腳店而已。但領匯十幾年前成立，重新裝修大量屋邨商場，大改圖則，亦引入現代化商場模式，大幅加租以驅逐原讓街坊打躉的小食肆，招徠形象較好也能交貴租的集團連鎖餐廳進駐。領匯把旗下所有屋邨商場分為四個級別，沙角邨發展潛力低，敬陪末席，原先是不受影響，租金尚算合理，讓小店繼續生存。但其後馬鐵建設，沙角邨商場依傍車站，領匯便動工起來，改商場封街市拆冬菇亭，一系列工程目的就為了更高租值。再後來領匯不再做管理人了，將整個街市打包外判予建華集團管理，一勞永逸，每個月賺取租金收入。「半島冰廳」就在建華管理下開業，一層壓一層，估計租金開支鉅大，已非昔時之街坊小店了。至於「半島冰廳」是否建華自己經營？不太肯定，只知它有餐飲業務，但熟悉的人事部友人也抱怨內裡工作很快離職遠去。內裡裝修以本土八十年代為主題，確實有點諷刺意味！領匯要驅走舊物走向現代化，你卻又將舊物引入作為餐廳裝飾。舊物是有種與人交流的情感寄托，但硬弸弸地只懸掛一兩個象徵意符出來，確實毫無意義。時間關係沒有翻開餐牌，只點選午餐其中一款。平均價格$50元左右，是市場價格。市區與屋邨的購買力，已沒有太大分野了。認識一位中大教授，曾在業界分享過：「你以為老人邨先賺得少？」不對呀，最能賺錢反而是在公共屋邨的食肆，因住戶資訊流通量低，對價格又不敏感，日常餐飲消費品欠缺競爭，經營者可以相對賺取更高的邊際報酬呀。【葡汁海鮮焗飯】等了十五分鐘，我滿心期待，相信是新鮮即叫即焗的。這款飯制作容易，先炒飯底，再將雜錦急凍海鮮魚柳舖面，淋上預先制作的葡汁咖哩椰漿汁水，最後灑點芝士碎，放進焗爐快焗至微焦即成。顏色賣相正常，淺黃色葡國汁醬加些微焦焗制效果。可惜味道完全錯誤，汁醬死甜，不能帶出咖哩及椰香，是糖份落得過多所致。最為詬病是廚房不知海鮮為何物，只草草放下三件麵粉制作的蟹柳便美化成海鮮佐客。在飯裡找不到一絲蜆肉、魷魚、蝦仁、魚塊。這些也是急凍食材，來貨價亦便宜，不明是吝嗇，還是廚師功夫根基未穩。邊吃邊憤怒萬分，難吃至極，幾次更想召喚侍應來看看。飯中更不時會出現奇怪驚喜東西，先有幻想是瀨尿蝦殼的硬塊尖刺，即時吞出，但口內已有血絲流出。再來是幻想為炸魚塊的爛飯一團，廚師連弄一個基本的蛋炒飯也做得如此，不如還是退隱江湖較好。看來，我還是暫時不要光顧此類餐廳為妙。…Read More

之前襯未禁晚市堂食 見呢間餐廳開左一排 好似都多人食 就去試下佢啲鐵板啦 佢啲裝修係懷舊風黎嘅 都幾特別 同附近幾間比較下佢係套餐黎嘅 78蚊包一塊肉眼扒 可以揀黑椒汁或蒜蓉汁可以配飯/意粉/薯菜 包一杯熱嘅餐飲 揀支裝維他奶/麥精竟然唔洗加錢 個餐都包一個餐湯 當日佢餐牌寫可以揀白湯或紅湯 但落單時 個店話餐廳以後都唔會再整白湯 我心諗 好心無就改下餐牌啦 除左咁 服務大致都係普通茶餐廳咁 無咩特別不過上扒嗰下 係有啲驚喜 塊肉眼扒肯定有1.5cm厚 大半塊面咁大 我就揀左黑椒汁 佢個汁唔算濃 因而比較食得到牛扒本身嘅肉味 而且味道醃得啱啱好 無太咸 另外薯菜係粗薯條黎 都好多 如果細食嘅女仔 兩個人食一份餐都夠飽 整體比我預期中好食同抵食 如果晚市有返堂食 會考慮再幫襯…Read More