千金火鍋 (已結業)

早前係銅鑼灣附近搵嘢食，見到一間有齊雞煲、刺身同火鍋既餐廳，都幾吸引，同男朋友揀左呢間黎食😍 我地揀左B餐，首創任食手切本地牛肉大人$398/位，小童就$268/位真係好多嘢食😍肉類最最吸引我既係安格斯牛胸腹手切本地牛胸油同埋紐西蘭羊卷肉同埋仲送2人份量既豪華刺身拼盤，有6-8款時令刺身，我哋當日嘅刺身係生蠔、鮑魚、三文魚、希靈魚 、帶子仲有紅蝦，每款刺身都好鮮甜火鍋配料都係無限追加，麻辣雞煲都係😎👏🏻雞煲真係好惹味，一拎到埋檯就已經聞到濃郁既麻辣雞煲醬味😝由於我地第一次黎食，店員好好心機幫忙翻炒幾下雞煲，有d洋蔥、芫荽、指天椒同埋豆卜，啲配料吸收晒雞煲醬嘅味道，雞肉都幾大件，雞肉索晒啲汁，肉質鮮嫩 👏🏻火鍋湯底揀咗招牌椰子雞湯，店員攞咗原隻椰子加落去火鍋湯底，湯底味道充滿香甜嘅椰子味，仲有好多海底椰做調味 ，好養生 同埋海底椰有止咳嘅功效👍🏻入面都有好多雞肉，都係同雞煲一樣d雞肉好大塊小食方面最吸引我嘅係芝士松露墨魚多士，好濃郁 好邪惡😍飲品方面飲咗好多罐王老吉，因為好多火鍋雞煲店比較少有王老吉飲😝

同先生結婚四週年 唔想又食西餐 在銅鑼灣揀了一間雞煲火鍋任食 質素都幾高👍🏻就係銅鑼灣廣場二期 地點又方便👍🏻一出電梯就搵到👍🏻入面環境好寬敞 都是梳化位 坐得舒服👍🏻服務員確認套餐後 就可以出去拎野食醬料火鍋料飲品款式都幾多 仲有好多手工茶 我飲左兩枝手工白桃烏龍茶🤭🤭 清清地 順便下火🤭另一邊仲有火鍋配料 款式都比我想像中多竟然有花生芽 好好味呀😍返到位 雞煲同小食就上了 好快速👍🏻我點左酒煮花螺同皮蛋個花螺食完一粒 停唔到口 個人超級鍾意 岩我口味 酒味濃 花螺鮮味👍🏻最後encore一碟雞煲都入哂味👍🏻 雞肉夠嫩 食起來津津有味 鍾意食辣既我認為仲可以加一辣度 辣點更好食這個炸魚皮都係我encore小食之一十分香脆 即食 和 配火鍋食都好好味👍🏻鍋底就揀左牛骨 同 麻辣鍋牛骨湯香甜濃郁麻辣湯夠麻夠辣留四分肚來食火鍋 仲有海鮮同肥牛😍蝦又大隻又新鮮 爽口彈牙👍🏻廣島蠔 先生encore左兩次 大大粒😍一放鍋底鮮味都會發出來牛肉有牛腹胸 和 牛肩肉眼個人偏腹牛腹胸 有入口即溶的感覺最後就由雪糕雪條收尾😍慶祝了一個好好的四週年❤️人均不用400，下次可食更多款式既套餐🤭

一次過滿足我三個願望，又想食刺身又想食雞煲，又想打邊爐。而且最後打邊爐唔係雞煲加水嗰啲，係高質火鍋，仲可以揀鴛鴦湯底。仲有得小食任食，每一款嘅小食都唔hea。尤其是墨魚蝦多士，超脆口，咬到中間仲係流心，有芝士encore左。 啲海鮮都好新鮮，仲有牛肉好重牛味。加上第一次食牛胸腹都幾特別，仲要唔係度度地方都有得食。飲品同菜嘅種類都幾多，而且有水果粟米，好少地方有，仲可以生食都幾甜。可惜就係甜品少咗啲得雪糕同雪條，如果選擇多啲會更好。

一段時間冇嚟食估唔到變咗放題形式！火鍋一如以往咁好食，估唔到雞煲都唔錯。我哋叫咗最平嘅A餐：特級美國安格斯・牛肩肉眼・牛胸腹。非食肉獸，又唔鐘意食刺身，食呢款就最啱。未上雞煲會有前菜可以食先。小食仲可以無限添加。胡椒豬肚同埋流沙黃金蝦都唔錯。放題好少咁好食。唔記得走辣，好彩雞煲default辣度好低。雞肉細件幾嫩，同埋份量唔多，食完仲有胃口打邊爐。肉類同部份丸類、餃類都要入紙落單。其他食材就喺自助區。時令海鮮拼盤就係定量。安格斯牛胸腹同牛肩肉眼都好軟嫩，不過食落分別唔大🤣。丸類、餃類全部冇中伏，同出面散叫10幾蚊粒嘅差唔多。食材質素對得住價錢。仲有雪糕、雪條任食，飲品任飲。150分鐘唔會食到好趕。

上次過來是散叫，今次朋友約來已經轉了放題。 $398一位 開始先有刺身船打咭靚之餘，刺身都新鮮，中間條金古刀功好味鮮。海鮮我一般般，我一心想吃牛牛🐂。手切牛肉 寫清楚不同部分，牛味好足。真係食到唔同部分唔同口感。梅菜豬肉丸特別，細細粒又唔會太飽湯底麻辣和沙嗲， 沙嗲湯底好掂花生味 恰到好處 ，我連醬料都唔想點。刺身後有個雞煲，好食，如果唔係要留肚俾牛我一定食好多。 雞肉仲有肉汁，外皮香口，豆腐扁身沾滿醬汁。飲品都算選擇多，甜品有些冷門款。

天氣涼涼地，就想打邊爐，朋友介紹過幾抵食，就去試一試啦。一入門口就有個醬料bar, 醬料總類都幾多，沙茶，麻辣應有盡有，實有一款啱心水。隔離就有個大雪櫃，有蔬菜，菇類，丸類同其他火煱配料。另一邊就有多款罐裝飲品。罐裝唔啱心水嘅話另一邊仲有自家製嘅茶，竹庶水，酸梅湯嗰啲。隔離仲有個雪榚櫃，食完可以食雪糕！除左打邊爐嘅嘢食，仲有啲熟食小食可以叫，連雞煲都有，值得一試，都幾好味。講返火鍋料，海鮮真係出色，款款都好新鮮，又好大隻！我見枱枱客都勁大盆海鮮喺枱，值得推介。

門口金碧輝煌，好多金呀！餐廳應該係80、90後，入邊嘅歌都係一啲香港流行曲揀咗一個套餐係有雞煲，然之後有火鍋火鍋湯底，揀咗冇咁熱氣嘅椰子雞煲😋海鮮，而且有桶蠔、花甲、新鮮蝦等等，不過我最鍾意都係魚肉有個款前菜可以食，比較喜歡嘅係魚皮、鳳爪、皮蛋多款餸菜任叫任食，除咗靚靚牛肉我自己叫咗三碟，我比較鍾意嘅係魷魚、以及韭菜水餃、手工墨魚粒服務態度良好，質素都好好。上菜非常之快，而且店務員有禮貌。值得讚一讚嘅係調味料區域非常之乾淨，整齊，而且好多選擇。調味料上面有大量麵食可以供選擇，我個人就比較鍾意食烏冬，不過出前一丁都唔錯。係呀公仔麵非常抌本，係用出前一丁🤩我試咗四款唔同嘅茶，都係自己拎，非常之好飲！每款嘅茶味香濃，絕對足料。最好飲嘅我覺得係玫瑰花紅茶食到最尾就要大廚上身，自己整個車仔麵俾老婆食😎甜品區真係好正！入邊有好多個選擇，我老婆揀咗台式黑糖奶茶芝士雪條！我就揀咗泰國榴槤雪條，正到爆炸！不過唔貪心，淨係食一條，留返比其他人食，非常之文明😎

呢排好忙，難得約到朋友出嚟食飯就決定食餐好啲，所以嚟咗銅鑼灣呢間高質火鍋店—千金火鍋，嚟食餐好😋餐廳環境都闊落，而且今晚完全滿座，好熱鬧🤭一嚟就上咗個雞煲，我會話佢係意外地好好食，雞煲非常之惹味，雞肉完全入晒味，而且食落好嫩滑，係好惹味嗰種雞煲，會一口一口不斷接着食，正👍🏻火鍋更加唔使講都好出色，叫咗椰子雞湯煲，一大個椰青隊落去，個湯底非常之清甜，所以煮生菜嗰陣非常之入味，爽脆得來又清甜🩷牛肉方面叫咗啲牛肩胛，質素唔錯，油脂分布好平均，唔會太多肥肉，而且牛味都重😚另外海鮮拼盤都非常之唔錯，有大大隻嘅蠔、魷魚、大蜆，個人覺得啲大蜆最唔錯，鮮甜得來冇沙🤟🏻另外小食方面叫咗個鹹薑配皮蛋、黃金蝦，個人覺得都幾唔錯😍蜂巢豆腐、鵝腸等等都非常之有質素，最鍾意佢個蜂巢豆腐好吸湯，成個椰子湯嘅清甜都品嚐到😎餐廳另外啲飲品選擇都好多，有我最鍾意嘅烏龍茶、解茶嘅選擇，而且可樂汽水果汁一應俱全😍

一張桌子開啟幾種吃法 左手涮肉 右手雞煲 選擇困難症都不在怕的一進門就看到滿滿的人 就知道這家不會難吃而且抵食-海鮮刺身拼盤海鮮都很新鮮 每一個價位的套餐都會有這個豐腴的三文魚 鮮甜爽脆的北極貝 一整份吃下來就是過癮-椰子雞➕冬陰功湯底火鍋也不甘示弱火鍋有幾種鍋底可以選擇 但是我選了這個真的yyds冬陰功很夠味 椰子雞湯可以喝個兩大碗不僅有火鍋還有雞煲也是任吃的 味道也不錯-大口吃肉怎麼能少的了飲品 各式各樣的飲品和雪糕都無線暢吃-🍽️：千金火鍋📍：銅鑼灣駱克道463-483號銅鑼灣廣場二期8樓🚇：銅鑼灣C

天氣開始凍,又係打邊爐嘅時候啦, 其實我地都冇分凍唔凍了….. 呢間位於銅鑼灣嘅呢間火鍋店, 不論環境, 服務質素, 食物同湯底都相當唔錯。湯底超足料, 係精華所在, 而且所有食物用料都好新鮮, 手切牛肉特別出色。千金招牌湯底有8款選擇, 個個都好吸引, 有招牌椰子雞湯, 香濃牛骨高湯, 麻辣湯, 沙爹湯, 海魚豆腐濃白湯, 蕃茄濃湯, 冬陰公湯, 皮蛋芫茜湯, 雙併都係加$30, 晚市時間有150分鐘放題; 我地揀咗個A餐$32, 有特級美國安格斯, 牛肩肉眼, 牛胸腹嘅牛任食, 仲有任食小食, 及刺身拼盤, 麻辣雞煲, 時令海鮮及任食火鍋, 再加埋特色飲品及自助區, 你話係未好抵呢?湯底我地要咗香濃牛骨高湯, 清得嚟有香濃牛骨味, 一鍋湯都有好多料, 有豆腐, 蘿蔔, 牛骨, 少少藥材, 個湯底飲落口都好舒服, 唔錯。小食我地試咗流沙黃金蝦, 泰式鳳爪, 芝士黑松露墨魚多士, 我幾鐘意佢個墨魚多士, 佢即點即炸, 配上炸得香脆, 真係食到停唔到口。流沙黃金蝦都唔錯, 好香咸蛋黃味, 都做到色香味俱全呀! 小食連胡椒豬肚湯都有得食, 我最鐘意裡面啲酸菜, 香胡椒味之餘, 又咸咸酸酸,

銅鑼灣廣場二期 千金火鍋出名高質，我同老公都是牛魔王，單點真係有點貴😅😅見到佢哋啱啱推出咗 任飲任食手切牛套餐 仲要有埋海鮮🦞刺身、紅、白、清酒任飲兩個半鐘，夠晒時間😬😬地方環境夠晒闊落，裝修高雅，店員服務仲好好😌套餐選擇分三種$328 $398 $488 第一次試就食咗安格斯$328其他兩款就會有埋刺身先嚟小食無限任refill,酸薑皮蛋,童年回憶估唔到可以食到，酸薑甜甜爽爽，夾住一齊食 正😋😋胡椒豬肚湯，湯底濃郁豬肚夠淋 酸菜爽脆👍小食都咁有質素，難得 ！安格斯牛肩 牛胸腹 豚 羊樣樣齊晒 廣島蠔都有😍😍 認真抌本再嚟雞煲亦都係無限任添，不比雞煲專門店遜色！雞肉嫩滑、湯汁野味，大量芫荽洋蔥超級香😝😝湯底選擇有成10款揀咗佢哋嘅招牌椰青椰子雞鍋 即開椰青上枱先倒落去，夠晒真材實料！湯頭非常香濃，雞件亦得亦都係靚靚三黃雞😛😛選擇亦都應有盡有，蔬菜類、丸類 都係自助形式，仲有日本白粟米🌽果然食材挑選非常之高質👍👍三五知己飲返兩杯紅酒白酒清酒無限refill,計返落去真係好抵呀!清酒仲要好好飲添😬😬唔飲酒嘅可以飲佢哋嘅自家製茶竹蔗茅根，當然汽水飲品少不了啦真係好多嘢食，兩個半鐘食單點質素

很失望的一次，服務員拿醬油的時候倒瀉了，沒有清清，而且把我們的包包都弄髒了，也沒道歉，上菜速度很慢，限時食的餐，25分鐘才上第一個雞煲，40分鐘才上刺身拼盤啊，然後放題落單，落咗4次單，都沒有上齊我要食啲菜，很無奈😮‍💨，這是限時間啲放題，而餐廳就遲遲不上菜，很不愉快的用餐，而且是398元+ 1，這樣的服務質素標準真的差評

首先貶評一下餐前小吃，然後再褒評火鍋配料。來到火鍋店，當然不是為了吃小食，泡菜、豆芽菜及酸菜（可能）實在賣相和味道都不行。套餐有牛肉、海鮮、餃、丸和蔬菜，種類多樣。東瓜湯底料足，有元貝，味香濃。手切本地大腩包，脂肪比例適中，不會太膩，也有嚼勁。蟶子清洗算乾淨，味道新鮮。切片鮮鮑魚、生蠔、墨魚也不錯。蛤蜊還有點沙，只有兩隻完全沒事。韭菜餃的肉和菜比例尚好，能嘗韭菜和肉味。肉丸還可以。單點的鵝腸挺新鮮，爽脆。2人光顧，點餐如下：醬料(位）x2二人盛宴($838）肥鵝腸加一后，合共HK1,073。

千金火鍋 (銅鑼灣)銅鑼灣駱克道463-483號銅鑼灣廣場二期8樓瑤柱金華火腿冬瓜盅瑤柱金華火腿冬瓜盅可謂是豪華中的極品。用原隻上等金華火腿，曲廚師蒸起拆肉，再配以北海道乾瑤柱，加入花菇，蟹柳等食材。讓湯頭更加豐富多樣。清甜的冬瓜吸收了湯頭的精華，口感鮮嫩，讓人回味無窮。這道火鍋的湯頭鮮美，配料豐盛，不論是冬天暖暖身子還是夏天涼快解渴都是不錯的選擇。清甜的冬瓜吸收上湯的精華，鮮味出炭，四季皆宜。本地牛頸心牛味適中，油花細密，口感軟滑，非常適合放在湯裡燉煮。爽脆鯇魚腩拼魚片提供了豐富的海鮮口感，讓整個火鍋更加豐富多樣。手打的墨汁粒粒墨魚丸和和牛丸也是這道火鍋中的獨特之處，手工製作的丸子更加有嚼勁，味道更加鮮美。皇帝菜和豆腐紙，讓整個火鍋更加均衡和健康。自家現炸的金響鈴和台灣鴨血也是不容錯過的美食。黑牛柏葉的口感爽脆，不容錯過。自家製的酸梅湯和青檸話梅梳打更是提供了清爽的口感，最後仲有雪米糍，讓整道火鍋畫上完美嘅句號。

位於銅鑼灣嘅呢間火鍋店，不論環境、服務質素、食物同湯底都相當唔錯。黃金炸魚皮 $88呢度嘅炸魚皮係好厚身，好大塊，即點即炸，配上香濃嘅鹹蛋黃，真係食到停唔到口。黑蒜脆豆腐 $58未食已經俾佢嘅外型吸引咗，同樣即點即炸，外脆內軟。千金招牌極品椰子雞湯 $258呢個湯底真係好足料，入邊有半隻雞，仲用咗成個椰青，個湯真係好鮮甜，而且雞肉嫩滑，粟米亦都好甜好好食。牛邊爪 $318牛肉好新鮮，店員介紹的，呢度有好多不同牛肉部位提供，呢款係肉味濃郁，打邊爐一流！黑白松露鴛鴦滑 $98食落去滿滿都係黑松露嘅味道，而且好新鮮。皇帝菜 $45呢個湯底配皇帝菜係天作之合！豆腐紙 $55第一次食呢個豆腐紙，感覺好得意，淥幾秒已經食得，食落去味道似豆漿，甜甜地，必試！黑柏葉拼豬粉腸 $78打邊爐每次都一定點黑柏葉，呢度竟然有豬粉腸，好難得！