千色車仔麵

营业中

休息中

呢間位於荃灣千色店旁的千色車仔麵店, 我好細個已經開始食, 我估呢間店鋪最少開左廿年, 我記得初初食時十零廿蚊已經食到飽飽的, 佢哋啲車仔餸做得唔錯, 後來越食越貴, 加埋個肥車呔推介, 更貴, 近來已經好少嚟食, 今晚朋友話想食車仔麵便帶他來吃。小店基本冇裝修可言, 呢度唔係食裝修, 食物好味最緊要。油麵加七餸（$76）一碗車仔麵賣76蚊, 配七個餸你可以話平, 亦都可以話貴, 不同配料價錢不同, 由$8-11不等, 以前啲餸份量大大的, 叫兩個餸加一個麵已經非常飽, 而家份量细好多, 七個餸加一個麵睇落都唔係好大碗, 樣樣得幾粒。我最鍾意食佢哋嘅滷水雞翼尖及滷水大腸, 雞翼尖滷得好入味好腍, 又香又滑, 骨都腍埋, 百食不厭, 滷水大腸更加美味, 大腸肥膏少, 但滷得夠時間, 既入味又香滑, 一啲都唔油膩, 好正, 其他配料都唔錯, 好味得嚟唔會死鹹, 係老派人用時間去浸淫食物, 而不是用味增加豉油那種濃味出品, 食完都唔會太口乾的。

睇雜誌見到原來依間車仔麵拎左米芝連推薦，of course 要去try try 喇大熱天時，好彩小店有大冷氣，不會熱死人，店內係自助形式，自己想食咩麵，話俾姐姐聽，再點要咩料同辣5辣佢個價錢不貴，今次我地分別叫左牛腩，羅白，雞翼河，同埋牛柏葉，豬紅，魚肉，豆腐幼麵腩汁，無咩味，辣汁辣死人，不吃辣的人不要玩命丫，蘿蔔蚊到好林，牛腩都係淋到溶咁，不過除咗依兩樣野之外，雞翼好平平，5入味，雞翼體積算大，不過肉質不滑另外嗰碗，牛柏葉係爽既，不過無味，豆腐都係無味，魚蛋同豬紅好普通，只可以話所有嘢係中上感覺，米芝連既意思係？？？不過小店來講，佢賣得唔算貴，齋食牛腩蘿蔔嘅話佢係出色嘅

第一次路過見到2016-2018米芝連推介小食⋯⋯諗住去試下叫左豬紅 蘿白 雞翼 米線友人個碗叫左牛腩 豬腸 魚蛋 豬紅 河粉太餓既關係 無影到相 兩碗野加兩杯野飲已經成舊水⋯⋯真係百物騰貴豬紅夠入味 蘿白切得太碎 好少量豬腸好肥 好似洗唔乾淨咁雞翼入味 ok湯底好咸 佢個辣好似辣椒醬個種 得個辣字河粉好碎 而且份量唔多夠飽老老實實 我個人認為唔會係米芝連雖然個個都話外國人口味唔同 但身為香港人既我 只係覺得好一般深水埗個間 同金鐘個間車仔麵就稱得上米芝連咁既價錢 咁既質素 只會試一次！

車仔麵堪稱港式經典，以前年代一個人推住架手推車，車上就有簡便的爐具同配料，客人就自己揀料，即叫即煮。配料一般都係所謂「下欄貨」，例如魚蛋、牛丸、香腸、三寶—豬紅、豬皮、豬腸⋯⋯，要不是便宜貨，就是功夫多，利潤少的下價品，但是下欄不代表是難吃，車仔麵的精髓就是香港人平價的美食，人人都可以揀到想食的「正貨」，所謂平靚正就係咁解。時至今日，手工野越來越少，年輕一代都唔入行做那些苦活，要不是就越來越求其，找到好吃的越來越難，所以為免難為自己嘴巴，跟隨指南—米芝蓮就難免，可是今次就中伏了。絕對唔係特登找佢黎食，入到荃灣經過，對我這個睇米芝蓮指南已背誦如流的人來說，早已記得它榜上有名，反正餓了，為何不試，一試就知咩事。叫左芝士腸、豬皮、粗麵，加辣汁、腩汁。第一，豬皮唔夠厚，第二，麵質唔夠彈牙，第三，辣汁普通到不行，不香不辣，第四，腩汁死咸，總括就係一碗不能記住的車仔麵。食完完全唔明點解您是米芝蓮街頭小食，絕對唔係難食，但點解你叫好吃？大概我估評你們的人都沒吃過車仔麵吧。

話說，行街經過一間車仔麵，原來攞過米芝連獎！ 竟然喺一個唔起眼嘅地方（千色後門小巴站旁），既然諗唔到食乜，就試下，叫左個米線+雞翼（車仔麵必叫）+腸仔+牛腩+咖哩魚蛋，成碗麵（因為冇辣）清清淡淡，腩汁味，幾好食～但係雞翼冇榮安小食果隻咁入味，咖哩魚蛋幾彈牙可口，牛腩份量都算多（唔係得幾粒），我最中意車仔麵加甜醬！下次建議大家可以試下～ 車仔麵4個餸麵算貴，可能攞過獎唔同啲～Oh! 仲加左個脆炸魚皮，味覺一般般，建議浸下湯先食或加醬料食～座位普通，唔算太迫，唔多人食果陣可以快食完走人。

去到荃灣再轉車入大澳探朋友，路程遙遠，所以食碗麵先，之後再戰大澳美食！聽聞呢間車仔麵係平民米芝連之選，仲要連拎三年，所以要試下先！我點左油麵、水魷、咖哩魚蛋同豬紅。餸既份量都唔少，魚蛋同豬紅各有五粒（唉呀，食左幾啖先記得影相添）、水魷就剪細細條。魚蛋好彈牙、好結實，好味！豬紅好入味、無腥味，好食！水魷夠爽脆、煮得啱啱好，好正！三十五蚊雖然以車仔麵黎講係貴左少少，不過可以食到飽，而同好味道，所以都食得過呀！

男朋友今日下晝就搭飛機走啦 咁就唔安排去邊到玩嚕 問佢想食咩 佢話想食noodles 近近地就去千色店側門個邊既車仔麵啦 坐門口唔洗等位又唔洗搭枱 我地就坐左出去坐啦 佢既廣東話程度仲未可以自己嗌車仔麵 哈哈 咁就交比我發板啦 佢個碗就係油麵 魚皮餃 大腸 冬菇 我個碗就係米粉 大腸 豬紅 細細個媽咪成日帶我黎食 到依家味道同印象中既都仲係一樣 佢既滷水大腸同冬菇入味到爆 又淋 相信佢一定滷左好耐啦 男朋友係咁話好味 仲誇張到飲晒碗湯 我問佢唔咸咩 佢話少少啦 但好味嘛 傻佬黎既 哈哈

位於荃灣的千色車仔麵，是一間曾獲米芝蓮推介的香港小店。車仔麵是香港地道美食，在香港不難找到它的蹤影，四處都有車仔麵店，但為何這間車仔面店能突圍而出，成為星級推介的佳麗之一？今晩是白色情人節，我位肥豬情人說要帶我吃地道美食，便來到這裡吃晩餐啦。車仔麵的特色是仼你選擇，豐儉由人。麵餅一律$8，配餸由$11至$6可選。每碗車仔麵最少三餸，或齋餸最少四餸。食物擺放整潔整齊，看到不同種類的餸菜，令我的選擇困難症再次出現。在不知道吃什麼好的時侯，【食咩】，一位親切的姐姐打斷我的思想，哈哈，當時我還是沒想好，那我便選前一位食客差不多的東西吧。油麵$8+雞翼$11+牛腩$11+牛丸$10+蘿蔔$10滿滿的一碗車仔麵，傳來陣陣牛腩汁的香氣，令人食指大動啦。車仔麵的湯底是人人喜愛的腩汁，清而足味，濃而不油，入口清甜，牛香特出，忍不住喝了幾口呢。炎熱天氣，總想要點刺激，請姐姐加了一匙辣醬，濃稠嗆辣，為車仔麵增添層次。配餸方面，雞翼屬中等大小，飽滿肉厚，滷得入味，滷得嫩滑，只有兩隻不太夠喉呢。牛腩色澤深濃，同樣味道濃香，肉質軟熟，微微咀嚼，肉香溢出，令人滿意。牛丸圓滾滾，彈牙結實，保留牛肉的纖维質感，也很美味

係荃灣，想食車仔麵，記得呢間係米芝蓮，所以去試下，入到去望下選擇不多，已有點失望，所以都是買走萛，想食兩款菜，只得韮菜，生菜同炒到淋哂既通菜😰，只好選擇生菜，跟住叫蘿蔔，再睇已經揀不到咁呢，揀多款豬皮，又不太想食粉麵，所以就這樣萛了，剩餸最少三款，叫咗兩份蘿蔔共四款餸，見佢夾兩份蘿蔔份量好似一份咁，已經忍唔住話兩份喎，佢答話係兩份架喇，生菜見會佢哋執咗三，四小片去淥，跟住豬皮就揀咗幾片好深色(所謂入味?)既，就這樣，盛為33蚊，8蚊一款餸，外賣碗加1蚊，返到屋企打開，真係越諗越唔開心，所以寫呢個第一次既食評，真的超失望😫

家住荃灣區，幾年前呢間車仔麵檔未拎米芝連時我地食過一次，那次食完覺得名過其實，而且又貴，於是呢幾年都無再幫襯。上星期五一支公，放工後搵食，行經見到人唔多，又見到佢拎左米芝連，心讖人：咦，咁難得車仔檔米芝連，食下都好！重點係，近年已少有車仔麵食了，都唔知點解，所以，就膽粗粗試返，希望有口準！食車仔麵從來都無留意細分價錢，心諗：又唔會貴得去邊，於是只興衝衝咁叫自己愛吃的：蘿蔔、牛腩同豬紅油麵！睇店個阿姐，佢用個殼逐些逐些咁簡，牛腩碎都算，明白牛腩貴，點知連蘿蔔佢都要捽碎俾我，豬紅4塊，勁細碗....$35...我一個女仔食完都好似食空氣咁，雖然味道唔錯，但係真心不推介，真心唔抵食

小時候已在這間店食，以前比較好食，沒有那麼多味精，良心食市，本港車仔麵，特色，但現在真係離晒譜，很久已沒有買，再試試，嚇屎我一碗4餸麵，居然 60 幾蚊，有無攪錯，淨餸，講緊不是很貴材料，比多一粒你都驚蝕拎返出黎，但收成7X十蚊，灣仔新記都吾使啦，人地甘好食，食個平排都得啦，其實大窩口都有一間小型車仔麵，勁好食，我買同樣食物，一定一百有找仲要多囉，態度又吾好，買碗野仲好似要比佢娥甘，米之蓮咪就係搵遊客錢囉⋯⋯買完都覺得被搵笨

係荃灣讀左十年書，都無黎過呢間舖頭食嘢，今日去仁濟醫院覆診，突然唸起佢拿左米芝連，就決定黎食下（現實嘅女人哈哈）最少要叫三個送，叫左雞翼，蘿蔔同魚蛋，叫姐姐俾D蔥，佢話無。最好食系蘿蔔，好林，甜且入味雞翼聞說唔錯，所以試下，味道幾香，肉都算入味，但未去到「哇」一聲。魚蛋就最普通，唔建議叫。$35黎講我覺得不過不失。

住咗荃灣咁多年一直都冇嚟過呢間食原因係因為門面太小而且千色定旁邊嘅千色車仔麵連名都懶得改開頭覺得個老闆取名好冇誠意或者你可以叫「真心真意車仔麵」去吸引人注意力但係今日睇返OpenRice發現佢入咗米之蓮推介冇辦法啦我真係要來一來！裏面好窄好迫無人落單、全場大概20個位但係得一個人執枱我坐咗係一張有兩個食完嘅碗嘅枱前邊等左3分鐘都無人落單原來係要排隊叫餸，外賣同堂食都係要排隊好快就叫咗個車仔麵我已經好耐好耐冇食個車仔麵呀叫左最道地嘅朱紅豬皮魚蛋，另外加左一個我見人人都點嘅雞翼，＄43另外我叫左個豆漿＄8老實講個面唔係好夠熱但係正因為佢唔係好熱先所以食得咁快我唔使20分鐘就食完走埋其實呢個車仔麵真係我人生裏邊食嘅車仔麵之中頭三位環境唔乾淨服務可以話幾乎係冇（佢都冇＋1服務費）而且坐得好唔舒服如果外賣嘅話肯定個面係唔熱因為我即叫即食都覺得唔夠熱車仔麵嘅精髓就係咁樣爛達達而且最地道嘅餸菜都係啲唔健康嘅嘢唔係有害，只係唔標旁健康食品姐總體來講我覺得幾好豬皮夠淋，不過保留小小咬口朱紅夠入味，而且唔腥魚蛋係最普通嘅魚蛋，好有車仔麵嘅風格雞翼好入味！好好味！

我是一个非常不爱吃面的人！！！所以来香港五个月没吃过大名鼎鼎的车仔面！今天来扫街，不吃实在说不过去，进来了这家最著名的店！味道真的还不错！尤其是萝卜！太好吃了！有肉的味道！冬菇也必点！汤汁有点咸！面我选的油面，还有很多其他选择！面现点现煮，是一人食得好选择

晨早起來，早餐都沒食就去做Facial，做完後肚餓不了！想食津味的魚旦粉，但忘記他已經不在了！ 荃灣有很多好味的小餐廳不經不覺消失了。穿過窄巷，到了千色的後門，看到兩間車仔麵店，紅色招牌的車仔麵店在中學時期已經有了，歷史悠久，但一次都沒有試過，原因無他，因為一直都喜歡到最愛的飯堂八面玲瓏，食最愛的福州三寶麵加果汁。可惜，他在一年多前結業了，無緣再嚐。一進入門口抬頭望餐牌，先知道這間車仔麵店原來是米芝蓮推介。 單看價錢覺得他有點貴，不過試下無妨。其實我真的很少食車仔麵，因為太多選擇，選麵底還好，我只會選油麵，因為油麵好少食其他麵食時會食到。一邊排隊，一邊看到車仔的盤子所有食物都很吸引的樣子，原本想叫雞翼，但看到魚皮餃新鮮放入盤中，就放棄了雞翼叫了魚皮餃。雖然餸很多，但車仔枱面衛生情況滿意，安心食用。再看看魚蛋，魷魚都好像不錯，阿姐講要多辣，那就完成了下單任務。份量不算多，價錢尚可接受， 油麵($8),魚蛋($8),魚皮餃($8),魷魚($10)=$34魷魚我最喜歡，因為好多時做得不好會有皂水味，但這個入味得很，沙嗲味濃。其實食得車仔麵都預左味道偏重同埋咸，因為他最後加的湯其實都係水比較多