千之味刺身壽司專門店 (雅都花園)

营业中

休息中

阿女見到我每日都煮飯,就叫我今晚唔使煮.等佢叫外買壽司返嚟食.1盒雙式三文魚丼:三文魚和火炙三文魚各有三件,厚切的,勁多蟹籽.撈埋一齊食.好好味.吉列炸蝦卷:一份有四件.食落唔油又脆口.蟹籽脆卜卜.上面還有沙律醬.超好食.1件軟殼蟹手卷:軟殼蟹炸得好脆.口感豐富.3件三文魚海膽手卷:三文魚好鮮甜.海膽沒有腥味.這個配搭我最喜歡食的.帶子壽司X4三文魚腩壽司X2特大赤蝦壽司X4甜蝦壽司X4赤貝壽司X4這間千之味有好多唔同美食,下次可以試埋其他

去探個朋友順便買埋野上去一齊食！壽司就最方便啦！ 見到樓下有呢間壽司店，價錢都唔算太貴而且選擇都幾多！除左散點既壽司，仲有其他拼盤、小食等等！揀選完之後就去櫃台落單！我就叫左三文魚、蟹籽、辣味三文魚、龍蝦沙律、炙燒左口魚邊、吞拿魚蓉、腐皮壽司同埋加州卷整體上壽司飯同埋刺身既比例都幾好，三文魚都好新鮮肥美！左口魚入口即溶！龍蝦沙律估唔到幾有驚喜，啖啖龍蝦肉，令我一試愛上了整體黎講都算唔錯，方便味道又幾好

千之味我覺得比較貴，性價比唔高， 好似一個精選刺身盛盒D $508，有三文魚15件，北寄貝10件，油甘魚5件，赤蝦5隻，帶子10件。刺身大致上質素正常唔屬於唔新鮮，刺身都有一定厚度，唔會太薄，但光澤就有少少差。唯獨赤蝦就食得出有少少🤏🏻雪味。認為價錢係偏貴但質素又唔係真係好好，亦有可能係因為外賣所以等耐咗，再入到口已經錯過咗最佳品嚐時間。值得一賺係佢個蒜香三文魚帶子炒飯，成個飯炒得好香，而且好足料份量又大兜。呢個值得叫多一次。

再次光顧千之味第一次食已經覺得好驚艷，第二次食就更奠定在貓太太心目中外賣壽司No.1 的地位。海膽壽司🍣價錢偏貴，但不會後悔☺️火炙丼赤蝦長過貓太太隻手掌😱Oh!蝦頭仲有好多蝦膏。粒粒三文魚海膽丼三文魚爆滿🤭其他刺身又多又新鮮，大滿足！其他連鎖外賣壽司都好食，自問也是常客，但千之味真是出類拔萃。這跟新鮮有關，壽司和魚生並不是預先pack好一盒盒。而係客人點單後，廚房師傅馬上製作。因此搓出來的壽司飯是有手感溫度，不是機制的冷冰冰的。@sushi93885690 地址：屯門鄉事會路112-140號雅都花園商場地下G4號舖

今日見到咁多好評又新開就去試吓，可能主打外賣，啲櫈唔係好乾淨好多塵，張枱唔知點解黏笠笠咁簡單嚟講：套餐配搭唔吸引，質素同價錢唔成正比，行返出大街食爭鮮或者Go Go Mall青森性價比更高唯一啲壽司飯係幾好食

今日約了幾位朋友到屯門行山，聞說屯門有間不錯的日式小店，今日即刻與幾位朋友去試一試。舖頭位處於雅都商場的後面，只要穿過商場便會找到。今晚我們四人叫了四個套餐，包小食、沙律、主菜、白飯及飲品，也只需三百多元，非常實惠，5點前還有額外優惠呢！首先來的是壽司餐，包十款不同類型的壽司，三文魚新鮮肥美，每隻大蝦有兩件壽司咁長，超正！一百多元有這樣的質素，真的物超所值！接著是日式牛肉飯，牛肉鮮嫩，醬汁香濃，極推薦！日式雞扒飯，雞扒煎到金黃色，帶有少少焦燶，令雞皮更為脆口，雞肉仍然保持濕潤，口感一流。最後的是滷肉飯，每件肉均肥瘦均勻，經過多小時的醃製，脂肪位置完全不膩。除了套餐外，餐廳亦有供應壽司拼盤、小食和其他日式食物，下次再嚟試下其他野食先。不過店舖暫時只做外賣，如果有埋堂食就更好，希望佢遲啲做埋堂食啦。

上網見到佢啲餐幾豐富就諗住懶一日佢嘅位置係雅都商場嘅後面比較接近新墟巴士站 (往紅橋方向)點餐同等待嘅位置都幾大價錢尚算ok等嘅時間都唔算耐包裝幾穩👍🏿 個蓋要用啲力先開到唔怕佢甩/ 散迷你火炙三文魚腩丼 $118 🙆🏿‍♀️壽司拼盤5件 刺身 沙律 螺肉成個套餐真係超豐富又前菜又沙律又刺身又壽司又飯滿足晒咁多個願望刺身有三文魚2件、北寄貝2件、甜蝦1隻、帶子1片喺餐牌已經寫到明 好均真同埋想講樣樣都好鮮三文魚紋理好清晰北寄貝爽脆Q彈甜蝦爽口彈牙 再滲出少許獨特嘅甜味帶子鮮甜 口感豐腴壽司拼盤有三文魚、白身魚、北寄貝、芥辣八爪魚、吞拿魚沙律白身魚係一啲都唔油膩 而且好清爽芥辣八爪魚有少許攻鼻 但八爪魚口感係夠爽口鮮嫩 有嚼勁吞拿魚沙律味道濃郁 沙律醬好吸引😆而自選項目嘅火炙三文魚腩咬落肥美 油脂感滿分💯燒過後滿滿嘅omega 3充斥住口腔而且係厚切 🍣迷你三文魚粒粒海膽丼 $138 🙆🏿‍♀️壽司拼盤5件 刺身 沙律 螺肉呢款貴$20 但絕對抵叫！有一半至2/3飯上面有鋪上角切三文魚雖然無火炙三文魚腩咁肥美但都尚算鮮再有一條海膽 份量都算係咁而味道方面屬於甘甜 而且細膩兼好突出細細啖已經滿

今晚唔想煮飯，老公話想食外賣壽司，我又唔想食生冷野就揀左火炙壽司，感覺用火槍烤過半熟會好d。火炙盛盒A 25件$284一共25件壽司，有火炙三文魚腩，芝士三文魚，芝士鰻魚．左口魚邊和芝士熟蝦，各5件。食材新鮮，款式唔算特別但每款都好食，而且勝在有火槍逼出食材的油分，油香樸鼻，味道更濃郁，配上滿滿的芝士，芝士腔一定會鐘意。我就最鐘意左口魚，油香滿滿，有入口即溶的感覺。另外，三文魚腩好肥美，熟蝦又鮮甜。唔錯😋。芝麻雞翼 2件 $38通常放題必叫嘅小食😆芝麻雞翼為雞全翼，外皮金黃酥脆，咬開內裡嫩滑的雞肉，香口非常，炸得剛剛好👍🏼

千之味開完一間又一間 ，一定有原因。我地全家人都係愛吃壽司同刺身，今晚我地集齊一家人，緊係加料叫俘虜左全家人嘅❤嘅壽司番屋企享受吓啦😎千之味果然價廉物美，我地order左個千之味壽司盛，一盆约有25件(價錢由$258到$468)我地叫左壽司盛F赤身吞拿魚四件 左口魚四件墨魚四件(⭐好鮮甜爽口)赤貝四件油甘魚四件(⭐ 淡淡甘甜， 每口充斥住魚油香氣)三文魚吞拿魚蓉反卷四件壽司🍣上嘅刺身很新鲜，有光澤，厚切肥美。能夠喺屋企同屋企人一齊gathering又可以食到有質素嘅壽司，真係好滿足。

我們每星期總會有一天叫外賣返屋企食，享受吓嘜都唔洗做，淨係食嘅樂趣。 今天我哋喺屋企附近嘅千之味，這間店專營外賣，消費滿三百蚊仲可送到屋企，而且全部食材都係亦日本直送㖭😍餐點:千之味壽司盛D🍣三文魚腩五件辣味三文魚四件三文魚粒四件火炙黑椒三文魚四件火炙三文魚四件花之卷四件本人最欣賞😍海膽軍艦，一點也不腥，好鲜美👍👍。兩個人叫一個25件壽司盛拼盆都好足夠，可再加埋一個蟹子沙律，再加天婦羅炸蝦🍤。那就好似在家中也有食日式放題feel😍

今日上個朋友仔屋企玩，佢終於唔使煮飯，咁岀去食啦，突然諗起千之味，買壽司上去食都好吖！好，睇下有咩好食先。五色丼，睇相都見到啲刺身係有光澤，厚切又肥美，尤其隻蝦又甜又爽彈。照燒雞扒飯定食，大大塊雞扒，煎得好好，個燒汁咸中帶甜，仲有前菜和沙律，抵食！厚燒玉子，玉子一層又一層，厚厚的食落軟綿綿，最邪惡係多醬。吉列炸蠔，新鮮炸起，番到屋企仲脆卜卜，炸粉唔厚，裡面隻蠔肉好飽滿。左口魚壽司，帶子壽司，叫左兩件壽司，左口魚果種淡口魚既清甜，魚肉拉扯既口咸，我好喜歡！

食過返尋味の千之味🍣🍥由有荔枝角分店開始已經幫襯開 真係越開越多分店 💓係開左屯門分店 就更加多機會食 臨近情人節日日都想食好啲！所以就買壽司返屋企食🤤千之味嘅壽司真係抵食夾大件🤣▫️千の人氣壽司拼盤E$188火炙黑椒三文魚 、火炙芝士三文魚 、火炙三文魚腩 各四件🍣、三色花之卷🌸火炙芝士三文魚 🍣佢個塊芝士真係好香濃 再加上三文魚既魚油香 真係好正！三色花之卷都好豐富😍分別係蟹籽、海膽、三文魚籽 🐟三文魚子粒粒都勁飽滿 全部都好新鮮 同鮮甜！▫️芝士吉列炸蝦卷$48（4件）▫️鰻魚忌廉芝士卷$58（4件）呢兩樣卷物係比屋企嗰隻小魔怪食 條友仔一嚿接一嚿 好快就拍晒🥹我淨係食到一嚿鰻魚忌廉芝士 無諗過cream cheese 同壽司都咁夾 加上個鰻魚炙燒之後 焦糖化左 成件事都好match🤤*同場加映三眼仔 ～wooo

這一間千之味我都好喜歡食😊，而經好久冇食到，因為屋企附近冇店舖，今日行街經過有一間，就去買返屋企食只係得外賣冇堂食，而佢嘅款式剌身都好多選擇🤔，同定食質素都好有水準!.日式豬軟骨飯定食$78配汽水呢一款豬軟骨飯定食賣相望著都覺得幾好🤔，色香味香噴噴😙，豬軟骨肉質腍嫰入哂味😋味道十足，佢嘅珍珠飯粒粒口感軟硬適中，同時仲有沙律及小食附送!.火炙丼 $85配汽水呢一款火炙丼魚生夠哂新鮮🤔，店家火炙半生熟更加香味😙，大蝦夠哂大大隻肉質鮮甜又夠爽口、三文魚火炙半生熟帶點香而美味😋、甜蛋蛋味香又有口感，一款3種口味，我覺得都唔錯!.三文魚刺身 $61/5片呢一份剌身我選擇咗剩係試吓三文魚🤔，三文魚色澤新鮮😙，肉質鮮甜😋厚度恰恰好!.壽司 呢款壽司係自選一款兩件，三文魚 $19、 蟹柳 $15 、熟蝦 $18、 鰻魚 $18，而每一款都係即叫即製🤔都好新鮮，食入口味道鮮甜😋，壽司飯粒粒軟硬恰恰好又有口感!.

這次去了鼠妹🐿買外賣壽司，吃過這家覺得價格不貴，所以買回去跟家人吃。去了屯門雅都分店，是位於商場後面位置。食物有套餐和散點，跟餐附送指定飲品🙈。-▪︎辣味三文魚卷 HKD$50｜加州反卷 HKD$38卷物可選擇4或8件，這兩款也是顏色鮮豔的橙色🤩。辣味三文魚較惹味，醬汁味道微辣。加州反卷是經典口味，而且口感較豐富🤤。-▪︎迷利三文魚粒粒海膽丼 HKD$138這個丼飯份量十足，賣相挺吸引的☺️，食材色澤紅潤用料新鮮。另有沙律及螺肉、刺身及壽司拼盤。刺身包括三文魚2件、北寄貝2件、甜蝦1隻及帶子1片。壽司包括三文魚、白身魚、北寄貝、吞拿魚沙律及芥辣八爪魚。-▪︎照燒雞扒定食 HKD$73隨定食有前菜和沙律附送，定食份量十足。雞扒預先切件，所以吃得較方便。雞肉肉質腍身😚，醬汁味道咸咸甜甜，用來拌飯挺好的。-

又係無飯主婦嘅一晚 🤣🤣投票決定之後決定揀咗壽司 買返屋企慢慢歎😬屋企雅都這間千之味 有好幾間分店 專營外賣 $300送到家 全部食材都係日本直送㖭👍👍好多壽司拼盤和套餐 選擇亦都多，仲有學生優惠㖭🤭🤭千之味壽司盛合A有25件 $268 果然日本直送非常新鮮🥰🥰帶子鮮甜厚身 三文魚同樣新鮮 😋😋仲有吞拿魚 色水鮮明 食得出係飛機貨 😊油甘魚魚油亦都非常豐富鰻魚壽司 鰻魚汁調得好鮮味 玉子壽司 大大件炸蝦卷每次食壽司必點 炸蝦熱辣辣脆卜卜 加上蟹籽和沙律醬yummy🥳🥳炙燒左口魚壽司 口感非常軟 魚油分佈豐富 每次都必點🤭🤭芥末八爪魚軍艦 份量好多呢 芥末比例剛剛好 紫菜仲有少少脆口㗎😌😌果然唔錯 而且仲好細心 有埋冰袋保溫袋 和冰塊 兩個鐘頭路程都一定唔成問題 仲有好多 set下次一於試下先😎