千之味刺身壽司專門店 (雅都花園)

营业中

休息中

話說千之味放題都留意左一排，見啲comment都話keep到水凖，今日決定豪一筆同男朋友去食返餐勁，我地揀左可以食足3.5小時再加埋$198任食海膽、藍鯨吞拿魚同鵝肝再再再加多$18任飲生啤清酒，要食就食到至好咁先爽！我哋去咗屯門店食，好想讚吓員工真係好有禮貌，而且佢哋出餐嘅時候係會對單一次，以免會漏單🩷💯💯放題第一部曲必定係食回本物先，點左一大堆刺身‼️重點推介🥢藍鯨吞拿魚大拖同中拖魚油喺個嘴度爆開，魚嘅油脂10分豐富同鮮味🥢海膽叫幾多就真係比幾多，鮮甜新鮮，encore左好幾轉🥢刺身鮑魚，真新鮮，而且好爽口，第一次食放題鮑魚係會想再叫黎食🥢金目鯛喺放題冇見過有金目鯛，味道甘香鮮味🍣而壽司都有好多款揀，每一款都係整得好精美，同一般放題店真係好唔同！‼️重點推介🥢焦糖鵝肝壽司大癲系列，鵝肝好厚切，好肥美好邪惡，焦糖脆脆地，我比10個正🥢炙燒芝士三文魚芝士上仲有小小沙律醬，燒過特別香，配埋三文魚，口感同味道好好🍢而炸物同串燒都係即叫即整，全部熱辣辣💯泡菜豚肉烏冬好足料，湯底小小甜帶微辣。胃容量達已至10萬gb，點都要食埋甜品架，鍾意佢哋自家製嘅Tiramisu杯，好食😋仲有一人一杯嘅Move

🧭 千之味刺身壽司專門店•屯門🍴屯門屯門鄉事會路112-140號雅都花園商場地下G4號舖最近一講起放題，個個都講起千之味，以前都係晏晝lunch去食魚生飯 抵食，之後見最近出左放題，而且仲要仼食拖羅同海膽😍比較之下見屯門門市 好似多啲選擇，所以大鄉里要出城🤣一去到見舖頭細細既，但星期日晏晝都坐到8成full。坐低就有職員介紹 同出面都有紙包飲品 同小量既甜品，係出面自助拎得。最後我地當然有加錢，為了食仼食拖羅同海膽！開頭都有諗好似好貴！但！完全！！！！超值得加😍佢每碟大拖羅 中拖，都係勁厚 而且啲紋好靚🤤不停地加。之後都瘋狂地叫海膽，開頭都怕既 因為本人唔好海膽好怕有陣海水味, 而呢個好甜 一食落停唔到口。一啲都唔漏 食到最後我哋食左32件海膽 已經夠回本。本身諗住佢做開壽司，熟食可以無咁好。點知有眼前一亮既感覺！全部熟食都好好食 炸物🍤串燒🍢鍋物🍲都有試。全部都好好！果刻只想個胃再大啲 可以再食多啲🤣今次都仲有野未食 下次再試 另外特別啲既壽司有: 焦糖鵝肝壽司🍣好好食 件鵝肝夠肥，配埋佢焦糖面，正！海膽帶子吞拿魚夾餅壽司🌮有啲日式taco感覺，而且佢個夾餅係脆卜卜！#hongkon

千之味係屯門竟然開放題店，平時食外賣就食得多，一於試試。位置近西鐵站，新墟街市附近。超長用餐時間， 210分鐘。 大量刺身、壽司、卷物、爐端燒、飯類、沙律、小食、炸物全部任食。甜品、飲品同小食以自助形式供應。升級加$198可以升任食海膽、藍鰭吞拿魚、鵝肝 。小童同長者唔收升級費用。多加$18可任飲清酒同生啤，抵飲。店內座位不多，建議先訂座。生日有8折優惠。升級刺身藍鰭吞拿魚大施羅，油脂味重，超肥美。鵝肝有芒果同焦糖兩款口味，好creamy，個人口味比較喜歡焦糖味，甜甜脆脆，出奇地夾。海膽鮮甜，先後提供兩款海膽。刺身鮑魚都好好食，好爽甜，好新鮮。仲有長腳蟹提供。炸物款式都多，忌廉蟹肉薯餅、粟子紫薯餅、炸魷魚等。自助櫃除提供汽水、茶外，仲有小朋友果汁飲品。另有甜品、小食，仲有乳酪。 另外，每人可嗌movenpick 雪糕一杯。

千之味刺身壽司專門店之前聚會嗌過外賣質素唔錯依加仲有3.5小時嘅放題😍💰成人 $328 - $388 長者/小童$188 (*加一服務費)⭐+$18 任飲生啤清酒⭐每人送一杯 Movenpick 雪糕⭐加$198可升級星級刺身﹑精選壽司同一品料理例如有藍鰭吞拿魚﹑海膽﹑鵝肝壽司﹑深海池魚﹑和牛﹑羊架等🤯刺身 | 壽司 | 卷物 | 爐端燒 | 飯類 | 沙律 | 小食 | 炸物 | 前菜menu Reels入面有，每一項都勁多款式🤩食物嚟嘅速度都算快，絕對唔會拖你時間⌛刺身好新鮮，有啲創意壽司，串燒都唔錯太多嘢揀，好多都冇食到，淨係專攻自己中意果啲🤣❤️必食推介❤️🥢基本上每枱都係瘋狂食#海膽 #吞拿魚 同 #長腳蟹🥢#芒果鵝肝壽司 勁正，芒果可以解油膩感🥢#金目鯛 油脂含量適中，肉質幾好🥢#海膽花之戀 #海膽帶子吞拿魚夾餅壽司，食落好滿足🥢滿滿油香嘅 #火炙左口魚壽司🍮甜品一定要食朱古力布甸同Tiramisù燒M6/7和牛肉都唔錯，但食完都幾濟🙂‍↔️泡菜豚肉鍋配烏冬，味道偏甜。如果係辣味就好啦🙂‍↔️炸物就係平時放題質素，但幾中意芝麻雞翼😆

我地一家平時好鍾意叫千之味壽司外賣🍱最近一聽到佢哋開咗放題店，即刻一家三口衝去朝聖啦💨呢間放題主打210分鐘任食，足足3個半鐘，食足成晚都唔夠時間試晒咁多款😆🥢任食內容包括：刺身、壽司、卷物、爐端燒、沙律、飯類、炸物、小食、甜品樣樣有✨重點係：可以升級任食⚡海膽、藍鰭吞拿魚、金目鯛、鵝肝、和牛、深海池魚🍺加$18仲可以任飲生啤清酒，啱晒鍾意小酌幾杯嘅朋友爸爸最開心梗係因為有最愛嘅海膽食啦😋媽媽就一D都唔輸蝕，話佢食咗人生中最滑嘅藍鰭吞拿魚腩🐟至於希希就超級鍾意炸蝦、燒豬肉串、烏冬同Movenpick雪糕🍨甜品、飲品、小食全部喺雪櫃自助攞，自己揀，夠晒自由🎉

新出放題可以食足210分鐘
海膽，大拖羅,刺身都勁新鮮海膽好鮮甜，大拖羅油脂超正🥰
成人放題$328-388
個人好中意海膽同刺身，所以就升級左:
任食海膽&藍鰭吞拿魚系列&金目鯛&鵝肝&和牛等等 (升級$198)
仲有壽司、爐端燒、沙律、小食、炸物等等同每人包一杯Movenpick 雪糕 中意飲酒的朋友，仲可以升級任飲生啤清酒，只係+$18/位(需全檯一同升級)屯門店都方便，VCity過去約10分鐘內的路程 (凱都戲院後面)  

於香港開設多家分店的日式料理餐廳「千之味」最新推出放題活動，僅限指定分店提供，今天相約男友前來屯門分店享用，用餐時間罕有長達 210 分鐘-成人每位 $328-388 可任食刺身、壽司、卷物、爐端燒、飯類、沙律、小食、炸物、前菜及飲品等，額外付 $198 可升級任食海膽、藍鰭吞拿魚、鵝肝 及任飲生啤清酒 (每位 +$18)，贈送每人一杯 Movenpick 雪糕；只接受網上訂座，需先付訂金每位 $50-刺身接近二十款，獨家提供長腳蟹及磯燒鮑魚；當天點選了金目鯛、深海池魚、赤身、中拖羅、大拖羅、三文魚、油甘魚、劍魚腩；刺身屬厚切，新鮮肥美，柔潤緊緻；海膽鮮甜濃郁不帶一點苦味，入口軟嫩即化；長蟹腳鹹鮮十足、磯燒鮑魚爽滑彈牙-壽司連軍艦選擇多，包括火炙壽司；必食推介有甘醇油潤的芒果鵝肝壽司，以芒果中和鵝肝的膩感，出色！另一必點項目是海膽花之戀，順滑鮮味的海膽配搭肥美鮮嫩的三文魚及日本米飯，口感味道俱佳！-炸物、爐端燒及其他推介有：柔嫩甘香的燒 M6/7 和牛肉、鮮嫩帶羊香的香草羊架、滑順爽彈的串燒牛舌、油脂豐厚的蒲燒鰻魚、足料壽喜燒風牛肉鍋配彈牙烏冬及香脆鮮味的吉列炸蠔等

千之味出咗210分鐘放題一段時間，到今日終於有機會食🤩 依家暫時仲係得觀塘、天后、屯門有得任食刺身、壽司、爐端燒、小食等等等等，睇你咩日子同時段嚟，成人收費係$328-$388，之外仲可以加$198升級任食海膽、藍鰭吞拿魚、鵝肝、深海池魚、金目鯛😳 加多$18仲可以任飲生啤清酒🍶(+$18)我自己覺得嚟得食放題就一定要加$198，因為佢俾嘅係平時omakase成日會俾嘅深海池魚、金目鯛、中拖😍 絕對夠你食回票價😗 我覺得焦糖鵝肝壽司、中拖大拖同牛舌都超正🤩 焦糖鵝肝外脆內軟，做得超好；中拖大拖都入口即化；牛舌好爽好食🤤 佢全部刺身都打卡able，盤刺身超震撼🤗 你落乜佢就會俾返相應嘅數量，千祈唔好瘋狂落單‼️最後仲有movenpick雪糕🤗🔗 因為店面有限位置，所以唔想摸門釘，記得book定枱‼️ ，我早咗少少到諗住有位，係完全無可能除非你8點半後到😗 所以記得book吖！係凱都戲院🎬同新墟街市附近，真係搵唔到可以search 雅都花園第三座，隔離就係了🩷

屋企人生日,普通蛋糕🍣🎂無新意,所以試吓壽司🍣蛋糕🎂。攞蛋糕時,因為落雨🌧️,店員主動提出幫我用膠袋袋住,呢份細心,我欣賞👍蛋糕面刺身新鮮,份量適中,唔好睇佢蛋糕細細,可以切到1️⃣2️⃣件,壽司飯混入🦀籽,口感唔錯😋。感覺到店方用心製作,讚👍下次家人/朋友生日,可以多一個選擇☺️

好耐冇去過搵屯門小店食，今晚特登去新墟千之味壽司店食刺身同壽司。 今次叫咗個火炙丼定食同13貫壽司定食，今日啲魚生刺身都非常新鮮，食落味道比一般連鎖式壽司店更好味。叫咗兩個定食套餐，再加三件三文魚刺身都係$300鬆啲，性價比真係一流！ 建議大家都多多支持小店！🫡

除左壽司 呢到都仲有烏冬同定食.燒汁牛肉烏冬 $85份量比想像中多～仲有沙律菜、兩樣前菜～（螺肉同枝豆）烏冬既湯係比較清既～牛肉唔係淨係得肥糕個種而且係好重牛肉味～連啲洋蔥都有埋牛味.烏冬都彈牙👍.吉列豬扒飯 $60肉質比較厚實.冷麵壽司定食 $85有5件壽司🍣同一大兜冷麵～冷麵有辣汁同胡麻醬揀～今次簡左辣汁， 佢既辣汁係杰身 味道都幾特別😛另外都有沙律菜 同兩個前菜 （螺肉、薯蓉）.另外3個餐都包雪櫃既野飲～..店員見到有小朋友 會主動提供小朋友餐具👍.

而家天氣熱辣辣真係唔想食熱嘢呢啲時候一定係諗起食壽司醒起屯門新墟開咗間千之味所以嗌外賣試吓今次嗌咗個三文魚炒飯，冷麵配壽司同埋三文魚蟹籽沙律🤤🤤🤤🤤🤤🤤首先份量都幾多三文魚炒飯，有好多三文魚肉而且炒得幾香冷麵就正常發揮壽司嘅刺身都好新鮮而且佢既醋飯係我鍾意嘅味道🩷🩷三文魚蟹籽沙律好多三文魚粒青瓜絲好新鮮👍🏻👍🏻作為日式料理愛好者嘅我以後又可以多一個選擇啦😍😍😍😍😍😍

生日緊系要去食生日飯💛店員姐姐勁好人❤️我想有生日牌系兒童餐姐姐即刻拎生日牌比我寫名 仲拎happy birthday 牌同心形蠟燭🎂好到不得了🥹兒童餐👦🏻👧🏻 有粟米沙律腐皮壽司船、鰻魚小卷、厚玉子燒、吉列炸蝦、牛乳布甸同埋提子汁不得了 呀爸呀媽都覺得好好食😆呀爸呀媽叫左分店限定💛13貫每一件都真！系！好！新！鮮！海膽非常之好鮮甜 一睇就知好高質😚食哂肚子漲到不得之了🤭食完個仔已經話下次幾時再黎

千之味出咗盲盒壽司之後我突然間醒起好耐冇食過佢諗住心心念念去買盲盒壽司🍱但點知俾我發現極尚12貫omakase $328 有飛機魚 貴價 金目鯛果啲 我就放棄咗盲盒壽司因為始終我最愛嘅都係貴價壽司😂呢一盒貴價壽司真係好驚喜，有我最鍾意食嘅拖羅，海膽同埋赤蝦然後其他白身魚都好新鮮，最緊要嘅係佢全部壽司上面嗰件刺身都係厚切，媽呀點解咁出色架！最估唔到嘅係佢個海膽都超甜佢依家過咗疫情仲開返堂食，雖然佢個位置唔算就腳，但都好多人食同叫外賣，你就知佢有水準啦

首先要讚下千之味嘅marketing😆 走塑政策實施下，部分壽司變咗紙盒，只可以靠相/名知道入面係乜🤣🤣 千之味食住嗰勢，推出有趣盲盒壽司🍣 見其他人po啲好搞笑嘅餐😂 就係因為咁吸咗我過嚟😆😆 10點搶唔到外送唯有自己過嚟買‼️ 驚中伏嘅情況下，我買咗一個盲盒$118同omakase壽司12貫$328🤣🤣 係堂食/外賣自取消費滿$100可以用$1換購吉烈炸蝦卷🍤 仲有印花卡，只要買夠$80就可以有一個印仔，集齊五個印仔就會送一張卡，張卡可以換真壽司/可以儲起佢💁🏻‍♀️ 其實盲盒係用嚟玩多🤣🤣 不過嗰omakase真係好值得食‼️我無太大期望，只係好奇，但絕對係另一個層次😛 會再食，好鮮甜🥰仲有一讚嘅係佢wasabi 都有放心思💁🏻‍♀️ 生磨wasabi同普通wasabi，估唔到佢細微位都有做足🥰