千両 (港威商場)

营业中

休息中

約左做寫字樓既朋友食飯，佢話呢間千両長年都排晒隊，好難會食到，咁放假既我就排定啦～12:30黎到都係7-8個人等緊，要等7張枱左右，12:50左右就有得入，朋友又岩岩好黎到！叫左個鰻魚壽司飯同特上便當個鰻魚壽司飯個幾塊鰻魚較普通，口感味道都唔太出色，帶偏硬！但鰻魚飯重點係鰻魚丫嘛😂 舊玉子燒ok既，滑！特上便當都係貴$10，個樣抵食啲又豐富🤣有鰻魚飯，燒鯖魚，刺身，炸蝦壽司，天婦羅同炸薯餅！仲有甜品，相比之下正好多，吞拿魚刺身無根，幾好🤣蝦刺身正啲，三文魚就留返俾朋友食。燒魚都幾香，唔會差！薯餅應該撈左啲肉碎，格外有香味！炸蝦壽司就普通野啦！午餐包埋麵豉湯&生菜沙拉🥗綠茶任斟！食到飽飽！總結特上便當🍱好啲.多啲花款食都開心啲！係海港城食舊幾水一個午餐就走唔甩架喇～味道不過不失啦！但午餐款式多數有魚生，選擇唔多！想唔食魚生就剩得揀鰻魚飯～

作為一個哈日族，無無得返鄉下嘅時候就梗係要係香港搵性價比高嘅日本嘢黎安撫下個胃啦。而係香港黎講，千兩就一定係我嘅首選！可能有人話講平價不如去食元氣啦，但論魚生既新鮮度、menu嘅多元化、服務同環境等等…我自己就寧願去千兩食嚕！個人都比較偏愛海港城分店，可能因為個到食物選擇較多，所以我去過幾次都唔洗等位。同元氣唔同層次嘅炸蝦卷：價錢上其實大家都差不多，但新鮮炸起嘅炸蝦卷真係外脆內軟，咬落寧捨鬆化。炸軟殼蟹：啖啖肉嘅炸軟殼蟹，食落唔會覺得油膩，相反炸得香脆嘅外皮包住蟹肉，蟹身嘅蟹膏就好似食緊炸咸蛋嘅食物咁，真係估唔到咁細隻蟹仔都可以咁有口感。江戶前甜蛋：依個真係超抵食，$14就有好件嘅甜蛋，曾經有次有幸望住師傅即叫即製，原來真係好考功夫架！佢嘅味道調校得好出色，唔會過份死甜，依然食到濃厚嘅蛋味。講咗咁多熟食類，其實佢嘅壽司都好出色架！包括每次都必叫嘅三文魚腩、榮螺、腐皮、帆立貝等..兩個人已經食到做咗佢地嘅會員嚕！佢地會員生日有折，可以儲分當錢咁扣，同埋去到附近嘅千兩門市仲可以搖距攞飛，都幾方便架！成日見IFC都好多人等位，搵日真係想try try睇下中環店嘅水準係咪會更加好食先！

由於本來去鹿兒島的計劃因事告吹, 生活上不如意事十常八九, 太座建議到千兩食餐廻轉壽司當去咗日本了事, 相當"襌"嘅適應方法, 那就去吧! 雖說是假期但餐廳並沒有全滿, 整晚吃了的魚生普遍沒什麼鮮味, 叫了些推介壽司但又實在唔太特別, 鰖魚壽司一件$38 無錯魚肉質係爽口但就此而已, 海膽軍艦$58 一碟兩件無甘味之餘亦無咩鮮味, 太座特別叫的特大帶子壽司也沒什麼貝肉類嘅鮮甜味, 比較印象好的反而是熟食類, 炸軟嗀蟹$58/隻,炸起即攞過來食好吃也理所當然吧, 每次都叫的千兩海鮮燉蛋也從未失手, 魚生沒有鮮味的原因係? ? 現在的這個售價無法買到比較好的貨? 唔通下次來要叫燒魚食?

一向都對千兩或者元氣哩兩個壽司連鎖店有好感，原因他們的水準的而且確比其他嘅壽司連鎖店為高，所以間唔中都會去光顧。講到菜式變化千兩比較多啲，當然價錢亦都會貴少少。今日就試吓尖沙咀海港城店！由於和元気一脈相承所以有部份的壽司和元氣基本上是一樣的例如辣味三文魚！這個一直以來我去到元氣都是必點的項目，那種帶有少少辣味加入三文魚及洋蔥，味道配合得天衣無縫其他壽司做得不錯譬如火炙三文魚和左口魚，左口魚燒得剛剛好入口即溶這裏的卷物是偏向精細輕巧的，所以它的賣相亦都較為細緻。今次仲叫了一個特別嘅汁煮油金魚鰭，一向食開日本壽司店的都知道這些油金魚也好三文魚也好，呢啲部位是比較容易缺貨的(沒辦法啦無論三文魚或油甘魚有幾巨型魚鰭這個部位都係得一個)。油金魚鳍，蘿蔔蘑菇和冬菇都炆得入味，可惜這裏冇白飯，如果唔係一齊食係最完美的配搭

想食d高質既壽司但又唔想食太貴，行開街見到千両就衝左入去。千両既款色選擇比較多，食材亦好新鮮，encore左兩轉既海膽都好甜。而拖羅亦都入口即溶。有時懶得book位，想食得casual d 就可以考慮下千両喇！

星期日同兩個朋友去海港城千両食飯，時間好早無乜人，店員第一時間俾卡位，正😁。因為未到正常晚飯時間，所以入座時場內都好似只得一、兩檯客。其實千両一向裝修都ok，坐位都係闊絡舒適嘅👍🏻。三個人叫左好多嘢，有男仔朋友在場，覺得叫乜都一定食得晒嘅！所以叫左好多唔同款嘅壽司！食材好新鮮，上菜又夠快，我自己最中意就係海膽壽司。今次除左點慣常都會點嘅壽司款式外，仲點左第一次試嘅炙燒極上鹿兒島和牛卷，賣相滿分，好靚！不過味道有d咸(我地三個都覺得)。另外仲有牛油清酒煮蜆，少少一鍋，酒味偏淡，但蜆肉算肥美，個湯都好好飲，我飲晒😂，其實我一個人都可以食晒一鍋😂！而牛油焗雜箘都係滿滿牛油香，份量適中，兩、三人分就剛剛好。仲有香草海鮮沙律，沙律菜新鮮，海鮮份量都唔少。最後仲試左個期間限定嘅原個海膽，完全無失望，非常鮮甜。雖然個海膽等左好耐，但係係值得嘅！

難得一次有人幫手睇仔，自己和老公外出用膳，由親友介紹去千兩試一下晚餐。晚餐沒有set的，都是散叫的，故叫了以下的菜式，味道都不俗的但沒有很大的驚喜餐廳環境舒適，服務也很好，都讚的啊！

難得一次有人幫手睇仔，自己和老公外出用膳，由親友介紹去千兩試一下晚餐。晚餐沒有set的，都是散叫，寫紙仔，但大多餐牌有圖文參考，點了壽司， 菌類，熟食類，味道都不俗的。但沒有很大驚喜，味道不差，但不是突出的好味，而比較深刻印象的是豆腐牛肉窩，啲牛好味，豆腐也很新鮮，可惜只有三塊牛，不太足夠和化算。記得價錢也不是便宜。個橙雪巴我很喜歡，有淡淡的香橙味，好清新。餐廳環境舒適，乾淨，服務生也很好，上菜也很快，都讚的啊！

千両分店越黎越多明明大家都係元氣 唔知點解我覺得好食d呢一日黎到harbour city 夜晚8點幾唔知食乜好唔想太heavy就黎左食壽司 感覺上light d😂😂個位有少少隱蔽 唔知係咪夜得濟定係冇乜人知呢間分店竟然冇乜人 2個人可以坐4人卡位✌🏻貫徹佢地作風 係有迴轉壽司係中間ge8點幾我真係好肚餓 一開始就畫左少少壽司黎食先日本特大帶子（$22/one)🙂每次必叫item 好好食 好厚肉又新鮮 值得一食野菜鰻魚卷（$28）🙂又係我每次必叫系列 大大卷ge鰻魚加上脆卜卜ge魚子 味道一流特選壽司拼盤（10件） （$165）🙂全部都好好食 值得一食牛肉豆腐鍋（$88）😐還可以 冇特別 可以唔洗叫炸拼（$48）🙂值得一食

今日約咗朋友去海港城度行街，咁就順便係入面度食埋飯，行左一行咁我哋就決定去千両食壽司。呢個係活帶子壽司，一份有兩件嘅，果然係一分錢一分貨，好新鮮，味道好鮮甜。呢個係和牛壽司，牛肉焼得好嫩，牛肉味好重呢個係炸蝦卷，炸得好脆，好香。呢個係燒雞扒，係味噌醬汁，好香，不過有啲燒得唔係好熟呢度嘅食物整體唔錯，不過我哋本身仲叫埋三文魚腩刺身，但係等咗好耐都未到，就問下佢，點知佢話冇貨，幫我地取消，但係等左幾分鐘，就有份三文魚腩刺身送來真係唔知邊句係真，邊句係假囉

週日晚上8時許, 客人坐滿8成, 這天坐廻轉枱, 牛旁醬油漬8條$28,漬製度同咬口都剛剛好,入味的咸甜酸都剛好協調,山葵三文魚$22,三文魚切成粒狀,看起來比一件過多一點,只是輕輕的山葵味道 ,山葵左囗魚裙邊$38左囗魚裙邊同樣處理, 口感爽身一點,酱燒鰻魚$38醬汁是放旁邊,想法是貼心的,鰻魚片夠厚度日式炸荳腐$28, 這是傳統到不行的一個佐酒小吃, 以前到居酒屋例必叫的小吃, 現在已經好少去居酒屋, 沒見很久的舊朋友, 這裡的醬油做得淡口一點, 同時沒有同舊朋友戴上一頂白帽(蘿蔔茸) 所以少了那份涼涼的自然甜味! 炸小香鱼鮎伴南蠻醬$48,通常這種小魚炸出來味道都相似, 炸乾身後魚味更濃,沾少少辣的醬汁提升一下食慾,  鰻魚天婦羅卷$58,稍稍貴的價位,相對裝飾上也用上了飛魚籽, 砌成品字型再唧上mayo 格仔,看起來貴格一點吧!火炙三文魚$22火炙色較淺, 反而呢個火炙魚片上放上了一頂小白帽(蘿蔔茸)厚燒玉子$14, 特大赤海蝦$28/件蝦肉新鮮夠黐口海鮮燉蛋$30很一般吧

平時去開元氣,今日就試一試高級版環境都算舒適,燈光比較沉三文魚&炙燒三文魚壽司同特大帶子,三文魚無特別,不過帶子好鮮甜而且大大粒,最後重有encore多一客牛油果松葉蟹手卷,蟹唔大件,牛油果味濃,都可以一試甜蛋整得好好食,重係厚燒,甜甜地有蛋既味道,都係encore之選最後重叫左一份燒蝦卷同炸軟殼蟹,全餐最好味既就係炸軟殼蟹,肉非常厚,而且唔會太油,有足足兩大隻切開四件總結黎講係高級版元氣,環境同服務差唔多但食物質素明顯高一級,但價錢又唔算特別貴

I really like the weekday set lunch here in that 1. they are good quality with reasonable price, 2. I can easily get a seat at lunch time, 3. The place is clean and tidy and in order. The only thing I do not like is that the bar seat are way too narrow. People need to be very slim to fit into the seats. People can never be relaxed while eating. Nevertheless both the sushi and the eel taste good and fresh.

A nice sushi dinner with my family! We requested to be seated at the bar table, so the rotation sushi is right in front of us. We picked few from the rotation sushi and ordered some from the menu. The hand roll (uni, salmon roe and chopped tuna) is highly recommended!!

做完運動輕輕鬆鬆過嚟食個 early dinner 並享用一年一度生日會員優惠，開心💞海港城店人潮較少又就腳所以一早選定👆🏽六時半左右到達被安排坐二人卡位😍首輪是每次必點的：三文魚腩壽司 - 多油😍油金魚壽司 - 有質感日本特大帶子壽司 - 肉很厚、很鮮味軟殼蟹手卷 - 大大件、料多、這次略嫌多油，但仍然十分美味，即時 encore😋😋😋另外點了以下幾款試試：厚燒甜蛋 - 甜甜哋、一層層幾好食腐皮壽司 - 又係甜甜哋，基本嘢，唔錯啦左口魚裙邊壽司 - 個人幾喜歡因味道特別野菜鰻魚卷 - 芝麻好香但唔太食得出鰻魚甜蝦蟹膏壽司 - 蟹膏好鮮味、甜蝦亦爽炸蝦卷 - 脆脆的配合壽司飯幾正魔鬼魚魚翅 - 似雞泡魚亁，烤香，淋淋甜甜白雪魚鮫西京燒 - 味道與銀雪魚差不多，魚肉更實淨，魚鮫部位果然好滑😋😋😋菠蘿雪葩 - 賣相靚，味道可以。食個feel多啲。完美的一餐，明年再會！