影片
营业时间
今日营业
11:00 - 22:00
星期一至日
11:00 - 22:00
*最后落单时间: 21:30
以上资料只供参考，请与餐厅确认详情
说到Comfort Food中式粉面必定是首选！小时候车婆婆最喜欢带我去吃粉面，还记得第一次吃生鱼片就是在粉面店品尝，炆得入味的牛腩及牛筋还有生滚粥，通通也是我童年美好回忆的味道。这夜车爸爸带了我去太子的十大碗粥面专家！于太子地铁站行几分钟便到达好方便，店舖内里不大座位也比较亲密，不过吃粉面需时不多快手食完便走人，我俩也没多要求只要干净企理便可。甫坐下竟然看见有腌酸萝卜而且任吃真的太幸福了吧！萝卜口感爽脆酸甜恰好真的非常可口。先来个小食炸蚬蚧鲮鱼球$24/2粒！热辣辣炸起送来香喷喷的好诱人，鲮鱼球炸得香口质感也很Q弹，内里的鱼肉没有带上一丝腥气好新鲜，配上咸香的蚬芥酱一起品尝更为惹味。招牌炸両$35肠粉皮非常透薄好滑溜！内里的油条香脆不油腻绝非隔夜货，配搭豉油甜酱及麻酱来吃滋味无穷。车爸爸喜欢吃猪手所以点来这碗南乳猪手米粉$43！两大件猪手炆得皮爽肉腍恰到好处很有咬口，幽幽的南乳为猪手带来独特的香气，米粉口感好爽滑加上大地鱼汤底成件事都好相夹。不过我俩更喜欢这碗姜葱猪膶河粉$40！滑嘟嘟的河粉质感非常幼细，厚切猪润熟度刚刚好入口粉腍味道甘香，虽然非常邪恶但实在美味超赞的。这类型的中式粉面店随街也能见到！但真正用心炮制有质素的出品实在是少数，希望这间十大碗粥面专家也能保持著这用心的味道。
继续阅读
我要冻柠茶少甜少冰，我没有用饮筒，饮了一口，发觉是走甜不是少甜，更兼完全没有柠檬，纯是一杯无糖冰茶，叫亚姐收回更换，与此同时，远处有另一枱也诉说柠檬茶错味，也要亚姐收回，亚姐大大声骂入面水吧佬全弄错了，水吧佬骂回亚姐是她落单落错，结果粗口横飞互骂后证实是亚姐落错，这时食欲及心情，已被这些粗口互骂弄得很差，接著最离谱的是，亚姐重新拿给我的冻柠茶，竟然是插著饮筒，兼纸饮筒上有牙印，明显是远处那枱饮过要她收回的，我叫亚姐来看，说她怎么可以这样恶心！她也立即承认并拿走杯茶，最后我只敢要罐可乐
继续阅读
舖头很细，大约只有十几张枱，餐厅门口对面是垃圾收集站。17/4/25 （四）晚假期前夕，入座时候只有一半枱有人，不是第一次食，之前都系食虾子云吞面, 未试过叫双拼，我今次叫左虾子云吞面加猪膶（加多$10）共$50碗，第一次双拼加猪膶试下。上枱一望，有啲比之前缩水感觉，原来感觉冇错，云吞面正常只有四粒，但冇理地被减少一粒云吞（只有三粒），而加$10猪润就有3块。饮一啖汤，哗..淡咗好多，味道差咗好多…奇怪，睇真啲原来碗面冇咗虾子，于是问职员，职员用不友善语气，大声话：「你双拼吖嘛，双拼系冇㗎！」职员系一路讲嘢一路走咗去嘅！哗！乜嘢道理！？ 加$10 买3块猪润就变成冇左虾子又冇左一粒云吞？！！仲未够，先生食云吞捞爽面，佢啲食物嚟先，佢又食得快，但其实都未食完，食剩一两啖面，1/4碟油菜，而我汤面比他迟嚟，食剩1/3左右，突然有个职员刻意伸手入在我们之间，去张枱最入面嘅调味品位收走我哋枱个樽腌萝卜，正常收走都系refill嘅，而𠮶樽腌萝卜印象都仲有超过一半，但我哋都冇特别留意，但之前只系夹咗一次，收走之后又真系想食多几粒萝卜，于是睇吓佢refill完未，吓！原来佢净系特登收走我哋呢枱嘅萝卜，而其他枱完全冇收走，你咁样我就一定要问清楚，点知一问佢竟然大声话我地：「出面有人等紧位，你哋两个人坐一张卡位，一系褪两个位出嚟！我即刻回应：「有2张卡位都只有一个人坐（佢地也冇被人话），门口张枱又冇人（门口枱望住垃圾收集站，之前有几个人一坐低望到对面都即刻离开），然后指一指我碗面（其实剩1/4都冇，一碗面有几「大」碗，大家心照），仲有几多啖？我都就嚟食完啦！」 职员又系一路讲嘢，一路走咗去。超级劲嬲！帮衬佢哋真系自己不对！职员行开后，一望张单，更加极度极度嬲，原来落左单只有19分钟！仲未减去佢上菜时间，真系要讲粗口，即刻食埋个啖就走，埋单时先刚刚够20分钟（时间刚好晚上7pm），又系赶我走𠮶个职员负责收钱，似乎系舖头负责人，我同佢话：「你睇吓我张单几点落单先嚟赶我走啦，20分钟咋！真系逼人北上消费，够胆你哋就响门口贴住「用餐时间只限20分钟内」」，职员仍然理直气壮态度回应：「我都唔系咁嘅意思」但语气绝对没有歉意/检讨感觉！感觉好似你咪唔好帮衬啰咁!食完我同先生都完全唔饱，什至好似冇食过嘢咁，除咗心情问题, 明显食物份量细咗，啲面少咗好多！伏，我中了，又系迫人唔好再帮衬！
继续阅读
食物比之前差左好多，今次叫了猪手面，云吞河、鱼球粥、虾米肠、水饺、三人食，问待应攞碗仔share，我们用纸巾垫住猪手嘅骨，跟住女侍应行埋嚟说唔好咁样摆！我哋好难执㗎！好污糟㗎！跟住叫我哋将骨头放入碗仔里，我觉得件事很污糟，好呕心啰！点会将骨头放食物嘅碗呢？ 食店应该供骨碟啰！
继续阅读
之前食过旺角近麦花臣𠮶间，服务几好云吞面都好食第一次试太子𠮶间，所有嘢都畀旺角分店差十一点几去到，叫我坐单边，但我见有两张卡位，每张枱有一个人坐紧，点解净系叫我坐单边？之后我问可唔可以坐卡位，佢就安排我坐有一个人坐紧嘅卡位对面，佢啲嘢都未到，即系大家差唔多时间入座啦叫咗个云吞鱼蛋双拼+8蚊，估唔到得六粒😑，三粒云吞三粒鱼蛋，云吞面畀旺角分店少咗份量，汤底就正常仲有呢，啲虾籽去咗边😡？？？以为沉咗底啦，食嚟食去乜都冇，咁做生意㗎咩😡，生客就唔比？味道正常，之前食过呢间嘢都知云吞面份量唔多，但宜家仲少三大啖食完😐，应该两碗先够饱，冇虾籽唔老实😑，短期内应该唔会再回头，太子旺角大把抵食过佢嘅云吞面舖头
继续阅读