十八座狗仔粉

营业中

休息中

痴鬼線，5粒魚皮餃外賣，都要俾1元小紙杯費 ，其實佢一串俾我都Ok啦。我又冇叫佢幫我入紙杯。 此家店原本已經偏貴， 外賣碗已經比堂食碗偏細 ， 2019新年後，又又再加價。（一碗狗仔粉完全不飽肚），去雄記牛展米線39元仲飽肚。 但其實, 重點係所有食野都係偏咸，我老公一早把碗仔翅列黑名單， 沒有鮮味，只有咸咸咸， 那5粒魚皮餃都係預先煮定好唔知幾耐， 有單才翻熱1分鐘。 而且魚皮餃唔係四海牌， 質素也一般， 早知我自己去超市買番屋企煮好過。

店子雖小， 但最緊要是食物狗仔粉香濃彈牙， 必定叫多蔥， 豬油渣很香， 必定要加檯面上任加的菜甫， 菜甫是百搭的， 搭任何食物都完美添美味， 菜甫有辣和不辣兩種， 辣的一種是超級超級辣，但野味無比， 愛吃辣的必試

呢排當想食碗仔翅都會特意走去十八座狗仔粉。狗仔粉還未吃過，反而火鴨腿碗仔翅就每次必食。在未試過十八座之前，對碗仔翅的印像是熬煮了雞絲、豬肉絲、雲耳絲、粉絲的湯羮，用粉好些會用素翅。但十八座的火鴨翅是真材實料到滿碗都是用火鴨的肉翅填滿的，簡真成了肉羹了。相信它是直接把鴨子放在𡙡裏慢火煮爛的。只要吃過十八座的火鴨翅，真是會對街上的碗仔翅不屑一顧呀。十分要緊的是，吃十八座的火鴨翅，記住要同加配豬油渣。甘香酥脆的豬油渣使火鴨翅加添一份鹹香，浸在翅𡙡裏真是別有一番風味。

朋友成日講話細細個以前食狗仔粉，其實我細個係未食過嘅但耐唔時我都會跟去食下好彩荃灣呢間都唔需要點樣等位有好多明星合照過亦都有雜誌介紹坐低冇耐都見到啲大陸遊客揸住部電話上網話要食乜，該上網都係有啲介紹～連遊客都嚟食都出名啦～狗仔粉一條一條細細條容易食，除咗蔥之外落埋啲辣菜脯，撈埋一齊更野味果唔落菜脯就會比較淡，建議都係落菜脯，食得辣嘅就落啦，（佢亦都有唔辣嘅可以落），調吓味會比較好食金絲火鴨魚肉湯，魚肉好彈牙爽口份量都多食一碗都會飽哂～好味～

招牌火鴨翅·魚蓉燒賣.好耐無食過十八座啦🥳不過今次係下午茶所以無食狗仔粉咁heavy！火鴨翅好足料，有齊火鴨肉絲、木耳絲同冬菇🍄，煲到好濃好入味，比較稠身，仲可以另外落榨菜粒同辣，自己調較味道😌.至於燒賣就唔建議試啦，太過林身，又無味，差過晒街邊檔啲燒賣！😳😰就算佢面頭加左豉油同䓤粒都補救唔到😪同一個價錢食魚蛋好過，印象中係彈牙實身，辣味夠香又入味～

碗仔翅係一個令我掀起好多成長回憶嘅食物，由細細個家窮到家中環境轉好，腦𥚃都記得有佢嘅陪伴。無論去到邊個地方都會係我不斷地尋找嘅街坊食物，遠勝山珍海味，因為裡面藏有太多高低起落嘅回憶。今日來到荃灣十八座狗仔粉，梗係要揀最愛嘅碗仔翅，不過係「火鴨翅」。餐牌有三種選擇，除左有淨翅，最特別嘅地方係可以選擇配加鴨上脾或下脾。佢地嘅肉絲係用火鴨肉絲做材料，所以湯底帶有火鴨油嘅香味，鴨肉絲同木耳絲都好有份量。縱使同傳統碗仔翅嘅味道有所分別，味道都非常出色，有咬口又有質素，非常足料👍🏻不過今日我就無加鴨脾，因為想留多點位置試其他食物；下次再找機會試試。食完碗仔翅，又再叫咗份魚蛋。魚蛋爽口，個汁夠濃又香辣😚最後來一份大雜燴，內有大腸，五香豬肚🐷，豬皮蘿白。全部都醃製得非常入味，而且好淋。大腸夠肥美😋仲配有秘製「千味醬」，味道更精彩👏🏻👏🏻大家不妨試下😊

10:30am喺荃灣，想食湯麵米線之類，間間野都未開，見到十八座狗仔粉，即管試下啦！平時成日見到間野，但一次都未食過。一入去，見到成間店貼滿啲明星相，係咪咁勁呀？點野食，開頭以為係類似車仔麵形式，原來唔係，係一碗粉有啲配料喺入面，細碗22$，大碗$29，我叫左碗細嘅再額外叫咖哩魚蛋。本人好辣，加左辣菜甫，再試一啖粉先，嘩，辣菜甫好香辣入味，配料有冬菇油渣蔥花，同個湯粉好配合！再試下個咖哩魚蛋，魚蛋用左陳皮魚蛋，汁辣偏甜辣，非常可口，有驚喜！呢餐我俾7/10，還會再來

天氣一凍就好想食d熱辣辣、暖粒粒嘅野暖下胃。見到街邊賣燒賣嘅檔口出晒煙咁，個人不自覺就走左埋去🤭。但咁凍企係街邊食，d風吹埋黎都咪話唔難頂🥶。///咁啱見到十八座狗仔粉，有得坐低食，就入左去。但入到去就發現中晒伏😖。1. 每人最低消費$20。2. 叫左個燒賣。燒賣真係好難整得難食，要好高技巧先做到，但佢真係做到😓。燒賣淋到嘔🤮，點解可以咁難食。3. 佢落左辣汁同鼓油，講真味道係正常，但淋到咁，真係食唔落。4. 見佢面口痴左咁多同明星嘅合照，分店又開到成行成巿，但質素就⋯不如做好d食物質素先啦，唔係只會整衰自己個招牌🤦🏻‍♂。

每次經過路德圍,都人山人海,而我每次經過這家狗仔粉,我都沒有進去過,唯獨今晚真的不知道想要吃什麼,就來試一次好了店裡面的人不多,而來這裡的人都只為了有名的狗仔粉,而這次我和男朋友每人叫了一碗,他大我小,狗仔粉本身沒有什麼味道,然後我加了辣菜圃,真的辣到胃都要噴火了,愈吃愈辣,但菜圃真的是好吃不過重點的是狗仔粉,質感太差了,裡面有極少的冬菇和蝦米香，炸過豬油渣等等,明顯是煮太久了,好爛,而一入口就軟綿綿,我個人就不太喜歡了...

好奈無食，外賣一碗拿走，食左半碗除左粉就無任何料，以前都見有幾粒冬茹同蝦米同豬類物體以家就真係俾狗食既粉，愈做愈衰，有無食過石離粉仔呀？又咸，一埋味精，三十蚊連粒蝦米都無，洗唔洗甘呀賺到盡老闆你，永不回頭。

成日都聽人講狗仔粉，個名好得意好特別，但是不知道味道如何，今晚終於有機會一試了。我跟老婆去了荃灣的那間分店，店內設有外賣部份及堂食部份。我們進內堂食。我們叫了2個細的狗仔粉，一個牛的拼盤，肉丸拼盘。味道方面，狗仔粉都真係幾夠味，甚至可以講得上好濃味，愛濃味的朋友就最合適。狗仔份面不爽不淋，粗幼有如平日食的烏冬。至於其他兩款食物，味道也是很濃及辣，如果無叫飲品都會食得幾辛苦。但小食來講，都真的幾不錯的。

燒賣($12)狗仔粉細碗($29)或者係我見識少未見過狗仔粉呢樣嘢，於是一試。就咁食落其實冇乜特別，有啲似剪碎左嘅烏冬，不過佢嘅湯底都幾濃郁下，有蒜同蒽再加秘製配方。而燒賣就好大好有咬口，正！

係荃灣睇完醫生之後，餓餓地諗唔到食乜，就會走去食街（路德圍）搵野食。自己一個通常唔想食咁貴，隨便搵間野食得飽，唔太差既餐廳食就可以，最後揀左呢間「十八座狗仔粉」。我去個時係平日12點左右，一入到去時仲有好多位，無過幾耐，學生同埋上班族放飯，成間舖滿座，好彩早左少少去到啫。細狗仔粉（$22)以家有好多地方都無粉仔食，就算有，好多都唔好食，但呢間味道比我想像中好，似我細細個食開屯門有間好出名既粉仔，係童年既味道呀。食粉仔最鍾意落埋菜甫食，愈多愈好食。如果喜歡嚐辣既，可以加佢地既辣菜甫，但都幾辣下。燒賣（$12/7粒）粉仔份量唔算多，怕唔夠飽可以叫多個小食。呢度燒賣蒸得夠淋，有麻油香，而且都算抵食。呢餐平平地只係食左$34啫，質素唔差，比想像中好，如果好似我咁自己一丁友唔想食咁貴，呢間都係唔錯既選擇。

經過十八座狗仔粉，門口貼了很多老闆跟明星的合照，反正吃不下正餐，就吃些小食吧。每人最低消費是$20。•1️⃣ 魚蓉燒賣 $12/8粒👎🏼 店員替我們加了鼓油、麻油、辣油（帶一點點辣)，整體味道是不錯的，但燒賣煮得太稀爛（太淋）了，質感很差🤢。•2️⃣ 大雜燴（細）（大腸、豬肚、豬皮、蘿蔔）$28-✔️醬汁甜甜的，很醒胃（開胃）。-大腸：軟硬適中，不過中間的肥膏沒有清理好。🙁-豬肚：軟硬適中。-豬皮：爽口。-蘿蔔：煮得軟軟的，不過不夠入味。•回頭指數：5/10（如果有其他選擇是不會選它🤦🏻‍♀️）

今日同朋友黎荃灣，聽聞荃灣路德圍有好多好野食，所以我同朋友就去個處醫肚。去到附近果然好多美食，但朋友話想試十八座狗仔粉，咁岩我又未食過，所以就一齊試下。唔講原來唔知呢間野原來已經有好多分店。一到去坐，想點野食之際，就見到「每位最低消費二十蚊」，但其實每人叫碗狗仔粉就夠。我同朋友就唔係太餓，同埋想留肚食其他野，所以就叫左碗狗仔粉同燒賣魚皮餃唔洗多介紹，最出名的狗仔粉，配上辣菜脯。味道我覺得一般，唔會令我有想試一次既衝動。燒賣最有驚喜既魚皮餃，配上佢地自家既辣醬，我覺得好好味！！！！強烈推薦