十八座狗仔粉

营业中

休息中

第一站明記麵食吞左碗大腸豬紅蘿蔔幼麵，份量太少只得半飽，行去搭巴士有緣路過十八座，記得坊間傳聞狗仔粉食得下，好評如潮，擇日不如撞日就試試啦，仲要幸運地有一個位係舖最入既面呢。又會全場美女既？得我一條仔。似乎狗仔粉特別受女仕歡迎，莫非有養顏美肌功效，走既時候先有個阿叔幫襯乍。舖位好細程長方形，兩邊全部臉壁位，約有十二個位左右，兩邊坐滿食客，我要側身及腳尖屹高先免強過得到呢。全場職員操不流利廣東話，用廣通話語言。其實依十年黎大多食肆都有同一情況，係咪包左全香港黎做呀啫？細翅滾火鴨下髀，都講左好多次係髀，唔係脾呀，骨字邊呀！原來有得揀上髀下髀、大碗細碗喎，首次到訪完全唔識 order 呢。火鴨髀外暖內凍，純鴨肉味道，鴨皮略有燒過微香微爽。碗仔翅帶燒鴨味道，微暖味道麻麻。細狗仔粉走蔥，我成日以為係銀針粉囉。狗仔粉？此名何來呢？只不過係勁腍勁粉溶溶地既油渣麵切到好短之麻，有咩咁好食呢？微暖又唔熱，我真係唔識欣賞，銀針粉湯底味道跟狗仔粉味道差不多，有過之而無不及。湯底略厭寡寡地，好采有咸菜甫辣菜甫吊吊味。勁辣菜甫？小辣乍喎，大圍金城茶餐廳辣十倍啦！黑色星期日等左 40 分鐘的士到屋企接我，浪費三舊

D人話佢係米芝蓮食肆, 掃緊街GE我地就比佢吸左入去啦... 好似都幾多人食...諗住冇死....嗌左1碗試下...再加串魚皮鮫...好彩嗌得一碗咋... 我地都覺得好難食....D粉好淋BADBAD...食左2,3啖已經提唔起勁食落去.... 個湯係幾濃幾重味,,,不過可能因為有好多蝦米,,,我覺得好腥...可能唔ARM我口味..個人覺得呢碗野都幾反胃,,, 全靠佢起台上任加GE菜甫, 我地最終都食哂呢碗野落肚...不過魚皮鮫又幾好食喎, 佢加左個秘製醬汁, 叫千味醬...有冇一千隻味我就食唔出...又過個味道就真係唔錯GE!!!

這間店很出名，已經好想來試好耐，咁啱嗰日路過，相請就不如偶遇，一於入去試下。見到牆上貼着明星照，心想此時如果可以碰上就好.魚蛋和碗仔翅可算是香港街頭美食的代表，於是點了這2樣。這裡的翅有點不同，是火鴨翅。份量用料頗足，湯也適中，不會太結; 但是味道略為鹹了些，味道重了點。魚蛋很大粒，很彈牙很爽，加埋汁，很回味。

呢間座位得幾個 好逼 座得都好唔舒服 不過因為好想食 都冇計我叫左大既狗仔粉 佢既湯好香豬油炸味 好多好香既菜圃同蔥花 食得辣仲可以另外加辣菜圃 佢既菜圃好特別 好脆 好香 入面都好多豬油炸 冬菇 超多料 佢既麵好入味 好彈牙 夠粗 仲要剪到細細條 容易食 每一淡都食到湯同配料 同埋佢既份量好足 好正

新年當然要去掃街食一食啲街邊小食，而咁岩經過十八座狗仔粉，早前成日排哂長龍但今日去到無咩人，結果就入咗去試一試。十八座狗仔粉：上枱時非常熱辣辣，而飲得出佢湯底非常鮮味，而當中仲有好多湯料例如蝦米、冬菇、等等，而佢個狗仔粉類似整短咗嘅烏冬無咩味，而我覺得淋咗少少，如果硬身啲會比較好食啲，但加埋佢個炸菜真係超好味，味道特別而且非常香口，攪到最後我加咗勁多落狗仔粉一齊食，而下次再嚟可以再試佢其他嘢。

跟好友相約晚飯前逛逛花墟、逛逛年宵，逛完moko正準備往年宵出發之際，跟友人不約而同地有點肚餓，一於先醫醫肚再起行吧！友人提議到附近的十八座狗仔粉，雖然狗仔粉並不存在於我的回憶裡，但聞說是非常地道傳統的平民食物，獲米之蓮推介，當然一試無妨。十八座狗仔粉的黃色招牌十分搶眼，星期日的三時多，等了約十五分鐘，終於有位了。 食物有狗仔粉、火鴨脾、碗仔所翅、魚肉湯、大雜燴、辣魚蛋等等。兩人的下午茶不能吃太多，一於嚐嚐狗仔粉及魚肉火鴨翅。 馳名狗仔粉（大）- 湯底偏杰，帶點糊狀的質感。狗仔粉有點像切開了的烏冬，但質地較加爽身及粉質。配料方面有冬菇、菜甫、蔥花。菜甫簡直是狗仔粉的靈魂，可自行加入原味或辣味，使粉仔的味道更加豐富，更加醒胃。（注意辣菜甫辣度十足，不能吃辣的朋友要注意份量） 魚肉火鴨翅 - 碗仔翅非常足料，有很多木耳絲、冬菇絲、火鴨絲，毫不吝嗇！味道亦很地道，質地不會太杰或太黏。魚肉則爽口，煮得入味。

世界各地每個地方都有屬於自己的地道文化，去旅行時我也愛尋找當地小店的傳統味道。香港雖然是個美食之都，世界各地的菜式都有，不過作為土生土長的香港人，實在是有必要撐港式小吃。星期日下午走到旺角，看到擠到水泄不通的通菜街，路上都迫滿本地小吃的粉絲和遊客。吃飽午飯的我，也想追隨大伙兒的步伐，在這裡「分一杯羹」。 遠遠望到那簡潔清晰的大招牌，不忘跟身邊朋友介紹此乃2016米芝蓮推介的食店。在推介推出以前，早己在深水埗分店初嘗狗仔粉的滋味，今天朋友慾慾一試，事隔半年我再一次與狗仔粉遇上了。 港式小吃店地方淺窄，只有一張靠牆的長吧檯，人與人之間迫得親密。店內可以坐十餘人，跟深水埗店差不多，小店就是靠其味道和口碑在鬧市穩住陣腳。 難得朋友初次尋味，必介紹招牌狗仔粉，再來一碗看起來吸引的火鴨魚肉翅。 這店隨了售賣充滿爸媽年代回憶的狗仔粉味道，出名的還有自家製菜脯，有辣有唔辣，入口乾身爽脆，任君選擇，自由加放。 馳名狗仔粉 （大）$27狗仔粉煮至腍身，每條長度適中，方便入口，更有冬菇粒，梅菜粒等配料一齊烹調，味道帶有獨特的咸鮮。狗仔粉的湯底不會太咸，而且吸收了所有配料的精華味道，可

聖誕新年日子貼近，所以今年12月都修兩次甲，今日因為約得太晏，所以可以慢慢坐低食晚餐再上去早排去金魚街買蝦嘅時候，見到呢間十八座狗仔粉，已經問大少，咩係狗仔粉，係唔係好似屯門置樂嗰啲粉仔，佢話應係，不過嗰次就無食到，所以我今次點都要試吓 食粉仔一定唔少得菜甫，有辣有唔辣，唔辣嘅一個有好香嘅鹹鮮味，而辣嗰個，辣得好過癮，睇佢貼出嚟啲訪問，見老闆話係自己炒嘅，所以當然要試真啲喇 十八座狗仔粉 - 其實我個人覺得都係同置樂粉仔差唔多，不過個菜甫的確呢間好味好多，湯底亦都味道濃過置樂間粉仔，蝦米亦唔會話食到殻或者沙，細碗真係好啱啱好 香辣魚旦 - 呢個魚旦堅辣，但係辣得嚟個汁又好鬼正，當然，你唔好預佢個魚旦質地有幾特別，呢啲……都係食汁嘅者 鮮味魚皮餃 - 呢個之前已經食過一次，覺得佢個汁甜甜地好得意，有好多蒜頭，好香，當然食嗰時得係撩走晒啲蒜頭先食，佢呢個再加頭先辣魚旦個汁會再好味啲，兩款汁mix埋重正

聞前出了個米芝蓮推介食店，我們一向都喜歡支持小店和地道菜。是日來到了旺角東，下午茶口痕想要吃點東西又不想吃太飽，便想起試試這米芝蓮狗仔粉。米之蓮推介 十八座狗仔粉😄 (細粉$20 大粉$27)狗仔粉一端上還怕沒有料而顯得寡，一呷湯頭非常濃味，原來是用了冬菇🍄、蝦米、豬骨🐖、豬油渣🐽等熬湯底，用匙攪拌起來是頗稠密，也能吃到不少湯頭料。加上放面的爽脆菜甫和新鮮蔥花，為整碗湯粉增添香味。🍲客家狗仔粉自己做，每一條一樣粗幼，有尾指般長，吃下去滑滑的qq的，比鞋口的銀針粉好吃得多。有分上脾和下脾，上脾便宜一點卻也不小隻。脾肉嫩，皮拖過油，吃下去不算肥膩。翅有木耳和菇絲，只吃到少許已經覺得很夠味很足料。但脾浸翅只有沾到少許翅，要吃脾又想吃翅的話便要分開叫兩款了。雖知佐敦才是總店，旺角這個店位置也有點衛生不太好的感覺，但我想吃的都實在很不錯，有機會想去總店試試有沒分別。

今晚吾知食咩好，2個呆呆諗，最後決定去左食十八座狗仔粉，今日大約9點多到都滿晒人，企左大約10分鐘就入去，坐就超迫，背貼背食，所以只可食左大約大半小時就離開。結帳：＄99都抵食的！～但個人感覺上好似佐敦好味一點。但以幾間分店黎講，味道控制度都不錯。香辣魚蛋＄10：份量都多，仲有蔥添，好驚喜！～辣度都夠有回味，但魚蛋偏淋，如果有彈口就更好。炸4款丸和下脾＄13，＄22：炸丸其實就普通，點知黎到覺得吾太油同脆，味道吾錯！墨魚丸就最好味道，有好多墨魚丸肉在內。上脾實在太好賣了，只有下脾選擇，平8蚊但肉偏少但幸好都好香同鴨肉嫩仲有2口碗仔翅添。狗仔粉＄27：有辣同吾辣菜浦選擇，食得辣的我們當然加辣，份量都多，但油渣偏少，湯汁好濃同香口。令我諗起舊時細個食的粉仔，但狗仔粉就偏少配料同冇粉仔咁香，比較少蝦米乾。之後原來可以加油渣，可以下次去試下！！火鴨碗仔翅＄27：今次比較杰身，有少少類似粉絲超入味，好多火鴨和木耳係入面。勁濃味而吾咸，食完都飽左一半，堅必食之選。

2個人坐低揀完食物，諗住叫人落單舉手加埋叫唔該都冇人應，d樓面明明睇到既，但係個個好似唔想做咁又唔應又慢慢行，好啦第三個樓面應機喇，叫佢執左之前d客人既碗，佢就真係執左d碗，成張枱都係咖喱汁都唔抺，落單叫2個魚肉翅，一個黑白炸丸同一個細雜走千島汁要咖喱魚旦d汁因為我覺得千島汁既味唔係咁鐘意食，跟住黎左個淨魚肉，同佢講我係叫魚肉翅，佢話不如幫你加個淨翅,但係我心諗(唔係幫我喺個魚肉到倒左d湯加鴨翅?)不過見佢話唔好意思同有禮貌就算，跟住同佢講好啦，不過想取消個細雜驚食唔哂，食完之後好似唔夠飽就諗住叫返個大雜走千島汁都係轉咖喱魚旦汁，跟住個講野唔正操大陸口音個啊姐勁串咁話冇其他汁得千島汁同鼓油，我話我不嬲都係咁轉依個汁，我頭先得依個點解唔得？佢都係勁串咁話係得依個汁冇其他，咁我話唔要喇，跟住就係咁啤住我，個啊姐d工作態度咁樣d野再好食都唔會再返黎食啦！！

狗仔粉最近拎左米芝連，但係今次冇食狗仔粉，而係揀左火鴨翅。外賣只有一個size，一律賣$28，雖然唔係好平，但食落真係好足料，湯底好濃好有鴨味，有少少辣辣地，好惹味開胃。入面啲木耳好爽口，而米粉就好煙ＵＮ好有咬口，里面仲有鴨絲但一啲都唔Un。

不清楚狗仔粉這個名的來源! 只記得多年前在屯門食過一次2個麻甩女! 行到金魚街 睇完狗仔既野 就去試! (隔離的麻甩女推薦)狗仔粉有大有細 心多的麻甩女T 因為想食埋火鴨翅 所以叫左細碗最後她飽得叫救命 只好放棄那夢寐以求的火鴨翅麻甩女Y (我) 就叫左大碗大碗其實真係幾大碗 假如你是男士/吃貨/大食如我 先好叫大碗!因為碗粉好傑 質感就似羹一樣 再加上粉條 冬菇絲 蝦米 菜圃 油渣!飽到上心口 飲埋罐可樂! 大滿足!油渣份量再多些就更完美啦 PS 辣菜圃是勁辣的 小心女人看到食物總是心多的 所以這碟雜燴便成炮灰了!大概只吃得下數塊記得吃了豬腸&豬肚 已經投降了! 太飽了吧味道是不錯 那個醬 似甜醬又似魚旦的那個醬!媽啊! 好混亂呢...可以一試 但請配合細碗 - 浪費食物真不該! 內疚中PS 舖面是又窄又長的 建議坐最入面 就不用常常要讓人行過啦心動中.. 很想要吧! 一定會再回去!就這樣啦, X.Yanez

本'身好鍾意食街邊小食, 見太子開左十六座狗仔粉緊係要試下啦!狗仔粉冬姑+ 蔥+ 炸菜+ 切到好短的粉 = 狗仔粉雖然全部的材料都係平價的, 但係配搭起來就的惹味! 加上D粉切到好短, 用匙食就可以, 好方便! 湯底好味! 食量剛剛好!炸3色丸即叫即炸, 不過唔算太油, 好熱! 不過不失! 

夜媽媽放工緊係要食宵夜我同朋友兩個叫左一個大狗仔粉 大雜燴同黑白炸丸 但因為黑白炸丸太好食唔記得影相狗仔粉細細條 滑溜溜 配埋個辣菜甫一流大雜燴有豬腸 豬皮 蘿蔔蘿蔔好清甜 但唔夠林 豬皮爽口豬腸感覺洗得乾淨 無臭味上面個汁甜甜辣辣咁 係好惹味嘅另外個黑白炸丸係炸墨魚丸同牛丸加埋啲胡椒粉 又香又辣啱啱炸起雖然好熱氣 但忍唔住要即刻放入口