十八座狗仔粉

营业中

休息中

今晚要出佐敦，做好嘢之後行過見到呢間路邊食店，賣嘅係細個最鍾意食嘅街邊小食食店都好有街邊風味，摺枱硬木櫈，坐路邊！先企在路旁等阿姐安排座位，個阿姐又聾聾地，一定要面向佢講嘢先得，（我覺得佢係讀唇架！）坐低咗阿姐落單，食物種類多！之後上晒食物就會比低張數紙！之後攞數紙比錢！大雜（$32）：牛肚好硬！硬到好似膠咁，最後我只食到一舊，淨低晒，大腸彈牙，有厚有薄，蘿蔔無渣爽甜，豬皮唔爽口，最好味嘅係啲橙色醬，唔辣但好惹味，整體好一般！狗仔粉：（$20）好咸嘅湯，有菜甫蝦米！好濃但混濁！條條狗仔粉彈牙！但因為啲湯太咸，所以唔好味！牆上嘅介紹話辣菜甫好味到要偷，但因為啲湯太咸，已經唔想再加菜甫！風味嘅嘢，可能只能回味！以前一檔街邊檔食一種食物，呢間食店要做好咁多種類嘅食物，所以做得唔夠盡善盡美！

陪男友來吃狗仔粉，只見狗仔粉的賣相並不吸引，於是只有他吃，我則點了碗魚肉菜湯。別以為簡單的一碗魚肉菜湯很易整必然會好味，原來凡事真的總有例外！這碗魚肉菜湯我斗膽說是我吃過最難吃的一碗！首先，湯的味道很怪，有股難以入囗的蔥花味。其次，魚肉太大粒亦並不彈牙，一點也不像吃魚肉。結果越吃越想嘔，最後我只吃了菜，剩下來的一大碗魚肉湯要浪費了！

朋友話想搵返童年回憶, 講到咁, 點可以唔瞓身支持呀?!! (其實我都想搵好耐)去年開業, Food Bloggers們爭相Upload相片, 紅極一時, 想必定有其過人之處... (此思維可害你後悔一世)的確, 我沒有做好事前調查, 是自作自受... 來到店外, 有點錯愕!!! 店內1個座位都無?!! 要坐係後巷食?!! 對N年無掃街同踎大排檔的我來講, 絕對係極地挑戰, 希望明天不用探海獅醫生班...大粉 $26-- 一睇個粉樣已知唔係自己的童年回憶... 蝦米又少... 細個時食勁多冬菜, 不過呢度得勁辣菜脯, 真係超勁辣, 落幾粒已可辣死我... 味道真的不行... 害我冒極大胃炎風險食呢碗唔係我回憶中的粉, 想哭... 上肶 $22-- 又叫錯!!! 其實我地係要試招牌十八座火鴨翅, 神推鬼㧬, 唔知點解會叫咗鴨肶, 雖然個碗有幾滴火鴨翅跟埋來... 十八座火鴨髀大大隻, 啖啖肉, 如果食肉獸想填飽個肚都算唔錯嘅選擇... 鴨味是有的, 肉質偏腍, 不合我的心水... 魚蛋 $10 / 燒賣 $10-- 全餐最有睇頭係辣魚蛋, 醬汁香辣濃厚, 蠻滿意的... 燒賣亦是我喜歡

附近返工咁耐都試過,一個人ON居居放LUNCH就走左過來買原來狗仔粉有分大$27,細$20, 不過外賣就一定係$28本身諗住一碗加多個小食,不過28蚊再叫燒賣成38不如我去茶記好過冇話嫌棄坐戶外食野,不過我一個人比較喜歡自己外賣返公司食亞姐問要唔要辣同蔥,要返到公司打開,香噴噴,都仲好熱原來辣=辣菜圃本人對菜圃/冬菜呢類野有喜好D湯都幾濃幾杰,同埋D菇大大塊期間湯入面有隻超細蟹鉗,唔通係湯料? 食左幾啖,有D辣,咁我再撈撈佢先再食D菜圃超好味,個湯都幾甜,有輕微味精味啦,可接受,食完冇話超口乾D粉我就唔識講,短既上海面咁,路過可以一試,突登去就唔洗喇下次先試埋火鴨CHI

上星期去佐敦食晏 食澳牛食到厭 就行遠啲啲去食狗仔粉狗仔粉…之前係大圍小食已經食過 印象唔係太好但朋友迫使下 我唯有再新下啦哈哈自己食一碗細粉唔好俾個「細」字呃到 食完飽到上心口！因為狗仔粉好杰身 真係啖啖澱粉質啊…個人認為菜莆先至係主角比起狗仔粉 我都係鍾意食油渣麵多啲heeheee另外 我仲同朋友share一碗大雜薈豬腸唔係洗得太乾淨啊好大陣膻味…而且個「千味汁」 我覺得只要好鹹嘅甜醬 唔係我杯茶p.s. 食物唔啱口味都唔緊要但環境可唔可以企理少少巷仔成地垃圾 超多蚊同烏蠅 無encore！ 

堂食就食過幾次熱辣辣都幾好味今次冒險叫人外賣一碗回家車程都要約30分鐘所以真係冒住會變凍的險拜託朋友送我一碗幸好，還暖的而且外賣也相當足料頂有滿滿的菜甫+蔥湯中有很多的冬菇片不過可能放耐左湯底比堂食的杰左這可能就是外賣唯一的壞處

沿住條街搵“唯珍”食上海麵，先發現原來人氣狗仔粉响正對面。貪心嘅我於是即刻改變策略，先去“唯珍”淺嚐，再到“十八座”食火鴨翅😆咁啱去到有人埋單有吉位唔使等，要咗個細嘅火鴨翅。落咗單好快上，嚟到見到覺得賣相麻麻，顏色混沌，同我想像中嘅碗仔翅好唔同，又搵唔到胡椒粉，於是就邊食邊諗住伺機問啲好忙碌行嚟行去唔停手嘅阿姐。點知原來食落頗濃味，有陣陣火鴨香，火鴨肉絲過細碎，仲有木耳、蛋絲、素翅等，帶陣陣微辣都幾惹味，根本唔使落胡椒粉。坐街邊好污糟糟咁，未食過可以試下。

本人也愛在香港尋找傳統的香港味道，這間也是，因為狗仔粉是很舊時香港人常吃的，這間價錢不貴，我點了一個狗仔粉和一個火鴨翅，狗仔粉意思麵條又粗又短，就像狗仔的尾巴一樣，口感非常好，我加了辣椒同吃，店內座位是露天的，很有大排檔的風味。火鴨翅很香，皮的脂肪很少，而且燒得很香，一口火鴨一口翅，簡直一流，翅也是非常好味的。

這裡剛開張時吃過一次，記得當時最深刻是火鴨翅，鴨味濃，非常香口還帶點小辛辣，一試愛上！當晚打算買點小食在家裡當加料。服務態度真是愈來愈差，明明沒有人排隊，卻對我愛理不理 一直叫我等等，但又不見得在忙。說回食物。狗仔粉 - 非常重味精，味道幾乎全來自味精！！粉亦太'林'，差！火鴨翅 - 非常稀，無味道可言。一般碗仔翅都遠勝於它。見到有賣小樽勁辣菜脯便買了一個。又是差。菜脯毫無咬口，味道如其名，只有單純的辣。直接食辣椒好過。其實在第一次光顧後一直對當時的翅念念不忘，期間都曾多次光顧，希望有一次能吃到當初水準的食物，結果卻是愈來愈差，這會是最後一次光顧了。

這是懷舊食品，狗仔粉！查下這個食品名字的由來，原來狗仔粉香港是1960年代出現的街頭小吃。當時香港經濟環境差，順德人以熱水開粘米粉搓成條狀的粉來填肚。由於粉條尖頭尖尾，像唐狗尾巴，故稱為「狗仔粉」，又簡稱粉仔，用上湯來煮的白麵條，麵條有半隻手指粗，上面淋上蝦米、菜脯、豬油渣等配菜，簡單但非常冶味。也有說狗仔粉是「救濟粉」而來，是抗日戰爭的時候，沒什麼好吃，故有救濟機構就把這些粉派給民眾。十八座狗仔粉都係有蝦米、菜脯、冬菇、豬油渣等配菜，味道特別~口感有D似食烏東~不過碎碎的菜脯叫了不辣的, 脆脆地幾好咬口~呢度堂食係街邊，所以合適叫外賣~呢個真係平價而味美既面食！

大家有吃過狗仔粉嗎?小時候媽媽同我在深水埗某小販吃過那味道深深地刻在腦海中,在長大後也有再嚐過別的狗仔粉可惜巳吃不到那回憶中的美味不久前聽聞佐敦有間十八座狗仔粉評價不錯23/12趁車爸爸有空便去試試^0^是日有車跟身便舒舒服服買上車吃吧!狗仔粉$27一吃便是那小時候的味道 ~超正呀^0^車爸爸怕辣就給他吃頭啖粉啦~到我吃時加入辣菜莆又辣又刺激勁呀車爸爸愛吃碗仔翅買碗燒鴨肶碗仔$49翅慰勞下去啦~呢個驚喜不大可吃可不吃~

之前專食掃街小食嘅朋友仔帶過我黎食, 但個陣夏天食到大汗疊細汗, 兩個嗌到放題咁都係48蚊, 依家天氣涼返黎食就岩啦 得三張枱十個位, 好彩都唔洗等好耐 鮮味魚皮餃$10個醬就普通d唔太突出十八座狗仔粉(大)$26似短短既烏冬食落好淋,配冬菇 加埋爽口菜莆有辣有唔辣, 好好味魚蓉燒賣$10食燒賣一定食要辣, 見枱上面無辣椒油就夾埋菜莆食招牌火鴨翅$26裏面有好多木耳同燒鴨絲, 煲到好滐, 唔係碗仔翅咁簡單haha

我們特地到來佐敦找尋馳名的狗仔粉及火鴨翅。店舖位於後巷一端，座位不多。我們在摺枱享用着，而店員則非常忙碌著端菜及落單。等了約5分鐘便送上了我們的狗仔粉及火鴨翅。兩碗份量也頗大，價錢只是二三十元。味道方面，火鴨翅有很明顯的炭燒燶味，應是燒鴨的味道吧，但燶味太強烈，破壞了整體味道，不太喜歡。至於狗仔粉也只是很普通，和平常吃的麵食一樣，沒有過人之處。這是令我失望的一餐。

下午與友人飲咖啡時問起附近有甚麼特色小食，他便介紹我去十八座狗仔粉，我二話不說就相約女友放工後去嘗試。大約7:30pm我們到達，等了5分鐘左右便有位了。地方狹窄，不算太乾淨，不過我反而覺得好地道，好有風味！餐牌簡單易明，招牌火鴨翅和狗仔粉有大小選擇，亦有其他小食可選。因爲女友眼闊肚窄，於是我們點了大火鴨翅，大狗仔粉，一隻火鴨脾(下脾)和細份大雜燴一同分享。先講講個狗仔粉，講真賣相並不吸引，口感略為稠糊，成品有上海麵，冬菇，蝦米和蔥花。主角反而是老闆的自家製的菜脯 (辣/不辣)，我們加了辣的，加了之後令狗仔粉有不同口感，菜脯香辣爽脆，簡直是絕配！不過我建議菜脯份量適可而止，皆因女友是菜脯的超級粉絲，於是便不停的加，令到最後味道只有辣味！火鴨翅和火鴨脾也是極品之作，有濃郁的鴨羶香，亦有不可缺少的冬菇絲和木耳、火鴨脾肉質香嫩，一口翅、一口脾，無與倫比！最後大雜燴，用了秘製的醬料，味道特別，成品有蘿蔔，豬皮，豬大腸和豬肚，亦是不錯的選擇。價錢合理，每人約$40-5024小時通宵營業是宵夜的好去處！

豬大人跟青蛙終於等到天氣開始轉涼,可以一嚐時常經過, 但又因為天氣太熱而卻步的''十八座狗仔粉''喇!!幸好放學後時間尚早, 我倆到達時仍有兩張空檯可以選擇~安頓好後, 看過了圖文並茂的餐牌, 極速鎖定了目標!!!不一會, 食物便上齊了~狗仔粉先說說主角的賣相, 老實說不吸引。外表糊糊稠稠的, 而且只見冬菇、蝦米兩款配料 >.<再者, 原來狗仔粉就是一條上海麵分切成多段.....初見印象認真一般!!最重要是, 豬大人要了大的狗仔粉,而青蛙要的是細碗, 何以兩者的大小看起來是多麼的相近?!但兩者是相差$7的喔 不過, 狗仔粉入口有非常香的冬菇味,雖然感覺都是糊糊的, 但絕對不難食。再加上神級的辣菜脯伴狗仔粉來吃。簡直有起死回生的感覺!!辣菜脯既香辣又爽口, 令狗仔粉的味道得而提高層次, 十分好吃 難怪店主有張貼告示''不要高買辣菜脯''啦~~~奉勸各位平時只吃小辣的人士,初嚐還是只加少少辣菜脯比較好。因為它的辣是充滿後勁,再加上浸湯久了, 整碗粉會變得非常辣喔!!香辣魚蛋辣味欠奉, 反而有強烈不知是否麵屎醬的味道。選用的魚蛋也算爽口合格。大雜燴所謂秘製的千味醬, 青蛙