十八分美味 (已結業)

金鐘無咩好野食，開左呢間逢午餐試一試外賣，好新鮮好好味、唔會好咸！雞肉好滑、豬肉都唔會硬，2:30後仲有平，一星期起碼食3-4日，因為成日都唔同菜式，份量夠大，男人實夠飽

店舖相信開了不久，平日我們不怎麼煮飯，返工經過這間舖，見有預製的餸菜，但選擇不多，其中傳統的梅菜扣肉、栗子雞、南乳豬手等等，都有一定水準，試了幾次都唔錯，值得回頭。

依家食lunch多數買外賣返公司食，唔洗等位又可以坐得舒服啲，不過食嚟食去都係嗰幾間，真係會悶，最近見到有新野當然要試吓。佢哋賣熱食方便拎返公司可以即刻食，佢哋都有賣冰鮮飯餸，放工拎返屋企整熱就食得，好方便。栗子北菇炆雞飯，雞肉嫩滑，多栗子，味道香濃，如果醬汁多啲就更好。梅菜扣肉飯，超級好送飯，唔會太咸，甜甜地，肉質肥瘦適中，入口即化，我同同事都回購多次。定期更新菜單，次次都有驚喜，又有素食選擇。最近食咗個咖哩茄子（好似係印度咖哩），真係唔錯。佢哋啲飯餸唔覺有味精，最重要係好乾淨，飯餸分開，已經係我嘅飯堂。

星期六經過了,買了豬手,牛筋腩及short ribs試近屋企試吓看門口, 價錢不是最平但包裝非常企理. 試後竞然喜出望外!返熱程序簡單而且味道不像平常餸菜包!會再買看門口.