十二味 (如心廣場二期)

营业中

休息中

好想食川菜，冇得返大陸食唯有係香港過下口癮。。。問咗個成日周圍搵好嘢食嘅朋友之後佢介紹咗呢間餐廳畀我，佢話佢都想再食就一齊啦！午市套餐都幾多選擇，好抵食👍👍 幾十蚊有個主菜+飯+雲耳小食+飲品，難怪咁多人～我地叫咗個乾扁四季豆唔辣，酸菜魚小辣，涼拌雲耳小辣同埋一個冰粉share～四季豆炸得好乾身但唔會過份油膩👍 雖然係午市套餐不過份量都唔少～酸菜魚魚片好滑，辣度岩岩好我哋唔知原來套餐係有小食跟，所以另外叫左個雲耳😅 不過呢度比起某連鎖米線店大碟好多抵食好多，愈食愈開胃～～本身我都好中意食啫喱狀甜品，見到有冰粉就更加覺得呢間川菜正宗👍👍 多謝朋友好介紹👏

最近朋友介紹咗如心二期開咗好多餐廳，其中一間叫12味嘅佢比較推介，主打係食川菜，我平時都幾食得辣所以今日就拉埋男朋友嚟試吓啦，一點左右去到門口已經排隊睇嚟口碑相當唔錯！餐廳除咗有小食之外仲有香鍋，但今次我哋就叫咗個霸王辣子雞，上枱嗰陣都比啲辣椒嚇親，果然份量都唔少啊！呢個價錢非常值！但我哋今次就叫咗小辣，如果下次叫中辣嘅話應該會更加香好送飯，如果叫午餐嘅話仲會有杯酸梅湯仲有小食餸添，下次一定搵機會再試吓個香鍋！

無辣不歡既我，終於揾到間正宗川菜門口有很大隻熊貓公仔一入去就有酒精潔手液給客人用，很體貼餐廳係用電話落單，方便簡單飄香毛血旺$138有大辣、中辣、小辣，要咗小辣見到好多辣椒，以為好辣但係小辣嘅口味啱啱好😜小小麻，一鍋入面滿足曬唔同嘅願望入面有好多料：豬大腸、 豬紅、豬皮、午餐肉、豆芽、魷魚等，份量唔少，2 個人食好夠😜辣味令人回味，停唔到口😜 值得一讚豬大腸夠大舊，而且唔肥膩，食多咗都唔會覺得油膩！ 豬紅爽口入味， 麻麻辣辣咁~另外，要咗碗白飯嚟配飄香毛血旺，絕對1 流😜蔥油拌麵食蔥油拌麵最怕過份油膩，但呢間店做得好好，完全唔會覺得肥膩😄而且好香與飄香毛血旺都幾配😜而且份量好多，2 個人都夠食依家係社交平台打卡，仲有可樂或雪碧送，配麻麻辣辣嘅川菜真係爽！

難得搵到個同我一樣咁鍾意食麻辣嘢嘅朋友，佢話食個12味超級好食，特登帶埋我去食！個裝修都幾有中國風，環境唔錯，而且卡位都坐得好舒服食物都算多選擇，香鍋可以自選好多種配菜，另外就有啲小菜比較特別嘅係，每張枱都有呢個QR code，需要自己上網落單，就算搵店員都唔會幫你落會員價平好多，而且看圖揀菜好方便我哋嗌左個口水雞，睇見啲男人都知道佢有料到，味道好好，啲雞又夠滑，不過就無套餐，需要自己點單白飯另一半就揀咗酸菜魚，分量大到嚇親人，魚肉超多，食極都食唔完！我哋今次叫咗小辣，略嫌未夠刺激，下次可以再挑戰食辣少少！飲品同樣係走大大杯路線，不過就略甜，兩個人share就剛剛好

疫症期間店舖，沒有關門繼續營業， 一入到去就有一支酒精搓手液畀客人去擦乾淨手。入到去坐低之後， 問咗店員拎咗兩隻碟仔，放口罩， 之前去過3間分店 旺角 及 堅尼地城 及 西營盤， 每次都食晚餐時段都，但今日揀左午飯時段食，我一定會點我最愛食嘅酸菜魚， 不過喺呢間店舖竟然發現有迷你酸菜魚午餐可以點。 用咗桌上嘅q r code去點餐， 中間有漏單嘅情況，不過追單後就ok68蚊酸菜魚連飲品，白飯酸菜魚同其他分店一樣都做得咁好食 ，酸菜咬落爽口， 但今次有啲特別入面加咗草菇 ，其他分店比較少見 ，味道好夾， 鱸魚份量多， 大件又抵食， 不過今次呢碟酸菜魚唔係好熱口， 其他分店較為熱口。 配白飯好正口水雞48蚊午餐一碟分量看似唔多， 實際上起碼有十幾件雞， 用辣油浸住用青瓜伴菜， 唔會太嚡口。牛肉麻辣香鍋56蚊 連飲品牛肉喺辣椒嘅襯託之下非常香口， 配料方面綠色青辣椒非常多， 仲加入蓮藕 ，土豆 芽菜， 都係正宗四川食品。 配白飯好正飲品口味好獨特： 係最夾辣味嘅酸梅汁味

四川菜是中國特色傳統的四大菜系之一，用料都是非常講究，十分多香料配菜，如果你是一個對辣度有要求的人，來十二味就對了~下單是用電話下，scan QR code便有網頁跑出來，十分方便~叫了一個干煸肥腸，只叫了小辣，但辣的層次卻十分豐富，有麻辣、香辣，又炒得很香。吃川菜是比較多油的，但炒得香和熱，便不會有油膩的感覺。食物的份量也十分之多~肥腸十分入味，相信是預先鹵好，炸得的肥腸外皮酥脆，咬下去，內裡卻是軟滑有勁道，但不韌，果然是真材實料，用心製作的料理~吃辣的菜餚，當然要配個可樂~

今天跟朋友出來荃灣聚舊，突然好想吃麻辣野，就去左荃灣如心廣場二期——十二味。七點多左右來到餐廳門口，看到人咁高的熊貓，非常可愛，立即要拍照一番😋店員安排我們入座，人流都算多，下點需要用電話下單的，非常方便！食物種類不多，最推介的都是人見人愛酸菜魚（配寬粉)$258，盤子很大，份量都很多，魚肉是爐鱼，配料有酸菜、萵筍、菇、辣椒等等。味道我們點的是小辣，酸辣湯底味道很重，酸味很適中，很開胃，而麻麻辣辣很過口癮，有種吃完又想再吃的感覺，寛粉很彈牙，不過我建議吃得辣的朋友可以叫中辣程度，應該會更好吃！配白飯吃超級好食！另外我們還叫了兩碟小食，酸辣木耳我們選擇了小辣程度，木耳的酸味很重，蓋過了麻辣味，所以我還是推介朋友選擇中辣程度，但木耳絲涼拌所以很開胃，冰冰涼涼，口感很爽脆！$38，價錢也不貴👍🏻最讓我驚喜的，就是川式口水雞$68了，它的味道讓我想起之前在四川吃的麻辣味，口水雞是涼拌的，也是開胃小菜，雞件的份量也很多，雞肉也很嫩和十分入味，底部還有一些青瓜絲，通常很少涼拌小菜都配有青瓜絲的，所以他絕對是驚訝🤪🤩因為青瓜絲放低所以10分入味，好吃😋最後埋單兩人共$400左右，性價比很高！推薦大家

這次去了十二味吃午餐 午市時間已經坐爆一半位置了以掃碼下單方式點單挻方便 餐牌上面有數款午市套餐跟餐還附送餐前小吃和飲品“慾望酸梅” 名字挻特別😂·酸菜魚(午市) HKD$68 酸菜魚的顏色挻深色🤤 選擇不要蔥花和芫茜還有小辣上菜時已聞到陣陣香味 飲一口湯汁味道酸酸的很開胃酸菜帶少少酸挻惹味 魚肉口感鮮嫰沒有骨 份量可接受·田雞麻辣香鍋(午市) HKD$58 這個點小辣的香鍋味道比酸菜魚辣 田雞份量不過不失~另外還有薯仔片和蓮藕拌菜🤤🤤 兩者也有咬感挻入味這個小菜用來拌飯確實不錯 而且是個挻飽肚的食物😛·紅糖糍粑 HKD$48 | 幺妹兒冰粉 HKD$26 食到辣的時間來一碗解辣冰粉最好不過 味道甜甜的🤤還有點桂花香味挻香😍 食川菜很多時間也會點糍粑食做到外脆內軟口感煙韌挻喜歡吃 攤放一陣仍是脆脆的~這家食物份量和性價比不錯 上次去過尖沙咀店吃過的兩家分店各具特式 酸菜魚和紅糖糍粑值得再點來吃😛

這間川菜館位於荃灣交通好方便，那間店舖裝修都好特別，有D好似回到過去年代的茶樓，望到覺得店舖都好寬闊！坐落感覺到好舒服！至於食物方面都好多特式的食物！例如酸菜魚、田雞麻辣香鍋、紅糖糍粑、幺妹兒冰粉、慾望酸梅。酸菜魚味道都好好，酸酸辣辣唔會過辣同埋過咸！魚肉都算滑身，都算合格！真係都算幾好味！至於田雞麻辣香鍋都後又小小辣！田雞味道煮道適中，食入口都唔會靱，味道非常好！至於紅糖糍粑味道都好特別！烟烟靱靱面上加咗D紅糖粉非常好夾！再倒D黑糖漿落面上！食可入口非常之正！幺妹兒冰粉，當你第一淡食入口感到冰凉！還可以解辣之用，非常之好食。至於價錢方面我都唔算貴可以接受，我食咗咁多款食物只係200元到！我覺得都算ok！

今日個腦好累, 然後舊同事好即興約左我去荃灣dinner, 之後行左好耐好耐好耐黎到呢間十二味..已經累到七彩既我只好照入去啦, 心念只希望唔伏就可以了, 睇左好耐..好耐...好耐......好耐！念好食咩啦！♕✧✧✧✧✧✧✧✧✧♕【霸王辣子雞】粒粒雞肉充滿經典的麻辣味, 喜歡麻辣的人一定鍾意。而且可以選擇辣度, 加麻, 加蔥, 走芝麻, 走莞茜。✧✧✧✧✧✧✧✧✧✧【酸菜魚配粉條】窩筍同酸菜爽口, 粉條煙韌, 魚塊軟滑, 口感豐富。加上酸麻味好開胃。

講起十二味呢家川菜館，原來荃灣都有一間，今日嚟呢頭搵朋友食午餐，特登帶朋友嚟試吓。呢度嘅午餐套餐超級抵食的，好多平時比較貴價的菜色，午餐套餐都是特價，配上前菜，還有一杯酸梅湯。我們兩人點了三個餐，一個係必叫的酸菜魚，每次來我都必食，因為做得實在正宗。第二個係雞翼麻辣香鍋，這個也是做得十分香十分夠味的。第三個是乾扁四季豆，加上秘制的材料炒，炒得十分香。今次的小碟前菜是涼拌土豆絲，酸酸地吃了也是十分開胃。吃完三個餐都不用$200宜家食飽飽，呢間餐廳果真係我最愛。

最近天氣凍咗啲，我見到屋企附近開咗間新嘅四川菜，就諗住同屋企人去試吓食，唔知會唔會好辣呢。嗰度地方都幾大，而且係新裝修所以俾到人好乾淨嘅感覺，坐得都好舒服。呢度叫嘢食係scan個QR code, 跟住自己點菜嘅。我哋叫咗個水煮牛肉同埋川式口水雞。呢個就係水煮牛肉，估唔到份量都幾大，未食已經聞到一陣辣味，入面仲有好多辣椒，牛肉都有幾多，最低仲有好多木薯粉，吸收晒啲辣味，所以食完個身都熱辣辣。呢個就係口水雞，辣嘅程度比水煮牛肉少，容易接受多啲，但都係有啲辣，雞肉佢整得好軟熟，好入味。

同朋友響荃灣行街，見到呢開左間主打川菜既餐廳，門面好似好吸引，就入黎試下～呢度裝修走中式風格帶少少玩味，門口放左一隻人咁高嘅熊貓，隔離仲擺放在一部夾公仔機，好搞笑！一坐低店員就叫我地用QR code落單，方便又環保～呢間酸菜魚出名大大份，所以我哋只係叫咗兩樣野，包括以川式口水雞做頭盤，雞肉勁嫩滑，而醬汁更加係精華所在，又麻又辣，辣得過癮！而人見人愛既酸菜魚，可以加配寬粉，份量足兩個人食～湯底酸酸辣辣，果然不負所望😍而且好多片魚，肉質鮮嫩，食落入口即融，正！

荃灣西站附近而家多左好多野行呀，地方又寬敞唔迫人，不過以防萬一都要戴口罩保平安，見到之前食過嘅辣川菜十二味開喺如心廣場2樓，裡面職員都落力清潔🧹，就入去食久違了嘅味道🔥.•水煮牛肉(HKD58)午餐嘅水煮牛肉都好大盆, 牛肉夾起件件都啖啖肉, 仲係咁咬到粒粒花椒🔥辣度好啱食好好味😋.•川式口水雞 (HKD48)有得揀走芫茜唔使浪費, 食過嘅中辣都有輕微爆汗感, 口水雞份量足有一個飯碗, 凍食嘅川式辣汁非常入味, 雞肉口感嫩滑.•燒椒皮蛋 中辣 (HKD48)都係凍食嘅燒椒皮蛋蛋黃係淺黃色嘅, 蛋黃口感好溏心唔dry, 夾埋青紅椒粒食到停唔到口呢！ •蔥油拌麵 (HKD38)熱辣辣蔥油撈麵無想象中嘅油淋淋, 麵有點似上海油麵, 每一箸麵都可以dip其他三碟餸嘅醬汁, 味道勁豐富. •百分百純椰青水 (+HKD8)跟午餐+8蚊有罐椰青水解辣解渴最啱.

第一次嚟食dinner, 兩個人share一個飯再叫左一個炒麵、一個前菜同埋一個餸, 都已經夠食! 而且仲有打卡送罐裝飲品ge優惠! 個飯都幾多下.. 蔥油拌麵都唔會十分之油膩, 味道好香! 至於個大盤花菜, 其實係有五花肉切片、紅亁椒、花椰菜~ 色香味美， 又有營養! 燒椒皮蛋好開胃, 雖然我哋都唔係好食得辣, 但小辣ge香辣味啱啱好!同國內好多餐廳一樣, 呢間餐廳都係用手機刷QR Code嚟點嘢食, 無論係份量定辣度都可以自己揀, 又即時睇到張單嘅價錢, 好方便!食完對川菜嘅認識又了解多左唔使特登上大陸都食到, 唔錯呀