十二味 (京瑞廣場2期)

营业中

休息中

喺石門雖然有好多餐廳，但係返工返耐咗，咩都食均晒最近新開左一間餐廳叫十二味，睇個裝修都知道啲嘢食應該好辣，同埋應該係食川菜嘅。我見到同事話好食，叫咗好多次外賣平台，今次跟佢地叫外賣啦！講真口水雞成日都食，咁難食嘅真係第一次遇到= =首先，佢應該係雪凍嘅，但係凍得太誇張，而且啲骨頭入面好多血水流出黎，雞肉都有啲係紅色嘅，真心懷疑係未煮熟。再者，呢個口水雞，肉係少過骨。第三，斬開舊雞係正常，但係斬到啲骨頭都碎曬，叫人點食？！真心癡線好難食，本身真係想逼自己食落肚，但係啲血腥味搞到我好想嘔，最後出去再買其他lunch算。咁嘅分量同埋quality，都要六十幾蚊，我永久blacklist，唔會再食，

今日陪朋友去開石門整回鄉証，見到樓下有間辣野，之前係元朗已經見過都想試下，今次就一於去試下啦，又係食辣愛好者出動嘅時候！見到有個經典香辣鍋，咁一定要試下啦😂佢係必定要你最少揀五個餸，有人幾好嘅嘢，係可以俾你加麻咁芝麻少鹽少油等等嘅選項，值得一讚！另外再叫左個乾煸四季豆，兩樣都係揀左中辣，香鍋味道幾好食🤤夠香夠辣，本來個鍋底係冇任何配料跟嘅呢個係唯一美中不足，而四季豆就不過不失正常發揮啦！呢間嘢算係可以止到食辣嘅心癮😂不過如果餐廳可以再多啲食物選擇就會更加好啦

平時都算十二味忠實食客，屋企附近又開左間新就黎試下啦。👎👎👎點知啲服務員態度好似我欠佢咁，呢樣話唔知，個樣又唔清楚喎！👎👎👎唔識就問下啦，問又唔問，敷衍了事，個樣巴閉到👎👎👎真係影衰啲野食，第一次寫食評，就貢獻左石門呢間十二味！👎👎👎好食極都冇用，火滾！唔怪之得晚餐時間，一入到去得個幾枱客，👎👎👎以後想食都情願去遠少少，去返大圍食好過。服務惡劣，食物再好都晒氣，怕食完都唔消化！👎👎👎中肯啲講句，味道都比其他店差少少！👎👎👎

依家餐廳新開一排，所以午市去食午餐，平日已經人頭湧湧。有好多人堂食；亦有好多人叫外賣，所以等位一段時間。入邊座位密集好多，用QR code落單。午市套餐價錢先抵食。叫咗麻婆豆腐，麻婆豆腐分量多豆腐，幾滑身，麻辣味幾香，但係又唔會太辣。套餐包白飯，飲品包盒裝檸檬茶。加錢可選配其他飲品。酸菜魚揀咗配薯粉。酸菜魚份量好多，而且麻麻辣辣又酸酸地。魚幾滑，而且仲有其他配菜，都相當豐富。另外麻辣牛肉味都幾香都辣得幾過癮，配飯食都唔錯。

今日同朋友去石門見到呢度新開左一間十二味，我之前都係其他分店食過，有少少食過翻尋味，所以今次見到即刻就去試，兩個人一人一個午市套餐已經夠曬飽，牛肉麻辣香鍋勁多肉，配料又夠，辣得夠過癮，用黎送飯一流

食物味道及份量係好的，但食一個午餐便被該店某一位店員以“唔好意思，繁忙時段，出面有人等位”為理由，在未食完的情況下催你走兩次 (明明限時90分鐘，我地只係食左60分鐘多少少便被催走)嘢都未食完就走過來想收走碟嘢，仲要明明你係答“呢碟仲食緊喎”而該店員都仲要講 “下，呢碟收得啦嘛”。食酸菜魚，我地食完啲魚你都比啲時間人食埋啲酸菜吖，唔係話個碟得返酸菜就覺得人地食完啊嘛！？食物是好味的，無奈服務令人唔舒服，唔會再幫襯了。

-之前已經去過土瓜環食呢間食 亦被我榮登我既酸菜魚三甲😋估唔到竟然沙田區都有佢既足跡 👣仲要系新店喎🤗咁梗係要去食吓啦 今次襯午飯時間過來諗住人唔多啦點知都坐滿 都幾受歡迎😍.❇️午市酸菜魚套餐 $78跟一個白飯 同汽水 超抵❤️😮估唔到午市套餐既魚肉同酸菜既份量都多今次我地亦都無揀到辣度 魚肉超嫰滑 完全無骨裡面有魚片、荀、酸菜 仲有雞髀菇片 全部都好夠味❇️清炒萵荀絲 $78超大兜又爽口既萵荀絲 清新又好味😋大碟既程度完全系4人份 我地都食唔哂要打包🥡❇️蔥油拌麵 $38麵質偏腍 蔥油夠哂香😍呢個份量又系2-3個人都好夠食🤗❇️乾扁四季豆 $68炒得好好味⋯難得完全唔油膩 配埋白飯一流🤭🍹熱情果梳打 $28大大杯 抵飲又好味😍

新開試一試午市酸菜魚配白飯＄73酸菜魚大大兜， 我點咗中辣，不過比起佢其他分店個湯底比較淡同埋唔夠辣；另外，之前食開尖沙咀果間裏面有幾條薯粉，呢度就沒有，整體都係正常水平包飲品：唔使加錢就只有紙盒裝嘅檸檬茶

👧🏻Wodafoodie in Sha Tin石門竟然新開咗十二味嘅分店😍即係石門都有酸菜魚食啦～超正！午市套餐最貴都係70幾蚊，包嘢飲真係又大份又抵食😍最鍾意嘅就係呢到好多主菜都可以揀唔辣真係啱晒一家大細☺️✨🐟酸菜魚配白飯$73平時食一個酸菜魚都要二百幾蚊但係午市黎食只係70幾蚊最鍾意食酸菜魚因為每塊魚片都係冇骨㗎😚魚片超滑溜🥰 入面仲有好多酸菜萵筍份量超多 真心好抵呀～！😍✨🐣花生宮保雞丁$62太耐冇食宮保雞丁啦 雞肉切粒再同青瓜花生炒香醬汁甜甜地 雞肉仲好滑 無骨送飯一流 真心超好食 一定要叫！😍✨🐮牛肉麻辣香鍋$61估唔到麻辣香鍋，都可以叫唔辣😆但係唔辣都食得出佢用左好多種香料去烹調牛肉好香口 香鍋入面仲有芽菜蓮藕 好惹味🤩✨ 🐔武隆尖椒雞$68呢個係唯一一個唔可以走辣嘅菜啱晒啲真係鍾意食辣嘅朋友因為佢真係落咗好多青椒辣椒🌶️雞件切到一口大小，炸過之後變得好香脆😋同宮保雞丁係截然不同嘅口感 鍾意食辣同埋香口嘢嘅朋友可以揀呢個😉✨🍵熱柚子茶 加錢要左個特飲 冬天飲熱飲最正💓✨🥥100%純椰青水食重口味野飲椰青水好解渴😍✨🍋檸檬茶📍 十二味 (沙田)沙田石門安群街1號京瑞廣場2期地