十二味 (卓爾廣場)

营业中

休息中

同事介紹話值得去食，我同屋企人就即興試試都真係好食既，但食到一半…….撈起一隻木夾😳😳😳🤯🤯🤯似浸左好長時間🤮都知出街食野污糟但唔好俾我見到吖扣哂分囉😓

今日家姐話想食辣🌶，就嚟到屯門卓爾廣場［十二味］，點解我哋會選擇嚟呢間食？因為呢度除咗有我哋至愛嘅酸菜魚，仲有其他好多四川嘢食可供選擇 。此外，呢度有個午市套餐超抵食，主菜加錢再加 汽水，都唔使100蚊一個餐。我就選擇咗我最愛嘅酸菜魚配飯， 家姐就選擇咗水煮牛肉配飯。酸菜魚可以自選辣度， 我喜歡呢間食酸菜魚係因為佢酸辣度適中，同埋佢放花椒味道控制好好， 是我喜愛的味道。水煮牛肉味道ok，但牛肉卻一般。 因為有些有少少筋。

今日同朋友一齊去食午餐，中午時間還早不用等位，我哋叫兩個午餐，有酸菜魚跟白飯非常配，田雞麻辣鍋跟白飯正呀！兩樣都好食又大碟，兩個人一齊share, 午餐真係好抵食$138。最主要想講跟餐叫左杯飲品叫「欲望酸梅」，個名好好笑，好三級😂，就即管試吓係咩來，朋友話正常應該係酸梅湯，飲左一口，超難飲，只有好微嘅梅味，另一種味好難形容，似公廁空氣清新機噴個味，飲左一口已經唔想飲，總之就係難飲到爆🤢，真係好想叫佢換左佢。好彩食物味道不錯，有下次。

地方寬躺，環境清潔，員工執生能力很好（雖然唔夠人手，但疫情下可接受）價錢合理👍🏻我係一家人帶埋小朋友都坐得好舒服。以經食過兩次，一次堂食，可能疫情關係人手比較緊張但員工嘅服務態度不受影響，雖然有時想叫佢哋過嚟幫忙需要等候一會，但他們沒有忘記我需要幫助很快完成手上嘅工作就過嚟幫我。另一次外賣。外賣既等候時間可接受，拎上手熱辣辣既，返到屋企都未變暖，（回程車需時15分鐘），白飯大大碗，唔會唔夠送辣鍋既配菜。

酸菜魚味道麻麻，服務超差，一入門口就被人想拒絕我地入去，佢話要落場食飯，點解要book呢個時架間，我冇語，唔係我想book16:00pm架，我都想book晏啲，之後另一服務員安排坐低，睇都未睇餐牌就催落單，我話要睇下就即刻黑面走開之後又返嚟催落單，好啦，趕快落完單就即刻要俾埋錢，跟住佢地就全部去咗食飯。好唔開心的一餐飯，啲食物又麻麻，服務超差粗聲粗氣，唔想做生意咁，同老闆倒米。十分鍾有一家三囗入嚟，都係被佢地趕走，理由都係要落場食飯。今時今日香港做食嘅，都會有落場時間，o十個差

手機QR code 落單有問題，焗叫侍應姐姐落單，黑面同十萬個不願意，最後冇落漏單。未食完因外面有客排隊，亂收我們未食晒D碗碟。埋單想睇單然後比錢，冇單睇只係話左總數然後叫我碌左卡先，到時自然有單出, 我問如果碌左卡唔啱數，點搞？然後個阿姐黑面唔出聲！我黎食餐飯唔知點解要受氣……九流服務再請我都唔會再去，試過其他分店好好，佢地keep住咁家態度離執笠不遠巳……

朋友極力推介十二味，就去幫襯下先！點知真係無介紹錯，店內環境整潔，光線充足，十分闊落，店員親切熱情，令人心情愉快地進食！點了酸菜魚餐，一上枱已經發覺好大碗，唔會因為係午餐所以份量減少，而且魚片份量仲好多，湯底有濃濃炸蒜味，酸辣味道剛剛好，唔會太酸，而且魚片滑溜無骨，連平時唔多食魚既我都一試愛上朋友唔食得辣，所以點了走辣，但都唔會味道過淡，都有微酸微酸既感覺 ，而且午餐仲包了白飯一大碗及飲品一包，以咗平既價錢，食到咁既質素，真係好正

自從疫情之後少咗好多出去食飯 今日同朋友聚會都係買外賣上佢屋企度食 嚟到屯門蔡意橋嘅呢間十二味係川菜餐廳 餐廳裝修新潮 座位闊落 下次一定要嚟堂食下啦川式口水雞 份量唔大 麻辣汁唔太辣 不過非常惹味 雞肉嫩滑用嚟送飯一流麻辣香鍋 可以選擇唔同配料啱曬我呢啲嘴刁嘅人呀 我就揀咗蓮藕 豬頸肉 鹵豬手 蓮藕非常爽脆 同時有索曬麻辣汁嘅味道 香而不太辣 麻味喺個口度非常刺激 又夠曬惹味豬頸肉肥瘦適中 薄切嘅豬頸肉更加爽口鹵豬手嘅外皮非常軟嫩 又有咬口 肉唔多 不過幾好食

今日去完屯門行山 朋友話想食啲刺激嘢於是就嚟到屯門卓爾居嘅呢間十二味到買嘢食啦 餐廳主打四川菜 晚市時間好多人等緊外賣 製作需時 大約等咗15分鐘就有啦大盤花菜酸辣木耳 椰菜花分量好多 裏裏外外索曬醬汁嘅味道 非常惹味 揀咗唔辣 用嚟送飯都幾好食 唔會太冧帶點爽脆 口感唔錯 仲有 五花肉 好有家鄉嘅味道叫左個秘製醬香鍋 同時都係唔辣 南極甜蝦 非常巨型 不過冇剝殼食嘅時候有啲麻煩 蝦肉爽口彈牙鮮甜十足 非常新鮮 鮮魷 同樣地好爽口 加埋醬汁非常惹味 用嚟送酒一流呀嫩牛肉 牛肉分量都幾多 質感軟嫩 火喉控制啱啱好

滋味川菜十二味 (卓爾廣場) (屯門)屯門石排頭徑1號卓爾廣場地下G1B號舖原來十二味係咁多間分店嘅，屯門終於開咗啦，裝修非常新，最鍾意佢牆上面寫住嘅民以食為天同埋讓世界愛上中國美食，今日Billy👨🏻‍🎓帶我食好嘢，投桃報李，等我哋一齊辣辣佢。慾望酸梅加$8甜甜酸酸超好味，超級西胃同埋解辣熱情果梳打加$8最鍾意熱情果嘅香，飲甜野最開心全數麻辣香鍋$46就嚟佛誕啦食下素先，雲耳薯片芽菜全部都係爽口嘅，加上少少辣就好開胃，食素都飽牛肉麻辣香鍋$56牛肉就梗係Billy食㗎啦，青春期要食多啲，唔使15分鐘就清碟霸王辣子雞$138最好味係呢碟，食到停唔到，腰果炸子雞，立美剛剛好，唔會太霸道，成碟辣椒🌶️伴碟勁震撼川式口水雞$68呢碟前菜就一般水準紅糖糍粑$48煙煙韌韌超好食😋我自己個人就鍾意就咁點紅糖，唔點佢嘅酸汁

係外賣app order自取，屋企已經煲好飯，本來成件事好開心，點知返到屋企一打開個盒，即刻驚呆了，食物賣相非常不佳，眼見已知中伏，食物勁乾，特別係肉類，我不求食物香味俱全，但至少唔好over cook到食物表面全部係黑色一塊塊嘢。我唔知餐廳廚師係以咩準則覺得呢份餐可以拎俾客人食，好失望，已經唔係用失準來形容，浪費了食物，辜負食客對餐廳的期待，唔會再有下次，對呢個品牌大失所望。

今日一時興起好想食辣嘢，於是朋友就介紹咗我去食呢一間餐廳啦，呢一度嘅毛血旺非常抵食，入面嘅配料餸菜非常之多，有金錢肚，鴨血，豬大腸，午餐肉，牛柏葉，魷魚，另外我仲加咗要紅薯粉添，呢一個份量非常之大碗，我同朋友兩個人食絕對足夠！我好鍾意食呢一度嘅魷魚，魷魚非常之有口感，而且加埋呢個麻辣嘅香味一齊食真係非常之過癮

心思思想食辣🔥，咁啱見到✨十二味✨做緊午市套餐，$56就有川式小菜+白飯+飲品，好似幾抵食，於是就去試下喇❣️座位之間幾闊落，手機掃碼下單。落完單好快就黎左前菜（青瓜，木耳），同紙包檸檬茶🧃🥢牛肉麻辣香鍋（小辣）$56以一人餐來說，份量絕對係多！雖然有好多土豆、蓮藕、芽菜，但牛肉都唔少，我同豬先生每人都食到5～6塊👍🏻 愛食辣既人，一定建議最少要揀中辣或以上。我地就覺得小辣唔夠過癮😂 而且唔係好食到麻。川式口水雞（中辣）$56呢個真心大推❤️ 首先個口水醬既麻辣度剛剛好，夠香辣惹味🤤 雞件份量都預期中多，平時出去點一份口水雞都未必有咁多舊👍🏻👍🏻 夠我地2個ko碗白飯😂總結：以$56有大大碟餸同🍚，一盒紙包飲品（可以加錢轉飲其他，都是大大杯！），仲唔收加一，絕對係性價比高，夠哂經濟實惠😎 下次要再試下水煮牛肉同酸菜魚先😝

外賣霸王辣子雞，$138， 碎雞肉10小件，細到找唔到，一盒全滿辣椒🌶️，辣椒🌶️抄到全黑色，找來找去 ，也找到極少碎雞肉，無下次。建議不要叫，真心搵笨，浪費$138

🐳最近經常煩惱晚餐外賣可以有什麼選擇，之前堂食過這餐廳，覺得很不錯，這一次試一下外賣🥡🐳川香回鍋肉(辣)+蒜泥青瓜+白飯💰88外賣盒很結實，也有一點保暖，份量也很多，肉，蔥和辣椒都很豐富，雖然隔了一段時間才吃，但還是很惹味，不會太辣🌶，剛剛好。青瓜爽爽酸酸的，很開胃🤩🐳乾煸四季豆(辣)+酸辣木耳+白飯💰78我很喜歡四季豆，因為口感很好，雖然食材很便宜，但做出來很好吃😋，炒得很香，微辣。木耳吸收了醋和辣椒的味，酸酸辣辣，爽呀！