十二味 (卓爾廣場)

营业中

休息中

午餐既套餐都算抵，份量充足，吃到飽飽前菜係送既，一小碟酸辣爽口的木耳，加上我哋點咗酸脆爽口既涼拌土豆絲，好開胃。午市套餐有主菜、配一碗飯加飲品。酸菜魚，魚夠鮮基本上冇骨，湯底酸度剛好，味道剛好。大盤花菜，花菜爽口，炒五花肉，爽口惹味回鍋肉，回鍋肉配蓮藕炒，好爽脆，肉都嫩彈，好香紅糖糍粑，外面脆裡面軟，黏糯綿密，甜度適中3個人點咗三個套餐、一個涼菜、一個甜食，大約300元，價錢合理～

經Openrice 訂位有6折，同朋友一齊嚟食個late lunch～ 因為過左午餐時間，所以都係單點為主 酸菜魚 ( 折後～$120 ) 酸菜魚間唔時都會食，貪佢健康得嚟又好味，十二味嘅酸菜魚都血係好食，但係間間分店都有少少唔同，暫時食過最好食係屯門呢間！好多魚片，而且夠酸夠麻夠辣！毛血旺 ( 折後 ～ $95 ） 有牛肚、牛栢葉、午餐肉，大碗到應該可以三個女仔Share食都會飽！超大盆超抵食，勁足料，兩個人都唔會食得哂！ 總結：抵食又好味👍🏼

我一般都唔寫食評的，但係今次真係好難唔寫下，原本第一次食呢間野抱住試下心態，見到佢寫住(一支凍奶)，點知拎到出般原來係維他奶茶，仲要收我$15(因為唔係午市時段，所以要$15蚊)，真係O晒嘴，我覺得自己好蠢，我去隔離7仔就咁買支都唔洗$15蚊，最後佢既食物偏咸(呢個就每個人味覺都唔同)

酸菜魚：魚片滑，加左寬粉、撈埋湯一齊食，正。大盤花菜：即係腩肉片炒椰菜，不過不失蔥油拌麵：蔥油拌麵用上海麵，唔會好淋但蔥油味唔夠。紅糖糍粑 ：糍粑外脆內軟，煙煙靭靭，加上糖漿但又不會太甜，好味道，不過記得要襯要食。

今日放假專登留肚去屯門卓爾居十二味酸菜魚🐟，這次是我第二次去，餐廳內燈光環境舒適，店員態度亦很好。我每次都是下午時間去食，因為下午和夜晚的份量一樣，但夜晚價錢就貴一點，所以下午去食是最抵食。食物方面，我叫了一個酸菜魚和一杯凍柚子蜜，首先湯底的酸菜和花椒粉分佈非常均勻，味道非常接近內地的水準，可能湯底夠濃的關係吃魚時吃不到魚醒味而且魚骨也没有，所以這是令很多不喜歡吃魚的人也吃魚的原因。另外那杯凍柚子蜜特別大杯非常冰凍好喝，喝了很久也喝不完，非常抵飲

事關本人其實都好少食辣又無話特別喜歡 不過一大班朋友當然要跟下大家皮蛋對比出面嘅好食所以叫多左一份皮蛋都入曬味 好食水煮魚 今次揀左中辣平時唔食辣嘅我都接受到 味道夠 送飯一流回鍋肉 今餐飯最愛 夠香 辣度夠接受到因為佢食左好多碗飯水煮牛同水煮魚兩者我鍾意水煮牛多d牛肉彈牙唔會好難咬加埋午餐肉同其他配料簡直十分完美因為我本身係一個好鍾意食白飯嘅人依一餐嘅餸完全滿足到我嘅要求因為相信唔食辣嘅朋友都好適合我依間餐廳佢就話一啲食辣嘅朋友 因為佢嘅辣到容易接受同埋唔係剩係得辣 同埋夠香如果唔想出咁遠又想食辣嘅話 呢個都係一個唔錯嘅選擇

每次都會叫口水雞因為佢個汁係好正不太辣又可以用來撈飯小女就食蔥油拌麵今次點埋田雞好多配菜同田雞非常惹味午餐價錢經濟晚餐就未食過店員友善所以真心推介屯門呢間十二味

🌟港鐵屯門站 F2出口7分鐘路程🌟＃屯門卓爾居分店想係屯門區食#酸菜魚 #十二味 係一個唔錯嘅選擇 尤其係午市套餐！- 星期一至四 11:30-16:00-星期五六日 及假期11:30-16:30-有時如果想早食晚餐 揀呢個午市套餐 都真係幾抵🤪🤪＃大件夾抵食🌼酸菜魚 ＄68-可以揀辣或唔辣-午餐嚟講 佢個酸菜魚都俾得幾大碗！-魚片塊塊都大片 又滑 夾起又唔散 ！-湯底 酸味啱啱好-仲有好多配料 萵筍 菇類 酸菜-要黎撈飯 勁好食！🌼田雞麻辣香鍋 ＄54-可以揀辣或唔辣- 一樣，勁大碟-田雞炸得好香 夠乾身 肉質彈牙！份量都唔少！-蓮藕 芽菜 薯仔份量好多！-麻辣味好濃好惹味！❣️午市套餐 會配前菜 同紙包飲品一前菜係 拍青瓜！青瓜爽口 酸度岩岩好！-飲品可以加＄$飲其他嘢！

超正超推！三年疫情鎖咗喺香港..十分懷念內地正宗既惹味川菜，本身諗住喺開關前唯有食住啲「港味化」既川菜頂住先，但點知有日朋友推薦話近牌有間川菜餐廳好出名好正宗㗎！係咁推薦我去試添，咁抱住一試既心情就上openrice訂位啦，點知發現大部分分店中/下午段時間都有7折！近我附近既屯門甚至有六折咁多！真係驚喜。到餐廳坐低發現裝修都幾重慶味，一到侍應會上熱檸檬味既水俾你（焗住要你嗌飲品既意思）服務還算不錯，嗌咗最多人推薦既肥腸同乾鍋仲有碟川味蝦。肥腸一上就十分香！姐姐端過嚟段路已經聞到，一試先知有幾特別，肥腸十分之脆又香口！惹味得嚟又帶麻，10分有10分！好鬼正，而乾鍋同蝦都好唔錯㗎，蝦肉帶殼都咁入味，乾鍋啲料唔算太辣但都好濃好香，啱晒重口味既人！總結肥腸係必點！香麻脆辣，下次都會再幫襯

午餐又想食酸菜魚 今次去左間分店較多的十二味試下先午市套餐抵食 一個套餐有大大碗主菜 一碗白飯🍚 一包維他檸檬茶 或加$5/$8轉其他飲品🔸B餐酸菜魚（可選辣或唔辣）$68嘩 份量十足 魚片夾落去唔會散開魚片大塊又滑無碎骨 仲有好多配菜 例如雞髀菇 萵荀 酸菜湯底好濃酸菜味 唔會太酸 辣嘅程度啱啱好撈白飯撈埋湯食 非常美味 不知不覺已經食完一碗飯😅🔸F餐水煮牛肉（只有辣）$58水煮牛肉面比較多油 辣度剛剛好 牛肉好滑又稔 不錯 配菜有青瓜 大豆芽菜等但牛肉份量唔多 湯底太油唔可以拌飯食😅🔹凍柚子茶 （跟餐加$8 ）嘩！超大杯 好正 好有滿足感😍

之前嚟過一次， 7:00已經冇晒酸菜魚，所以唯有走人。今次特登提前6:00就嚟到，今次5人，我哋叫咗以下呢啲餸：📌燒椒皮蛋（我個人覺得唔需要叫，冇乜特別😅）📌川式口水雞（真係唔好食，明白呢個價錢，雞一定係冰鮮，但可以做到冇味道就真係⋯😣）📌人見人愛酸菜魚（❤️❤️佢個酸菜魚真係幾好食，我哋仲+粉條+白飯，價錢合理，但如果人數係4人以上最好要大size）📌乾煸四季豆（唔辣）（正常）📌川香梅窩肉（😵‍💫太多油，同d肉炸到乾晒，好似哨緊肉乾咁）📌蔥油拌麵（🫣聞落唔知點解有啲油饐味，食落口同樣好油膩感覺）📌紅糖糍粑（❤️❤️呢樣真係好值得食，初初以為係裹面係芋頭，點知原來係麻薯，外脆內軟又煙靭，好好食👍）

呢間餐廳主要係以麻辣香辣為主♨️我唔係好食得辣，所以佢有得分小、中、大辣，好啱我。不過款式唔算多，希望之後會一直添加💛暫時呢間係我最鍾意去嘅一間川菜餐廳😍唔講你唔知，原來十二味係有12種香料熬製而成嘅調味料，我都係依家先知😂😂長知識啦。食評: 🍴土豪版酸菜魚3-4人份量，魚冇腥味又嫩滑，真係好正🤤價錢算得宜👍🍴招牌自選香鍋😋好似打邊爐叫菜式咁，揀自己鍾意嘅肉類素菜，然後一鍋過🤩啲料好足，好大盤，簡直係意料之外！🍴霸王辣子雞🐥味道出眾，平時係屋企整好難整到呢隻味，真係好香好脆🤤🤤一大盤好快清晒，唔夠喉😂但少食多滋味🥳🍴大盤花菜🥦味道一樣好正，送飯一流😋唔好以為入面得菜，其實仲有腩片🤩所以好抵食，份量超足，真係大大盤！推薦推薦👍👍生日去慶祝嘅話，仲有大LED燈生日快樂牌同壽星公影相📸️成為全場矚目🥳🥳

上次去過荃灣的十二味，又嘗試屯門的。可能不是同一個廚師的緣故，味道是有分別的。今次點了 signature dish 🌶🐟酸菜魚🐟🌶，可惜屯門這家只有 辣 和 不辣 的選擇。沒區分 大中小辣🥹 雖然味道可以，但就是覺得辣度不夠，不過癮。

嘢食冇問題嘅，但啱啱先開始食，9:15店員就催我埋單，其實都ok,戴返口罩出去埋完單，再繼續食但過咗冇幾耐，啲職員開始陸續收工。再過一陣，有個職員就催我哋食快啲，叫我哋儘快。其實當時只係9:30😑我忍唔住問佢「不是十點關門咩？」佢話「係，但係同事都已經走咗」雖然當時店內只有我們一檯客人，我哋都冇諗住阻人收工，但係未到關門時間，我哋入座都只係大約75分鐘，最後我哋好急咁食埋個乾鍋，帶走個紅糖糍粑。

同事介紹話值得去食，我同屋企人就即興試試都真係好食既，但食到一半…….撈起一隻木夾😳😳😳🤯🤯🤯似浸左好長時間🤮都知出街食野污糟但唔好俾我見到吖扣哂分囉😓