十二味 (搵食市集)

营业中

休息中

又到大圍，見到有間『十二味』，諗起之前喺第二度食過，印象好好，就入到來，但見地方唔似第二度的豪華裝修，比較簡單，但地方好大，可以坐得好寬敞，喺疫情依然未能够忽視的情況底下咁樣嘅距離可以令人好放心，仲有熊貓口罩套提供，好窝心吖。『涼拌黑木耳』是lunch set包埋嘅前菜，爽爽脆脆好開胃;由於唔食得太辣，只係叫咗小辣嘅『田雞麻辣香鍋』，味道啱啱好，又唔會太辣，D土豆片，蓮藕片，油麥菜同田雞好夾;『酸菜魚』魚肉雪白，鮮甜的魚片好嫩滑好吸引，亦比想像中多料，所有午市套餐唔須加一，而且免費飲品有盒裝維他奶同檸檬茶揀。單點嘅『蔥油拌麵』看似平平無奇，但真係好惹味，有濃濃蔥油味;而『么妹子冰粉』冰冰涼涼，係食川菜嘅最佳配搭。

大圍搵食市集新開一間十二味，啱啱好想食辣嘢，便約佐friend去試下。呢間可以食香鍋、酸菜魚、水煮魚、小龍蝦等，今次我啲揀佐香鍋，佢香鍋有兩種：秘制醬香鍋（唔辣嘢）、經典香辣鍋，我啲點佐香辣鍋中辣，好多配菜，可以選擇5種或者更多餸，我啲兩個人只加5種:牛百葉、豆皮、萵筍、金針菇、蓮藕片。等差唔多兩個字一大碗就上檯來，香辣味撲鼻而來，配菜新鮮，加埋香鍋麻、辣、鮮、香、油，混搭一起讓人欲罷不能。配上冰冰涼涼啲飲品，正👍！下次可以試下其他菜式，應該唔會失望！

用QR code 點餐，上菜速度好快店舖環境大而闊落全部小菜黎到哇！份量超大！唔會因為係午市套餐而縮水酸菜魚一定要叫魚塊無骨超滑，裏面仲有萵筍同菇片，上面仲有菊花花瓣做點綴，見到都食慾大增。選擇咗小辣，你唔係好食辣嘅朋友都食到。干煸四季豆向來係我食川菜最喜歡嘅菜式，所以今次一定要試一試。四季豆顏色翠綠，炒得乾身之餘又唔會太油，食到停唔到口。全素麻辣香鍋入面餸料超多有木耳、蓮藕、薯仔片同油麥菜。全部切薄片，炒嘅時候完全吸收麻辣同香味，雖然係素但係亦都十分惹味可口👍🏼每個餐都跟涼菜及白飯，胃口細嘅朋友可以叫一個餐加一個白飯就夠食㗎啦😂

酸菜魚同辣度有幾種可以選擇個份量岩哂同唔同人一齊食🍽人見人愛酸菜魚 $238+寛粉$28 有大量嘅乾辣椒同泡椒聞起上黎成盤味道都係酸酸辣辣魚片份量都有好多切得好薄一條骨都無食落好嫩滑且無腥寬粉、萵荀、酸菜同湯夾埋一齊食都愈食愈開胃食酸菜魚前叫左2份前菜細細碟 做前菜岩哂 🍽夫妻肺片$68好有花生香辣味有牛𦟌牛肚厚度薄左d但都唔影響味道🍽川式口水雞 $68味道都唔錯不過就多咗啲碎骨🤏🏼食嘅時候要好小心舖底既青瓜都夠哂爽口💬整體來講酸菜魚味道係非常唔錯QR code落單之唔使10分鐘就已經有得食出菜夠哂快餐廳仲好貼心準備口罩套比顧客

小編早前已經試過佢其中一d菜式 適逢開係附近🤩 就更係要試一試佢😃由於小編之前已經試過佢哋嘅酸菜魚🐟所以今次就試吓其他嘢啦✌🏻去到都見到好多人👫🏻等緊位 不過好好彩 小編同朋友等咗一陣就入得😚經典香辣鍋🌶🍲 ($232)⁣香辣🌶鍋最少要叫五款餸 餐牌有好多唔同材料揀 小編同朋友就叫左雞軟骨 土豆🥔嫩牛肉🐮 滷水肥腸同蓮藕片 上菜既時候已經心知不妙 因為好大碗🙈每款餸都炒得非常入味😋我哋今次叫咗小辣 因為小編同朋友唔太食得辣 所以先叫咗小辣 小小麻又小小辣🌶真係好過癮 令人欲罷不能🤭唯一係雞軟骨同想像中有啲出入😅不過都可以一試😙清炒萵筍絲🥗（$78）小編崇尚健康（睇到都想笑🤣）所以不得不叫一碟菜中和一下😜萵筍爽脆清甜 而且份量不少 好似食極都食唔完 😅熱情果梳打 🍹（$28）呢杯熱情果梳打🍹酸酸甜甜 飲完即刻覺得開胃左 而且仲有解辣作用😚 簡直一流 甜度仲可以自己order❤️

收工見大圍新開四川店，同朋友試下新野。一入店面超爆場，坐位外賣超多人，好彩唔洗等太耐就入座。店舖用二維碼自行落單，方便又快速。我地叫左人見人愛酸菜魚，一上驚訝不已超大盤，超驚2個人食唔晒，整體魚量份量充足，魚肉好滑溜香嫩，有大量酸菜，雞脾菇同萵筍，我地叫左小辣，所以整體味道偏酸，如果最意食辣朋友可以挑戰大辣，味蕾會更加刺激。極品麻婆豆腐好重麻椒味，豆腐超滑口，口味比起平時係茶餐廳好唔同，好有四川風味。蔥油拌麵爽口彈牙，一點也不油膩。下次再試一定會叫白飯配酸菜魚，唔會浪費酸菜湯汁，撈飯食更加一絕。

返工經過見到大圍站附近搵食市集開左呢間食川菜既十二味，就同同事黎食lunch店內寬落有卡位午市有套餐，都幾抵食我地叫左2個餐，都係少辣一個餐跟一碗白飯，男士都夠飽酸菜魚魚片無骨，魚肉嫩滑有酸菜，一片片萵筍，爽又好今，仲有菊花香，味道不會過酸牛肉麻辣香鍋有薯仔片 ，蓮藕片 ，雲耳，牛肉味道香辣，好適合餸飯牛肉無根唔會韌飯後甜品紅糖糍粑炸得香脆的糯米糍粑，有少少煙韌口感蘸上黑糖甜甜地，易入口跟餐加錢大大杯的飲品好適合夏天食辣野飲，解辣又解渴熱情果梳打慾望酸梅

正宗川菜「 十二味 」終於殺入大圍， 近近地一家人試下4款午市套餐，價錢由$48至$68不等， 每款餸菜均由自己選擇辣度(無辣/小辣/中辣/大辣)套餐包白飯一碗，餐前小食，維他紙包飲品或可加$8升級熱情果梳打(超大杯，正)主角人見人愛酸菜魚當然要一試， 魚質嫩滑冇腥味，配合小辣酸菜萵荀， 簡直食唔停口， 本人最愛湯飯，酸菜魚撈飯簡直要加多碗白飯。。哈哈另外，點了牛肉麻辣香鍋， 川香回鍋肉，雞翼麻辣香鍋， 三款餸菜肉類和配菜碟碟份量十足，牛肉，豬肉新鮮爽嫩，口感挺不錯， 蓮藕雲耳片夠爽口，薯仔片夠入味，三款餸菜都很惹味， 令人食慾大增。真好! 愛食辣和食酸菜魚的香港人現在不一定要等返大陸啦。「十二味」已經可以滿足了大家。

大名鼎鼎嘅十二味開到嚟大圍喇‼️無辣不歡嘅我即刻衝咗去獨獨樂😏 餐廳位於大圍馬鐵站對面，十分方便。餐廳處於搵食市集嘅二樓 (搵食市集嘅地下舖位好似全部裝修緊)，一上樓梯就聞到香噴噴嘅辣味😝估唔到餐廳面積都幾大，有超多捧場客，平日夜晚都差不多滿座‼️🥛一入座，店員就會遞上清水，我以為係凍水，原來係熱水♨️店員話佢哋係冇凍水提供㗎🤣🌶️水煮牛肉 (HK$148) | 中辣 | 多麻送上枱嘅時候連隔離枱都「嘩」一聲😲份量超！級！大！唔係淨係隻碟大，而真係超！足！料！有超多片嫩滑鮮牛肉，加上大量辣椒花椒，配菜有青瓜、芽菜、韭菜、粉條😋 一食上癮呀！但當然，以我一人嘅食量係食唔曬嘅🤣 🌶️涼拌土豆絲 (HK$38) | 中辣 唔食辣嘅話，呢一碟涼菜其實可以揀唔辣嘅！水準之作，土豆絲做到爽脆嘅質感。中辣食落去都幾開胃添～今次自己一個做孤獨美食家，試唔到好多菜式～ 畀個藉口自己下次再嚟啦！🔺晚市有加一服務費～

午飯時間同朋友一齊喺大圍站附近，見到有「十二味」，似乎係新開嘅分店，朋友同我都去過佢不同地區嘅餐廳，幾好食，咁冇乜考慮之下又再入去開餐😆叫咗$56嘅午市套餐「牛肉麻辣香鍋」，包一小碟黑木耳前菜、白飯、維他檸檬茶，再加$148嘅「飄香毛血旺」，兩個人share😁😋「牛肉麻辣香鍋」叫咗小辣，真係做到小小麻小小辣，啱我胃口😆；雖然係小辣但係都味道濃郁😋；牛肉幾軟熟，仲有多種配菜例如蓮藕片、薯仔片、芫荽、黑木耳、青菜，同埋份量唔少嘅紅辣椒，配料幾多😋，呢個 午市套餐 抵食😊「毛血旺」個碟好大，份量亦多，頗有氣勢😆，裏邊有豬大腸、牛柏葉、五餐肉、魷魚、鴨紅、豬皮、同埋超大量大豆芽菜➕紅辣椒，仲應該係落咗好多不同香料😋；而喺「紅辣椒海」中「打撈」出各種食物慢慢食，都幾好玩😆

大圍開咗新川菜，位置喺搵食市集。位置都幾方便一出大圍火車站過條馬路就到， 以前搵食市集有兩層，但之前上層搵食市集裝修，之後就開咗呢間十二味。一上樓梯嗰陣就聞到好香香辣味同花椒八角味，一路行一路期待可以嘗新。 大概六點半到，量完體溫之後就可以坐低唔使等位。 一坐低是侍應姐姐就話畀我知可以嘟QR code落單。主食有香鍋，分辣同唔辣可以配搭最少五款配菜， 我哋就揀咗蓮藕、雲耳、雞軟骨、魷魚同嫩牛肉。 除咗香鍋，仲有水煮魚、酸菜魚、辣子雞等等。味道方面，整體黎講因為唔食得辣，食黎食去都係麻同辣，比起麻辣派對差少少， 但係都好食嘅，下次會試下佢嘅酸菜魚。 最後附上cap圖菜單謝謝

望穿秋水，大圍終於出現有質數嘅川菜，疫情持續，年幾無北上食過辣野，今餐終於止到條癮。午餐幾十蚊好抵食必食「酸菜魚」魚肉一條骨都無，好嫩滑，仲有不同辣度選擇。「雞翼麻辣香鍋」香鍋好多配料．蓮藕片好爽口，仲有薯仔片．芹菜，辣得過癮...超惹味「乾煸四季豆」四季豆配埋肉碎一齊炒 好香，食完辣野，可以中和一下...正好耐無飲過加多寶，配返罐涼茶very nice...最驚喜係「凍柚子茶」大杯到呢...勁誇張，目測起碼有800ml😮Join埋VIP有折有優惠，以後可以成日嚟喇🤗

千呼万唤始出来‼️终于等来了装修太久等待太久了的“十二味”大围店的开业～（此处应该有音乐🎶～）作为职业干饭人…那不得第一时间就去打卡才对得起干饭魂啊哈哈～(不是开业当天的晚上（昨儿晚🤣…）我们一共是三个人，点了一份不辣的香锅底，（店家规定至少选择五样食品）然后配食点了田鸡、嫩牛肉、莴笋、鸡软骨以及豆皮，还点了一份经典的水煮鱼小辣（+宽粉），上菜的一刻真的惊呆我，盘子巨大无比🙊…香锅的盘子就还好，经典的内地那种大小，水煮鱼的那个盘子已经可以称之为“盆”了…真的毫不夸张🙊拍出来的照片可能看不太出来，实物其实真的大到可以完全把头埋下去还有很大空余…份量杠杠滴了！最后吃到扶墙还仍然剩了好多打包带走了～味道也是很地道了，肉类十分鲜嫩多汁，菜类也都口感适当鲜美入味～因为感觉hk很少能吃到很地道的川菜，所以有这么一家正宗好吃的连锁麻辣香锅店感觉很难得噢～