十二味 (和富)

营业中

休息中

星期六在北角買東西又到午飯時間 途經這間餐廳 想起很久沒有吃川菜午市套餐價格又相宜 大概$50~$60一份 已經包了免費飲品 酸梅湯又可加$5喝罐裝汽水我們就要了個酸菜魚 $68和水煮牛肉 $58落單時用手機數QR code進入的 非常方便快捷下單等了一會兒就上菜了首先奉上小吃和飲品酸菜魚份量夠大 很多魚肉和酸菜 挑起味蕾 酸酸甜甜的 吃得很滿足水煮牛肉一上菜嚇了一跳 因為真的放了很多辣椒 吃下去有點驚喜 沒有我想像中那麼辣 是很四川食的麻多過辣 吃得非常過癮 我們還叫了一個蔥油拌麵 簡單的食材加入了蔥油有畫龍點睛之效 香氣十足 這兒午市套餐還沒有加一 非常超值 值得中午來試呢！

呢間小編真係想重點推薦，味道水準餐廳裝修服務都水準之上，但建議大家記得google map炮台山和富中心商場，根本openrice地址真係搵唔到，仲差啲同朋友去咗人地屋苑入面，快啲睇下點解小編推薦啦。呢-燒椒皮蛋 💰48 7⃣黃金皮蛋出面真係好少餐廳會用，但小編真係超級鍾意！點解因為外觀晶瑩，但內裡係十分流質糖心，搭配埋剁碎青紅椒蓉一齊食，過癮真過癮-川式口水雞 💰68 8⃣雞嘅texture真心嫩滑，陪埋佢哋自己研發嘅醬汁清爽得嚟又麻香，呢個價位有咁嘅質素真係無乜可以彈，如果係我屋企樓下真係日日 網上外賣平台，-飄香毛血旺 💰138 7⃣毛肚、豆芽、薯粉等等啦每一款材料各有滋味，小編真係好想講句佢哋嘅薯粉好好味，索晒精華麻辣醬汁送飯一流。小編就最鍾意佢地嘅豬腸，好鬼爽口！-乾煸肥腸 💰98 7⃣花椒、青椒、紅椒份量真係好大方，真係嚇襯小編了，炸過嘅肥腸脆卜卜，食落去無想像中果種油膩感，最重要係清理得好乾淨。-紅糖糍粑 💰48 6⃣煙煙韌韌嘅糍粑，雖然好多foodie用外脆內軟，但事實真的如此。

鍾意食川菜，來到北角搵朋友食午餐，咁岩原來呢頭都有十二味呢間川菜餐廳，就帶朋友來食。十二味的午餐套餐十分抵食的，選個菜會有小菜同飯配上，還有一杯酸梅湯。我們兩人點了三個餐，一個係馳名的酸菜魚，一個係乾扁四季豆，還有田雞麻辣香鍋。三份菜式都大大碟，酸菜魚的味道做的十分正宗，魚肉份量夠，湯也可以直接喝也不會覺得太鹹。而麻辣香鍋也是十分出名的，今次選擇田雞，肉質也是香嫩肉厚，田雞十分肥美，加上小小麻辣十分野味，朋友都讚好好味三個餐埋單都不需要$200，十分划算，大家喜歡川菜的一定要來試下。

正呀，十二味開到嚟港島東區，以後去食嘢就方便好多啦！今次同囡囡嚟食lunch，餐廳新開張，門口仲擺咗好多花籃。依舊係q r code落單，我哋叫咗一個午市套餐，酸菜魚配前菜，白飯。本身套餐送一杯酸梅湯，但我加錢配荔枝玉露，因為呢個係囡囡每次來十二味嘅指定飲品 。另外仲配咗個蔥油拌麵，甜品有冰粉，同埋紅糖糍粑。酸菜魚叫咗唔辣，好鍾意份量夠多，入邊好多酸菜，酸咪咪好開胃。而且魚片好新鮮，數量都唔少，一定食得夠飽！魚夠嫩滑，食極都唔厭😋😋😋

好耐冇嚟過北角既和富啦，呢度比以前擴大咗好多，食物嘅款式都多咗好多，食店多咗空間大左選擇多咗！行行吓就比依一間吸引住，因為我本身就已經好鍾意食辣嘢，紅色嘅招牌，加上入邊咁有氣氛嘅環境，就決定食呢間！依家好多分店㗎，午市同埋晚市嘅時候都幾多人，呢度員工都好好，自助掃QR code下餐，如果唔識用，員工會主動幫忙！呢度嘅上菜速度好快，而且每一碟餸嘅份量都幾多，set lunch真係好抵食，當然都可以散嗌啦！我就要咗個水煮牛套餐，小辣，再加一個炒菜，另外仲要左杯大大杯既酸梅湯！水煮牛嘅份量比我想像中嘅多，而且好足料，牛肉嘅份量都幾多，而且厚度都適中，味道唔會過鹹，配埋白飯食真係一流㗎！一啖牛肉一啖飯，牛肉嘅香辣味好豐富，唔會淨係得個辣，有少少麻仲有香辣感覺！炒菜都好正，分量真係可以夠兩個人食㗎，唔會過鹹，而且椰菜花嘅數量幾多，佢有得選擇全素或者加少少腩肉，咁我當然要腩肉啦，出嚟嘅效果果然好香，鹹鹹香香撈飯食，真係冇得頂呀！依杯大大杯嘅檸檬酸梅湯，真係比相大好多㗎，絕對夠兩個人飲，而且好解渴，好過飲水啦！

之前有friend介紹, 話十二味嘅川菜幾好食 琴日大食妹就一於同朋友仔去咗北角食<酸菜魚午市套餐>酸菜魚味道偏酸雖然叫咗小辣, 但係食落都幾辣下 魚嘅份量唔多, 但有好多配菜, 好似係酸菜同埋菇菌, 配埋飯同飲品都幾飽肚<雞翼麻辣香鍋午市套餐>至於雞翼麻辣香鍋, 比起酸菜魚就惹味得多啦 雖然同樣係少辣, 但係佢嘅辣度明顯係更加出眾雖然雞翼唔係好多, 但係佢嘅 薯仔片、豆芽同埋黑木耳都好多可能係因為素食比較吸辣味, 呢份嘅麻辣香鍋真係好下飯<慾望酸梅>另外跟餐仲送咗慾望酸梅, 呢杯慾望酸梅味道就係一般嘅酸梅湯, 再加少少嘅桂花味, 飲落都幾特別但最重要嘅係, 佢可以解辣<小么兒冰粉>食咗呢間十二味之後, 大食妹先知道自己係咁唔食得辣㗎最後仲要嗌多杯冰粉解辣

係北角就搵到呢間十二味，係新開既分店。叫左口水雞，水煮牛同葱油拌麵。其實佢有午市套餐，所以口水雞係配餐嘅，連野飲好抵食。咁但係因為朋友唔想食飯，所以就水煮牛係散嗌，再加咗個蔥油拌麵。口水雞醃得好入味，辣但係雞既香果依然食得出！水煮牛落足料指天椒同花椒，麻麻辣辣咁非常啱我呢啲好辣既人餸飯。葱油拌麵味道啱啱好，又唔太多汁(個人好怕水浸) 本身已經拌好，唔怕一啖濃果一啖淡味。

店鋪位於炮台山和富中心商場內，差D搵錯路，建議搵餐廳時定位設定為和富中心商場。餐廳裝修有古色古香的感覺，加上鄰近有屋苑，價格都幾大眾化所以深受居民喜愛，留意到除左到店食有一定人數外，外賣的單都不少呢。每張檯的角位都會有個QR code印左係到，可以直接下單透過scan，方便之餘又有圖睇。🔷燒椒皮蛋 💰48 💙85/100皮蛋採用的是「黃金皮蛋」，內部流心，外部又晶凝通透，要左小辣，辣度麻得黎又咸辣，作為前菜不經不覺會食哂。🔷川式口水雞 💰68 💙85/100係一道幾有驚喜的口水雞，雞肉十分嫩滑而且雞件大細切到岩岩好，不會太大嚿。個川式醬汁亦同樣出色，咸咸辣辣的，撈飯食都好美味。🔷飄香毛血旺 💰138 💙85/100衝著個鴨血去點這一味，但原來材料係咁豐富，有毛肚、豆芽、薯粉、魷魚、豬腸等，食到非常滿足，味道偏重口味畢竟係麻辣的，好適合配埋飯一併食。🔷乾煸肥腸 💰98 💙75/100成碟菜會發現用左好多乾辣椒去炒，另外仲有花椒、青椒、紅椒等，肥腸有先炸過，十分脆口，食落會好似一串串豬大腸個口感，份量食下食下會發現原來有咁多的感覺。🔷紅糖糍粑 💰48 💙75/100糯米的口感所以煙煙韌韌的

十二味 (北角).⚜️秘製醬香鍋⚜️.唔太食得辣所以揀秘製醬香鍋，可以自行挑選你想食嘅配料，我哋揀咗台灣魚腐，雞軟骨，牛柏葉，娃娃菜同埋寬粉，全部都好索味幾好食(⁎⁍̴̛ᴗ⁍̴̛⁎).⚜️燒椒皮蛋⚜️.賣相非常之精緻，中間係一啲三色椒蓉，皮蛋帶有冰花紋！.⚜️蒜泥青瓜⚜️.永遠無得輸嘅涼拌小食，爽脆清新，必食！.⚜️酸辣木耳⚜️.木耳略嫌唔夠酸但我另外再加搵醋🤣但大致都係爽口，食落令人開胃！.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 十二味 (北角)北角和富道21-53號和富地下G20-21號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogger#hkgirl #foodporn #北角美食#十二味

十二味又開一間！今次係北角和富薈。店舖裝修同其他一脈相承，都係行中國風，都係枱面QR點菜，菜式亦差唔多，酸菜魚價錢就貴左少少，菜式亦無尖沙咀店咁多。酸辣木耳（$38）點左少辣少鹽，好欣賞呢度除左少辣仲可以減鹽，可以對心臟好啲。川式口水雞（$68）份量唔細，每件都好滑嫩，白切雞加上紅油。我點左少辣，味道對我唔多食辣嘅都幾啱。飲品就點左零度可樂（$15）。用紙質飲管，夠環保。紅糖糍粑（$48）呢個甜品係我最期待嘅，果然無失望！一條條好似糯米糍嘅長條，面頭炸得微脆，灑上紅糖，仲配楓糖漿，超美味！口感軟糯煙韌，味道甜甜，超鍾意！

現在香港開了很多四川菜館，之前在西環吃過十二味，那間應該是旗艦店，原來現在銅鑼灣、尖沙咀等都開了分店，連上次經過北角找到這家店。室內設計保持中國風，深啡木色系，還有中式屏風、熊貓毛公仔等等。水煮魚跟酸菜魚 川菜均是名物，兩者擇其一的話，我會選擇後者。一來喜歡酸菜魚那麻辣帶酸，而且酸菜乃是喜愛之一。加上在深圳吃過酸菜魚專門店，對那魚塊烹煮得如此滑溜、入味，十分難忘。所以我們點了人見人愛酸菜魚。鱸魚薄片，每片都連著魚皮，出色的是魚片非常滑溜，不會糊爛 ，味道毫不遜色。另一注目當然是酸菜，酸菜很掛湯，所以很入味，我最喜歡吃那莖部，較為爽口。整盤份量很多，滿滿的材料，味道層次豐富。泡椒、乾辣椒也有多條，而且這些泡椒是越浸越辣，刺激又開胃。兩個人分享都很飽肚，我們各人額外點了白飯配魚及酸菜吃，很滋味。

最近天氣熱成日都想食辣野但係因為最近打邊爐事件所以都唔太敢食火鍋啦於是就轉戰辣味鍋！🍲餐廳應該係四川菜嚟嘅 之前喺其他地方食過今次喺附近做尖經過所以忍唔住口又入咗去食啦🤤今次嚟到叫咗一個香辣味鍋 $38自己再揀幾種配料金錢肚美國肥牛🥩$52豬頸肉🐷$42寬粉🍝$28台灣魚腐$48上次都係食咗類似嘅嘢不過就叫咗六七樣配菜最尾兩個人食唔晒今次預啱啱好大概叫四五款配菜已經好夠飽因為每款配菜嘅份量都幾多其實我哋另外亦都配左白飯$12不過好可惜嘅係今次嚟到佢哋嘅熱情果梳打已經賣晒如果唔係都好推介大家嚟呢度試吓因為$38有大大杯大大杯 由於今次梳打賣晒但係辣野冇理由唔飲嘢㗎所以就叫咗可樂同埋荔枝玉露🥤總括嚟講呢間鋪頭食辣野唔錯次次食到舔舔脷值得回頭!

現在情況是這樣，來到這一家，尖沙咀店我銅鑼灣食神之前已經幫襯過，今次再嚟試吓，快快手手寫埋啦，一入門口服務員尚算親切，系統都好智能化，是電腦落單唔煩，肥腸是我最愛，一個人嚟食以上份量都幾好，伴麵味道啱啱好，夾個青瓜咁就冇咁油膩。北角區的清泉之一。我喜歡他們，點餐掃碼化適合我的生活模式，點餐系統唔老土，掃碼點餐後，就直接落單，簡便。最抵讚佢哋收Paywavie 等...電子付款系統，嘟一嘟就走得方便，勁方便。

天氣寒冷，最岩食返d辣野暖下個胃，四川菜就岩唒啦。鋪面好寬落，坐得好舒服。午餐十分抵食，五六十蚊已經有一大碟，好足料，仲送酸梅湯同白飯一碗。十分推薦大家中午黎食。本身今天係慕名以來打算食依到的招牌菜酸菜魚，但剛巧賣唒，就點了另外一道傳統川菜，水煮牛肉。濃烈純正的麻辣味，牛肉片係水煮的，令到牛肉的營養流失最少，而且吃起來牛肉嫩滑醇厚，美味的獨特享受。另外點了田雞麻辣香鍋，碟入面田雞份量適中，我點了微辣。所以麻香的感覺比較重。而配菜芽菜、淮山和蓮藕都好爽口，而且份量多，配白飯食認真一流。

今次一行三人一齊食十二味以前系天后店已經食開，好可惜無左一知北角開反就即刻去食果然都系咁正咁好食今次叫左酸菜魚，香辣鍋酸菜魚夠滑夠酸，辣度岩岩好，仲有配粉條食，吸晒啲酸湯超正，食極吾夠香辣鍋自己配料夠晒彈性，鍾意食咩就加咩，完全吾怕吾岩食，仲有成10幾款配料揀，總有一款岩你食店員又好好，入座前同我哋講果個位大風，叫我地坐另一枱。入座後又不斷加檸檬水俾我地，手機落單後仲有同我地對單。見到我哋其中一位吾系太食得就辣又會教我地下次可以點叫會好啲